Mɛɛ Gbɛ Nɔ Biblia Lɛ Baanyɛ Awa Bo?

Wɔteŋ mɔ fɛɛ mɔ miisumɔ ni ele wala, amanehulu, gbele, kɛ wɔsɛɛ he saji pii. Agbɛnɛ hu, wɔjwɛŋɔ bɔ ni wɔbaafee wɔná shika kɛkwɛ wɔhe, kɛ bɔ ni baafee ni miishɛɛ ahi wɔweku mli lɛ he. Mɛi babaoo ena akɛ Biblia lɛ hãa amɛnáa sanebimɔi ni he hiaa lɛ ahetoo, ni ehãa amɛnaa bɔ ni amɛbaafee amɛkpɛ yiŋ kpakpai yɛ shihilɛ mli hu. Aleenɔ, ole mɔ ko hu ni Biblia lɛ baanyɛ awa lɛ?

1. Mɛɛ sanebimɔi komɛi Biblia lɛ ehã hetoo?

Sanebimɔi ni he hiaa nɛɛ ahetoo yɛ Biblia lɛ mli: Te fee tɛŋŋ ni tsei, kooloi, kɛ gbɔmɛi ba shihilɛ mli? Mɛni hewɔ wɔyɔɔ shihilɛ mli? Mɛni hewɔ wɔnaa amanehulu? Kɛ́ mɔ ko gbo lɛ, nɛgbɛ eyaa? Kɛ́ mɔ fɛɛ mɔ miitao toiŋjɔlɛ lɛ, mɛni hewɔ awuɔ ta waa lɛ? Ani wɔsɛɛ lɛ, abaakpãtã shikpɔŋ lɛ hiɛ? Biblia lɛ woɔ wɔ hewalɛ ni wɔtao sanebimɔi nɛɛ ahetoo, ni mɛi pii ena akɛ emli hetoi lɛ hãa mɔ tsui nyɔɔ emli.

2. Mɛɛ gbɛ nɔ Biblia lɛ baanyɛ awa wɔ ni wɔná miishɛɛ?

Ŋaawoi kpakpai yɛ Biblia lɛ mli. Akɛ nɔkwɛmɔnɔ lɛ, etsɔɔ wekui bɔ ni amɛbaafee amɛná miishɛɛ diɛŋtsɛ. Etsɔɔ wɔ nɔ ni esa akɛ wɔfee kɛ́ wɔfee basaa, kɛ nɔ ni baahã wɔsumɔ wɔnitsumɔ. Wɔbaasusu nɔ ni Biblia lɛ ewie yɛ saji nɛɛ kɛ ekrokomɛi ahe lɛ he yɛ wolo nɛɛ mli. Ebaahã ona akɛ, ‘Ŋmalɛ muu lɛ fɛɛ [loo nɔ fɛɛ nɔ ni yɔɔ Biblia lɛ mli lɛ] he yɛ sɛɛnamɔ’ lɛɛlɛŋ.​—2 Timoteo 3:16.

KASEMƆ PII OFATA HE

Obaana bɔ ni Biblia lɛ eye ebua mɛi, bɔ ni obaafee onya ekanemɔ he, kɛ nɔ hewɔ ni esa akɛ ohã awa bo ni onu shishi lɛ.

3. Biblia lɛ baanyɛ etsɔɔ wɔ gbɛ

Biblia lɛ tamɔ kane ko ni kpɛɔ waa. Ebaanyɛ ewa wɔ ni wɔkpɛ yiŋ kpakpai, ni wɔna nɔ ni baaba wɔsɛɛ hu.

Nyɛkanea Lala 119:105 lɛ, ni nyɛsusua sanebimɔi nɛɛ ahe:

• Te mɔ ni ŋma lala nɛɛ na Biblia lɛ ehã tɛŋŋ?

• Te bo hu onaa Biblia lɛ ohãa tɛŋŋ?

4. Biblia lɛ baanyɛ ahã sanebimɔi ni wɔyɔɔ lɛ hetoo

VIDIO: Kaahã Ohiɛnɔkamɔ Tã! (1:48)

• Mɛɛ sanebimɔi yoo lɛ yɔɔ?

• Mɛɛ gbɛ nɔ Biblia lɛ ni ekase lɛ wa lɛ?

Biblia lɛ tsɔɔ akɛ, esa akɛ wɔbi saji. Nyɛkanea Mateo 7:7 lɛ, ni nyɛsusua sanebimɔ ni nyiɛ sɛɛ nɛɛ he:

• Mɛɛ sanebimɔi komɛi oyɔɔ ni Biblia lɛ baanyɛ ehã hetoo?

5. Obaanyɛ osumɔ Biblia lɛ kanemɔ waa

VIDIO: Biblia Kanemɔ (2:05)

• Te oblahii lɛ kɛ oblayei lɛ na nikanemɔ amɛhã tɛŋŋ?

• Eyɛ mli akɛ amɛsumɔɔɔ nikanemɔ moŋ, shi mɛni hewɔ amɛbasumɔ Biblia lɛ kanemɔ lɛ?

Biblia lɛ tsɔɔ akɛ, ebaanyɛ eshɛje wɔmii ni ehã wɔná hiɛnɔkamɔ. Nyɛkanea Romabii 15:4 lɛ, ni nyɛsusua sanebimɔ nɛɛ he:

• Ani obaasumɔ ni ole gbɛ ni Biblia lɛ baatsɔ nɔ eshɛje omii ni ehã oná hiɛnɔkamɔ?

6. Mɛi krokomɛi baanyɛ awa bo ni onu Biblia lɛ shishi

Mɛi ni kaneɔ Biblia lɛ ateŋ mɛi pii ena akɛ, kɛ́ amɛkɛ mɛi krokomɛi susu he lɛ amɛnáa he sɛɛ waa. Nyɛkanea Bɔfoi 8:​26-31 lɛ, ni nyɛsusua sanebimɔ nɛɛ he:

• Te wɔbaafee tɛŋŋ wɔnu Biblia lɛ shishi?​—Kwɛmɔ kuku 30 kɛ 31 lɛ.

EMLI OTI

Biblia lɛ tsɔɔ wɔ bɔ ni wɔbaafee wɔná miishɛɛ diɛŋtsɛ, ehãa sanebimɔi ni he hiaa hetoo, eshɛjeɔ wɔmii ni ehãa wɔnáa hiɛnɔkamɔ.

Mɛni Okase?

• Mɛɛ ŋaawoi yɔɔ Biblia lɛ mli?

• Mɛɛ sanebimɔi komɛi Biblia lɛ ehã hetoo?

• Mɛni obaasumɔ ni ole yɛ Biblia lɛ mli?

EHE SAJI KROKOMƐI

Obaana bɔ ni Biblia lɛ he yɔɔ sɛɛnamɔ ŋmɛnɛ.

“Nilee Ni Yɔɔ Biblia Tsɔɔmɔi Amli Lɛ Be Hooo” (Buu-Mɔɔ No. 1 2018)

Obaana bɔ ni Biblia lɛ ye ebua nuu ko ni hao kɛjɛ egbekɛbiiashi tɔ̃ɔ.

Nɔ Ni Hã Mibɔi Miishɛɛnamɔ (2:53)

Obaana ŋaawoi kpakpai ni yɔɔ Biblia lɛ mli kɛhã wekui.

“Nibii 12 Ni Hãa Wekui Náa Miishɛɛ” (Awake! No. 2 2018)

Obaana akɛ Biblia lɛ etsɔɔ mɔ tuuntu ni yeɔ je lɛ nɔ.

Mɛni Hewɔ Esa Akɛ Okase Biblia Lɛ?​—Nɔ Ni Sɛɛ Kɛ (3:14)