Mika

5 “Agbɛnɛ oofolɔ ohe kakla,

Bo biyoo ní abatutua bo;

Awo wɔhe ka.+

 2 Ni bo Betlehem Efrata,+

Bo mɔ ni odaaa kwraa bɔ ni aaabu bo afata Yuda akpei abɔ* lɛ ahe,

Bo omli mɔ ni baafee nɔyelɔ yɛ Israel lɛ baajɛ aba ahã mi,+

Mɔ ni eshishijee jɛ blema tɔ̃ɔ, kɛjɛ teteete lɛ.

 3 No hewɔ lɛ, ebaaŋɔ amɛ ehã

Kɛyashi beyinɔ ni yoo ni baafɔ lɛ baafɔ.

 4 Ebaate shi ní ekwɛ toi lɛ yɛ Yehowa hewalɛ naa,+

Yɛ Yehowa, e-Nyɔŋmɔ lɛ, gbɛ́i lɛ agbojee lɛ mli.

Ni amɛbaahi shi shweshweeshwe,+

Ejaakɛ egbojee lɛ baayashɛ shikpɔŋ lɛ naagbeehei lɛ agbɛnɛ.+

Kɛ́ Asirianyo lɛ ba wɔshikpɔŋ lɛ nɔ, ni ebanyiɛ wɔmɔji ni atswa gbogboi awo amɛhe lɛ anɔ lɛ,+

Wɔbaatee tookwɛlɔi kpawo, hɛɛ, gbɔmɛi ateŋ lumɛi* kpaanyɔ shi wɔwo lɛ.

 6 Amɛbaawó klante nɔ amɛshi Asiria shikpɔŋ lɛ,*+

Kɛ Nimrod+ shikpɔŋ lɛ hu yɛ egbói lɛ anaa.

Ni kɛ́ Asirianyo lɛ ba wɔshikpɔŋ lɛ nɔ, ni ebanyiɛ wɔshikpɔŋ lɛ nɔ lɛ,

Ebaahere wɔ kɛje edɛŋ.+

 7 Yakob mɛi ni eshwɛ lɛ baahi majimaji babaoo ateŋ

Tamɔ bɔ́ ni jɛ Yehowa ŋɔɔ,

Tamɔ nugbɔ ni nɛɔ shwieɔ kwɛ̃ɛ nii anɔ

Ní kɛ ehiɛ efɔ̃ɔɔ gbɔmɔ nɔ,

Ní emɛɛɛ gbɔmɛi abii hu lɛ.

 8 Yakob mɛi ni eshwɛ lɛ baahi jeŋmaji lɛ ateŋ,

Yɛ majimaji babaoo ateŋ,

Tamɔ jata yɛ koo mli kooloi ateŋ,

Tamɔ jata* yɛ gwantɛŋkui ateŋ,

Ní tsɔɔ amɛteŋ kɛhoɔ, ní etsɛ̃ɔ kɛyaa amɛnɔ, ní etserɛɔ amɛmli dukuduku;

Ni mɔ ko mɔ ko bɛ ni baajie amɛ.

 9 Obaawó onine nɔ yɛ ohenyɛlɔi lɛ anɔ,

Ni ohenyɛlɔi lɛ fɛɛ ahiɛ baakpãtã.”

10 “Nakai gbi lɛ nɔ lɛ,” Yehowa kɛɛ,

“Makpãtã okpɔŋɔi lɛ ahiɛ kɛaaje oteŋ, ni mafite oshwiilii lɛ.

11 “Makpãtã oshikpɔŋ lɛ nɔ maji lɛ ahiɛ,

Ni makumɔ ohei ní atswa gbogboi awo amɛhe lɛ fɛɛ.

12 Mafo ŋkunyaa ni oyeɔ lɛ sɛɛ,*

Ni eshwɛŋ mɔ ko mɔ ko yɛ oteŋ ni feɔ majik.+

13 Makpãtã omagai kɛ owɔŋ tɛi lɛ ahiɛ kɛaaje oteŋ,

Ni okulaŋ shi ohãŋ oninenaa nitsumɔ lɛ dɔŋŋ.+

14 Mafamɔ owɔŋ tsei*+ lɛ kɛaaje oteŋ,

Ni makpãtã omaji lɛ ahiɛ.

15 Mikɛ mlifu kɛ mlila baatɔ owele

Yɛ jeŋmaji ni booo toi lɛ anɔ.”