Mika
7 Kpoo hã mi! Mitamɔ mɔ ko
Ní be ni abua latsa beiaŋ aduawa naa
Ní aye kpɛkpɛo yɛ wain yibii kpamɔ sɛɛ lɛ,
Enáaa wain yibii kusha ko eye,
Mináaa mra mli agbami ni baa mitsine* lɛ eko.
Amɛ fɛɛ amɛwoɔ antɛo koni amɛshwie lá shi.+
Amɛteŋ mɔ fɛɛ mɔ kɛ yaa* gbɔbiɔ enyɛmi.
3 Amɛniji ahe esa kɛ efɔŋfeemɔ;+
Lumɔ lɛ biɔ nɔ ko,
Kojolɔ lɛ biɔ ni ajwere lɛ,+
Gbɔmɔ wulu lɛ hãa aleɔ nibii ni eshweɔ,*+
Ni amɛfeɔ ekome kɛtsuɔ he nii.*
4 Mɔ ni hi fe fɛɛ yɛ amɛteŋ lɛ tamɔ ŋmei,
Mɔ ni ja fe fɛɛ yɛ amɛteŋ lɛ, ŋmei afabaŋ po hi fe lɛ.
Obulɔi lɛ agbi kɛ gbi ni abaakojo bo lɛ baashɛ.+
Agbɛnɛ, amɛtsui baafã.+
Mɔ ni kãa omlishi po lɛ, kwɛmɔ jogbaŋŋ yɛ nɔ ni obaakɛɛ lɛ lɛ he.
6 Ejaakɛ binuu ebuuu epapa,
Biyoo teɔ shi woɔ emami,+
Ni ŋa teɔ shi woɔ eshaayoo;+
Mɔ diɛŋtsɛ shĩabii etsɔmɔ ehenyɛlɔi.+
7 Shi mi lɛ, maya nɔ makwɛ Yehowa gbɛ.+
Mato mitsui shi mamɛ* miyiwalaheremɔ Nyɔŋmɔ lɛ.+
Mi-Nyɔŋmɔ lɛ baabo mi toi.+
8 Mihenyɛlɔ,* kaanya yɛ nɔ ni eba minɔ lɛ hewɔ.
Migbee shi moŋ, shi mate shi;
Miyɛ duŋ mli moŋ, shi Yehowa baafee mila.
9 Matere Yehowa mlifu lɛ
—Ejaakɛ mifee esha mishi lɛ+—
Kɛyashi beyinɔ ni ebaatsu misane lɛ he nii, ní ebaaye jalɛ sane hu ehã mi.
Ebaajie mi kɛba la hiɛ;
Ni makwɛ ejalɛ lɛ.
10 Mihenyɛlɔ lɛ hu baana,
Ni yoo ni kɛɛ mi akɛ:
“Nɛgbɛ Yehowa, o-Nyɔŋmɔ lɛ yɔɔ?”+ lɛ hiɛ baagbo.
Mihiŋmɛii baakwɛ lɛ.
Agbɛnɛ, abaanaanaa enɔ tamɔ ŋmɔtɔ yɛ gbɛjegbɛi lɛ anɔ.
11 Ebaafee gbi ni akɛbaatswa otɛ gbogboi lɛ;
Nakai gbi lɛ nɔ lɛ, abaalɛɛ husu lɛ mli.*
12 Nakai gbi lɛ nɔ lɛ, amɛbaaba oŋɔɔ
Amɛaajɛ Asiria kɛ Ejipt maji lɛ anɔ tɔ̃ɔ,
Amɛaajɛ Ejipt aahu kɛyashi Faa* lɛ naa amɛba;
Amɛaajɛ ŋshɔnaa kɛyashi ŋshɔnaa, kɛ gɔŋ nɔ kɛyashi gɔŋ nɔ amɛba.+
13 Ni shikpɔŋ lɛ baatsɔ amaŋfɔ yɛ enɔ bii lɛ ahewɔ,
Yɛ nɔ ni amɛfee lɛ hewɔ.*
14 Okɛ otookpalamɔ tso lɛ akwɛ omaŋ lɛ, otoi ni ji ogboshinii lɛ,+
Mɔ ni ekome too ehi koo lɛ mli—yɛ aduawa ŋmɔ lɛ teŋ lɛ.
Hã amɛye nii yɛ Bashan kɛ Gilead,+ tamɔ eji yɛ blema gbii lɛ amli lɛ.
15 “Mahã ena naakpɛɛ nibii,
Tamɔ eba lɛ yɛ gbii ni oje Ejipt shikpɔŋ lɛ nɔ lɛ amli lɛ.+
16 Jeŋmaji baana, ni amɛhiɛ baagboi yɛ amɛhewalɛ lɛ fɛɛ sɛɛ.+
Amɛkɛ amɛniji baato amɛnaa;
Amɛbaamu toi.
17 Amɛbaalɛmɔ mulu tamɔ onufui;+
Amɛbaafamɔ kpo kɛbaajɛ amɛteemɔhei lɛ kɛ hekpokpomɔ, tamɔ kooloi ni wamɔɔ yɛ shikpɔŋ lɛ nɔ.
Amɛkɛ hekpokpomɔ baaba Yehowa, wɔ-Nyɔŋmɔ lɛ ŋɔɔ,
Ni amɛbaashe bo gbeyei.”+
18 Namɔ ji Nyɔŋmɔ tamɔ bo,
Ní kɛ tɔmɔ keɔ, ní kuɔ ehiɛ efɔ̃ɔ emaŋbii* lɛ ateŋ mɛi ni eshwɛ+ lɛ amlatɔmɔ nɔ?+
Ehiɛŋ emlifu lɛ mli kɛyaŋ naanɔ,
Ejaakɛ enyaa suɔmɔ ni tsakeee he.+
19 Ebaana wɔ mɔbɔ ekoŋŋ;+ ebaaye wɔtɔmɔi lɛ anɔ kunim.*
Obaashɛrɛ amɛhe eshai lɛ fɛɛ oshwie ŋshɔ lɛ shishi tɔ̃ɔ.+
20 Obaajie anɔkwayeli kpo otsɔɔ Yakob,
Kɛ suɔmɔ ni tsakeee kpo otsɔɔ Abraham,
Tamɔ bɔ ni okã wɔtsɛmɛi lɛ kitã kɛjɛ blema gbii lɛ amli lɛ.+