Sanebimɔi Ni Jɛ Kanelɔi Adɛŋ

◼ Ani eji nɔ ni sa akɛ Kristofonyo aaahe loto tikiti, akɛ nɔ ko ni ekɛmiijie ehiɛtserɛ kɛji akɛ akɛ nɔ ni jɛɔ mli baa Iɛ haa mɛi ni efi amɛ?

Eka shi faŋŋ akɛ Biblia Iɛ ejeee mɔ ko nijiaŋ wui yɛ hiɛtserɛjiemɔ ni sa he, ejaakɛ Yehowa ji “miishɛɛ Nyɔŋmɔ.” (1 Timoteo 1:​11, New World Translation) Ewebii Iɛ baanyɛ ana lalai, joo ni hi ni akɛ hiɛshikamɔ woɔ mli, niyeli loo daanumɔ kɛ hiɛshikamɔ. kpɔiaŋgbɔlemɔi kɛ shwɛmɔi amli ŋɔɔmɔ.(Lala 150:4; Jajelɔ 2:24) Shi, asɔshwɛmɔ teɔ shi ewoɔ Nyɔŋmɔ ŋaawoo ni jwɛŋmɔ yɔɔ mli Iɛ yɛ faŋŋ mli ni enɛ ji anɔkwale yɛ loto ni akɛ he woɔ mli Iɛ he.

Shi mɛni kwraa ji loto tsemɔ? No ji ni ahe tikitii koni atsɔ mli ana jweremɔ nɔ ko. Gbɛ ni atsɔɔ nɔ ayeɔ omanye ji ni ahala yibɔ ko kɛkɛ yɛ heniianaa.a Yɛ bei babaoo mli Iɛ eji jweremɔ nɔ loo nikeenii agbo ko, ekolɛ nɔ ni shɛɔ dɔlai, cedii loo pound akpekpei abɔ. Bɔ ni nyɔmɔwoo wulu nɛɛ gbalaa mɛi sɔŋŋ hewɔ lɛ eha loto ebatsɔ “asɔshwɛmɔ ni egbɛ eshwa fe fɛɛ.” (The World Book Encyclopedia) Gbɔmɛi akpekpei ohai abɔ tsɔɔ loto nɔ amɛshwɛɔ asɔ.

Mɛi komɛi susuɔ akɛ ni mɔ ko kɛ ehe aaawo loto tsemɔ mli lɛ jeee nɔ ni ehiii loo ejaaa ejaakɛ shika ni akɛtseɔ tikiti Iɛ edaaa, ejaakɛ mɛi ni kɛ amɛhe woɔ mli lɛ jɛɔ amɛsuɔmɔ mli amɛfeɔ nakai, ni yɛ bei komɛi amli Iɛ akɛ nɔ ni jɛɔ mli baa Iɛ keɔ mɛi, tamɔ ohiafoi. Te susumɔ ni tamɔ nɛkɛ Iɛ ja ha tɛŋŋ?

Yɛ be mli ni mɛi komɛi kɛɔ akɛ loto tikiti ni aaahe Iɛ waaa, eji hiɛtserɛjiemɔ ko kɛkɛ lɛ, anyɛŋ aje hiɛjoomɔ su ni yɔɔ mli lɛ he ŋwane. Gbɔmɛi heɔ loto tikiti kɛ hiɛnɔkamɔ akɛ amɛbaaye shika babaoo. Enɛ teɔ shi ewoɔ ŋwɛi ŋaawoo akɛ ahi hiɛjoomɔ, nii ni baanyɛ afee efɔŋ ni hiɛdɔɔ yɔɔ mli ni baanyɛ atsi mɔ ko naa koni ‘enine akashɛ Nyɔŋmɔ Maŋtsɛyeli lɛ nɔ’ lɛ. No hewɔ lɛ, kɛji akɛ Kristofonyo ko jie ehe kpo akɛ eji mɔ ni hiɛ kɔɔ asɔshwɛmɔ nɔ lɛ, abaanyɛ ashwie Iɛ kɛjɛ asafo lɛ mli. (1 Korintobii 5:​11; 6:10) Biblia Iɛ kɛɔ akɛ: “Gboshinii ni aha gidigidi yɛ shishijee mli lɛ, enaagbee lɛ, jɔɔmɔ baŋ nɔ.” (Abɛi 20:21) Kɛji akɛ Kristofonyo ko nu he akɛ ‘ebaaka’ loto tsemɔ ekwɛ lɛ, esa akɛ ekɛ hiɛdɔɔ asusu hiɛjoomɔ ni lototsemɔ damɔ nɔ Iɛ he. Efesobii 5:3 kɛɔ akɛ ‘akatsi hiɛjoomɔ ta kwraa yɛ wɔteŋ.’ mbasoroo ni Kristofonyo kɛ ehe aaawo mli.

Mɛi ni tseɔ loto nɛɛ ateŋ mɛi ni fa ji ohiafoi No hewɔ Iɛ kɛji akɛ tikiti Iɛ jara waaa po lɛ, aashɔ shika ni kulɛ amɛkɛaatsu amɛwekui ahiamɔ nii ahe nii​—niyenii babaoo, hehaa nɔ, kɛ gbɔmɔtsoŋ hewalɛnamɔ he nii Iɛ kɛmiijɛ amɛdɛŋ. Mɔ ni kɛɔ akɛ eji Kristofonyo shi ekuɔ ehiɛ eshwieɔ eweku mli hiamɔ nii nɛɛ anɔ Iɛ “efaŋ mɔ ni heee yeee fe lɛ.”​—1 Timoteo 5:⁠8.

Kɛji akɛ loto tikiti Iɛ po edaaa bɔ ni no aaaye mɔ Iɛ loo eweku shihilɛ awui lɛ, enɛ etsɔɔɔ akɛ eyeee mɛi krokomɛi awui. Mɛni hewɔ? Ejaakɛ mɔ fɛɛ mɔ ni heɔ loto tikiti Iɛ baasumɔ ni eye omanye. Nɛɛgbɛ ji he ni shika babaoo nɛɛ baajɛ kɛba? Kɛji akɛ ekɛ cedi nyɔŋma he tikiti Iɛ ni jweremɔ nɔ lɛ ji cedii akpeiakpe lɛ, no tsɔɔ akɛ eheɔ gbɔmɛi akpei oha tikiti shika kɛjɛɔ amɛdɛŋ. Ani enɛ kɛ Nyɔŋmɔ ŋaawoo akɛ ohiɛ akakɔ onyɛmi nibii anɔ lɛ kpaa gbee? (5 Mose 5:21) Yɛ anɔkwale mli lɛ, ejweremɔ shika nɛɛ ji shika ni ashɔ yɛ mɛi pii adɛŋ, ejaakɛ abaahɔɔ tititii fe akpei oha. Akɛ shika ni anaa nɛɛ babaoo tsuɔ loto nitsumɔ Iɛ he nii, kɛ agbɛnɛ nɔ ni akɛɛ akɛkeɔ ohiafoi ni akpaa he tɛtrɛmaŋtɛrɛ akɛ no ji nɔ ni hɔ lototsemɔ sɛɛ lɛ. No hewɔ lɛ kɛji akɛ mɔ Iɛ baanyɛ ehe loto tikiti ni ji cedi nyɔŋma lɛ, mɛi krokomɛi babaoo Iɛ hu? Agbɛnɛ, abaatswa omanye ni ebaaye Iɛ he adafi, ni enɛ baatsirɛ mɛi babaoo koni amɛje shishi amɛkɛ amɛhe awo loto tikiti hemɔ mli, kɛji akɛ amɛnyɛŋ po.

Anyɛŋ aje he ŋwane hu akɛ nɔ ni fata loto he ji lamɔ akɛ abaana shika babaoo ni jeee nitsumɔ atsu yɛ he. Hɛɛ, loto woɔ hejɔfeemɔ he hewalɛ. Shi Biblia Iɛ woɔ Nyɔŋmɔ webii ahewalɛ akɛ amɛkwɛ amɛshika nɔ jogbaŋŋ, amɛsumɔ nitsumɔ ni amɛtsu nii waa. Ni eeewo ‘ana nɔ ko yaka’ he mumɔ lɛ he hewalɛ lɛ, ewoɔ ŋaa moŋ akɛɛ “Kɛ mɔ ko sumɔɔɔ akɛ etsuɔ nii lɛ, belɛ ekaye nii hu.”​—2 Tesalonikabii 3:​10; Abɛi 13:4; 20:4; 21:​25; 1 Tesalonikabii 4:​9-12.

Akɛ mɛi krokomɛi baajɛ amɛsuɔmɔ mli amɛkɛ amɛhe awo loto tsemɔ mli ni akɛ eji nɔ ni mla ŋmɛɔ gbɛ lɛ ebuuu Kristotonyo ni kɛ ehe woɔ mli Iɛ bem. Nɔyelii komɛi kɛ mla fiɔ asɔshwɛmɔi komɛi asɛɛ, kɛ agbɛnɛ ajwamaŋbɔɔ kɛ yei babaoo ni akɛ amɛ boteɔ gbalashihilɛ mli. Eyɛ mli akɛ mla ŋmɛɔ nifeemɔi ni tamɔ nɛkɛ gbɛ ni mɛi pii miisumɔ ni amɛkɛ amɛhe awo mli moŋ, shi enɛ etsɔɔɔ akɛ nɛkɛ nitsumɔi nɛɛ ja gbɛ yɛ Nyɔŋmɔ hiɛ. Shi moŋ, Kristofoi bɔɔ mɔdɛŋ ni amɛjie jwɛŋmɔ ni David hiɛ lɛ kpo: “Yehowa, tsɔɔmɔ mi ogbɛi lɛ, ha male otempɔŋi lɛ! Ha manyiɛ onɔkwale lɛ mli, ni otsɔɔ mi nii; ejaakɛ bo ji miyiwalaheremɔ Nyɔŋmɔ Iɛ.”​—Lala 25:​4, 5.

Kɛji akɛ Kristofonyo miisumɔ ni eye ebua ohiafoi, mɛi ni amɛje kpa aloo mɛi ni amɛgbɔlɔ lɛ diɛŋtsɛ lɛ, ebaanyɛ efee nɔ ko tɛɛ aloo ebaanyɛ etsɔ gbɛ ni kɔɔɔ asɔshwɛmɔ he lɛ nɔ.

[Shishigbɛ niŋmai]