Lalai
71 Ao Yehowa, bo abo mibaa.
Kaahã mihiɛ shwie shi.+
2 Okɛ ojalɛ nifeemɔ lɛ ahere mi ni ojie mi.
Ba otoi shi ohã mi,* ni ohere mi.+
3 Tsɔ mɔɔ ni ma tɛsaa nɔ ohã mi
He ko ni manyɛ mabote be fɛɛ be.
Fã koni ahere mi,
Ejaakɛ bo ji mitɛsaa kɛ miteemɔhe.+
4 Ao mi-Nyɔŋmɔ, jiemɔ mi kɛje mɔ fɔŋ lɛ dɛŋ,+
Kɛje yiwalɔ ni yeɔ sane ni ejaaa lɛ dɛŋ.
6 Mikɛ mihe efɔ̃ onɔ kɛjɛ mifɔmɔ mli tɔ̃ɔ;
Bo ojie mi kɛje minyɛ musuŋ.+
Mijieɔ oyi be fɛɛ be.
7 Mitsɔ tamɔ naakpɛɛ nɔ ko yɛ mɛi babaoo ahiɛ,
Shi bo ji mibobaahe ni wa.
8 Oyijiemɔ eyi midaaŋ obɔ;+
Miwieɔ onunyam lɛ he gbi muu fɛɛ.
10 Mihenyɛlɔi lɛ wieɔ amɛshiɔ mi,
Ni mɛi ni taoɔ mi agbe* lɛ yaa miyi nɔ apam,+
11 Amɛkɛɔ akɛ: “Nyɔŋmɔ eshi lɛ.
Nyɛtiua lɛ ni nyɛmɔa lɛ, ejaakɛ mɔ ko mɔ ko bɛ ni baahere lɛ.”+
12 Ao Nyɔŋmɔ, okɛ mi teŋ akajekɛ.
Ao mi-Nyɔŋmɔ, feemɔ oya ni oye obua mi.+
Hã mɛi ni taoɔ mi efɔŋ lɛ,
Ahiɛ agboi ni amɛhiɛ ashwie shi.+
14 Shi mi lɛ, maya nɔ mamɛ;
Majie oyi babaoo fe tsutsu lɛ.
15 Minaabu baawie ojalɛ nifeemɔ lɛ he,+
Kɛ oyiwalaheremɔ nitsumɔi lɛ gbi muu fɛɛ,
16 Ao Nuŋtsɔ Ofe Yehowa,
Maba mabawie ohewalɛ nitsumɔi lɛ ahe;
Matsĩ ojalɛ nifeemɔi lɛ atã, bo pɛ onɔ lɛ.
17 Ao Nyɔŋmɔ, otsɔɔ mi nii kɛjɛ miblahiiaŋ,*+
Ni mitee nɔ mijaje onaakpɛɛ nitsumɔi lɛ kɛbashi bianɛ.+
18 Ao Nyɔŋmɔ, kɛ́ migbɔ ni mije waŋ po lɛ, kaakwa mi.+
Hã magba yinɔ ni baaba lɛ ohewalɛ* lɛ he sane
Kɛ ohewalɛ nitsumɔi lɛ hu matsɔɔ mɛi fɛɛ ni baaba yɛ sɛɛ lɛ.+
20 Eyɛ mli akɛ ohã mihao ni mina nɔ waa moŋ,+
Shi wajemɔ mi ekoŋŋ;
21 Hã migbojee lɛ ada
Ni obɔle mi ni oshɛje mimii.
22 Kɛkɛ lɛ, matswa kpãa saŋku kɛjie oyi
Yɛ onɔkwayeli lɛ hewɔ, Ao mi-Nyɔŋmɔ.+
Malá ni matswa saŋku* kɛjie oyi,
Ao Israel Mɔ Krɔŋkrɔŋ.