NIKASEMƆ 13

Bɔ Ni Amale Jamɔ Fiteɔ Nyɔŋmɔ Gbɛ́i

Nɔ Ni Aprinti

Nyɔŋmɔ lɛ suɔmɔ ji lɛ, shi jamɔi ni kɛɔ akɛ amɛtsɔɔ nii ni amɛfeɔ nibii yɛ egbɛ́i mli lɛ efee nibii gbohii pii. Mɛni hewɔ eyɔɔ lɛ nakai? Sane lɛ kɛkɛ ji, amale jamɔi ji amɛ, ni amɛfiteɔ Nyɔŋmɔ gbɛ́i. Mɛɛ gbɛ nɔ amɛfiteɔ egbɛ́i lɛ? Te enuɔ he ehãa tɛŋŋ yɛ enɛ he? Ni mɛni ebaafee yɛ he?

**1. Mɛɛ gbɛ nɔ amale jamɔ tsɔɔ etsɔɔmɔi anɔ efiteɔ Nyɔŋmɔ gbɛ́i?**

Amale jamɔ kɛ “Nyɔŋmɔ he anɔkwale lɛ etsake amale.” (Romabii 1:25) Akɛ nɔkwɛmɔnɔ lɛ, jamɔi pii etsɔɔɔ amɛmli bii lɛ Nyɔŋmɔ gbɛ́i. Shi Biblia lɛ kɛɔ akɛ, esa akɛ atsɛ Nyɔŋmɔ gbɛ́i lɛ. (Romabii 10:13, 14) Jamɔŋ hiɛnyiɛlɔi komɛi kɛɔ akɛ, kɛ́ nɔ ko fɔŋ ba lɛ, eji Nyɔŋmɔ suɔmɔnaa nii. Shi enɛ jeee anɔkwale. Jeee Nyɔŋmɔ ji mɔ ni hãa nibii fɔji baa. (Kanemɔ Yakobo 1:13.) Dɔlɛ sane ji akɛ, amale tsɔɔmɔi ehã mɛi ená Nyɔŋmɔ he jwɛŋmɔ gbonyo.

**2. Mɛɛ gbɛ nɔ amale jamɔ tsɔɔ enifeemɔi anɔ efiteɔ Nyɔŋmɔ gbɛ́i?**

Amale jamɔŋ hiɛnyiɛlɔi kɛ mɛi yeee tamɔ Yehowa feɔ lɛ. Biblia lɛ kɛɔ akɛ, amɛhe “eshai lɛ efa kɛshɛ ŋwɛi tɔ̃ɔ.” (Kpojiemɔ 18:5) Jamɔŋ hiɛnyiɛlɔi kɛ amɛhe ewo pɔlitis mli, amɛfĩ tai asɛɛ, ni amɛhã agbe mɛi babaoo, ni amɛfee enɛ afii ohai abɔ. Amɛteŋ mɛi komɛi feɔ agboi anii, ni amɛheɔ shika yɛ amɛshishibii lɛ adɛŋ kɛfeɔ nakai. Nifeemɔi nɛɛ po tsɔɔ akɛ amɛleee Nyɔŋmɔ, aahu ni amɛbaadamɔ enajiaŋ amɛwie.—Kanemɔ 1 Yohane 4:8.

3. Te Nyɔŋmɔ nuɔ he ehãa tɛŋŋ yɛ amale jamɔ he?

Kɛ́ nibii ni afeɔ yɛ amale jamɔ mli lɛ woɔ omli la lɛ, kɛ́ okwɛ lɛ, te Yehowa hu nuɔ he ehãa tɛŋŋ? Esumɔɔ gbɔmɛi, shi emli efũ jamɔŋ hiɛnyiɛlɔi ni fiteɔ egbɛ́i lɛ, ni kɛ amɛshishibii lɛ yeee jogbaŋŋ lɛ. Ewo shi akɛ, ebaakpãtã amale jamɔ hiɛ ni “anaŋ lɛ kwraa dɔŋŋ.” (Kpojiemɔ 18:21) Etsɛŋ, Nyɔŋmɔ baakpãtã amale jamɔi fɛɛ ahiɛ.—Kpojiemɔ 18:8.

KASEMƆ PII OFATA HE

Obaana saji krokomɛi ni tsɔɔ bɔ ni Nyɔŋmɔ nuɔ he ehãa yɛ amale jamɔ he. Agbɛnɛ hu, obaana nibii krokomɛi ni amale jamɔ efee, kɛ nɔ hewɔ ni esaaa akɛ ohãa no jeɔ onijiaŋ wui ni okakase Yehowa he nii lɛ.

4. Jeee jamɔi fɛɛ Nyɔŋmɔ kpɛlɛɔ nɔ

Mɛi pii heɔ amɛyeɔ akɛ jamɔi tamɔ gbɛi srɔtoi ni atsɔɔ eko fɛɛ eko nɔ kɛyaa Nyɔŋmɔ ŋɔɔ. Shi, ani eji anɔkwale? Nyɛkanea Mateo 7:13, 14 lɛ, ni nyɛsusua sanebimɔ nɛɛ he:

Te Biblia lɛ wie gbɛ ni kɛmɔ yaa wala mli lɛ he ehã tɛŋŋ?

Jiemɔ VIDIO lɛ, ni nyɛsusua sanebimɔ ni nyiɛ sɛɛ nɛɛ he.

VIDIO: Ani Nyɔŋmɔ Kpɛlɛɔ Jamɔi Fɛɛ Nɔ?—Vidio Lɛ Fã Ko (3:22)

Ani Biblia lɛ kɛɔ akɛ ayɛ jamɔi pii ni Nyɔŋmɔ kpɛlɛɔ nɔ?

5. Amale jamɔ ejieee Nyɔŋmɔ suɔmɔ lɛ kpo

Jamɔŋ hiɛnyiɛlɔi lɛ efite Nyɔŋmɔ gbɛ́i yɛ gbɛi pii anɔ. Gbɛ kome ni ehiii kwraa ni amɛtsɔɔ nɔ amɛfeɔ nakai ji, ta ni amɛkɛ amɛhe woɔ mli lɛ. Bɔ ni afee ni ona enɛ he nɔkwɛmɔnɔ ko lɛ, jiemɔ VIDIO lɛ. No sɛɛ lɛ, nyɛsusua sanebimɔi ni nyiɛ sɛɛ nɛɛ ahe.

VIDIO: Nɔ Ni Sɔlemɔi Lɛ Fee Yɛ Jeŋ Ta Ni Ji Enyɔ Lɛ Mli (2:22)

Mɛni sɔlemɔi lɛ pii fee yɛ jeŋ ta ni ji enyɔ lɛ mli?
Te onuɔ he ohãa tɛŋŋ yɛ nɔ ni amɛfee lɛ he?

Nyɛkanea Yohane 13:34, 35 kɛ 17:16 lɛ. No sɛɛ lɛ, nyɛsusua sanebimɔi nɛɛ ahe:

Kɛ́ jamɔi lɛ kɛ amɛhe wo ta mli lɛ, kɛ́ okwɛ lɛ, te Yehowa nuɔ he ehãa tɛŋŋ?
Amale jamɔŋ hiɛnyiɛlɔi ehã afee nibii gbohii pii. Mɛɛ gbɛi anɔ ona akɛ, jamɔŋ hiɛnyiɛlɔi lɛ ejieee Nyɔŋmɔ suɔmɔ lɛ kpo?

Mfonirii ni ato naa: Sɔlemɔ tsu ko kɛ Asiabii ajamɔhe ko, kɛ mfonirii krokomɛi ni miitsɔɔ bɔ ni amale jamɔ efi tai asɛɛ yɛ afii ni eho lɛ amli. 1. Tai ni Kristofoi lɛ wuu amɛshi Muslimbii lɛ. 2. Klɛŋklɛŋ Jeŋ Ta. 3. Osɔfo ko miijɔɔ asraafonyo ko. 4. Osɔfo ko ni jɛ Afrika miiwo weku ko hewalɛ ni amɛkɛ weku kroko awu ta. 5. Japan asraafoi miija amɛmaŋtsɛ lɛ. — Amale jamɔ ejieee Nyɔŋmɔ suɔmɔ lɛ kpo

6. Nyɔŋmɔ miisumɔ ni ewa mɛi ni amɛshi amale jamɔ mli

Nyɛkanea Kpojiemɔ 18:4a lɛ, ni nyɛsusua sanebimɔ nɛɛ he:

Nyɔŋmɔ miisumɔ ni ewa mɛi ni amale jamɔ elaka amɛ lɛ, te no hãa onuɔ he ohãa tɛŋŋ?

7. Yaa nɔ okase anɔkwa Nyɔŋmɔ lɛ he nii

Ani esa akɛ nibii gbohii ni afeɔ yɛ amale jamɔ mli lɛ ahã oná Nyɔŋmɔ he jwɛŋmɔ gbonyo? Ŋɔɔ lɛ akɛ, papa ko wo ebinuu ko ŋaa ni nilee yɔɔ mli, shi ebooo lɛ toi. Ebinuu lɛ shi shĩa, ni eyafee nibii gbohii. Papa lɛ nyaaa ebinuu lɛ nifeemɔi lɛ ahe. Mɛni hewɔ esaaa akɛ ashwaa papa lɛ, yɛ ebinuu ni booo lɛ toi lɛ jeŋba lɛ he lɛ?

Ani esa akɛ wɔshwa Yehowa yɛ nibii gbohii ni afeɔ yɛ amale jamɔ mli lɛ hewɔ, ni wɔkpa ehe nii ni wɔkaseɔ lɛ?

MƐI KOMƐI KƐƆ AKƐ: “Mɔ fɛɛ mɔ jamɔ hi—wɔ fɛɛ lɛ, Nyɔŋmɔ kome too lɛ nɔŋŋ wɔjáa.”

Ani nakai bo hu osusuɔ?
Eyɛ mli akɛ jamɔi pii kɛɔ akɛ Nyɔŋmɔ kome too lɛ nɔŋŋ amɛjáa moŋ, shi mɛni hewɔ jeee jamɔi fɛɛ Nyɔŋmɔ kpɛlɛɔ nɔ lɛ?

EMLI OTI

Amale jamɔ etsɔ emale tsɔɔmɔi kɛ enifeemɔi gbohii lɛ anɔ efite Nyɔŋmɔ gbɛ́i. Nyɔŋmɔ baakpãtã amale jamɔ hiɛ.

Mɛni Okase?

Te amale jamɔ tsɔɔmɔi kɛ enifeemɔi lɛ hãa onuɔ he ohãa tɛŋŋ?
Te Yehowa nuɔ he ehãa tɛŋŋ yɛ amale jamɔ he?
Mɛni Nyɔŋmɔ baafee amale jamɔ?

Deeti ni migbe nikasemɔ nɛɛ naa:

Nɔ Ni Obaanyɛ Ofee

Kɛ́ atee asafoŋ kpee lɛ, bi mɔ ko akɛ, “Mɛni hewɔ obatsɔ Yehowa Odasefonyo lɛ?”

Nɔ Kroko Ni Obaanyɛ Ofee:

Your other goal

EHE SAJI KROKOMƐI

Obaana nibii enyɔ ni hãaa jamɔi pii asa Nyɔŋmɔ hiɛ.

“Ani Jámɔi Fɛɛ lɛ Ekome Ni? Ani Fɛɛ Yaa Nyɔŋmɔ Ŋɔɔ?” (jw.org lɛ nɔ sane)

Mɛni hewɔ Yehowa sumɔɔ ni wɔkɛ mɛi krokomɛi afee ekome kɛjá lɛ lɛ?

“Ani Ehe Miihia ni Okɛ Ohe Adɔmɔ Jamɔ Kuu Ko?” (jw.org lɛ nɔ sane)

Osɔfo ko jamɔŋ tsɔɔmɔi kɛ nifeemɔi gba enaa. Shi no hãaa ekpa Nyɔŋmɔ he anɔkwalei lɛ kasemɔ.

“Nɔ Hewɔ Ni Osɔfo Ko Shi Esɔlemɔ Lɛ” (Awake!, February 2015)

Jamɔi pii etsɔɔ amalei ni hãa mɛi nuɔ he akɛ Nyɔŋmɔ susuuu wɔhe ni eyitsoŋ wa, ni amɛfee nakai afii ohai abɔ. Obaana nɔ ni Biblia lɛ tsɔɔ yɛ amalei nɛɛ ateŋ etɛ he.

“Amalei ni Haa Asusuɔ Akɛ Nyɔŋmɔ Yitsoŋ Wa” (Buu-Mɔɔ, November 1, 2013)

a Bɔ ni afee ni ona nɔ hewɔ ni akɛ yoo ko, ni atsɛ lɛ akɛ Babilon Kpeteŋkpele lɛ, fee amale jamɔ he mfoniri lɛ, kwɛmɔ Saji Krokomɛi 1.