Do Dzi Va Se Ðe Nuwuwu

1. Mawu ƒe ŋugbedodowo

Tua míaƒe xɔse ɖo.

Nu si’o nèsrɔ̃na tso egbɔ

La katã nye nyateƒe.

Nɔ te sesĩe le xɔse me,

Mawu ƒe ŋkekea tu’aƒe.

Ðoe kplikpaa nàwɔ nuteƒe;

Dodokpɔ adzra wò ɖo.

2. Lé wò gbãlɔlɔ̃ la ɖ’asi,

Enu negatsi o.

Dodokpɔwo ava dziwò

Gake nàdo dzi sesĩe.

Ne nɔnɔmeawo sesẽ hãa,

Mègavɔ̃ amegbetɔ’o.

Mawu akpɔ etɔwo ta,

Magblẽ mí ɖi gbeɖe o.

3. Dzidodo se ɖe nuwuwu

Ana míakpɔ ɖeɖe.

Yehowa aŋlɔ míaƒe ŋkɔ

Ðe agbegbalẽ la me.

’Ya ta mègana ta kura o,

Dzidodo newu dɔa nu.

Wò nu adze Yehowa ŋu,

Dzidzɔ vavãtɔ nàkpɔ.