Lalai
Lala ni afo. Hejɔɔmɔ Gbi lala.
92 Ehi akɛ abaada Yehowa shi+
Ni alá kɛjie* ogbɛ́i lɛ yi, bo Mɔ Ni Nɔ Kwɔ Fe Fɛɛ,
2 Ni awie osuɔmɔ ni tsakeee+ lɛ he leebi
Kɛ onɔkwayeli lɛ hu he nyɔɔŋ,
3 Ni atswa kpãi nyɔŋma saŋku kɛ kpãi etɛ saŋku afata he,
Kɛ saŋku ni akɛtswaa lala ni ŋɔɔ.+
4 Ejaakɛ bo, Yehowa, ohã miná miishɛɛ yɛ onifeemɔi lɛ ahewɔ;
Miláa nyamɔ lala yɛ oninenaa nitsumɔi lɛ ahewɔ.
5 Ao Yehowa, onitsumɔi lɛ dara waa diɛŋtsɛ!+
Osusumɔi lɛ amli kwɔlɔ waa diɛŋtsɛ!+
6 Mɔ ni bɛ jwɛŋmɔ nyɛŋ ale enɛɛmɛi;
Ni buulu ko hu nyɛŋ anu enɛ shishi akɛ:+
7 Kɛ́ mɛi fɔji hole amɛhe nɔ tamɔ jwɛi*
Ni efɔŋfeelɔi fɛɛ shwere lɛ,
Amɛhiɛ ni abaakpãtã kɛya naanɔ lɛ hewɔ ni.+
8 Shi bo Yehowa, awó onɔ gojoo kɛmiiya naanɔ.
9 Ao Yehowa, kwɛmɔ ohenyɛlɔi lɛ ashigbeemɔ lɛ,
Kwɛmɔ bɔ ni ohenyɛlɔi lɛ ahiɛ baakpãtã lɛ;
Efɔŋfeelɔi lɛ fɛɛ baagbɛ ashwã.+
11 Mihiŋmɛii baana mihenyɛlɔi lɛ ashigbeemɔ lɛ;+
Mitoii baanu mɛi fɔji ni tutuaa mi lɛ ashigbeemɔ lɛ.
13 Aduɔ amɛ yɛ Yehowa shĩa lɛ;
Amɛwoɔ yibii yɛ wɔ-Nyɔŋmɔ lɛ kpoi lɛ anɔ.+
14 Amɛbaaya nɔ amɛwo yibii yɛ amɛgbɔlɛ beiaŋ po;*+
Amɛbaaya nɔ amɛná hewalɛ* ni amɛfee frɔ̃frɔ̃,+
15 Ni amɛjaje akɛ, Yehowa ja.
Lɛ ji mi-Tɛsaa,+ ni nɔ fɔŋ ko bɛ emli.