Akɛtsu Nii Akɛ Nɔ ni Yeɔ Buaa Nitsɔɔmɔ

Nikaselɔ ko ni yaa kɔlegi ni kɛ wolo, Your Youth​—Getting the Best out of lt lɛ ha tsɔɔlɔ ni tsɔɔ amɛ gbɔmɔtsoŋ hewalɛnamɔ he nii lɛ bɔ amaniɛ akɛ:

“Yoo lɛ kɛtee shia ni ekane wolo lɛ fɛɛ nakai gbɛkɛ lɛ. Enɔ jetsɛremɔ lɛ ebi akɛ ani eeenyɛ ena woji nɛɛ ekomekomei 50 koni ekɛha eklaasbii lɛ, ni ebaabi koni skul nɔkwɛlɔi lɛ akpɛlɛ nɔ:

“Nyɔji ekpaa sɛɛ dani minine shɛ enɔ mikɛ lɛ susu sane lɛ he ekoŋŋ. Mibi lɛ akɛ ani eetao woji lɛ lolo lo. Ekɛɛ akɛ hɛɛ, ni ebaahe ekomekomei 15 kɛha mɛi ni jeɔ shishi lɛ. Ekɛ gbekɛbii akuu ko kaseɔ yɛ Freemont, Michigan, kɛ agbɛnɛ kpee he ko ni kwɛɔ gbekɛbii ni afeɔ amɛ niseniianii lɛ mlibii.”

Yɛ sɛɛ mli lɛ tsɔɔlɔ lɛ ŋma akɛ. “Miidao shi akɛ oha mile wolo Your Youth lɛ mli sane. Emli gbɛtsɔɔmɔi lɛ kɛ Biblia lɛ yaa ni eji anɔkwale. Wɔjeŋ nɛɛ baanyɛ atsɔ he ko kpakpa kɛji akɛ mɔ fɛɛ mɔ aaanyiɛ gbɛtsɔɔmɔ ni mli ka shi faŋŋ yɛ Biblia lɛ mli lɛ sɛɛ.

Nɔ ni fata nɛkɛ wolo nɛɛ mli yitsei 24 lɛ ahe ji: ‘Otadei kɛ Bɔ Ni Opueɔ Ohaa​—Wieɔ Ohe,’ ‘Mɛni Hewɔ Esa Akɛ Makase Nii yɛ Skul?’ ‘Ani Esa Akɛ Onu Dãa ni Wa?’ Lalai kɛ Jooi ni Ohalaa,’ ‘Ani Jwɛŋmɔ Yɛ Bɔlɛnamɔ He Jeŋba Kpakpa lɛ Mli?’ kɛ ‘Nuu kɛ Yoo Nyiɛmɔ ni Tsɔɔ Gbalashihilɛ Hiɛ.’ Onine baanyɛ ashɛ wolo ni yeɔ buaa shihilɛ kpakpa nɛɛ nɔ kɛtsɔ nɔ ni aŋma yɛ shishigbɛ nɛɛ ni oooŋmala nɔ ni ataoɔ yɛ nɔ lɛ nɔ ni okɛ ₵23 pɛ amaje wɔ.

Ofainɛ nyɛkɛ wolo, Your Youth​—Getting the Best out of It ni hiɛ baafai 192 lɛ ekome amajea mi. Mikɛ ₵23 ewo mli kɛmiiwo nyɔmɔ.