Teokrasi Subɔsubɔ Suku Ƒe Numetoto
Míadzro biabia siwo gbɔna me le June 25, 2007, ƒe kwasiɖaa ƒe Teokrasi Subɔsubɔ Sukua me. Sukudzikpɔlaa akpɔ miniti 30 ƒe numetoto si wotu ɖe May 7 va se ɖe June 25, 2007, ƒe dɔdeasiwo dzi la dzi. [Mide Dzesii: Le biabia siwo yome womefia asi nyawo tsoƒe o la, ahiã be wò ŋutɔ nàwɔ wò numekuku be nàke ɖe ŋuɖoɖoawo ŋu.—Kpɔ Subɔsubɔ Suku gbalẽa, axa 36-7.]
NUƑOƑO ƑE NUDIDIWO
1. Ne míele nu ƒom la, nu kae míate ŋu awɔ be míavo le susu me, eye be míaƒe gbe me nakɔ ɖe edzi? [be-EW axa 184 mm. 3-185 mm. 2]
2. Aleke míawɔ ‘azu nu sia nu na amewo katã le míaƒe subɔsubɔdɔa wɔwɔ me? (Kor. I, 9:20-23) [be-EW axa 186 mm. 2-4]
3. Aleke míate ŋu asrɔ̃ kpɔɖeŋu si Yehowa ɖo le toɖoɖo amewo me? (Mose I, 18:23-33; Fia. I, 22:19-22) [be-EW axa 187 mm. 1-2, 5]
4. Mɔ nyui kawo dzie míato akpe ɖe amewo ŋu be woawɔ ŋgɔyiyi le gbɔgbɔ me? [be-EW axa 187 mm. 6–axa 188 mm. 3]
5. Nu ka tae wòle be míatsɔ ɖe le bubudede amewo ŋu me? [be-EW axa 190 mm. 3, kple aɖaka]
DƆDEASI GBÃTƆ
6. Nu ka tae wòle be míadze agbagba aɖo ame siwo míefiaa nui la ƒe dzi gbɔ? [be-EW axa 59 mm. 1]
7. Dɔ kae kpɔɖeŋu nyui si míeɖona la wɔna ɖe ame siwo míefiaa nui dzi? [be-EW axa 61 mm. 1]
8. Ale ke míawɔ be míagabi ɖe edzi le míaƒe dzeɖoɖowo me le mía ƒe me? [be-EW axa 62 mm. 3]
9. Dzonɔameme ka ƒomevie míede dzesii be nyagblɔɖila Yeremya ɖe fia dzideƒotɔe? [si axa 129 mm. 36]
10. Kakaɖedzinya kawoe le Konyifahawo ƒe agbalẽa me, eye aleke Mawu ƒe ʋɔnudɔdrɔ̃ ame vɔ̃ɖiwo vevie si ŋu wòƒo nu tsoe la ɖe vi na míi? [si axa 132 mm. 13]
KWASIÐA SIA KWASIÐA ƑE BIBLIA XEXLẼ
11. Le ɖekawɔwɔ me kple nu si me Yeremya to abe ale si woŋlɔe ɖe Yeremya 37:21 ene la, dzideƒo kae ate ŋu anɔ mía si?
12. Nu ka tae Barux gblɔ be Yehowa ‘tsɔ nuxaxa kpe ɖe yeƒe vevesese ŋu’ si wɔe be ‘nu ti kɔ na ye,’ eye alekee nye Barux ƒe nɔnɔme ɖe kuxia ŋu le gɔmedzedzea me? (Yer. 45:1-5)
13. Ɣekaɣie amewo megava nɔ Babilon kura o si na wòva zu “aƒedo kple gbegbe ɖikaa”? (Yer. 50:13)
14. Gbedodoɖa ŋuti gɔmeɖose ka mee kɔ na mí le Konyifahawo 3:8, 9, 42-45?
15. Nu kae tasiaɖam si ŋu woƒo nu tsoe le Xezekiel ta 1 la tsi tre ɖi na?