Lalai

Lala ni afo. David nɔ.

101 Malá suɔmɔ ni tsakeee kɛ jalɛsaneyeli he lala.

Ao Yehowa, malá* yijiemɔ lalai mahã bo.

2 Mikɛ hiɛshikamɔ baafee minii, ni mahi shi bɔ ni sane ko baŋ mihe.*

Mɛɛ be obaaba miŋɔɔ?

Mikɛ tsui krɔŋŋ baanyiɛ+ yɛ mishĩa lɛ mli.

3 Mikɛ nɔ ko ni sɛɛnamɔ bɛ he* emaŋ mihiɛ.

Minyɛɔ mɛi ni gbaa afã kɛjeɔ nɔ ni ja he lɛ anifeemɔi;+

Mikɛ amɛ efeŋ nɔ ko nɔ ko.*

4 Tsui ni ekɔ̃dɔ̃ lɛ kɛ mi teŋ jekɛ;

Mináaa nɔ gbonyo he miishɛɛ.*

5 Mɔ fɛɛ mɔ ni wieɔ enaanyo he efɔŋ yɛ esɛɛ lɛ,*+

Mahã efee diŋŋ.*

Mɔ fɛɛ mɔ ni hiɛ henɔwomɔ hiŋmɛii kɛ henɔwomɔ tsui lɛ,

Mináaa ehe miishɛɛ.

6 Makwɛ anɔkwafoi ni yɔɔ shikpɔŋ lɛ nɔ lɛ ahiɛ,

Koni amɛkɛ mi ahi shi.

Mɔ ni nyiɛɔ ni sane ko bɛ ehe* lɛ baasɔmɔ mi.

7 Mɔ ko ni lakaa mɔ ehiŋ mishĩa lɛ mli,

Ni mɔ ko ni maleɔ damɔŋ mihiɛ.

8 Daa leebi lɛ, mahã mɛi fɔji ni yɔɔ shikpɔŋ lɛ nɔ lɛ afee diŋŋ,*

Koni mafolɔ efɔŋfeelɔi lɛ fɛɛ mashwie kɛje Yehowa maŋ lɛ mli.+