Ŋshɔkpɔ Bibioo ni Yɔɔ Shɔŋŋ

WIEMƆI ni akɛtsɔɔ bɔ ni nɔ ko ji ni afɔɔ kɛ nitsumɔ waa kɛtsɔɔ bɔ ni St. Helena ŋshɔkpɔ lɛ yɔɔ ha lɛ ji “shɔŋŋ” kɛ “bibioo.” No sa kɛha ŋshɔkpɔ nɛɛ, ni ekɛlɛ ji kilomitai 17, ni elɛɛmɔ ji kilomitai 10, ni kɛjɛ jɛmɛ kɛ maŋ ni bɛŋkɛ fe fɛɛ lɛ teŋ jɛkɛmɔ ji kilomitai 1,950, ní ji Afrika wuoyi-anaigbɛ ŋshɔ lɛ naa. Biɛ ji he ni akɛ Napoléon Bonaparte ba yɛ afi 1815 koni eye enaagbee afii lɛ akɛ mɔ ni aye enɔ kunim ni áshwie lɛ kɛjɛ emaŋ.

Kɛ odamɔ ŋshɔ lɛ naa ookwɛ lɛ, ŋshɔkpɔ lɛ feɔ tamɔ mɔɔ ni wa. Eji lasu gɔŋ diɛŋtsɛ ni tsuuu nii ni efee somromoo ni ma Atlantik lɛ mli kɛ tɛsaai anɔ kwɔlɛ ni ji kɛjɛ mitai 500 kɛyashi 700. He fɛɛ he ni ayɔɔ yɛ ŋshɔkpɔ lɛ nɔ lɛ anaa Actaeon Gɔŋ ni yɔɔ teŋgbɛ, ni ekwɔlɛ ji mitai 818 lɛ. Yɛ Atlantik Wuoyigbɛ kɔɔyɔɔ ŋanii kɛ ŋshɔ ni hoɔ lɛ hewɔ lɛ, bei pii lɛ, ŋshɔkpɔ lɛ yɛ kɔɔyɔŋ tsakemɔ ni hi ni ŋɔɔ. Shi kɔɔyɔŋ tsakemɔi kɛ dumɔ nibii srɔtoi babaoo yɛ, kɛjɛ ŋshɔnaa ni kã shishigbɛ lɛ nɔ kɛboteɔ mligbɛ ni gɔji yɔɔ jɛmɛ lɛ mli.

St. Helena etee nɔ efee Britain nɔ̃ kɛjɛ afii ohai 17 lɛ naagbee. Mɛi ayifalɛ fioo ni shɛɔ 5,000 lɛ ji gbɔmɛi srɔtoi diɛŋtsɛ ni jɛ Europa, Asia kɛ Afrika. Ŋleshi wiemɔ ji nɔ ni akɛtsuɔ nii yɛ ŋshɔkpɔ lɛ nɔ fɛɛ, shi bɔ ni atsɛɔ wiemɔi lɛ ahaa lɛ yɛ srɔto. Kɔɔyɔŋ lɛji adaamɔhe bɛ biɛ; nɔ̃ pɛ ni haa anyɛɔ akɛ maji ni yɔɔ he kroko lɛ náa sharamɔ ji lɛlɛ, kɛ gbɛ ni atsɔɔ nɔ daa kɛyaa South Africa kɛ England. Yɛ anɔkwale mli lɛ, yɛ kɔɔyɔŋ tsɔne ni akɛ kpãai emɔmɔ lɛ hewɔ lɛ, afi 1990 afii lɛ teŋgbɛ pɛ mli abaná tɛlivishiŋ ni akɛtswaa adafi.

Nyɔŋmɔ Maŋtsɛyeli lɛ he sanekpakpa lɛ yashɛ ŋshɔi nɛɛ anaa klɛŋklɛŋ kwraa yɛ afi 1930 afii lɛ mra be mli. (Mateo 24:14) Yɛ afii ni eho lɛ amli lɛ, ŋshɔkpɔ lɛ nɔ bii babaoo emɔ nɛkɛ jwetri ni haa heloonaa ninamɔ bafeɔ nɔ ko bibioo nɛɛ mli. (Mateo 6:19, 20) Ŋmɛnɛ, St. Helena náa nɔ ko ni yɔɔ srɔto ni ji Odasefonyo 1 kɛha mɛi 31 mli ŋɔɔmɔ, ní ji nɔ ni hi fe fɛɛ eko yɛ je lɛ mli!

[Shikpɔŋ he mfoniri ni yɔɔ baafa 24]

(Kɛ́ ootao ona bɔ ni saji nɛɛ ji diɛŋtsɛ lɛ, no lɛ kwɛmɔ wolo lɛ mli)

St. Helena

JAMESTOWN

Levelwood

AFRIKA

ATLANTIK ŊSHƆ

St. Helena