Nitsulɔi Kɛ Sɔɔlɔi
1. Te atsɛɔ maŋkwramɔŋ nɔyelii lɛ amli onukpai lɛ ahaa tɛɛŋ kɛ aawie Kristofoi lɛ a-Nyɔŋmɔ lɛ he yɛ bɔni Tyndale tsɔɔ Romabii 13:1-6 lɛ shishi lɛ hewɔ?
1 YƐ ESHISHITSƆƆMƆ ni efee yɛ afi 1526 Ŋ.B. kɛjɛ shishijee Hela wiemɔ lɛ mli kɛba ebeaŋ Ŋleshi wiemɔ mli lɛ, William Tyndale ŋma yɛ je nɛŋ hegbɛi ni nɔ kwɔlɔ” aloo “hegbɛi ni yeɔ nɔ” lɛ ahe akɛ: “‘Ejaakɛ Nyɔŋmɔ sɔɔlɔ (minister) ji lɛ yɛ ohewɔ, koni ahi ahao. Shi kɛji ofee nɔ ni ji efɔŋ lɛ, she gbeyei! Ejaakɛ jeee yaka ehiɛ tsi lɛ; shi eji Nyɔŋmɔ sɔɔlɔ (minister) ni kɛ mlifu tɔɔ owele yɛ mɔ ni tsuɔ nifɔjianii lɛ nɔ.. No hewɔ esa akɛ aba he shi, jeee yɛ mlifu lɛ kɛkɛ hewɔ, shi moŋ henilee hewɔ. Enɛ hewɔ ni nyɛtsuɔ onia hu lɛ; ejaakɛ Nyɔŋmɔ tsuji (ministers) ji amɛ, ni nɛkɛ sɔɔmɔ nɛɛ nɔŋŋ he amɛyɔɔ.”—Rom. 13:1-6.
2. (a) Ani anɔkwale ni eji akɛ atsɛɔ je lɛŋ nɔyelii amli onukpai lɛ akɛ ministers loo, sɔɔlɔi lɛ damɔ Tyndale Shishitsɔɔmɔ ni efee yɛ afi 1526 mli lɛ nɔ? (b) Ani bɔni amɛkɛ nakai wiemɔ lɛ tsuɔ nii amɛhaa lɛ tsɔɔ akɛ Paulo kɛ enanemɛi Kristofoi lɛ ni jɛɛɛ je lɛŋ lɛ bɛ hegbɛ akɛ amɛtsɛɔ amɛhe ministers loo sɔɔlɔi?
2 Nɔ ko bɛ ni abaadamɔ nɔ ahe aye akɛ sabala ni akɛhaa Maŋ lɛ mli nitsulɔi komɛi yɛ maŋkwramɔ nɔyelii lɛ amli akɛ “maŋ sɔɔlɔ nukpa” (prime minister) aloo sɔɔlɔ (minister) kɛha nitsumɔ nɛɛ loo enɛ lɛ damɔ bɔfo Paulo wiemɔi ni yɔɔ yiteŋgbɛ nɛɛ anɔ. Yɛ enɛ po mli lɛ, sɔrɔto agbo ko ka nɛkɛ je lɛŋ maŋkwralɔi ni atsɛɔ amɛ ‘Nyɔŋmɔ sɔɔlɔi (ministers) ’ nɛɛ asɔɔmɔ lɛ kɛ bɔfo Paulo kɛ enanemɛi Kristofoi ni amɛjɛɛɛ je lɛ mli lɛ ajamɔ mli sɔɔmɔ loo minister lɛ teŋ. Hei ni amɛtsuɔ nii yɛ lɛ sorosoro kwraa. Wiemɔ sɔɔlɔ loo minister ni jeŋ maŋkwralɔi kɛtsuɔ nii yɛ nɔyeli lɛ mli lɛ etsiii Paulo kɛ enanemɛi Kristofoi lɛ agbɛ ni akatsɛ amɛ sɔɔlɔi loo ni ministers yɛ jamɔ shishinumɔ mli yɛ wiemɔi ni akɛtsuɔ nii yɛ he lɛ hewɔ.
3. Ani Yehowa Odasefoi ni ŋmɛnɛ amɛyaa shiɛmɔ yɛ shia kɛ shia Tamɔ Tihiko kɛ Timoteo Iɛ ateŋ mɔ fɛɛ mɔ ji “Nyɔŋmɔ sɔɔlɔ (minister) . . . yɛ Kristo sanekpakpa lɛ mli”?
3 Beni bɔfo Paulo tsɛ Tihiko akɛ “sɔɔlɔ (minister) anɔkwafo yɛ Nuntsɔ lɛ mli” yɛ Efesobii 6:21 lɛ, no mli lɛ ebuuu Tihiko akɛ etamɔKristendom osɔfoi lɛ. (Agbɛnɛ, yɛ Kolosebii 1:7; 4:7.) Paulo tsɛ Timoteo hu akɛ “‘wɔ-nyɛmi Timoteo, ni ji Nyɔŋmɔ sɔɔlɔ (minister) kɛ wɔ naanyo nitsulɔ yɛ Kristo sanekpakpa lɛ mli.” (1 Tes. 3:2) Eka shi faŋŋ akɛ Yehowa Odasefoi ni amɛjɔɔ amɛhe nɔ ni abaptisi amɛ ni ŋmɛnɛ amɛshiɛɔ “maŋtsɛyeli lɛ he sanekpakpa nɛɛ” yɛ shia kɛ shia lɛ ji “Nyɔŋmɔ sɔɔlɔi (ministers) yɛ Kristo sanekpakpa lɛ mli.”—Mat 24:14; Mar. 13:10.
4. Mɛni ji nɔ ni Ŋmalɛi lɛ tsɔɔ kɛji akɛ Kristofoi asafo ‘muu lɛ fɛɛ kɛ agbɛnɛ emlibii aŋkroaŋkroi lɛ yɛ sɔɔmɔ nitsumɔ ko?
4 Shi Kristofoi ni abaptisi amɛ lɛ asafo muu lɛ fɛɛ hu? Yesu Kristo, Nyɔŋmɔ Bi ni awo ehiɛ nyam lɛ kɛɛ Tiatira asafo ni yɔɔ Asia Bibioo lɛ akɛ: “Mile onitsumɔi lɛ kɛ osuɔmɔ lɛ kɛ osɔɔmɔ (ministry) lɛ kɛ ohemɔkɛyeli lɛ.” (Kpoj. 2:18, 19) Paulo ŋma eyaha asafo ni yɔɔ Korinto, yɛ Akaia, Hela lɛ akɛ: “Sɔɔmɔ nitsumɔi (ministries) sɔrɔtoi hu yɛ, shi Nuŋtsɔ kome lɛ nɔŋŋ ni.” (1 Kor. 12:5) Yɛ anɔkwale nɛɛ kɛ gbee kpamɔ naa lɛ, kɛjɛ Pentekoste yɛ afi 33 Ŋ.B. kɛyaa lɛ, Yesu Kristo ni awo ehiɛ nyam lɛ kɛ nikeenii ni tamɔ gbɔmɛi ha esafo ni yɔɔ shikpɔŋ nɔ lɛ, tamɔ bɔfoi, gbalɔi, sanekpakpa jajelɔi, tookwɛlɔi, tsɔɔlɔi. Kɛha mɛɛ yiŋtoo? “Koni aŋɔsaa hetselɔi lɛ aha sɔɔmɔ (ministerial) nitsumɔ lɛ, kɛ Kristo gbɔmɔtso lɛ tswaa.” (Efe. 4:7-12) Yɛ naagbee lɛ, bɔfo Paulo ŋma Hebri Kristofoi esafo ni yɔɔ Yerusalem lɛ mlibii lɛ fɛɛ akɛ: “Nyɔŋmɔ jeee mɔ ni yeɔ sane ni ejaaa ni ehiɛ aaakpa nyɛ nitsumɔ lɛ nɔ kɛ suɔmɔ deŋme ni nyɛgbo yɛ egbɛi lɛ ahewɔ, ni nyɛkɛsɔmɔ mɛi krɔŋkrɔŋi lɛ, ni nyɛsaa nyɛsɔmɔɔ (ministering) amɛ lolo lɛ.” (Heb. 6:10) Amɛ fɛɛ amɛmiitsu sɔɔmɔ (ministry) ko ni Yehowa Nyɔŋmɔ ekpɛlɛ nɔ lɛ he nii yɛ nɛkɛ gbɛ nɔ.
Yɛ Heloo Gbɛfaŋ Nitsumɔ He
5. (a) Yɛ nɔ ni kɛ Kristendom sɔɔlɔi (ministers) ni amɛkɛ enɛ efee amɛ nitsumɔ lɛ kpaaa gbee lɛ, ani sɔɔlɔi loo ministers taakɛ ale lɛ tsɔɔ diɛŋtsɛ Iɛ baanyɛ afee mɛi ni kɛ amɛbe fa tsũɔ heloo gbɛfaŋ nitsumɔ? (b) Mɛɛ be mli wiemɔ minister loo sɔɔlɔ je kpo yɛ Biblia shishitsɔɔmɔi amli?
5 Ŋmalɛ naa sɔɔlɔ (ministry) ni mɔ ko ji, akɛ Yehowa Odasefoi asafo ni amɛjɔɔ amɛhe nɔ ni abaptisi amɛ lɛ fã lɛ etsɔɔɔ akɛ aaahi shi ogbɔjɔ yɛ hejɔlɛ mli. Bɔni Kristendom jamɔ gbɛjianɔtooi lɛ amli sɔɔlɔi loo minister lɛ hiɔ shi lɛ baaha mɛi pii asusu nakai. Shi taakɛ bɔni Biblia ni jɛ mumɔ mli lɛ tsɔɔ lɛ, esaaa akɛ ebaa lɛ nɛkɛ. Shi kɛlɛ, mɛi ni ji ministers loo sɔɔlɔi yɛ Biblia shishinumɔ naa lɛ baanyɛ afee nitsulɔi ni tsuɔ heloo gbɛfaŋ nitsumɔ yɛ be ko mli. Ejaakɛ Yesu Kristo po bafee tsogbɔlɔi yɛ Nazaret kɛyashi eye afii 30! Kɛkɛ ni etu ehe eha be fɛɛ sɔɔmɔ lɛ ni no hewɔ ni akɛ Nyɔŋmɔ mumɔ krɔŋkrɔŋ fɔ lɛ mu lɛ. Kɛji akɛ ewie Latin wiemɔ ni ekɛ wiemɔ minister loo sɔɔlɔ lɛ tsu nii lɛ, no lɛ wɔleee. Shi be mli ni atsɔɔ Hebri kɛ Hela Ŋmalɛi lɛ ashishi kɛba Latin ni Roma Maŋtsɛyeli lɛ wieɔ lɛ mli lɛ, kɛkɛ ni wiemɔ ministry loo sɔɔlɔ lɛ bapue yɛ nakai shishitsɔɔmɔ lɛ mli.
6. (a) Taakɛ bɔni wiemɔ lɛ shishifã ji yɛ Latin kɛ Hela mli hewɔ lɛ, minister loo sɔɔlɔ lɛ hiɛ mɛɛ shishinumɔ? (b) Belɛ te Paulo aaafee tɛɛŋ ‘awo hiɛ nyam’?
6 Akɛni ana wiemɔ minister loo sɔɔlɔ kɛjɛ Latin tsɔɔmɔ wiemɔ minus, ni eshishi ji “bibioo” loo nɔ ni baa shi mli hewɔ lɛ, ákɛ mɔ ko aaafee minister loo sɔɔlɔ lɛ shishi tsɔɔ akɛ mɔ lɛ “baafee loo ebaatsu nii tamɔ mɔ ni baa shi” (quod minus est, Latin) . Hela wiemɔ ni kɛ enɛ yeɔ egbɔ ni ji diakonos hu Shishitsɔɔmɔ tsɔɔ nɔ ko ni baa shi nakai nɔŋŋ. Anuɔ shishi akɛ ajie kɛjɛ dia (ni eshishi ji “kɛtsɔ”) kɛ konis (ni eshishi ji “mlu” mli) . Kɛha Helanyo lɛ, wiemɔ nɛɛ shishinumɔ kɛ jwɛŋmɔ ni ji akɛ mɔ ko miitsɔ mlu mli beni afee ni ekɛ ehe aha aloo ni etsu nitsumɔ ko. Shi kɛlɛ, yɛ bɔni Hela Wiemɔ nɛɛ shishinumɔ tsɔɔ, ákɛ nɔ ko ni baa shi lɛ fɛɛ sɛɛ lɛ, bɔfo Paulo kɛtsu nii beni ekɛɛ akɛ: “Miwoɔ’ misɔɔmɔ (ministry) lɛ hiɛ nyam.” (Rom. 11:13, NW) Eye enɛ he odase kɛtsɔ ehe ni ekɛkpɛtɛ he kɛyashi naagbee lɛ nɔ.
7. (a) Ani Maŋtsɛyeli sɔɔmɔ nitsumɔ he sane lɛ bafeɔ nɔ ni jara waaa yɛ sɔɔlɔi loo ministers lɛ ni heee enɛ he shika ko lɛ hewɔ? (b) Te Maŋtsɛyeli lɛ he sɔɔlɔi loo ministers lɛ buɔ heloo gbɛfaŋ nitsumɔ ni he hiaa le amɛbaa tɛɛŋ?
7 Jeee akɛ Paulo miitao ni ewo lɛ diɛŋtsɛ ehiɛ nyam hewɔ ni ekɛ ekãa tsu esɔɔmɔ lɛ he nii lɛ, Eheee mɛi ni eshiɛ sanekpakpa lɛ eha lɛ nɔ ko nɔ ko kwraa. Shi jeee akɛ ekɛ enɛ hu miiha esɔɔmɔ lɛ hu afee nɔ ko ni jara waaa. Esa akɛ mɛi ni amɛnine shɛɔ “sanekpakpa” lɛ nɔ lɛ ‘abu’ bɔni ámɛfee nɔ ko amɛha amɛ diɛŋtsɛ amɛhe ni he baaba sɛɛnamɔ aha amɛ, ni amɛwooo “sanekpakpa” lɛ he nyɔmɔ ko hu lɛ he ‘akɔntaa.’ Paulo nu he akɛ awo ehiɛ nyam waa yɛ anunyam “sanekpakpa” nɛɛ ni akɛwo edɛŋ lɛ hewɔ, sɔɔmɔ nitsumɔ ko kɛ lɛ yeee egbɔ kɛ akɛto nitsumɔi ni yɔɔ je nɛŋ ni awoɔ he nyɔmɔ babaoo lɛ po he lɛ. Ŋmɛnɛ Yehowa Odasefoi kaseɔ bɔfo Paulo nɔkwɛmɔ nɔ lɛ. Yɛ mɛɛ gbɛ nɔ? Amɛkɛ amɛhe wooo Nyɔŋmɔ Maŋtsɛyeli lɛ he sane lɛ he sɔɔmɔ lɛ mli koni amɛna he sɛɛ yɛ heloo gbɛfaŋ aloo yɛ je lɛ gbɛ nɔ. Amɛnuɔ he akɛ ejaaa akɛ amɛaatsu Maŋtsɛyeli lɛ he sane lɛ he nii tamɔ jarayeli nitsumɔ ko, ákɛ nɔ ko ni amɛaatsɔ nɔ amɛna he sɛɛ ni amɛkɛhi shi yɛ hejɔlɛ shihilɛ mli. Heloo gbɛfaŋ nitsumɔ fɛɛ nitsumɔ ni eeeba akɛ amɛkɛ amɛhe aaawo mli lɛ ji nɔ ni amɛkɛwoɔ gbɛhe ni ji enyɔ, ákɛ nɔ ko ni amɛtsuɔ amɛkɛ-fataa he kɛkɛ. Maŋtsɛyeli lɛ he sɔɔmɔ lɛ ji nɔ ko ni esa akɛ ashãa afɔlei ahaa!
8. Beni Paulo yashɛ Roma yɛ naagbee lɛ, mɛɛ gbɛ nɔ etsɔ etee nɔ ‘ewo esɔɔmɔ lɛ hiɛ nyam’ yɛ?
8 Beni bɔfo Paulo yapue yɛ Roma yɛ naagbee kwraa ni enine shɛ asafo lɛ nɔ lɛ, etee nɔ efee nɔ ni eŋma yɛ wolo ni eŋma eyaha amɛ lɛ mli afii babaoo ni eho lɛ: ‘Ewo esɔɔmɔ lɛ hiɛ nyam.’ Mɛɛ gbɛ nɔ etsɔ efee enɛ yɛ be mli ni eji gbokɛlɛfonyo ni awo lɛ kɔsɔŋkɔsɔ lɛ? Tsofafeelɔ Luka, ni ji enaanyo anɔkwafo lɛ kɛɔ wɔ: “Ni beni wɔbashɛ Roma lɛ . . . Paulo lɛ, aŋmɛ lɛ gbɛ akɛ ehi heni esumɔɔ, shi asraafonyo ko buɔ ehe. Shi eba mli akɛ gbii etɛ sɛɛ lɛ, Paulo ha atsɛ Yudafoi lɛ anukpai ni yɔɔ lɛ kɛbakpe; ni beni amɛnaa ebakpe shi lɛ [Paulo kɛ amɛ wie] . .. Ni Paulo hi shia ni aŋɔma lɛ lɛ mli afii naakpɔlɔi enyɔ, ni ehereɔ mɛi fɛɛ ni baa eŋɔɔ lɛ. Ni eshiɛɔ Nyɔŋmɔ maŋtsɛyeli lɛ he sane lɛ, ni ekɛ ekaa fɛɛ jajeɔ Nuntsɔ Yesu Kristo he saji lɛ etsɔɔ amɛ, ni mɔ ko mɔ ko etsiii lɛ gbɛ.”—Bɔf. 28:16-31; Efe. 6:20.
9. Abale Paulo tsuŋwoo kɛ nɔ hewɔ ni ebalɛ nakai Iɛ yɛ he fɛɛ he yɛ Roma kɛyashɛ nɛgbɛ, ni te Kristofoi ni yɔɔ nakai maŋ lɛ mli lɛ nu enɛ he amɛhe tɛɛŋ?
9 Mɛni jɛ nii ni Paulo ni amɔ lɛ akɛ gbokɛlɛfonyo yɛ gbɛ ni ejaaa nɔ nɛɛ tsu lɛ mli ba? Ekɛɔ wɔ akɛ: “Shi, anyɛmimɛi, miisumɔ akɛ nyɛle akɛ saji ni ba minɔ lɛ eha sanekpakpa lɛ eshwere moŋ, ni eha mikpãai lɛ eje shi faŋŋ yɛ Kristo mli yɛ Pretorio (Kaisare asraafoi amɔ̃ɔ) lɛ mli fɛɛ kɛ mɛi ni eshwɛ lɛ fɛɛ ateŋ, ni nyɛmimɛi ni yɔɔ Nuntsɔ lɛ mli lɛ ateŋ mɛi babaoo etsɔ mikpãai lɛ anɔ ena ekãa babaoo fe tsutsu lɛ kɛmiijaje Nyɔŋmɔ wiemɔ lɛ ni amɛsheee gbeyei.” “Hetselɔi lɛ fɛɛ, shi titri lɛ mɛi ni jɛ Kaisare we lɛ, miibi nyɛ.”—Filip. 1:12-14; 4:22.
Be Ni Akɛaawo Sɔɔmɔ Lɛ Hiɛ Nyam Nɛ
10. Mɛɛ be mli shwɛɛnii lɛ ni ji Yehowa webii anɔkwafoi ni amɛŋɔɔ amɛhe nɔ ni abaptisi amɛ lɛ kpɛlɛ tsɛmɔ akɛ amɛje kpo kɛjɛ Jeŋ apasa jamɔ maŋtsɛyeli lɛ mli lɛ nɔ?
10 Yehowa Odasefoi ehere ŋwɛi tsɛmɔ akɛ aje kpo kɛjɛ Babilon Kpeteŋkpele, jeŋ apasa jamɔ maŋtsɛyeli lɛ mli lɛ nɔ. Babilon Kpeteŋkpele, lɛ kɛ maŋkwramɔŋ hewalɛi ni kɛ amɛhe wuɔ ta lɛ fee ekome yɛ Jeŋ Ta I lɛ mli kɛjɛ 1914 kɛyashi 1918 ni amɛkɛ-tsĩ Yehowa Nyɔŋmɔ webii ni amɛjɔɔ amɛhe nɔ ni abaptisi amɛ lɛ naa. Enɛ tee nɔ aahu kɛyashɛ heni akɛ amɛ gbɛjianɔtoo lɛ mli onukpai ni yɔɔ asafo lɛ yitso lɛ yawo gbokɛlɛfoi atsuiaŋ. Shi yɛ ta lɛ sɛɛ afi 1919 mli pɛ kɛkɛ ni kpɔmɔ kɛ heyeli ba. Kɛkɛ ni amɛyoo akɛ ehe miihia ni amɛto amɛhe gbɛjianɔ jogbaŋŋ kɛha “maŋtsɛyeli lɛ he sanekpakpa” nɛɛ ni abaashiɛ yɛ jeŋ fɛɛ lɛ he nitsumɔ.—Mat. 24:14.
11. (a) Mɛɛ gbɛ nɔ shwɛɛnii lɛ tsɔ amɛkpa Babilon Kpeteŋkpele lɛ he mama yɛ be mli ni amɛbua amɛhe naa kɛba kpee yɛ 1919 mli Iɛ? (b) Mɛɛ be ni ámɛmɛ aahu amɛjie yi, ni yɛ nɔ ni kɛ enɛ kpaa gbee lɛ mɛɛ wolo tɛtrɛɛ amɛje efeemɔ shishi?
11 Ato shwɛɛnii lɛ gbɛjianɔ ehee koni amɛshiɛ “maŋtsɛyeli lɛ he sanekpakpa nɛɛ” yɛ jeŋ fɛɛ fe bɔni áfee pɛŋ. Akɛni enɛ yɔɔ amɛ jwɛŋmɔ mli hewɔ lɛ amɛfee kpee wulu ko yɛ September, afi 1919 mli, yɛ Cedar Point, Ohio, U.S.A. Jɛmɛ amɛkpa Babilon Kpeteŋkpele lɛ he mama yɛ akɛ mɔ ni fiɔ Jeŋmaji Akpaŋmɔ ni yato yiŋ yɛ he ni Protestant Sɔlemɔi lɛ amli osɔfoi lɛ tsɛ lɛ akɛ “Nyɔŋmɔ maŋtsɛyeli lɛ kpojiemɔ yɛ maŋkwramɔŋ yɛ shikpɔŋ nɔ” lɛ sɛɛ. Mɛi ni tee kpee lɛ jie “yinɔ kpakpa” ni Nyɔŋmɔ ŋwɛi maŋtsɛyeli ni yɔɔ Kristo shishi lɛ kɛbaaba lɛ yi. Taakɛ atswa he adafi yɛ kpee lɛ shishi lɛ, aje shishi yafee wolo tɛtrɛɛ hee yɛ October 1919, ni abaakala enɛ ni akɛfata Buu-Mɔɔ wolo tɛtrɛɛ lɛ he ni abaatsɛ lɛ akɛ “The Golden Age” aloo Yinɔ Kpakpa. Yɛ sɛɛ mli lɛ, akɛni ehe miihia ni ashɛje adesa weku muu lɛ fɛɛ mii hewɔ lɛ, atsake wolo tɛtrɛɛ lɛ gbɛi ni abatsɛ lɛ “Consolation” aloo Miishɛjemɔ. Yɛ Jeŋ Ta II sɛɛ lɛ, atsake gbɛi lɛ afee lɛ Awake!
12. (a) Mɛɛ gbɛ nɔ shwɛɛnii lɛ tsɔ amɛkɛdi amɛhe ehee koni amɛha bɔni amɛji akɛ sɔɔlɔi lɛ aya hiɛ? (b) Mɛni ji nɔ ni enɛɛmɛi fɛɛ feɔ amɛ ‘Maŋtsɛyeli sɔɔmɔ lɛ’?
12 Enɛɛmɛi fɛɛ ha ale mɛi ni shiɛɔ Nyɔŋmɔ maŋtsɛyeli ni ato ama shi lɛ he sane lɛ akɛ sɔɔlɔi yɛ gbɛ hee kwraa nɔ. Yɛ afi 1981 mli lɛ, amɛshɛrɛ heguɔgbee gbɛi ni Babilon Kpeteŋkpele Iɛ kɛ-tsɛɔ amɛ lɛ fɛɛ amɛshwie, beni afee ni amɛkpɛlɛ gbɛi ni akɛwo amɛ ni damɔ Biblia mli gbalɛ nɔ, ni ji, Yehowa Odasefoi. (Yes. 43:10-12) Enɛ ha abayoo amɛ ehee yɛ Babilon Kpeteŋkpele lɛ kɛ emaŋkwramɔŋ sɛɛfilɔi lɛ ahiɛ. Nɛkɛ jamɔ mli mama ni Babilon Kpeteŋkpele lɛ ewo mli muji ni ha amɛhe ni amɛkpa kɛjɛ amɛhe nɛɛ sa amɛ Nyɔŋmɔ ni ji Yehowa hiɛ jogbaŋŋ. Amɛbaná su hee ko yɛ ehiɛ. Mfonirifeemɔ mli lɛ, etamɔ nɔ ni shwɛɛnii ni afɔ amɛ mu lɛ miiwo “wulamɔ atadei” ni sa amɛ osɔfoi asɔɔmɔ nitsumɔ lɛ. (Zak. 3:4, 5) Enɛ kɛ bulɛ, woo kɛ nyam ba amɛ sɔɔmɔ ni amɛkɛhaa Nyɔŋmɔ lɛ nɔ.
13. (a) Mɛɛ odaseyeli kroko akɛha kɛjɛ 1935 kɛyaa ni tsɔɔ akɛ áku sɛɛ ato shwɛɛnii lɛ gbɛjianɔ kɛba Nyɔŋmɔ duromɔ mli ekoŋŋ? (b) Mɛi ni je “asafo babaoo” lɛ ateŋ lɛ kɛ amɛhe yabɔ shwɛɛnii lɛ ahe koni amɛfee mɛni yɛ sɔɔmɔ lɛ he?
13 Ani odaseyeli ko yɛ ni anaa ni tsɔɔ akɛ áku sɛɛ ato shwɛɛnii ni afɔ amɛ mu lɛ gbɛjianɔ ehee kɛba ŋwɛi duromɔ shishi yɛ Jeŋ Ta I sɛɛ? Hɛɛ, ejaakɛ nɔ ni bafee tamɔ “asafo babaoo” ni ji mɛi ni taoɔ anɔkwa Nyɔŋmɔ hiɛkalɔ kome lɛ sɛɛ gbɛ yɛ anɔkwayeli mli lɛ je shishi amɛkɛ amɛhe bɔi shwɛɛnii ni amɛyi faaa ni ji “maŋtsɛmɛi ni yeɔ osɔfoi” nɛɛ ahe bɔɔ. (1 Pet. 2:9) Nakai sane lɛ ji diɛŋtsɛ kɛjɛ afi 1935 agbiɛnaa be mli. Kɛkɛ ni afee kpee ko yɛ Washington, D.C. Yɛ May 31, Buu Mɔɔ Asafo lɛ nɔkwɛlɔ lɛ ha wiemɔ titri ko ni ji “Asafo Babaoo Lɛ.” Enɛ damɔ Kpojiemɔ 7:9-15 nɔ. Enɔ jetsɛremɔ lɛ 840 tsɔ nu mli baptisimɔ nɔ amɛfee amɛhe ni amɛjɔɔ amɛha Yehowa Nyɔŋmɔ lɛ he okadi. Mɛi ni abaptisi amɛ nɛɛ ateŋ mɛi ni fa yɛ hiɛnɔkamɔ ni asafo babaoo” lɛ yɔɔ kɛha shikpɔŋ nɛɛ nɔ paradeiso shihilɛ yɛ Kristo maŋtsɛyeli lɛ shishi lɛ eko. Amɛle jogbaŋŋ akɛ enɛ tsɔɔ akɛ amɛbaafata shwɛɛnii ni afɔ amɛ mu lɛ ahe yɛ amɛ shia kɛ shia nitsumɔ lɛ mli akɛ Yehowa Nyɔŋmɔ sɔɔlɔi loo ministers. Amɛhu amɛje shishi ‘amɛwo amɛ sɔɔmɔ lɛ hiɛ nyam.’
14. Eyɛ mli akɛ mɛi ni jɛ “asafo babaoo” lɛ ateŋ lɛ nyɛɛɛ amɛkɛ amɛbe fɛɛ awo Maŋtsɛyeli lɛ he shiɛmɔ lɛ mli moŋ, shi kɛlɛ mɛɛ gbɛnaa nii shishi amɛyɔɔ yɛ amɛ henɔjɔɔmɔ he akadi ni amɛkɛ baptisimɔ efee lɛ hewɔ?
14 Kɛbashi amrɔ nɛɛ gbɔmɛi ni tamɔ tooi akpei ohahai babaoo eho yuu kɛba shwɛɛnii ni afɔ amɛ mu lɛ masɛi ni amɛbafata amɛhe yɛ Maŋtsɛyeli lɛ he sɔɔmɔ lɛ mli. Jeee amɛfɛɛ ámɛnyɛ amɛtu amɛbe fɛɛ amɛha sɔɔmɔ lɛ akɛ shiɛlɔi ni kɛ amɛbe fɛɛ shiɛɔ, ákɛ Buu Mɔɔ Biblia kɛ Wolobibioo Asafo ni yɔɔ Pennsylvania lɛ najiaŋdamɔlɔi gbɛfalɔi aloo Asafo lɛ nine-nitsumɔhei lɛ amli nitsulɔi. Shikpɔŋ nɔ gbɛnaa nii sɔrɔtoi biɔ ni amɛteŋ mɛi ni fá kɛ amɛbe babaoo atsu heloo gbɛfaŋ nitsumɔ, Shi kɛlɛ, amɛ henɔjɔɔmɔ ni amɛfee amɛha Nyɔŋmɔ ni amɛkɛ nu mli baptisimɔ efee he Okadi lɛ biɔ ni amɛfee sɔɔlɔi amɛha lɛ ni amɛsɔmɔ yɛ emaŋtsɛyeli lɛ he nibii ahe.
15. Yɛ mɛɛ gbɛ nɔ mɛnɛɛmɛi naa amɛhe yɛ shihilɛ ko ni tamɔ bɔfo Paulo nɔ̃ lɛ mli yɛ be mli ni eyɔɔ Korinto lɛ?
15 Amɛnaa amɛhe yɛ shihilɛ ko ni tamɔ bɔfo Paulo nɔ lɛ mli. Ekɛ Akwila ni ji Yudanyo heyelilɔ lɛ tsu nii afi kɛ fa Yɛ Korinto akɛ buufeelɔ. (Bɔf. 18:1-11) Ŋmɛnɛ mɛi komɛi baabu Paulo akɛ no mli lɛ eji “daa sɔɔlɔ (minister) .”
16. Beni Paulo wa yɛ Mileto yɛ be mli ni eyaa Yerusalem lɛ, mɛni ewie yɛ eheloo gbɛfaŋ nitsumɔ he?
16 Wɔkaiɔ nɔ ni Paulo kɛɛ hu yɛ be mli ni enyiɛ gbɛ kɛyaa Yerusalem ni eyawa yɛ ŋshɔnaa maŋ Mileto ni yɔɔ Asia Bibioo lɛ. Eje jɛmɛ etsu ni ayatsɛ Efeso asafo lɛ mli onukpai loo nɔkwɛlɔi lɛ kɛba. Yɛ nibii ni ekɛ amɛ wie he lɛ asɛɛ lɛ ekɛɛ amɛ akɛ: “No hewɔ lɛ nyɛsraa, ni nyɛkaia akɛ afii etɛ sɔŋŋ mikɛ yaafonui efɔɔɔ ‘nyɛteŋ mɔ fɛɛ mɔ kɔkɔbɔɔ nyɔɔŋ kɛ shwane . . . Mihiɛ ekɔɔɔ nyɛteŋ mɔ ko jwiɛtɛi loo shika loo atade nɔ; nyɛ diɛŋtsɛ nyɛ le akɛ, nii ni hiaa mi kɛ mɛi ni kɛmi yɔɔ lɛ, nɛkɛ niji nɛɛ nɔŋŋ tsu he nii. Mikɛ fɛɛ tsɔɔ nyɛ akɛ nakai sa akɛ atsu nii ni akɛye abuɔ mɛi ni bɛ hewalɛ lɛ, ni akai Nuntsɔ Yesu wiemɔi lɛ, akɛ lɛ diɛŋtsɛ ekɛɛ: ‘Nɔ hamɔ mli yɛ jɔɔmɔ fe hemɔ.’”—Bɔf. 20:31-35.
17. (a) Ani Paulo miiba esɔɔmɔ lɛ shi yɛ heloo gbɛfaŋ nitsumɔ ni ekɛ ehe woɔ mli yɛ bei komɛi amli lɛ hewɔ, aloo mɛni ji jwɛŋmɔ ni yɔɔ sɛɛ? (b) Mɛni yɔɔ ni abaanyɛ akɛɛ kɛji akɛ Kristofoi krokomɛi ni amɛjɔɔ amɛhe nɔ yɛ nakai gbii Iɛ amli lɛ ji nitsulɔi kɛ sɔɔlɔi loo ministers fɛɛ, taakɛ mɛɛ sɔlemɔwe nitsulɔi fee he nɔkwɛmɔ nɔ?
17 Heloo gbɛfaŋ nitsumɔ ni ekɛ be fioo tsu ni awo lɛ nyɔmɔ yɛ he lɛ etsɔɔɔ akɛ Paulo miiba e-Maŋtsɛyeli sɔɔmɔ lɛ shi. Eto gbɛjianɔ beni afee ni eshiɛ ni etsɔɔ nii ni ekahé etoibolɔi loo mɛi ni etsɔɔ amɛ nii lɛ shika ko. Yɛ nɛkɛ gbɛ nɔ lɛ belɛ eeha etsɔsemɔ nitsumɔ lɛ aye ehe kwraa akɛ nɔ ko ni anyɛŋ afolɔ enaa akɛ ekɛmiitao shika. (1 Kor. 9:13-18) Yɛ enɛ mli lɛ belɛ eefee nɔ ni lɛ diɛŋtsɛ ekɛɛ lɛ, ‘akɛ: “Miwoɔ misɔɔmɔ lɛ hiɛ nyam” lɛ. (Rom. 11: 13, NW) Sɔɔlɔ loo, minister kɛ nitsulɔ ni eji ni elɛɔ lɛ diɛŋtsɛ ehe lɛ yeɔ odase akɛ eyɛ e-Maŋtsɛyeli sɔomɔ lɛ he jwɛŋmɔ krɔŋŋ ni pɛsɛmkunya ko bɛ mli. Enanemɛi Kristofoi ni amɛjɔɔ amɛhe nɔ lɛ ateŋ mɛi pii ji nitsulɔi kɛ sɔɔlɔi loo ministers, ni amɛteŋ mɛi komɛi po ji tsuji kɛha nuntsɔmɛi ni jee Kristofoi (Bɔf. 18:1-4; Rom. 16:3-5) Heloo gbɛfaŋ nitsumɔ ni he hiaa lɛ baaa Maŋtsɛyeli sɔɔmɔ lɛ shi, ejaakɛ esa akɛ wɔha ahi wɔ jwɛŋmɔ mli akɛ Levibii ni yɔɔ .Mose Mla kpaŋmɔ lɛ ni akɛ Israel fee lɛ shishi lɛ sɔmɔɔ yɛ Yerusalem sɔlemɔwe lɛ otsi kome pɛ yɛ daa nyɔji ekpaa mli, kɛfata daa afi agbijuji ni ayeɔ yɛ Yerusalem lɛ he. Amɛkɛ be ni eshwɛ lɛ hiɔ amɛ Levibii amaŋtiasei amli yɛ shikpɔŋ lɛ fɛɛ nɔ amɛtsuɔ nii yɛ jɛmɛ amɛkɛ-kwɛɔ amɛ wekui. No hewɔ lɛ amɛbu amɛji sɔɔlɔi loo ministers kɛ nitsulɔi.
18. (a) Ani esa akɛ asusu nɛkɛ nitsulɔi kɛ sɔɔlɔi loo ministers ni yɔɔ Yehowa Odasefoi ateŋ lɛ ehe tamɔ bɔni asusuɔ Babilon Kpeteŋkpele lɛ sɔɔlɔi lɛ ahe lɛ? (b) Yɛ mɛɛ gbɛ nɔ nitsulɔi kɛ sɔɔlɔi loo ministers nɛɛ ‘woɔ wɔmɛ Sɔɔmɔ lɛ hiɛ nyam’ yɛ be mli ni amɛkɛ amɛhe ewo heloo gbɛfaŋ nitsumɔ mli lɛ?
18 Akɛni Yehowa Odasefoi ni amɛjɔɔ amɛhe nɔ ni abaptisi amɛ lɛ ateŋ mɛi pii naa akɛ ehe miihia aloo eji gbɛnaa nii ni ka amɛnɔ akɛ amɛkɛ amɛbe ni fa atsu heloo gbɛfaŋ nitsumɔ lɛ etsɔɔɔ akɛ belɛ amɛjeee Nyɔŋmɔ sɔɔlɔi loo Ministers diɛŋtsɛ, ni hegbɛ ni nɔyelii kɛhaa Babilon Kpeteŋkpele lɛ jamɔ mli sɔɔlɔi loo ministers lɛ hu sa amɛ. Eyɛ mli akɛ amɛji nitsulɔi kɛ sɔɔlɔi loo minister moŋ, shi kɛlɛ amɛkɛ Nyɔŋmɔ maŋtsɛyeli lɛ he nibii yeɔ klɛŋklɛŋ gbɛhe yɛ nɔ fɛɛ nɔ mli. Akɛni amɛshiɛɔ Nyɔŋmɔ maŋtsɛyeli lɛ yɛ shia kɛ shia hewɔ lɛ, amɛji Maŋtsɛyeli sɔɔlɔi loo ministers diɛŋtsɛ, ni amɛjeee mɛi ni baa shi fe je enɛŋ nɔyelii amli maŋkwramɔŋ sɔɔlɔi loo ministers lɛ. Bɔni nitsumɔi ni amɛtsuɔ amɛhaa amɛ nitsumɔtsɛmɛi lɛ hi jogbaŋŋ ni esa yijiemɔ hewɔ lɛ nɛkɛ nitsulɔi kɛ sɔɔlɔi loo ministers nɛɛ tsɔɔ gbɛ kroko nɔ ‘amɛwoɔ amɔsɔɔmɔ lɛ hiɛ nyam.’ Enɛ kɛ yijiemɔ bahaa Nyɔŋmɔ ni wɔkɛ sɔomɔ krɔŋkrɔŋ haa lɛ lɛ.
19. (a) Kɛji akɛ shihilɛi tsake kɛha amɛ lɛ. mɛni nitsulɔ kɛ sɔɔlɔ loo minister lɛ baatee kɛyashi heni ehewalɛ aaaŋmɛ lɛ gbɛ? (b) Yɛ be falɛ ni akɛwoɔ Maŋtsɛyeli lɛ he nitsumɔ mli diɛŋtsɛ lɛ fɛɛ sɛɛ lɛ, mɛni Yehowa edasefonyo ni ejɔɔ ehe nɔ ni abaptisi lɛ lɛ baafee?
19 Belɛ abaanyɛ akɛɛ ni ŋwanejee ko kwraa bɛ he akɛ kɛji akɛ shihilɛi tsake ni no baaŋmɛ sɔɔlɔi loo ministers kɛ nitsulɔi nɛɛ agbɛ ni amɛkɛ amɛhe awo Maŋtsɛyeli sɔɔmɔ lɛ mli kɛ amɛbe fɛɛ lɛ, amɛkɛ hiɛsɔɔ kpele kɛ amɛhe baawo Nyɔŋmɔ Wiemɔ lɛ he sɔɔmɔ lɛ mli kɛyashɛ heni amɛ hewalɛ baaŋmɛ amɛ gbɛ ni amɛfee. Kɛji akɛ wɔnyɛɔ wɔtuɔ wɔbe fɛɛ wɔhaa Nyɔŋmɔ maŋtsɛyeli ni ato ama shi bianɛ kɛtsɔ Kristo nɔ lɛ he nibii, aloo efã ko wɔkɛfeɔ enɛ lɛ, nyɛhaa wɔyaa nɔ ‘wɔwoa wɔsɔɔmɔ lɛ hiɛ nyam’ yɛ nɔ fɛɛ nɔ mlia.
[Shishigbɛ niŋmai]
a (Ajie kɛjɛ March 15, 1981 Blɔfo Buu-Mɔɔ lɛ mli)