Abɛi

24 Ohiɛ akakɔ̃ gbɔmɛi fɔji anɔ,

Ni kaashwe akɛ okɛ amɛ baabɔ hu,+

 2 Ejaakɛ amɛtsui jwɛŋɔ yiwalɛ he,

Ni amɛnaabu wieɔ awuiyeli he.

 3 Hiɛshikamɔ akɛtswaa shĩa* amaa shi,+

Ni sanesɛɛkɔmɔ akɛhãa emaa shi shiŋŋ.

 4 Nilee akɛhãa emli tsũi lɛ yimɔɔ obɔbɔ

Kɛ jwetrii srɔtoi ni jara wa ni yɔɔ fɛo fɛɛ.+

 5 Hiɛshikalɔ lɛ, eyɛ hewalɛ,+

Ni nilee hãa gbɔmɔ náa hewalɛ babaoo.

 6 Okɛ ŋaawoo* kpakpa baawu ota lɛ,+

Ni kɛ́ ŋaawolɔi* pii yɛ lɛ, ayeɔ kunim.*+

 7 Buulu nyɛŋ aná anɔkwa hiɛshikamɔ;+

Ebɛ nɔ ko ni ebaakɛɛ yɛ maŋ lɛ agbó lɛ mli.

 8 Mɔ fɛɛ mɔ ni tsɔɔ ŋaa fɔŋ lɛ,

Abaatsɛ lɛ ŋaatsɔlɔ kpanaku.+

 9 Ŋaatsɔi ni jwɛŋmɔ bɛ mli* lɛ, esha ni,

Ni gbɔmɛi miihi buulu.*+

10 Kɛ́ onijiaŋ je wui yɛ haomɔ gbi nɔ lɛ,*

Ohewalɛ baaba shi.

11 Heremɔ mɛi ni akɛ amɛ miiya ni ayagbe amɛ lɛ,

Ni omɔ mɛi ni miididãa kɛmiiya he ni agbeɔ mɛi yɛ lɛ amli.+

12 Kɛ́ okɛɛ akɛ, “Naa, wɔleee enɛ” lɛ,

Ani mɔ ni taoɔ tsuii* amli lɛ kɔŋ sɛɛ?+

Anɔkwa, mɔ ni kwɛɔ bo* lɛ baale

Ni ebaato mɔ fɛɛ mɔ najiaŋ yɛ enitsumɔ naa.+

13 Mibi,* ye wo, ejaakɛ ehi;

Wo ni miitsere* lɛ, eŋɔɔ naabu naa.

Kɛ́ oná lɛ, ebaahi ehã bo wɔsɛɛ

Ni ohiɛnɔkamɔ lɛ efeŋ efolo.+

15 Kaawo jalɔ shĩa he ka tamɔ efɔŋfeelɔ feɔ lɛ;

Kaakpãtã he ni ejɔɔ ehe yɛ lɛ hiɛ.

16 Ejaakɛ jalɔ baanyɛ agbee shi shii kpawo, shi ebaate shi ekoŋŋ,+

Shi mɛi fɔji lɛ, sane fɔŋ baahã amɛnane atɔ̃tɔ.+

17 Kɛ́ ohenyɛlɔ gbee shi lɛ, kaaná miishɛɛ,

Ni kɛ́ enane tɔ̃tɔ lɛ, kaanya yɛ otsui mli;+

18 Kɛjeee nakai lɛ, Yehowa baana ni enáŋ he miishɛɛ,

Ni ebaajie emlifu lɛ yɛ enɔ.*+

19 Kaahã omli fu* yɛ efɔŋfeelɔi ahewɔ;

Ohiɛ akakɔ̃ mɛi fɔji anɔ,

20 Ejaakɛ efɔŋfeelɔ lɛ, ehiŋ hãŋ lɛ wɔsɛɛ;+

Abaagbe mɛi fɔji akane lɛ.+

Ni okɛ atuatselɔi* akabɔ,+

22 Ejaakɛ sane fɔŋ baaba amɛnɔ trukaa.+

25 Shi mɛi ni jajeɔ lɛ lɛ, ebaahi ehã amɛ;+

Abaajɔɔ amɛ kɛ nibii kpakpai.+

27 Too onitsumɔ he gbɛjianɔ yɛ agbó naa, ni osaa nibii fɛɛ oto yɛ ŋmɔ lɛ mli;

No sɛɛ lɛ, tswaa oshĩa* lɛ oma shi.

29 Kaakɛɛ akɛ: “Mafee lɛ tamɔ bɔ ni efee mi lɛ;

Mato lɛ nɔ ni efee mi lɛ najiaŋ.”+

30 Miyatsɔ anihaolɔ ŋmɔ he,+

Mɔ ni bɛ jwɛŋmɔ* lɛ wain ŋmɔ lɛ he.

31 Mina akɛ jwɛi etsa yɛ ŋmɔ lɛ mli fɛɛ;

Ŋmei eha shikpɔŋ lɛ nɔ fɛɛ,

Ni ehe tɛ gbogbo lɛ ekumɔ eshwie shi.+

32 Mikwɛ enɛ gãa ni mijwɛŋ he yɛ mitsui mli;

Mikwɛ, ni mikase nɔ ko yɛ mli akɛ:*

33 Ohiɛ mawɔ fioo, majie mihiŋmɛisɛɛ fioo,

Makota miniji majɔɔ mihe fioo,

34 Ni ohia baabanina bo tamɔ ojotswalɔ,

Ni ofimɔ lɛ baaba tamɔ nuu ni hiɛ tawuu nii.+