Yona
2 Kɛkɛ ni Yona sɔle etsɛ Yehowa, e-Nyɔŋmɔ lɛ, kɛjɛ ŋshɔŋ loo lɛ musuŋ,+ 2 ni ekɛɛ:
“Mibolɔ mitsɛ Yehowa yɛ mihaomɔ lɛ mli, ni ehã mi hetoo.+
Mibolɔ kɛjɛ Gbonyobu* lɛ shishi* tɔ̃ɔ kɛhã yelikɛbuamɔ.+
Onu migbee.
3 Be ni oshɛ mi ofɔ̃ bui ni mli kwɔlɔ lɛ amli, yɛ ŋshɔ lɛ teŋ lɛ,
Kɛkɛ ni nui babaoo lɛ ha minɔ.+
Oshɔkei wuji* kɛ bibii lɛ fɛɛ kumɔ shwie minɔ.+
4 Ni mikɛɛ, ‘Ashwie mi kɛje ohiɛ!
Te mafee tɛŋŋ makwɛ osɔlemɔ shĩa krɔŋkrɔŋ lɛ ekoŋŋ lɛ?’
Ŋshɔŋ jwɛi* bala miyitso he.
6 Mikpeleke shi kɛtee gɔji lɛ ashishi tɔ̃ɔ.
Shikpɔŋ lɛ agbói lɛ asɛɛ adabaŋi* lɛ miiŋa miyi kɛmiiya naanɔ.
Shi, Yehowa, mi-Nyɔŋmɔ, ojie miwala kɛje bu lɛ mli.+
7 Be ni miwala* heɔ aŋmɛɛ mi lɛ, Yehowa ji mɔ ni mikai.+
Kɛkɛ ni misɔlemɔ lɛ bashɛ oŋɔɔ, ebashɛ osɔlemɔ shĩa krɔŋkrɔŋ lɛ.+
8 Mɛi ni jáa amagai ni he bɛ sɛɛnamɔ ko lɛ ekwa mɔ ni jieɔ suɔmɔ ni tsakeee kpo etsɔɔ amɛ lɛ.*
9 Shi mi lɛ, mikɛ shidaa gbee baashã afɔle mahã bo.
Shi ni miwo lɛ, maye nɔ.+
Yiwalaheremɔ jɛɔ Yehowa ŋɔɔ.”+
10 Sɛɛ mli lɛ, Yehowa fã ŋshɔŋ loo lɛ, ni eyashwe Yona eŋmɛ shikpɔŋ gbiŋ nɔ.