Ŋwɛikwɔɔ Lala. David nɔ.
124 “Eji Yehowa kɛ wɔ bɛ kulɛ”+
—Israel akɛɛ—
2 “Eji Yehowa kɛ wɔ bɛ kulɛ+
Be ni gbɔmɛi te shi amɛwo wɔ,+
3 Ni amɛmli wo la amɛwo wɔ lɛ,+
Amɛbaami wɔ hiɛkãalɔi.+
4 Kulɛ nui lɛ baaloo wɔ kɛya,
Fai lɛ baaha wɔnɔ.+
5 Kulɛ nui ni efee hamahama lɛ baaha wɔnɔ.
6 Ajie Yehowa yi,
Ejaakɛ ekɛ wɔ hãaa amɛ akɛ amɛnyanyɔji anaa loo.
7 Wɔtamɔ loofɔlɔ ni eye ehe
Kɛje gbɔbilɔ tsɔne mli;+
Tsɔne lɛ fite,
Ni wɔye wɔhe.+
8 Wɔnáa yelikɛbuamɔ kɛjɛɔ Yehowa,
Mɔ ni fee ŋwɛi kɛ shikpɔŋ lɛ gbɛ́i lɛ mli.”+