iTuvatuva ni Macawa e Tekivu ena
Macawa me Tekivu ena 13 June
Sere 198
10 min: Veika me kacivaki kei na kena e digitaki mai na Noda Cakacaka Vakaitalatala. Taurivaka na vakatutu ena tabana 8 (ke ganita na yalava) me vakatasuasuataki kina na soli ni Vale ni Vakatawa, 15 June, kei na Yadra!, Julai-Sepiteba. Rawa ni vakayagataki e so tale na iwalewale e ganita na yalava. Me dua e vakatasuasuataka na soli ni ivoladraudrau ena vunau tawalokuci.
15 min: Vukei Ira e So Tale Mera Dautukutuku Bera ni Papitaiso. Me dua na vosa ra vakaitavi tale ga na vakarorogo. Me nona itavi e dua na qase me yavutaki ena ivola iSoqosoqo e Cakava na Loma i Jiova, tabana 79-81. Veivosakitaka na ituvatuva ena rawata kina e dua e vuli iVolatabu na ivakatagedegede vakaivolatabu me vakaitavi kina ena cakacaka vakavunau ni ivavakoso. Eda na veivosakitaka ena macawa mai oqo na sala meda tuberi ira kina na vuli iVolatabu era sa rawata na ivakatagedegede mera vakaitavi ena cakacaka vakavunau e veivale.
20 min: “Na Cakacaka Vakavunau e Vukei Keda Meda Vosota.”a Ke levu na gauna, sureti ira na vakarorogo mera vakamacala ena tikinivolatabu e sega ni lavetaki.
Sere 149 kei na masu.
Macawa me Tekivu ena 20 June
Sere 206
10 min: Veika me kacivaki. Railesuva e so na tikina bibi ena Noda Cakacaka Vakaitalatala, Julai 2003, tabana 4. Vakamacalataka na sala era rawa ni taura kina na dautukutuku na ivola ena dua tale na vosa. Vakamacalataka na sala ena yaga kina ena yalava ni ivavakoso. Ke so era vinakata na ivola ena dua tale na vosa, ke mani dua ga na ivola, mera kerea ga vua e qarava na ivola, me rawa ni tauri kina vakatotolo na ivola e gadrevi.
15 min: E Kaukaua na Vosa ni Kalou. (Iper. 4:12) Na vosa e yavutaki ena Vale ni Vakatawa, 15 Noveba, 2003, tabana 11, parakaravu 13-17. Tukuna e so na vakasavuirogorogo e vakaraitaka ni ka e vulici ena iVolatabu e rawa ni veisautaka na bula ni tamata. (w-FN 1/1/00 t. 3-5) Uqeti ira kece mera vakayagataka vinaka na iVolatabu ena basoga kece ni cakacaka vakavunau.
20 min: “Na Ka me Caka Mera Toso Kina Noda Vuli iVolatabu—Wase 10.”b Okati kina e dua na vakatasuasua e vakaraitaka sara ga nodrau sa vakatovotovo tiko. Ni sa vakatasuasuataka tiko o gonevuli e dua na iwalewale, me itaukeinivale o qasenivuli, me qai taroga e dua na taro e dau tarogi vakalevu ena yalava, ke sa sega ni kila o gonevuli na ka me kaya, me vakamacalataka sara o qasenivuli na ka e rawa ni kaya. Me vakarautaki tu e liu e dua se rua na dautukutuku, me rau vakamacalataka na nodrau tuberi ena gauna erau se qai tekivu cakacaka vakavunau kina.
Sere 208 kei na masu.
Macawa me Tekivu ena 27 June
Sere 113
10 min: Veika me kacivaki. Vakadreti ira na dautukutuku mera solia na nodra ripote ni vula o June. Wilika na ripote ni akaude qai vakavinavinakataka na cau. Taurivaka na vakatutu ena tabana 8 (ke ganita na yalava), me vakatasuasuataki na soli ni Vale ni Vakatawa, 1 Julai. Rawa ni vakatasuasuataki e dua tale na iwalewale e ganita na yalava. Ni oti na vakatasuasua, tokaruataka na idola ni vosa i koya e vakatasuasua e uqeta na itaukeinivale.
15 min: Veika e gadrevi ena ivavakoso.
20 min: Soli na Brochure ena Julai kei na Okosita. Me dua na vosa ra vakaitavi tale ga na vakarorogo e yavutaki ena itoma. Vakamacalataka vakalekaleka na ivakavakayagataki ni itoma, vakamacalataka na kato ena tabana 3 vaka kina na tikina bibi ena Noda Cakacaka Vakaitalatala, Janueri 2005, tabana 6. Veivosakitaka na vakatutu e ganita ga na noda yalava ena kena soli na brochure ena imatai ni gauna eda vosa kina vei ira. Me rua se tolu na vakatasuasua. Me dua na vakatasuasua me vosa kina e dua na dautukutuku gone.
Sere 196 kei na masu.
Macawa me Tekivu ena 4 Julai
Sere 70
10 min: Veika me kacivaki.
15 min: Sa Tiko Beka Nomudou iTuvatuva Vakavuvale? Railesuva na vakatutu ena itoma ni Noda Cakacaka Vakaitalatala, Me 2005, qai sureti ira na vakarorogo mera vakamacalataka na sasaga era sa cakava mera muria kina na ka e vakaturi, kei na kena yaga vei ira.
20 min: “Me Laulau Noda Vunau ena Vanua Era Kune Vakalevu Kina na Tamata.”c Cakava na itavi oqo me ganita na noda dui yalava. Vakadreti ira na dautukutuku mera vakayagataka na fomu Please Follow Up (S-43) ke gadrevi.—Raica na Noda Cakacaka Vakaitalatala, Feperueri 2005, t. 6.
Sere 120 kei na masu.
[iVakamacala e ra]
a Me kua ni sivia na dua na miniti na ikau ni vosa, veitarotarogi sara.
b Me kua ni sivia na dua na miniti na ikau ni vosa, veitarotarogi sara.
c Me kua ni sivia na dua na miniti na ikau ni vosa, veitarotarogi sara.