13 Kɛkɛ ni Samuel kɛɛ Saul akɛ: “Oye kwashiai asane. Oyeko kitã ni Yehowa, o-Nyɔŋmɔ lɛ wo bo lɛ nɔ.+ Eji oye nɔ kulɛ, Yehowa baahã omaŋtsɛyeli lɛ ama shi shiŋŋ yɛ Israel kɛya naanɔ. 14 Shi amrɔ nɛɛ omaŋtsɛyeli lɛ damɔŋ shi.+ Yehowa baatao etsuinaa nuu,+ ni Yehowa baahã enyiɛ emaŋbii lɛ ahiɛ,+ ejaakɛ oyeee kitã ni Yehowa wo bo lɛ nɔ.”+

27 Be ni Samuel tsɔ ehe ni ebaaya lɛ, Saul mɔ Samuel atade ni nine bɛ he lɛ naamuu lɛ mli, shi etse. 28 Kɛkɛ ni Samuel kɛɛ lɛ akɛ: “Yehowa etse Israel maŋtsɛyeli lɛ kɛje ohe ŋmɛnɛ, ni ekɛbaahã onyɛmi gbɔmɔ ni hi fe bo.+

16 Sɛɛ mli lɛ, Yehowa kɛɛ Samuel akɛ: “Obaaye Saul he awerɛho kɛyashi mɛɛ be,+ be mli ni mikwa lɛ maŋtsɛ lɛ yeli yɛ Israel?+ Okɛ mu awo okolonto lɛ mli+ ni oya. Matsu bo Yishai,+ Betlehemnyo lɛ ŋɔɔ, ejaakɛ mihala maŋtsɛ yɛ ebihii lɛ ateŋ mihã mihe.”+

12 No hewɔ lɛ, etsu ni ayatsɛ lɛ, ni ekɛ lɛ ba. Etsuɔ, ni ehiŋmɛii yɛ fɛo ni ehe hu yɛ fɛo.+ Kɛkɛ ni Yehowa kɛɛ akɛ: “Tee shi, fɔɔ lɛ mu, ejaakɛ lɛ nɛ!”+