Abɛi

 2 Ao mibinuu, mɛni esa akɛ mikɛɛ bo,

Ao mimusuŋbi, mɛni miwie,

Ao mishiwoi abi, mɛni miwie?+

 3 Okɛ ohewalɛ akahã yei,+

Ni kaanyiɛ gbɛi ni kpãtãa maŋtsɛmɛi ahiɛ lɛ hu anɔ.+

 4 Ao Lemuel, esaaa maŋtsɛmɛi,

Esaaa maŋtsɛmɛi akɛ amɛaanu wain

Aloo nɔyelɔi, akɛ amɛaabi akɛ, “Nɛgbɛ midãa lɛ yɔɔ?”+

 5 Koni amɛkanu ni amɛhiɛ kpa mla lɛ nɔ

Ni amɛtsɔ mɛi ni bɛ yelikɛbualɔ lɛ asaji ahiɛ amɛbumɔ shi.

 6 Okɛ dãa ni wa ahã mɛi ni hiɛ miikpãtã+ lɛ

Ni okɛ wain ahã mɛi ni werɛ eho amɛhe waa lɛ.*+

 7 Hã amɛnu ni amɛhiɛ akpa ohia ni amɛyeɔ lɛ nɔ;

Ni amɛkakai amɛnaagba lɛ dɔŋŋ.

 8 Wiemɔ ohã mɛi ni nyɛɛɛ awie lɛ;

Fã mɛi fɛɛ ni hiɛ miikpãtã lɛ ahe.+

 9 Wiemɔ ni okojo yɛ jalɛ naa;

Fã mɛi ni bɛ yelikɛbualɔ kɛ ohiafoi lɛ ahe.*+

11 Ewu heɔ lɛ eyeɔ kɛ etsui fɛɛ,

Ni nɔ ko ni jara wa ehiaaa ewu.

12 Yɛ ewala gbii fɛɛ amli lɛ,

Nibii kpakpai sɔŋŋ efeɔ ehãa ewu, jeee efɔŋ.

13 Etaoɔ kooloo hetsɔi kɛ klala;

Ekɛ eniji tsuɔ nii kɛ miishɛɛ.*+

14 Etamɔ jarayelɔ meelei,+

Ekɛ eniyenii jɛɔ shɔŋŋ kɛbaa.

15 Be ni je tsɛreko po lɛ, eteɔ shi,

Ehãa eshĩabii lɛ niyenii

Kɛ etsuji yei lɛ hu amɛgbɛfaŋnii.+

16 Ekɛ ejwɛŋmɔ yaa shikpɔŋ ko nɔ ni ehéɔ;

Ejɛɔ lɛ diɛŋtsɛ edeŋmegbomɔ mli* efeɔ wain ŋmɔ.

17 Esaa ehe etoɔ kɛhã nitsumɔ ni wa,*+

Ni ewajeɔ eniji amli.

18 Enaa akɛ sɛɛnamɔ miijɛ ejarayeli lɛ mli kɛmiiba;

Ekane gbooo nyɔɔŋ.

19 Ekɛ enine mɔɔ odonti mlijiemɔtso mli,

Ni ekɛ enine hiɛɔ akeke.*+

20 Egbɛɔ edɛŋ ehãa mɔ ni bɛ yelikɛbualɔ lɛ,

Ni ekpãa eniji amli ehãa ohiafo.+

21 Yɛ snoonɛmɔ beiaŋ lɛ, eyeee etsui yɛ eshĩabii lɛ ahewɔ,

Ejaakɛ eshĩabii lɛ fɛɛ woɔ atadei ni hãa amɛhe feɔ kulɔkulɔ.*

23 Ale ewu jogbaŋŋ yɛ maŋ lɛ agbói lɛ amli,+

He ni ekɛ shikpɔŋ lɛ nɔ onukpai lɛ taraa shi yɛ lɛ.

24 Ekɛ klala feɔ atadei* ni ehɔ̃ɔ

Ni ehɔ̃ɔ bɛlti* ehãa jarayelɔi.

25 Hewalɛ kɛ hiɛnyam ji atade ni ewoɔ,

Ni esheee nɔ ni baaba wɔsɛɛ lɛ gbeyei.*

26 Egbɛɔ edaaŋ yɛ hiɛshikamɔ mli;+

Mlihilɛ mla lɛ* kã elilɛi nɔ.

27 Ekwɛɔ eshĩabii lɛ ayaa kɛ baa jogbaŋŋ,

Ni eyeee anihao niyenii.+

28 Ebii lɛ teɔ shi ni amɛkɛɔ akɛ eyɛ miishɛɛ;

Ewu teɔ shi ni ejieɔ eyi.

29 Yei kpakpai* pii yɛ moŋ,

Shi bo lɛ, ofe amɛ fɛɛ.

30 Yoo ni he yɔɔ akɔnɔ lɛ, lakamɔ ni, ni hefɛo hu lɛ, esɛɛ etsɛɛɛ,*+

Shi yoo ni sheɔ Yehowa gbeyei lɛ, abaajie eyi.+

31 Nyɛjwerea lɛ yɛ nɔ ni efeɔ lɛ naa,*+

Ni nyɛhãa enitsumɔi lɛ ajiea eyi yɛ maŋ lɛ agbói lɛ amli.+