Habakuk
1 Sane ni gbalɔ Habakuk* nine shɛ nɔ yɛ ninaa mli nɛ:
2 Ao, Yehowa, mɛɛ beyinɔ nɔŋŋ mabolɔ kɛhã yelikɛbuamɔ kɛyashi, ni oboŋ mi toi?+
Mɛɛ beyinɔ nɔŋŋ mabi ni ojie mi kɛje yiwalɛ mli kɛyashi, ni otsuŋ he nii?*+
3 Mɛni hewɔ ohãa minaa nɔfɔŋfeemɔ?
Ni mɛni hewɔ oŋmɛɔ gbɛ ni yiwaa yaa nɔ?
Mɛni hewɔ hiɛkpatamɔ kɛ yiwalɛ yɔɔ mihiɛ?
Ni mɛni hewɔ béi kɛ naataamɔ efa nɛkɛ?
4 No hewɔ lɛ, mla tsuuu nii,
Ni ayeee jalɛ sane kwrakwra.
Ejaakɛ mɛi fɔji bɔleɔ jalɔi kɛkpeɔ;
No hewɔ ni ayeee jalɛ sane lɛ.+
5 “Nyɛkwɛa jeŋmaji lɛ ateŋ, ní nyɛboa toi jogbaŋŋ!
Nyɛkwɛa, ní nyɛnaa akpɛa nyɛhe, ní nyɛhe hu ajɔ̃a nyɛhe;
Ejaakɛ nɔ ko baaba yɛ nyɛgbii lɛ amli
Ni kɛji agba nyɛ tete po lɛ, nyɛheŋ nyɛyeŋ.+
Amɛfãa kɛyakpaa shikpɔji ni lɛɛlɛi anɔ
Ni amɛshɔ̃ɔ shĩai ni jeee amɛnɔ.+
7 Amɛhe yɛ gbeyei, ni amɛhãa ŋmiŋmi mɔɔ mɔ.
Amɛwoɔ amɛ diɛŋtsɛ amɛmla yɛ jalɛ sane kɛ nɔyeli* he.+
Amɛtayaa okpɔŋɔi lɛ joɔ foi;
Amɛkpɔŋɔi lɛ jɛɔ shɔŋŋ kɛbaa.
Amɛkpelekeɔ shi oya tamɔ okropɔŋ ni miiye oyai eyaye nɔ ko.+
9 Amɛ fɛɛ amɛbaa yɛ yiwalɛ hewɔ.+
Kɛji abua amɛhiɛi anaa lɛ, etamɔ bokã kɔɔyɔɔ,+
Ni amɛloɔ nomii tamɔ shia.
Amɛŋmɔɔ he fɛɛ he ni atswa gbogbo awo he;+
Amɛbuaa sũ naa tamɔ gɔŋ, ni amɛkɛŋɔɔ he nɛɛ.
12 Ao, Yehowa, ani obɛ kɛjɛ naanɔ?+
Ao, mi-Nyɔŋmɔ, mi-Mɔ Krɔŋkrɔŋ, ogbooo.*+
Belɛ, mɛni hewɔ ni oŋmɛɔ mɛi ni yeee anɔkwa lɛ gbɛ,+
Ni ofeɔ diŋŋ kɛji mɔ fɔŋ mi mɔ ko ni ja fe lɛ lɛ?+
14 Mɛni hewɔ ohãa gbɔmɛi tsɔɔ tamɔ ŋshɔŋ loi,
Tamɔ nibii ni wamɔɔ ní bɛ nɔyelɔ lɛ?
15 Ekɛ* kpoŋ shaa enɛɛmɛi fɛɛ.
Eduɔ amɛ yɛ eyaa* mli,
Ni ebuaa amɛnaa yɛ ewuoyaa yaa mli.
No hewɔ ni emli filiɔ lɛ waa lɛ.+
16 No hewɔ ni eshãa afɔlei ehãa eyaa* lɛ,
Ni eshãa afɔlei* ehãa ewuoyaa yaa lɛ;
Ejaakɛ nomɛi hãa egbɛfaŋnɔ lɛ feɔ pɔtsii,*
Ni eniyenii feɔ niyenii kpakpa.
17 Ani no hewɔ lɛ ebaakã he ejie eyaa* lɛ mli nii?*
Ani ebaaya nɔ egbegbee jeŋmaji lɛ ní emusuŋ etsɔɔɔ lɛ?+