Zefania
2 Dani famɔ lɛ abɔi nitsumɔ,
Dani gbi lɛ aho tamɔ ŋmaa* he totoi* hoɔ lɛ,
Dani Yehowa mlifu ni naa wa lɛ aba nyɛnɔ,+
Dani Yehowa mlifu gbi lɛ aba nyɛnɔ,
3 Nyɛtaoa Yehowa sɛɛ gbɛ,+ nyɛ shikpɔŋ lɛ nɔ bii fɛɛ ni he jɔ,*
Ní nyɛyeɔ efamɔi ni ja lɛ anɔ.*
Nyɛtaoa jalɛ sɛɛ gbɛ, nyɛtaoa heshibaa sɛɛ gbɛ.
Ekolɛ akɛ nyɛ baatee yɛ Yehowa mlifu gbi lɛ nɔ.+
4 Ejaakɛ Gaza baatsɔ maŋ ní ashi afɔ̃ shi;
Ni Ashkelon baatsɔ amaŋfɔ.+
5 “Kpoo hã mɛi ni yɔɔ ŋshɔnaa lɛ, Keretibii amaŋ lɛ!+
Yehowa wiemɔ lɛ kɛ nyɛ ená.
Ao, Kanaan, Filistibii ashikpɔŋ, makpãtã ohiɛ
Bɔ ni eshwɛŋ omli bii lɛ ateŋ mɔ ko mɔ ko.
6 Ni ŋshɔnaa niiaŋ baatsɔ shikpɔji ni kooloi yeɔ nii yɛ nɔ,
Kɛ amɛnɔ nubui kɛhã tookwɛlɔi, kɛ tɛ tsũi kɛhã toi.
7 Ebaatsɔ Yuda shĩa lɛ mɛi ni eshwɛ lɛ akpokpaa;+
Jɛmɛ amɛbaaye nii yɛ.
Amɛbaabumɔ shi gbɛkɛ yɛ Ashkelon shĩai lɛ amli.
Ejaakɛ Yehowa, amɛ-Nyɔŋmɔ lɛ, baagbala ejwɛŋmɔ kɛba amɛnɔ,*
Ni ebaabua amɛteŋ mɛi ni aŋɔ amɛ nom lɛ anaa kɛku sɛɛ kɛba.”+
8 “Minu Moab ahorabɔɔ+ lɛ kɛ Amonbii lɛ ajɛmɔi lɛ,+
Mɛi ni wie amɛshi mimaŋ lɛ, ní amɛshwã akɛ amɛbaashɔ̃ mimaŋbii lɛ ashikpɔŋ lɛ.+
9 No hewɔ lɛ, gbii abɔ ni mihiɛ kã nɛɛ,” Yehowa, taiatsɛ lɛ, Israel Nyɔŋmɔ lɛ kɛɛ,
“Moab baatsɔ tamɔ Sodom nɔŋŋ,+
Ni Amonbii lɛ hu baatsɔ tamɔ Gomora,+
He ko ni jwɛi kɛ ehe ŋmei yɔɔ, he ko ni ŋoobu yɔɔ, kɛ shikpɔŋ ni akɛfeee nɔ ko kɛmiiya naanɔ.+
Mimaŋ lɛ mli mɛi ni eshwɛ lɛ baashɔ̃ amɛnibii,
Ni mimaŋ lɛ mli mɛi ni eshwɛ lɛ baashwie amɛ kɛje amɛshikpɔŋ lɛ nɔ.
10 Enɛ ji nɔ ni amɛbaaná yɛ amɛshwãa lɛ hewɔ,+
Ejaakɛ amɛwie amɛshi Yehowa, taiatsɛ lɛ maŋbii lɛ, ni amɛwó amɛhe nɔ yɛ amɛnɔ.
11 Yehowa he baafee gbeyei ehã amɛ;*
Ejaakɛ ebaakpãtã shikpɔŋ lɛ nɔ nyɔŋmɔi lɛ fɛɛ ahiɛ,*
Ni jeŋmaji lɛ aŋshɔkpɔi lɛ fɛɛ baakoto lɛ,*+
Amɛteŋ mɔ fɛɛ mɔ baajɛ he ni eyɔɔ efee nakai.
12 Nyɛ Etiopiabii hu, miklante lɛ baagbe nyɛ.+
13 Ebaakpã enine mli etsɔɔ kooyigbɛ, ni ebaakpãtã Asiria hiɛ,
Ni ebaahã Ninive atsɔ amaŋfɔ,+ ebaagbi tamɔ shia ŋa nɔ.
14 Koolookui baabumɔ shi yɛ emli, ŋa mli kooloi srɔtoi fɛɛ.*
Ŋa nɔ dɔkɔdɔkɔ kɛ kɔtɔkɔ fɛɛ baaye jenamɔ yɛ ekulashiŋi lɛ ayiteŋ akekerei lɛ ateŋ.
Gbee ko baalá yɛ samfɛlɛ mli.
Nibii ni akpãtã hiɛ baajwere shinaa shi kpoku lɛ nɔ;
Ejaakɛ ebaahã tseneduru ŋmoŋmoloi lɛ ahe akamɔ shi faŋŋ.
15 Maŋ ni wó ehe nɔ, ní hi shi shweshweeshwe,
Ní kɛɛ yɛ etsui mli akɛ, ‘Mi ni, ni misɛɛ lɛ, mɔ ko mɔ ko bɛ’ lɛ nɛ.
Kwɛ bɔ ni etsɔ nɔ ni hãa mɔ naa kpɛɔ ehe,
He ko ni ŋa mli kooloi baabumɔ shi yɛ!
Mɔ fɛɛ mɔ ni baatsɔ ehe kɛho lɛ baabo tsia* ni ebaahoso etswɛrɛ.”+