Zakaria
14 “Naa! Gbi ko miiba, ni ji Yehowa gbi, be ni abaaja omli* ta mli nii lɛ yɛ omli. 2 Mabua jeŋmaji lɛ fɛɛ anaa ní amɛte shi amɛshi Yerusalem kɛhã ta lɛ; ni abaaŋɔ maŋ lɛ, ni abaaha shĩai lɛ amli nii, ni abaato yei lɛ kabonaa. Ni abaaŋɔ maŋ lɛ mlijaa fã nom, shi maŋbii lɛ ateŋ mɛi ni baashwɛ lɛ, afolɔŋ amɛ ashwieŋ kɛjeŋ maŋ lɛ mli.
3 “Yehowa baaje kpo ní ekɛ nakai jeŋmaji lɛ ayawu+ tamɔ bɔ ni ewu yɛ ta gbi lɛ nɔ lɛ.+ 4 Nakai gbi lɛ nɔ lɛ, enaji baamamɔ Oliv Gɔŋ+ lɛ ni yɔɔ Yerusalem hiɛ, yɛ bokãgbɛ lɛ nɔ; ni Oliv Gɔŋ lɛ mli baagbá enyɔ, kɛjɛ bokã* kɛyashi anai,* ni jɔɔ kpeteŋkpele diɛŋtsɛ aaabakã teŋ; ni gɔŋ lɛ fã baatsi ehe kɛya kooyigbɛ, ni fã hu baatsi ehe kɛya wuoyigbɛ. 5 Nyɛbaajo foi kɛya migɔji lɛ ajɔɔ lɛ mli, ejaakɛ gɔji lɛ ajɔɔ lɛ baaya aahu kɛyashi Azel tɔ̃ɔ. Nyɛbaajo foi tamɔ bɔ ni nyɛjo foi yɛ shikpɔŋhosomɔ ni ba yɛ Yuda maŋtsɛ Uzia gbii lɛ amli lɛ hewɔ lɛ.+ Ni Yehowa, mi-Nyɔŋmɔ lɛ baaba, ni mɛi krɔŋkrɔŋi lɛ fɛɛ baafata ehe.+
6 “Nakai gbi lɛ nɔ lɛ, anunyam la ko kwraa kpɛŋ+—nibii baashɔ̃.* 7 Ni ebaatsɔ gbi kome ní ale no akɛ Yehowa gbi.+ Jeee jetsɛremɔ ni, ni jeee jenamɔ hu ni; ni gbɛkɛ mli lɛ, jeŋ baatse. 8 Nakai gbi lɛ nɔ lɛ, wala nui+ baaho kɛaajɛ Yerusalem,+ fã baaho kɛya bokãgbɛ ŋshɔ* lɛ naa gbɛ,+ ni fã hu baaho kɛya anaigbɛ ŋshɔ* lɛ naa gbɛ.+ Ebaaba yɛ latsa beiaŋ kɛ fɛ̃i beiaŋ. 9 Ni Yehowa baatsɔ Maŋtsɛ yɛ shikpɔŋ muu lɛ fɛɛ nɔ.+ Nakai gbi lɛ nɔ lɛ, Yehowa baafee ekome,+ kɛ egbɛ́i lɛ hu ekome.+
10 “Shikpɔŋ muu lɛ fɛɛ baatsɔ tamɔ Araba+ lɛ, kɛjɛ Geba+ kɛyashi Rimon,+ yɛ Yerusalem wuoyigbɛ lɛ; ni ebaate shi, ni mɛi baahi emli yɛ egbɛhe lɛ,+ kɛjɛ Benyamin Agbó+ lɛ naa aahu kɛtee he ni Klɛŋklɛŋ Agbó lɛ yɔɔ lɛ, aahu kɛyashi Koŋ Agbó lɛ naa, ni ebaajɛ Hananel Mɔɔ+ lɛ he aahu kɛyashi maŋtsɛ lɛ wainŋaa bui lɛ ahe. 11 Ni mɛi baahi emli; hiɛkpatamɔ he loomɔ ko baŋ dɔŋŋ,+ ni mɛi baahi shi shweshweeshwe yɛ Yerusalem.+
12 “Ni amanehulu ni Yehowa kɛbaaba majimaji fɛɛ ni kɛ Yerusalem wuɔ ta lɛ anɔ nɛ:+ Amɛheloo baakpɔtɔ be ni amɛdamɔ amɛnaji anɔ lolo, amɛhiŋmɛii baakpɔtɔ yɛ amɛhiŋmɛii lɛ fɔji lɛ amli, ni amɛlilɛii hu baakpɔtɔ yɛ amɛdaaŋ.
13 “Nakai gbi lɛ nɔ lɛ, Yehowa baahã basabasafeemɔ kpele aba amɛteŋ; ni mɔ fɛɛ mɔ baakpiti enaanyo nine, ni ebaawó enine nɔ yɛ enaanyo lɛ nine nɔ.*+ 14 Yuda hu kɛ ehe baawo ta ni yaa nɔ yɛ Yerusalem lɛ mli; ni abaabua jeŋmaji ni bɔle amɛ lɛ aninámɔ lɛ fɛɛ naa, shika tsuru kɛ jwiɛtɛi kɛ atadei babaoo diɛŋtsɛ.+
15 “Ni amanehulu ni tamɔ nakai amanehulu lɛ nɔŋŋ baaba okpɔŋɔi kɛ teji okpɔŋɔi* kɛ afukpɔŋɔi kɛ tejii kɛ lɛɛ kooloi fɛɛ ni yɔɔ nakai nsarai lɛ amli lɛ anɔ.
16 “Mɔ fɛɛ mɔ ni baashwɛ yɛ jeŋmaji ni batutua Yerusalem lɛ amli lɛ, daa afi lɛ, amɛbaakwɔ kɛya+ ní amɛyakoto* Maŋtsɛ lɛ, ni ji Yehowa, taiatsɛ lɛ,+ ní amɛyaye Agbai Agbi Jurɔ lɛ.+ 17 Shi kɛ́ shikpɔŋ lɛ nɔ wekui lɛ amli mɔ ko ekwɔɔɔ kɛyaaa Yerusalem ní eyakoto Maŋtsɛ lɛ, ni ji Yehowa, taiatsɛ lɛ, no lɛ, nugbɔ enɛŋ ehãŋ amɛ.+ 18 Ni kɛ́ Ejipt weku lɛ ekwɔɔɔ kɛbaaa, ni amɛboteee mli hu lɛ, no lɛ, nugbɔ enɛŋ ehãŋ amɛ. Shi moŋ, amanehulu ni Yehowa kɛbaaba jeŋmaji ni ekwɔɔɔ kɛbaaa ní amɛbaye Agbai Agbi Jurɔ lɛ anɔ lɛ nɔŋŋ eko ekɛbaaba amɛnɔ. 19 Enɛ baafee Ejipt esha lɛ kɛ jeŋmaji fɛɛ ni ekwɔɔɔ kɛbaaa ní amɛbaye Agbai Agbi Jurɔ lɛ ahe esha lɛ he toigbalamɔ.
20 “Nakai gbi lɛ nɔ lɛ, abaaŋma wiemɔi ni ji, ‘Krɔŋkrɔŋ ji Yehowa!’+ lɛ yɛ okpɔŋɔi lɛ aŋmɛji lɛ ahe. Ni kukwɛii*+ lɛ ni yɔɔ Yehowa shĩa lɛ baafee tamɔ tsɛnsii+ ni yɔɔ afɔleshaa latɛ lɛ hiɛ lɛ. 21 Ni kukwɛi* fɛɛ kukwɛi ni yɔɔ Yerusalem kɛ Yuda lɛ baafee krɔŋkrɔŋ, ni amɛbaatsɔ Yehowa, taiatsɛ lɛ nɔ, ni mɛi fɛɛ ni shãa afɔle lɛ baaba, ni amɛkɛ eko baahoo nii. Nakai gbi lɛ nɔ lɛ, Kanaannyo* ko ehiŋ Yehowa, taiatsɛ lɛ, shĩa lɛ dɔŋŋ.”+