Biblia Mli Wolo ni Ji 61—2 Petro
Mɔ ni Ŋma: Petro
Heni Aŋma Yɛ: Babilon (?)
Be ni Aŋma Agbe Naa: Aaafee afi 64 Ŋ.B.
BENI Petro ŋma ewolo ni ji enyɔ lɛ, eyɔse akɛ etsɛŋ ni abaagbe lɛ. Ekɛ hehiamɔ shwe ni ekai enyɛmimɛi Kristofoi lɛ bɔ ni ehe hiaa ni amɛná anɔkwa nilee ní baaye ebua amɛ ni amɛnyɛ amɛfi shi yɛ amɛsɔɔmɔ nitsumɔ lɛ mli. Ani yiŋtoo ko yɛ ni baaha aje he ŋwane akɛ bɔfo Petro ji mɔ ni ŋma wolo ni ji enyɔ ni egbɛi kã nɔ lɛ? Wolo lɛ diɛŋtsɛ jieɔ ŋwanejeei ni baanyɛ ate shi yɛ mɔ ni ŋma lɛ he. Mɔ ni ŋma lɛ wie akɛ lɛ ji “Simon Petro, ni ji Yesu Kristo tsulɔ kɛ bɔfo lɛ.” (2 Pet. 1:1) Ewieɔ enɛ he akɛ “woji enyɔ sɔŋŋ miŋmaa nyɛ nɛɛ.” (3:1) Ewie ehe akɛ odasefonyo ni na Yesu Kristo su tsakemɔ lɛ, hegbɛ ni Petro, Yakobo kɛ Yohane fɛɛ na mli gbɛfaŋnɔ lɛ, ni ekɛ henumɔ fɛɛ ŋma nibii ni tee nɔ ni ena lɛ. (1:16-21) Etsĩ tã akɛ Yesu gba egbele lɛ he sane efɔ̃ shi.—2 Pet. 1:14; Yoh. 21:18, 19.
2 Shi kɛ̃lɛ, mɛi komɛi ni wieɔ shiɔ nii lɛ tsɔɔ akɛ srɔtofeemɔ yɛ gbɛ ni atsɔ nɔ aŋma woji enyɔ lɛ, ni akɛ no ji yiŋtoo hewɔ ni akɛɔ akɛ jeee Petro ni ŋma wolo ni ji enyɔ lɛ. Shi esaaa akɛ enɛ kɛ naagba ko baa, ejaakɛ saji ni awie he kɛ yiŋtoo ní akɛŋma lɛ yɛ srɔto. Kɛfata he lɛ, Petro ŋma eklɛŋklɛŋ wolo lɛ kɛtsɔ “wɔnyɛmi Silvano ni ji anɔkwafo” lɛ nɔ, ni kɛji akɛ ákɛ hegbɛ ko ha Silvano koni eŋmala wiemɔ lɛ no lɛ enɛ baanyɛ afee yiŋtoo hewɔ ni srɔtofeemɔ hi woji enyɔ lɛ amli lɛ ejaakɛ eeenyɛ efee akɛ Silvano naaa gbɛfaŋ nɔ yɛ wolo ni ji enyɔ lɛ ŋmaa mli. (1 Pet. 5:12) Aje bɔ ni efata Biblia mli woji lɛ ahe ŋwane kɛ jwɛŋmɔ akɛ “awieee he jogbaŋŋ akɛ Tsɛmɛi anii.” Shi kɛlɛ, taakɛ bɔ ni ekolɛ anaa yɛ wolo ni ji “Outstanding Early Catalogs of the Christian Greek Scriptures” lɛ mli lɛ, maŋ nɔyelii pii buɔ Petro Wolo ni Ji Enyɔ lɛ akɛ Biblia lɛ mli wolo dani Carthage Nɔyeli ni ji Etɛ lɛ ba.
3 Mɛɛ be aŋma Petro wolo ni ji enyɔ lɛ? Eeenyɛ eba akɛ aŋma yɛ aaafee afi 64 Ŋ.B. kɛjɛ Babilon aloo he ko ni bɛŋkɛ jɛmɛ niiaŋ beni aŋma klɛŋklɛŋ wolo lɛ sɛɛ nɔŋŋ, shi odase pɔtɛɛ ko bɛ titri lɛ yɛ nɔ ni kɔɔ heni aŋma yɛ lɛ he. Yɛ be mli ni aŋmaa wolo lɛ, no mli lɛ akɛ Paulo woji lɛ etee asafoi ni bɔle shi lɛ amli ni Petro le enɛ jogbaŋŋ, ni ebu amɛ akɛ nɔ ni ajɛ Nyɔŋmɔ mumɔŋ aŋma ní fata “ŋmalɛi ni eshwɛ” lɛ ahe. Petro ŋma ewolo ni ji enyɔ lɛ eyaha “mɛi ni nine eshɛ hemɔkɛyeli lɛ ni tamɔ wɔnɔ lɛ nɔŋŋ nɔ,” ní mɛi ni eŋma klɛŋklɛŋ wolo lɛ eyaha lɛ fata mɛi nɛɛ kɛ mɛi krokomɛi ní Petro shiɛ eha amɛ lɛ ahe. Taakɛ bɔ ni klɛŋklɛŋ wolo lɛ gbɛ eshwa he fɛɛ he lɛ, nakai nɔŋŋ hu eji yɛ ewolo ni ji enyɔ lɛ hu gbɛfaŋ.—2 Pet. 3:15, 16; 1:1; 3:1; 1 Pet. 1:1.
NƆ HEWƆ NI EHE YƆƆ SƐƐNAMƆ
8 Kwɛ bɔ ni anɔkwa nilee he hiaa ha! Petro diɛŋtsɛ kɛ wiemɔi ni kɔɔ anɔkwa nilee ní ená kɛjɛ Hebri Ŋmalɛi lɛ amli lɛ fata eniiamlitsɔɔmɔ lɛ he. Eye odase akɛ mumɔ krɔŋkrɔŋ lɛ mli ajɛ ni aŋma: “Ejaakɛ gbalɛ ko bako yɛ gbɔmɔ suɔmɔ naa pɛŋ, shi moŋ Mumɔ krɔŋkrɔŋ lɛ tsirɛɔ Nyɔŋmɔ gbɔmɛi krɔŋkrɔŋi lɛ ni amɛwieɔ.” Ema nɔ mi hu akɛ, “aŋɔ” Paulo nilee lɛ “aha lɛ.” (1:21; 3:15) Kɛ́ wɔsusu nɛkɛ Ŋmalɛi ni Nyɔŋmɔ tsɔ emumɔ lɛ nɔ eha aŋma lɛ ahe lɛ ní wɔmɔ anɔkwa nilee ni wɔna lɛ mli kpɛŋŋ lɛ wɔbaaná he sɛɛ waa. Kɛkɛ lɛ wɔfeŋ mɛi ni nɔ ko jeee wɔhe sane ko, tamɔ mɛi ni Petro tsɔɔ ákɛ amɛkɛɛ: “Bɔ ni nibii yɔɔ kɛjɛ jeŋbɔɔ shishijee mli lɛ, nakai nɔŋŋ amɛyɔɔ nɛɛ.” (3:4) Aloo ní wɔɔgbee apasa tsɔɔlɔi atsɔnei amli tamɔ mɛi ahe ni Petro wie yɛ ewolo lɛ yitso 2 lɛ mli lɛ. Shi moŋ, esa akɛ wɔyanɔ wɔsusu kaimɔi ni Petro kɛ Biblia ŋmalɔi krokomɛi kɛha wɔ lɛ ahe daa. Enɛ yeɔ ebua wɔ koni wɔkã he ‘wɔnane amɔ shi yɛ anɔkwale lɛ mli’ ni wɔkɛ tsuishitoo kɛ shiŋŋfeemɔ aha ‘wɔshwere yɛ wɔ-Nuŋtsɔ kɛ yiwalaherelɔ Yesu Kristo duromɔ kɛ nilee lɛ mli.’—1:12; 3:18.
9 Ákɛ yelikɛbuamɔ nɔ̃ ni haa ayaa hiɛ yɛ “Nyɔŋmɔ kɛ wɔ-Nuŋtsɔ Yesu Kristo he nilee lɛ gbɛfaŋ” lɛ, Petro wie bɔ ni mɔdɛŋbɔɔ babaoo he miihia koni anyɛ ajie Kristofoi asui ni etsĩ ta yɛ yitso 1 kukuji 5 kɛyashi 7 lɛ. Kɛkɛ ni, yɛ 1 kuku 8 lɛ, ekɛfata he akɛ: “Ejaakɛ kɛji nɛkɛ nii nɛɛ yɛ nyɛmli ni efa lɛ, ehaŋ nyɛfee hejɔ̃lɔi aloo mɛi ni wooo yibii yɛ wɔ-Nuŋtsɔ Yesu Kristo he nilee lɛ gbɛfaŋ.” Lɛɛlɛŋ enɛ ji hewalɛwoo ni nɔ bɛ koni ekanya wɔ akɛ Nyɔŋmɔ sɔɔlɔi ni yɔɔ nɛkɛ jaramɔ bei nɛɛ amli!—1:2.
10 Kwɛ bɔ ni ehe hiaa ni mɔ diɛŋtsɛ abɔ mɔdɛŋ ni epɛi emli ekwɛ koni ena nɔmimaa akɛ ekɛ Yehowa Nyɔŋmɔ “shiwooi kpele ni jara wa” lɛ mii ha! No hewɔ lɛ, beni Petro woɔ Kristofoi ni afɔ amɛmu lɛ ŋaa ni amɛha amɛhiɛ ahi Maŋtsɛyeli lɛ nɔ lɛ ekɛɛ akɛ: “Nyɛbɔa mɔdɛŋ ni nyɛwajea nyɛtsɛmɔ kɛ halamɔ lɛ; ejaakɛ, kɛ nyɛfee enɛ lɛ, nyɛtɛrɛŋ gbi ko gbi ko. Ejaakɛ nakai ni aaaŋmɛ nyɛ wɔ-Nuŋtsɔ kɛ yiwalaherelɔ Yesu Kristo naanɔ maŋtsɛyeli lɛ mli gbɛ aahu.” Kɛkɛ ni Petro gbala jwɛŋmɔ kɛtee agbojee ni Yesu yɔɔ yɛ Maŋtsɛyeli anunyam lɛ mli lɛ nɔ, ni eye esu tsakemɔ lɛ he odase yɛ ninaa mli, ni ekɛfata he akɛ: “Ama gbalɛ wiemɔ lɛ nɔ mi aha wɔ fe tsutsu lɛ.” Eji anɔkwale akɛ, gbalɛ fɛɛ gbalɛ ni kɔɔ Yehowa Maŋtsɛyeli lɛ agbojee lɛ he lɛ baaba mli lɛɛlɛŋ. No hewɔ lɛ, wɔkɛ nɔmimaa miiwie ekoŋŋ taakɛ bɔ ni Petro tsɛ́ wiemɔi ayisɛɛ kɛjɛ Yesaia gbalɛ lɛ mli akɛ: “Yɛ eshiwoo lɛ naa lɛ wɔmiikwɛ ŋwɛi hee kɛ shikpɔŋ hee ni jalɛ hiɔ mli lɛ gbɛ” lɛ.—2 Pet. 1:4, 10, 11, 19; 3:13; Yes. 65:17, 18.