Abɛi

 2 Eebolɔ yɛ hei ni kwɔlɔ+ lɛ anɔ yɛ gbɛjegbɛ lɛ he,

Edamɔ gbɛntai lɛ anɔ eebolɔ.

 3 Eeya nɔ eebolɔ+

Yɛ agbói ni atsɔɔ mli kɛboteɔ maŋ lɛ mli lɛ amasɛi,

Yɛ shinai lɛ anaa akɛ:

 4 “Miibolɔ miitsɛ nyɛ, nyɛ adesai;

Miiwó migbee nɔ miitsɛ mɔ fɛɛ mɔ.*

 5 Nyɛ mɛi ni nyɛbɛ niiashikpamɔ, nyɛkasea hiɛtɛ̃ɛ;+

Nyɛ kwashiai hu, nyɛnáa tsui ni nuɔ nii ashishi.*

 6 Nyɛboa toi, ejaakɛ miwiemɔi lɛ ahe miihia,

Mikɛ minaabu wieɔ wiemɔi ni ja;

 7 Ejaakɛ minaabu wieɔ anɔkwale kɛ gbee ni waaa,

Ni minaabu miihi efɔŋ.

 9 Fɛɛ mli kã shi faŋŋ kɛhã mɛi ni kɔɔ sane sɛɛ lɛ

Ni amɛja kɛhã mɛi ni ená nilee lɛ.

10 Nyɛmɔa mitsɔsemɔ lɛ moŋ mli fe jwiɛtɛi,

Kɛ nilee hu mli fe shika tsuru ni atsuu he jogbaŋŋ,+

11 Ejaakɛ hiɛshikamɔ hi fe ŋshɔŋ ojarawatɛi;*

Anyɛŋ akɛ nibii krokomɛi fɛɛ ni mɛi taoɔ lɛ eko eko ato he.

12 Mi, hiɛshikamɔ, mikɛ hiɛtɛ̃ɛ yɔɔ;

Miyɛ nilee, ni mijwɛŋɔ sane nɔ jogbaŋŋ.+

14 Miyɛ ŋaawoo kpakpa kɛ hiɛshikamɔ;+

Minɔ ji niiashishinumɔ+ kɛ hewalɛ.+

15 Maŋtsɛmɛi tsɔɔ minɔ amɛyeɔ nɔ,

Ni maŋ onukpai tsɔɔ minɔ amɛkɛ famɔ ni ja hãa.+

16 Lumɛi tsɔɔ minɔ amɛyeɔ nɔ,

Ni abladei tsɔɔ minɔ amɛkojoɔ yɛ jalɛ naa.

17 Misumɔɔ mɛi ni sumɔɔ mi lɛ,

Ni mɛi ni taoɔ misɛɛ gbɛ lɛ anine baashɛ minɔ.+

18 Miyɛ nii kɛ anunyam fɛɛ,

Ninámɔ ni sɛɛ tsɛɔ* kɛ jalɛ fɛɛ.

19 Miyibii lɛ hi fe shika tsuru, ehi fe shika tsuru ni atsuu he po,

Ni minibaa nii lɛ hi fe jwiɛtɛi ni atsuu he jogbaŋŋ.+

20 Minyiɛɔ yɛ jalɛ gbɛ nɔ,

Minyiɛɔ yɛ jalɛ kojomɔ gbɛi lɛ anɔ;*

21 Mihãa mɛi ni sumɔɔ mi lɛ gboshinii kpakpa,

Ni miwoɔ amɛnitoohei lɛ amli nii obɔbɔ.

22 Yehowa fee mi akɛ egbɛ lɛ shishijee,+

Nɔ ni efee klɛŋklɛŋ yɛ nibii ni efee yɛ blema lɛ ateŋ.+

23 Ato mishishi kɛjɛ blema bei lɛ amli tɔ̃ɔ,*+

Kɛjɛ shishijee kwraa dani ato shikpɔŋ lɛ shishi.+

24 Afɔ mi,* be ni nui ni mli kwɔlɔ lɛ bɛ lɛ,+

Be ni nuhiŋmɛii ni nu babaoo baa kɛjɛɔ mli lɛ bɛ lɛ.

25 Afɔ mi, dani akɛ gɔji lɛ mamɔ shi,

Dani akɛ gɔŋkpɔi lɛ mamɔ shi,

26 Be ni enáko efee shikpɔŋ lɛ kɛ enɔ ŋa lɛ

Aloo shikpɔŋ lɛ nɔ klɛŋklɛŋ sũ lɛ.

27 Be ni esaa ŋwɛi lɛ,+ no mli lɛ miyɛ jɛmɛ;

Miyɛ jɛmɛ be ni efo akrabatsa kokloo ewo nui lɛ ahe lɛ,+

28 Be ni eto atatui lɛ ashishi* yɛ ŋwɛi lɛ,

Be ni eto hei ni nui babaoo lɛ náa nu kɛjɛɔ lɛ* ashishi lɛ,

29 Be ni efã ŋshɔ lɛ

Akɛ emli nui lɛ akatɛke emla lɛ,+

Be ni eto shikpɔŋ lɛ faneshii lɛ ashishi lɛ,

30 No mli lɛ miyɛ emasɛi akɛ ŋaalɔ kpanaa.+

Enáa mihe miishɛɛ waa+ daa gbi;

Mimii shɛɔ mihe yɛ ehiɛ be fɛɛ be;+

31 Mimii shɛɔ mihe yɛ eshikpɔŋ lɛ hewɔ,

Ni mináa gbɔmɛi abii* ahe miishɛɛ waa.

32 Ni agbɛnɛ, mibii,* nyɛboa mi toi;

Ejaakɛ mɛi ni nyiɛɔ migbɛi lɛ anɔ lɛ yɛ miishɛɛ.

33 Nyɛboa tsɔsemɔ+ toi koni nyɛhiɛ akã shi,

Ni nyɛkakpoa tsɔsemɔ kɔkɔɔkɔ.

34 Mɔ ni boɔ mi toi lɛ yɛ miishɛɛ

Ejaakɛ ebaa mishinai lɛ anaa leebi mra* daa gbi,

Ejaakɛ ebadamɔɔ mishinaa tsei lɛ ahe emɛɔ;

35 Ejaakɛ mɔ ni nine shɛɔ minɔ lɛ, ebaaná wala,+

Ni ebaaná Yehowa hiɛ dromɔ.

36 Shi mɔ ni taooo misɛɛ gbɛ lɛ yeɔ lɛ diɛŋtsɛ ehe* awui,

Ni mɛi ni nyɛɔ mi lɛ sumɔɔ gbele.”+