Lalai

2 Mɛni hewɔ jeŋmaji lɛ feɔ hoo,

Ni majimaji lɛ kpaŋɔ kpaŋmɔ ni sɛɛnamɔ bɛ he lɛ?*+

 2 Shikpɔŋ lɛ nɔ maŋtsɛmɛi lɛ ete shi edamɔ shi,

Nɔyelɔi lɛ efee ekome*+

Amɛte shi amɛwo Yehowa kɛ mɔ ni efɔ lɛ mu*+ lɛ.

 3 Amɛkɛɛ: “Nyɛhãa wɔtserɛa amɛgboklɛi lɛ yɛ wɔhe

Ni wɔjie amɛkpãi lɛ yɛ wɔhe!”

 4 Mɔ ni ta maŋtsɛ sɛi lɛ nɔ yɛ ŋwɛi lɛ baaŋmɔ;

Yehowa baaye amɛhe fɛo.

 5 Nakai be lɛ mli lɛ, ekɛ amɛ baawie yɛ emlifu lɛ naa

Ni gbeyei baamɔmɔ amɛ yɛ emlifu ni naa wa lɛ hewɔ,

 6 Ebaakɛɛ akɛ: “Mi, miwó mimaŋtsɛ+

Yɛ Zion,+ migɔŋ krɔŋkrɔŋ lɛ nɔ.”

 7 Mashiɛ nɔ ni Yehowa ekɛɛ lɛ;*

Ekɛɛ mi akɛ: “Mibi* ji bo;+

Ŋmɛnɛ lɛ, mitsɔ otsɛ.+

 8 Bi mi, ni mikɛ jeŋmaji lɛ baahã bo akɛ ogboshinii

Ni mikɛ shikpɔŋ muu* lɛ fɛɛ baahã bo akɛ ogbɛfaŋnɔ.+

 9 Okɛ dade maŋtsɛtso baakumɔ amɛ,+

Ni obaajwara amɛ dukuduku tamɔ gbɛ́.”+

10 No hewɔ lɛ, agbɛnɛ, nyɛ maŋtsɛmɛi, nyɛyoa nii asɛɛ;

Nyɛ shikpɔŋ lɛ nɔ kojolɔi, nyɛhãa ajajea nyɛ.*

11 Nyɛsɔmɔa Yehowa kɛ gbeyeishemɔ,

Nyɛmii ashɛa nyɛhe waa, shi nyɛkwɛa jogbaŋŋ.*

12 Nyɛkɛ woo ahãa bi lɛ,*+ kɛjeee nakai lɛ Nyɔŋmɔ mli baafu*

Ni abaakpãtã nyɛhiɛ yɛ gbɛ lɛ nɔ,+

Ejaakɛ Nyɔŋmɔ mlifu lɛ baa oya.