Akɛ Nɔyeli Ni Fe Fɛɛ Lɛ “Samfei” Lɛ Tsu Nii

“Maŋo ŋwɛi maŋtsɛyeli lɛ naa samfei lɛ mahao, ni nɔfɛɛnɔ ni ooofi yɛ shikpɔŋ lɛ nɔ lɛ baafee nɔni áfi yɛ ŋwɛi, ni nɔfɛɛnɔ ni ooofɛne yɛ shikpɔŋ lɛ nɔ lɛ baafee nɔni áfɛne yɛ ŋwɛi.”​—Mat. 16:​19, NW.

 1, 2. (a) Namɔ ji shinaashikwɛlɔ kpele ni fe fɛɛ yɛ ŋwɛi, taakɛ blema Romabii adesa tsɔɔ lɛ? (b) Yɛ yinɔsane mli Iɛ, mɛni aaakɛɛ yɛ Yesu Kristo ákɛ mɔko ni hiɛ samfee lɛ he?

¹ ANI SHINAASHIKWƐLƆ aloo tsulɔ ko yɛ ŋwɛi? Yɛ blema Roma adesai amli lɛ, Janus, nyɔŋmɔi amli nyɔŋma Iɛ ji shinaashikwɛlɔ kpeteŋkpele yɛ ŋwɛi kɛ shikpɔŋ nɔ. Be ko Iɛ, anaà, Janus nɛɛ sɔlemɔwe lɛ ni ema Roman Forum lɛ kooyigbɛ yɛ Curia lɛ masɛi, shi ajaaa lɛ dɔŋŋ. Shi kɛ̃lɛ, yinɔsane mli gbɔmɔ, Yesu Kristo, ni amrɔ nɛɛ áwo ehiɛ nyam yɛ ŋwɛi yɛ enɔkwa “nyɔŋmɔi amii Nyɔŋmɔ,” Yehowa, ninejurɔ nɔ lɛ hu? (5 Mose 10: 17) Aaafee afi 96 Ŋ.B., yɛ be mli ni ewieɔ ni eŋmala nɔni ewieɔ lɛ ayaha esafo ni yɔɔ Filadelfia yɛ Asia Bibioo lɛ, nɛkɛ Yesu ni awo ehiɛ nyam nɛɛ kɛɛ bɔfo Yohane akɛ:

² “Ni Filadelfia asafo lɛ bɔfo lɛ, ŋmaa oyahalɛ akɛ, nii ni mɔ krɔŋkrɔŋ lɛ anɔkwafo lɛ, mɔni hiɛ David samfee lɛ, mɔni gbeleɔ ni mɔko ŋaaa, ni eŋaa ni mɔko gbeleee lɛ, kɛɛ nɛ: Mile onitsumɔi lɛ; naa, mikɛ shinaa ni agbele ema ohiɛ, ni mɔko nyɛŋ aŋa; ejaakɛ hewalɛ fioo oyɔɔ, shi oye mi wiemɔ lɛ nɔ, ni okwako mi gbɛi lɛ.”​—Kpoj. 3:​7, 8.

 3. (a) Mɛɛ wekukpaa ka Yesu Kristo kɛ David teŋ? (b) Mɛni hewɔ Yehowa kɛ “David samfee” lɛ ha Yesu Kristo Iɛ, ni ekɛtsuɔ nii yɛ mɛɛ gbɛ nɔ?

³ Kɛji akɛɛ wɔkane kɛjɛ David, klɛŋklɛŋ Yerusalem maŋtsɛ ni ji Yudanyo lɛ nɔ kɛbaa lɛ, Yesu Kristo bafeɔ mɔni gbeɔ yi feɔ 43, ni jɛ nakai maŋtsɛ ni he gbɛi waa lɛ odehei aweku lɛ mli. Nakai odehei aweku lɛ bagbeɔ naa yɛ Yesu Kristo nɔ, ejaakɛ lɛ ebafee David maŋtsɛyeli lɛ naanɔ gboshiniyelɔ. (Luka 3:​23-31) Yɛ enɛ hewɔ lɛ, Yehowa Nyɔŋmɔ kɛ “David samfee” lɛ ha e-Bi ni awo ehiɛ nyam lɛ. David maŋtsɛyeli lɛ ji teokrase lɛ henɔ, Nyɔŋmɔ maŋtsɛyeli lɛ henɔ aloo mfonirifeemɔnɔ̃. (1 Kron. 29:​23; 2 Kron. 13:​5, 8) Nɛkɛ maŋtsɛyeli nɛɛ bafeɔ Nyɔŋmɔ maŋtsɛyeli lɛ diɛŋtsɛ, nɔni afee he mfoniri lɛ, yɛ David seshinyo ni awo ehiɛ nyam, Yesu Kristo dɛŋ. Ákɛ mɔni yɔɔ hegbɛ akɛ ehiɛɔ “David samfee” lɛ, egbeleɔ aloo eŋaa hegbɛi kɛ gbɛnaai ni akɛboteɔ Nyɔŋmɔ maŋtsɛyeli lɛ mli lɛ ehaa gbɔmɛi ni yɔɔ shikpɔŋ nɔ lɛ.

 4, 5. Mɛɛ hegbɛi Yesu Kristo kɛɛ akɛ ekɛbaaha anɔkwafo Petro yɛ heko ni bɛŋkɛ Kaisarea Filipi?

⁴ Beni ekwɛɔ be mli ni abaagbele sɔɔmɔ hegbɛi anaa eha enɔkwa bɔfo Simon Petro lɛ gbɛ lɛ, Yesu kɛɛlɛ yɛ be ko mli akɛ: “Bo ji Petro [Hela: Petros; Latin, Petrus], ni nɛkɛ tɛsaa [Hela: tautēi tēi petrai; Latin: hanc petram] nɛɛ nɔ matswa misafo lɛ mama, ni gbohiiaje agboi lɛ nyɛŋ enɔ aye. Ni maŋɔ ŋwɛi maŋtsɛyeli lɛ naa samfei lɛ mahao; ni nɔfɛɛnɔ ni ooofi yɛ shikpɔŋ lɛ nɔ lɛ baafee nɔni afi yɛ ŋwɛi, ni nɔfɛɛnɔ ni ooofɛne yɛ shikpɔŋ lɛ nɔ lɛ baafee nɔni áfɛne yɛ ŋwɛi.”​—Mat. 16:​18, 19, NW.

⁵ Yesu wie nakai yinɔsane mli wiemɔi ni ehe gbɛi lɛ yɛ afi 32 Ŋ.B. lɛ Hehoo lɛ sɛɛ, yɛ heko ni bɛŋkɛ Kaisarea Filipi, yɛ Yordan Faa lɛ jɛɛhe lɛ.​—Mat. 16:​13-17.

BE MLI NI AKƐHA KƐ BENI AKƐ TSU NII

 6. Mɛni nɛkɛ “nakai ŋwɛi maŋtsɛyeli lɛ naa samfei” Iɛ ji, ni amɛdamɔ shi kɛha mɛni?

⁶ “Ŋwɛi maŋtsɛyeli lɛ naa samfei” lɛ jeee samfei diɛŋtsɛ, jeee wɔshikpɔŋ nɔ heloonaa samfei nɛɛ eko, taakɛ bɔni jeee nakai hu ji “David samfei” lɛ. Mumɔŋ samfei ni. Ni ji, hegbɛi, hiɛnyam, nitsumɔ kɛ hewalɛ ni akɛwoɔ mɔko dɛŋ koni egbele amaniɛbɔɔ aloo adafitswaa gbɛjianɔtoo ko naa, nibii ni kɔɔ ŋwɛi maŋtsɛyeli lɛ he nii ni eeetsɔɔ lɛ diɛŋtsɛ ni ekɛ ehe aaawo mli. Kɛtsɔ enɛ nɔ lɛ, nakai gbɔmɛi ni hala akɛ amɛaatao ŋwɛi maŋtsɛyeli lɛ tsutsu lɛ baanyɛ aŋɔ gbɛjianɔ ni Nyɔŋmɔ to yɛ nakai be lɛ mli kɛtsɔ Yesu Kristo, ŋwɛi maŋtsɛyeli lɛ Niyelɔ lɛ nɔ lɛ. Nohewɔ lɛ amɛbote nɔko ni agbeleko naa, ahakoamɛ nakai dã lɛ mli.

 7. Mɛni Yesu etsɔ hiɛ ejielɛ kpo etsɔɔ Nikodemo yɛ Yerusalem akɛ nomɛi ji nibii ni ataoɔ dani mɔko anyɛ abote Nyɔŋmɔ ŋwɛi maŋtsɛyeli lɛ mli?

⁷ Aaafee afii enyɔ dani enɛ aaaba lɛ, no mli lɛ Yesu ejie taomɔnii komɛi ni esani heyelilɔ ko ni taoɔ abote Nyɔŋmɔ ŋwɛi maŋtsɛyeli lɛ mli lɛ atsu he nii lɛ kpo etsɔɔ Yudafoi lɛ anɔyelɔ ko, Farisinyo ko ni atsɛɔlɛ Nikodemo yɛ Yerusalem Yesu kɛɛ akɛ: “Lɛɛlɛŋ lɛɛlɛŋ, miikɛɛo akɛ: Kɛji afɔɔɔ mɔko ehee lɛ, enyɛŋ Nyɔŋmɔ maŋtsɛyeli lɛ ena.” Mɛni, ‘afɔlɛ ehee’ ni lɛdiɛŋtsɛ enyɛ ni ji adesa lɛ afee enɛ? Dabi, shi Yesu kɛɛ Nikodemo akɛ: “Lɛɛlɛŋ, lɛɛlɛŋ, miikɛɛo akɛ: Kɛji ajɛɛɛ nu kɛ mumɔ mli afɔɔɔ mɔko lɛ, enyɛŋ Nyɔŋmɔ maŋtsɛyeli lɛ mli ebote. Nɔni ajɛ heloo mli afɔ lɛ, heloo ni; ni nɔni ajɛ mumɔ mli afɔ lɛ, mumɔ ni.”​—Yoh. 3:​1-6, NW.

 8. Ani eeefee nom shishinumɔ yɔɔ mli akɛ mɔko ni jeee Kristofonyo ni abaptisilɛ, ni ejeee mɔni akɛ mumɔ, efɔ́lɛ momo lɛ, ákɛ eeemɛ ni ekɛ “samfei” ni tamɔ nɛkɛ aaatsu nii, ni mɛɛ nɔkwɛmɔnɔ wɔyɔɔ yɛ enɛ mli?

⁸ Nohewɔ lɛ, ani gbɔmɔ ni lɛdiɛŋtsɛ lɛ ‘ajɛko nu kɛ mumɔ mli afɔkolɛ’ momo, ni ejeee Kristofonyo ni abaptisilɛ ni akɛ mumɔ efɔlɛ lɛ aaanyɛ aná “samfei” ni ekɛtsu nii ni ekɛgbele Nyɔŋmɔ maŋtsɛyeli lɛ mlibotemɔ he gbɛ aha mɛikrokomɛi lo? Enɛ nyɛŋ afee sanenaatsɔɔmɔ ni nilee yɔɔ mli. Nohewɔ lɛ akɛ “ŋwɛi maŋtsɛyeli lɛ naa samfei” lɛ haaa Yohane, eyɛ mli akɛ lɛ ebaptisi Yesu, ni lɛ klɛŋklɛŋ eshiɛ akɛ: “Nyɛtsakea nyɛtsuii; shi ŋwɛi maŋtsɛyeli lɛ ebɛŋkɛ.”​—Mat. 3:​1, 2.

 9. Te wɔfeɔ taoŋ wɔleɔ kɛji Petro ji mɔko ni akɛ mumɔ efɔlɛ momo yɛ be mli ni akɛ “samfei” lɛ mli klɛŋklɛŋnɔ lɛ halɛ lɛ, ni Etiopianyo ni áfolɛ ketia ni etsɔ Yudanyo ni awie ehe yɛ Bɔfoi lɛ Asaji 8: 27, 28 lɛ hu?

⁹ Ojogbaŋŋ, belɛ ani akɛ mumɔ efɔ bɔfo Petro yɛ be mli ni Yesu Kristo kɛ “samfei” lɛ mli klɛŋklɛŋnɔ lɛ halɛ ni ekɛtsu nii lɛ? Hɛɛ, ejaakɛ, afi 33 Ŋ.B, yɛ Pentekoste gbi lɛ nɔ Yehowa Nyɔŋmɔ kɛ Yesu ni awo ehiɛ nyam lɛ tsu nii ni ekɛ mumɔ krɔŋkrɔŋ abaptisi kaselɔi aaafee 120, ni Petro fata he, ni miimɛ yɛ ŋwɛitsu ko mli yɛ Yerusalem lɛ. Klɛŋklɛŋ, yɛ be mli ni akɛ mumɔ lɛ efɔ́ Petro sɛɛ dani ete shi koni ewie etsɔɔ Yudafoi kɛ mɛi ni áfoamɛ ketia ni amɛtsɔmɔ amɛhe Yudafoi ni fe 3,000 ni amɛbabua amɛhe naa koni amɛye bɔni gbalɛ ni yɔɔ Yoel 3:​1, 2 lɛ ebɔi mlibaa lɛ he odase lɛ. Kɛji Etiopianyo ni etsake ni áfolɛ ketia ni atsĩ eta yɛ Bɔfoi lɛ Asaji 8:​27, 28 alɛ fata “Nyɔŋmɔ gbeyeishelɔi” ni yɔɔ Yerusalem yɛ nakai Pentekoste gbi lɛ nɔ lɛ ahe lɛ no lɛ enyɛɛɛ ejɛ sɔlemɔwe lɛ ni ebabo Petro toi. (Bɔf. 2:​1-12) Shi enine shɛ nɛkɛ hegbɛ nɛɛ nɔ fee sɛɛ.

10. Mɛɛ gbɛ gbɔmɛi akpei abɔ ni boɔ Petro toi lɛ tsɔ nɔ amɛbafee mɛi ni ‘afɔamɛ ehee’ aloo ‘ajɛ nu kɛ mumɔ afɔamɛ’?

¹⁰ Petro kɛɛ nakai gbɔmɛi akpei babaoo ni kwɛɔ nɔni yaa nɔ lɛ akɛ, ákɛ jamɔ kuu lɛ, amɛfee esha yɛ Yesu Kristo ni no be lɛ mli lɛ amɛtsɔ hiɛ ámɛsɛŋlɛ gbii 52 nɛ lɛ hewɔ. Kɛkɛ nakai “Nyɔŋmɔ gbeyeishelɔi” ni amɛhe nilee ebuamɛ fɔ lɛ bi akɛ: “Ataamɛi kɛ anyɛmimɛi, te wɔɔfee tɛɛŋ?” Petro ji mɔni ha hetoo: “Nyɛtsakea nyɛtsuii amli ni nyɛteŋ mɔfɛɛmɔ aha abaptisilɛ awo Yesu Kristo gbɛi amli, koni aŋɔ nyɛhe eshai lɛ afanyɛ, ni nyɛaana mumɔ krɔŋkrɔŋ nɔkeenɔ lɛ. Ejaakɛ shiwoo lɛ, nyɛ kɛ nyɛbii kɛ mɛi fɛɛ ni yɔɔ sɛɛ shɔŋŋ, mɛi abɔ ni Nuntsɔ [Yehowa] wɔ Nyɔŋmɔ lɛ aaatsɛ kɛaaba lɛ anɔ ni.” Petro tee nɔ ewie. “Ni ewie wiemɔi krokomɛi pii ekɛye odase ni ekɛwoamɛ ŋaa akɛ: Nyɛhaa aherea nyɛyiwala kɛjɛa yinɔ kɔdɔŋ nɛɛ mli.” (Bɔfoi 2:​14-40) Nɛkɛ gbɛ nɔ Petro ni akɛ mumɔ efɔlɛ lɛ kɛ “samfei” lɛ mli klɛŋklɛŋnɔ lɛ tsu nii yɛ.

11. Mɛɛ gbɛ gbɔmɛi akpei abɔ ni boɔ Petro toi lɛ tsɔ nɔ amɛbafee mɛi ni ‘afɔamɛ ehee’ aloo ‘ajɛ nu kɛ mumɔ mli afɔamɛ’?

¹¹ Ani nakai heloo naa Yudafoi lɛ ekomɛi tsɔ gbɛ ni agbɛnɛ agbele nɛɛ mli akɛ Yudafoi ni amɛblematsɛmɛi Yehowa Nyɔŋmɔ kɛ shiwoo ni yɔɔ Yoel 3:​1, 2 lɛ ha lɛ? Bɔfoi lɛ Asaji 2:​41, 42 haa hetoo: “Kɛkɛ ni mɛi ni hé [Petro] ewiemɔ lɛ kpɛlɛ yɛ tsuijurɔ naa lɛ abaptisiamɛ, ni nakai gbi lɛ nɔ nɔŋŋ lɛ, aŋɔ susumai aaafee akpei etɛ afata amɛhe. Ni amɛhiɛ bɔfoi lɛ atsɔɔmɔ lɛ kɛ naanyobɔɔ lɛ kɛ aboloo kuɔmɔ lɛ kɛ sɔlemɔi lɛ amli.” Akɛni abaptisiamɛ yɛ nu mli yɛ Yesu Kristo gbɛi amli ni yɛ no sɛɛ lɛ amɛnine shɛ mumɔ krɔŋkrɔŋ nɔkeenɔ lɛ nɔ hewɔ lɛ, ‘afɔamɛ ehee,’ ‘ajɛ nu kɛ mumɔ mli afɔamɛ.’​—Yoh. 3:​3, 5.

MƐI NI AKƐ SAMFEE NI JI ENYƆ LƐ TSU AMƐHE NII

12, 13. (a) Eji samfee kome pɛ he bahia akɛ Petro kɛtsu nii kulɛ, mɛni ji nɔni enɛ baatsɔɔ? (b) Shi mɛni Yesu kɛɛ ekaselɔi lɛ yɛ enɛ he yɛ no sɛɛ be kukuoo mli dani ekwɔ kɛtee ŋwɛi lɛ?

¹² Jeee samfee kome akɛwo Petro shi, shi moŋ “ŋwɛi maŋtsɛyeli lɛ naa samfei.” Enɛ tsɔɔ akɛ kɛ́ efaaa kwraa lɛ, samfei enyɔ. Nohewɔ lɛ, mɛ be mli ni akɛ samfee ni ji enyɔ lɛ halɛ, ni yɛ namɛi ahewɔ? Kɛ́ samfee kome pɛ he hiaa Petro lɛ, belɛ heloo naa Yudafoi kɛ mɛi ni amɛtsɔmɔ Yudafoi ni afoamɛ ketia lɛ pɛ baafee 144,000 lɛ ni Yesu Kristo tswaa amɛ emaa lɛdiɛŋtsɛ ákɛ tɛsaa lɛ nɔ koni amɛfee esafo ni akɛ mumɔ efɔ́amɛ lɛ yibɔ lɛ. (Mat. 16:​18; Kpoj. 7:​4-8; 14:​1-3) Shi ani ŋwɛi yiwalaheremɔ lɛ yɛ kɛha mɛi pɛ ni aŋɔamɛ kɛtsɔ nii ni Petro kɛ samfee lɛ tsu yɛ Pentekoste gbi lɛ nɔ lɛ? Ojogbaŋŋ, mɛni Yesu kɛɛ dani ekwɔ kɛtee ŋwɛi yɛ shitee lɛ sɛɛ gbi ni ji 40 lɛ nɔ lɛ? Yɛ nakai gbi lɛ nɔ lɛ, yɛ heko ni bɛŋkɛ Yerusalem lɛ, ekɛɛ ekaselɔi lɛ akɛ:

¹³ “Nɛkɛ aŋma, ni nɛkɛ esa akɛ Kristo ana amanehulu ni ete shi kɛjɛ gbohii ateŋ yɛ gbi ni ji gbi etɛ lɛ nɔ; ni ashiɛ tsuitsakemɔ kɛ eshaifaa yɛ egbɛi lɛ anɔ atsɔɔ maji fɛɛ, ni abɔi kɛjɛ Yerusalem. Ni nyɛji nɛkɛ nii nɛɛ ahe odasefoi. Ni naa miiha nyɛtsɛ shiwoo lɛ [ni yɔɔ Yoel 3:​1, 2] aba nyɛnɔ; nohewɔ lɛ nyɛhia shi yɛ Yerusalem ma lɛŋ kɛyashi beyinɔ ni aaajɛ ŋwɛi awonyɛ hewalɛ.”​—Luka 24:46-49.

14, 15. Taakɛ Bɔfoi Iɛ Asaji 1:8 tsɔɔ lɛ, mɛɛ gbɛ nɔ Yesu tsɔ ekɛ sɔrɔtofeemɔ ba tsuitsakemɔ shiɛmɔ lɛ ni aaakpa mli aha “maji fɛɛ” Iɛ mli?

¹⁴ “Shi, taakɛ Bɔfoi lɛ Asaji 1:8 tsɔɔ lɛ, Yesu tee nɔ etsɔɔ gbɛ ni aaatsɔ nɔ adamɔ egbɛi lɛ nɔ ashiɛ tsuitsakemɔ kɛ eshaifaa kɛya “maji fɛɛ” lɛ amli fiofio lɛ fitsofitso. Kɛkɛ ni ekɛɛ akɛ: “Shi moŋ kɛ mumɔ krɔŋkrɔŋ lɛ na ba nyɛnɔ lɛ, nyɛaana hewalɛ ni nyɛaatsɔmɔ midasefoi yɛ Yerusalem kɛ Yudea kɛ Samaria fɛɛ, kɛyashi shikpɔŋ lɛ naagbeehei lɛ.”

¹⁵ Yesu jie Samaria kɛjɛ “Yudea” he. Yɛ sane nɛɛ hewɔ lɛ, yɛ eshikpɔŋ nɔ sɔɔmɔ nitsumɔ lɛ mli fɛɛ lɛ, ekɛ sɔrɔtofeemɔ ba heloo naa Yudafoi ni afoamɛ ketia lɛ kɛ Samariabii ni afoamɛ ketia lɛ ateŋ.

16. Te fee tɛɛŋ ni ebalɛ akɛ beni Yesu kuɔ esɛɛ kɛya Galilea Iɛ ekɛ Samariabii ni yɔɔ Sikar maŋ lɛ mli Iɛ yahi shi gbii enyɔ hu?

¹⁶ Afi 30 Ŋ.B. Hehoo lɛ sɛɛ, yɛ esɔɔmɔ nitsumɔ lɛ klɛŋklɛŋ afi lɛ mli lɛ, ehe bahia ni etsɔ Samaria yɛ be mli ni ejɛ Yudea kɛyaa Galilea lɛ. Enɛ mli abayoo yɛ akɛ “Yudafoi kɛ Samariabii yeee.” (Yoh. 4:⁠9) Shi, yɛ Yakob nubu lɛ he, yɛ heni bɛŋkɛ Sikar maŋ lɛ, Yesu yasumɔ akɛ ekɛ Samariayoo ko aaawie. Yɛ anɔkwale mli lɛ, yoo nɛɛ baafee klɛŋklɛŋmɔ ni Yesu jaje etsɔɔlɛ akɛ, lɛ ji Mesia aloo Kristo lɛ. Ani enɛ jɛ Yudayoo ni ejeee lɛ hewɔ? (Mat. 16:20) Agbɛnɛ akɛni Samariabii ni yɔɔ Sikar lɛ fɔ nine tsɛamɛ hewɔ lɛ, ekɛ ebɔfoi lɛ kɛ Samariabii lɛ hi shi gbii enyɔ ni ewie etsɔɔamɛ. Amɛteŋ mɛi pii he ye ni amɛkɛɛ Samariayoo lɛ ni yeamɛ odase lɛ akɛ: “Agbɛnɛ wɔmiihe wɔmiiye, jeee bo owiemɔ lɛ hewɔŋ dɔŋŋ; ejaakɛ wɔdiɛŋtsɛ wɔnu, ni wɔna wɔle akɛ, anɔkwale, mɔnɛ ji je lɛ walaherelɔ ni ji Kristo lɛ.”​—Yoh. 4:​39-43.

17. Mɛɛ shidaamɔ Yesu kɔ yɛ nakai Samariabii ni heɔ yeɔ lɛ kɛ nu mli baptisimɔ he?

¹⁷ Kɛ̃lɛ, yɛ enɛ sɛɛ po lɛ, Yesu tee nɔ ekɛ sɔrɔtofeemɔ ba Yudafoi kɛ Samariabii ateŋ yɛ hé ni Samariabii lɛ ateaŋ mɛikomɛi heɔ lɛ amɛyeɔ lɛ fɛɛ sɛɛ. Ani Yesu kɛɛ ni akɛ Yohane baptisimɔ lɛ eko abaptisi nakai Samariabii ni heɔ yeɔ lɛ yɛ nu mli? Dabi! Enɛ tsɔɔ nɔko, ejaakɛ dani sane ni kɔɔ saramɔ ni Yesu yasara Sikar ni yɔɔ Samaria lɛ he lɛ aaaba lɛ, aŋma akɛ: “Agbɛnɛ beni Nuntsɔ lɛ na le akɛ Farisifoi lɛ enu akɛ Yesu miifee kaselɔi ni eeebaptisi mɛi babaoo fe Yohane lɛ, tsɛbelɛ lɛ Yesu lɛ diɛŋtsɛ ebaptisiii, shi moŋ ekaselɔi lɛ, eje Yudea ni eyiŋ kɛmiiya Galilea ekoŋŋ. Shi ja etsɔ Samaria. Agbɛnɛ ebashɛ Samaria maŋ ko ni atsɛɔ lɛ Sikar lɛ he, shikpɔŋ kukuoo ko ni Yakob ŋɔha ebi Yosef lɛ masɛi. Shi Yakob nubu lɛ yɛ jɛi.”​—Yohane 4:​1-6.

18. Afii enyɔ sɛɛ, yɛ beni Yesu hoɔ kɛtsɔɔ Samaria ni eeya Yerusalem lɛ, mɛɛ subaŋ ko Samariabii ni yɔɔ amɛ akrowai amli lɛ jielɛ kpo?

¹⁸ Ani yɛ no sɛɛ afii enyɔ lɛ nibii tee nɔ jogbaŋŋ kɛha Yesu? Ekaselɔi lɛ kɛ amɛhiɛ etsɔɔ gbɛ kroko nɔ koni amɛyaye Yudafoi asesei agbijurɔ lɛ yɛ Yerusalem. Kɛkɛ ni Yesu bɔfoi lɛ tsɔ ehiɛ, “ni amɛtee amɛyabote Samariabii amaŋ ko mli, koni amɛsaa heko amɛtolɛ. Shi amɛhereee lɛ, ejaakɛ amɛna yɛ ehiɛ akɛ [nɛgbɛ eyaa?] Yerusalɛm eyaa” lɛ. Ni beni Yakobo kɛ Yohane, kaselɔi lɛ na enɛ lɛ, amɛkɛɛ: Nuntsɔ, oosumɔ akɛ wɔkɛɛ ni la ajɛ ŋwɛi aba abashaamɛ, tamɔ bɔni Elia hu fee lɛ? Shi etsɔ ehe ni ebɔamɛ kɔkɔ . . . ni amɛtee maŋ kroko mli.” (Luka 9:​51-56) Eji Yesu kpɛlɛ Yakobo kɛ Yohane mlifu ni naa wa lɛ nɔ kulɛ, enɛ baafite Samariabii lɛ ajwɛŋmɔ yɛ Kristo jamɔ he.

19. (a) Beni Yesu tsu bɔfoi 12 lɛ enyɔnyɔ lɛ, mɛɛ famɔi ni kɔɔ Samaria he ekɛhaamɛ? (b) Taakɛ Yohane 8: 47, 48 tsɔɔ lɛ, mɛni ji su ni Yudafoi lɛ hiɛ yɛ Samariabii lɛ ahe?

¹⁹ Aaafee afi dani enɛ aaaba lɛ, dani afi 32 Ŋ.B. Hehoo lɛ aaashɛ lɛ, beni Yesu tsu ebɔfoi lɛ enyɔnyɔ ni amɛyashiɛ lɛ, ekɛɛamɛ akɛ: “Nyɛkagbalea jeŋmajiaŋbii lɛ aŋɔɔ, ni nyɛkabotea Samariabii amaŋ ko mli hu; shi moŋ nyɛyaa Israel we tooi ni elaaje lɛ aŋɔɔ. Shi ni nyɛyaa nɛɛ, nyɛshiɛa nyɛkɛɛa akɛ: Ŋwɛi maŋtsɛyeli lɛ eshɛ shi eta.” (Mat. 10:5-7; Luka 9:​1-6) Nyɔji pii esɛɛ lɛ, yɛ afi 32 Ŋ.B. asesei agbijurɔ lɛ sɛɛ lɛ, Yesu tsu sanekpakpa shiɛlɔi 70 krokomɛi hu ni efaamɛ taakɛ bɔni efee bɔfoi 12 lɛ. Etamɔ nɔni akrowai kɛ maji ni amɛshiɛ Nyɔŋmɔ maŋtsɛyeli lɛ he sanekpakpa lɛ yɛ jɛmɛ lɛ fɛɛ yɛ Yudea, shi jeee yɛ Samaria. (Luka 10:​1-24) , Amɛbɔɔɔ amaniɛ ko akɛ amɛyasara heko ni Samariabii yɔɔ jɛi. Amɛtee “Israel we tooi ni elaaje lɛ aŋɔɔ.” Mɛni hewɔ? Ejaakɛ akɛ hewalɛ ni fe bɔfoi lɛ anɔ̃ haaa nakai sanekpakpa shiɛlɔi lɛ. Su diɛŋtsɛ ni Yudafoi lɛ hiɛ yɛ Samariabii lɛ ahe lɛ je kpo yɛ be mli ni Yesu kɛɛ Yudafoi ni heee yeee lɛ akɛ jeee Nyɔŋmɔ ŋɔɔ amɛjɛ ni amɛhu amɛha hetoo akɛ: “Samarianyo jio, ni daimonioi hu yɛ omli” lɛ.​—Yoh. 8:​47, 48.

20. Mɛni hewɔ Samariabii lɛ naaa “maŋtsɛyeli lɛ naa samfei” lɛ mli klɛŋklɛŋnɔ ni Petro kɛtsu nii yɛ Pentekoste yɛ Yerusalem lɛ he sɛɛ ko kwraa lɛ, nohewɔ lɛ mɛɛ sanebimɔ teɔ shi?

²⁰ Yesu kɛ sɔrɔtofeemɔ ba Samariabii kɛ Yudafoi ateŋ yɛ be mli ni ekɛɛ Samariayoo lɛ akɛ: “Nyɛ lɛ, nyɛleee nɔni nyɛjaa; wɔ lɛ, wɔle nɔni wɔjaa, ejaakɛ walaheremɔ lɛ, Yudafoi aŋɔɔ ejɛ.” (Yoh. 4:22) Yesu bu Samarianyo akɛ: “maŋsɛɛnyo” aloo, kɛ́ aaatsɔɔ shishi diɛŋtsɛ lɛ, ‘mɔni jɛ weku aloo maŋ kroko nɔ.’ (Luka 17:​16-18; kwɛmɔ bɔni atsɔɔ wiemɔi komekomei ashishi awo ekrokomɛi ashishi taakɛ eyɔɔ Kingdom Interlinear Translation lɛ mli lɛ.)a Samariabii ni já yɛ Gerizim Gɔŋ lɛ nɔ lɛ baaa Pentekoste ni aye yɛ Yerusalem yɛ afi 33 Ŋ.B. lɛ shishi. Nohewɔ lɛ amɛnaaa “ŋwɛi maŋtsɛyeli lɛ naa samfei” lɛ ni Petro kɛ klɛŋklɛŋnɔ̃ lɛ tsu nii lɛ he sɛɛ. (Bɔf. 2:​5-11) Mɛɛ be mli mɔ bɔfoi 12 lɛ gbala amɛjwɛŋmɔ kɛba Samaria nɔ yɛ be mli ni afɔse mumɔ krɔŋkrɔŋ lɛ ashwie shi yɛ Yerusalem lɛ sɛɛ koni amɛbaná nɔni Yesu egba efɔ shi yɛ Bɔfoi lɛ Asaji 1:8 lɛ mli gbɛfaŋnɔ̃?

21. Te fee tɛɛŋ ni Filipo sanekpakpa shiɛlɔ lɛ baje Samaria hu, ni mɛni hewɔ mɛi lɛ ná miishɛɛ babaoo yɛ jɛmɛ ni eyɔɔ lɛ hewɔ lɛ?

²¹ Nibii pii ba Kristofoi asafo lɛ ni yɔɔ Yerusalem lɛ nɔ yɛ Pentekoste sɛɛ. Yiwaa ni nyiɛ Stefano ni agbelɛ akɛ lá odasefonyo lɛ sɛɛ ba lɛ gbɛ asafo lɛ mlibii lɛ amɛshwã kɛjɛ Yerusalem, ja bɔfoi 12 lɛ pɛ. (Bɔfoi 8:1-5) Jeee yɛ bɔfoi lɛ afamɔ kɛ amɛ mla naa, shi moŋ yiwaa lɛ hewɔ ni Filipo, Stefano hefatalɔ nitsulɔ lɛ kɛ Yudafoi Kristofoi krokomɛi lɛ jo foi kɛtee kooyigbɛ yɛ Samaria niiaŋ lɛ. (Bɔf. 6:​1-6; 21:⁠8) Jɛmɛ Filipo, ni akɛ Nyɔŋmɔ mumɔ lɛ naakpɛɛ nɔkeenɔ lɛ edurolɛ lɛ shiɛ sanekpakpa lɛ ni kɔɔ Yesu Kristo ni awo ehiɛ nyam ni ateelɛ shi lɛ yɛ, ni efee naakpɛɛ okadii ni ji helatsamɔi sɔrɔtoi. “Ni miishɛɛ babaoo ba nakai mã Iɛŋ.”​—Bɔf. 8:⁠8

22. Akɛni Filipo baptisi Samaria hii kɛ yei babaoo yɛ nu mli hewɔ lɛ, mɛɛ sanebimɔ teɔ shi?

²² Mɛni jɛ mli ba? “Shi beni amɛhe Filipo ni jaje Nyɔŋmɔ maŋtsɛyeli lɛ kɛ Yesu Kristo gbɛi lɛ he sanekpakpa lɛ etsɔɔamɛ lɛ amɛye lɛ, abaptisi hii kɛ yei.” Mɔ ni fata mɛnɛɛmɛi ahe ji nkunyaayelɔ ko ni atsɛɔlɛ Simon “ni eyeɔ nkunyaa ni ehaa Samariabii lɛ anaa kpɛɔ amɛhe, etsɔɔ ehe akɛ gbɔmɔ agbo ji lɛ.” (Bɔf. 8:​9, 12, 13) Biɛ sanebimɔ lɛ teɔ shi akɛ, Ani ajɛ “nu kɛ mumɔ mli” afɔ nakai Samariabii ni ámɛhe amɛye lɛ? Ojogbaŋŋ, nu ni akɛbaptisiɔ mɔ he eba sane lɛ mli, shi mumɔ lɛ hu? Kɛ́ akɛ mumɔ fɔamɛ yɛ be mli ni akɛ nu ebaptisiamɛ lɛ sɛɛ lɛ, no lɛ Filipo ji mɔni gbele gbɛ ha nɛkɛ kuu hee nɛɛ, Samariabii lɛ, ni amɛbote “ŋwɛi maŋtsɛyeli” lɛ mli. Shi ani efee nakai lɛɛlɛŋ, yɛ be mli ni ejeee bɔfoi 12 lɛ ateŋ mɔkome lɛ? Mɛni ji nɔni niŋmaa ni jɛ mumɔŋ lɛ tsɔɔ?

23. Mɛni hewɔ abɔɔɔ amaniɛ akɛ Filipo kɛ mumɔ krɔŋkrɔŋ he shiwoo ha Samariabii ni abaptisiɔ amɛ yɛ Yesu gbɛi amli lɛ?

²³ Nɛkɛ Filipo nɛɛ jeee Bɔfoi ni Yesu kɛɛ amɛ akɛ: “Ni nɔfɛɛnɔ ni ooofi yɛ shikpɔŋ lɛ nɔ lɛ ji nɔni áfi yɛ ŋwɛi, ni nɔfɛɛnɔ ni ooofɛne yɛ shikpɔŋ lɛ nɔ lɛ ji nɔni afɛne yɛ ŋwɛi” lɛ ateŋ mɔkome. (Mat. 18:​18; 16:​19; 10:​2-4; Yoh. 1:​43-48, NW) Nohewɔ lɛ abɔɔɔ amaniɛ ko akɛ Filipo kɛ mumɔ krɔŋkrɔŋ nɔkeenɔ lɛ he shiwoo ko ha Samariabii lɛ yɛ amɛ nu mli baptisimɔ lɛ hewɔ. Ahaaa lɛ hewalɛ akɛ ekɛɛ taakɛ bɔni Petro kɛɛ Yudafoi lɛ yɛ Pentekoste gbi lɛ nɔ lɛ: “Nyɛtsakea nyɛtsuii amli ni nyɛteŋ mɔfɛɛmɔ aha abaptisilɛ awo Yesu Kristo gbɛi amli, koni aŋɔ nyɛhe eshai lɛ afanyɛ ni nyɛaana mumɔ krɔŋkrɔŋ nɔkeenɔ lɛ.”​—Bɔf. 2:⁠38.

24. (a) Ani ketia ni Samariabii lɛ foɔ kɛ Mose niŋmaai lɛ amli gbijuji sɔrɔtoi lɛ ni amɛyeɔ lɛ ha amɛbote Mose Mla kpaŋmɔ lɛ mli? (b) Beni abaptisiamɛ yɛ nu mli yɛ Yesu gbɛi amli lɛ sɛɛ lɛ, ani no ha amɛbatsɔmɔ mɛi ni ‘ájɛ nu kɛ mumɔ mli’ áfɔamɛ amrɔ nɔŋŋ?

²⁴ Samariabii lɛ bɛ Mla kpaŋmɔ ni Mose damɔ mli ha Israelbii lɛ yɛ Sinai Gɔŋ lɛ nɔ lɛ mli, eyɛ mli akɛ Samariabii lɛ buɔ Mose klɛŋklɛŋ woji enumɔ lɛ, aloo Pentateuch lɛ akɛ Nyɔŋmɔ Wiemɔ, ni amɛyeɔ Hehoo lɛ kɛ Pentekoste lɛ yɛ Gerizim Gɔŋ lɛ nɔ yɛ Samaria niiaŋ. (2 Maŋts. 17:​29, 30; Yoh. 4:​19, 20) Nohewɔ lɛ amɛ ketiafoo yɛ heloo mli lɛ diɛŋtsɛ haaa amɛfee mɛi ni amɛtsake amɛhe amɛtsɔmɔ Yudafoi. Samariabii lɛ fataaa he ni asɛŋ Yesu, nohewɔ lɛ ehe ehiaaa akɛ aaabaptisi amɛ yɛ nu mli dani amɛná Nyɔŋmɔ dɛŋ eshaifaa yɛ esha ni ehiii kwraa ni amɛfee ni ebi tsuitsakemɔ nɛɛ he. Shi Filipo baptisi Samariabii lɛ yɛ Yesu Kristo gbɛi amli akɛ lɛ ji Mesia (Kristo lɛ) kɛ “je lɛ walaherelɔ lɛ.” (Yoh. 4:​25, 26, 28, 29, 42) Ani yɛ enɛ hewɔ lɛ amɛbatsɔmɔ ‘mɛi ni ajɛ nu kɛ mumɔ mli afɔamɛ’? Dabi! Ejaakɛ amɛnine shɛɛɛ mumɔ krɔŋkrɔŋ lɛ nɔ yɛ nakai be lɛ mli.

25. Mɛɛ gbɛ nɔ Bɔfoi lɛ, Asaji 8:​14-17 lɛ tsɔɔ nɔhewɔ ni ajɛko nu kɛ mumɔ mli afɔko Samariabii ni abaptisiamɛ lɛ?

²⁵ Mɛni hewɔ ebalɛ nɛkɛ? Bɔfoi lɛ Asaji 8:​14-17 kɛɛɔ wɔ akɛ: “Shi beni bɔfoi lɛ ni yɔɔ Yerusalem lɛ nu akɛ Samariabii ehɔ Nyɔŋmɔ wiemɔ lɛ mli lɛ, amɛtsu Petro kɛ Yohane kɛtee amɛŋɔɔ. Ni amɛ lɛ, amɛba jɛi amɛbasɔle amɛhaamɛ, beni afee ni amɛná mumɔ krɔŋkrɔŋ lɛ. Ejaakɛ ebako amɛteŋ mɔkomɔko nɔ, shi baptisimɔ kɛkɛ abaptisi amɛ awo Nuntsɔ Yesu gbɛi amli. Kɛkɛ ni [Petro kɛ Yohane ákɛ bɔfoi lɛ] amɛkɛ amɛ niji ŋmɛlɛ amɛ nɔ, ni [Samariabii ni abaptisi amɛ lɛ] amɛna mumɔ krɔŋkrɔŋ lɛ.” Enɛ etsɔɔɔ mumɔ lɛ nikeenii ni yɔɔ naakpɛɛ lɛ kɛkɛ.

26. Nohewɔ lɛ Samariabii ni abaptisiamɛ lɛ ahe basa kɛba mɛɛ hegbɛ, ni mɛɛ dɛŋdade Petro kɛtsu nii yɛ Yohane hiɛ?

²⁶ Biɛ ji heni wɔnaa yɛ klɛŋklɛŋ akɛ Samariabii ni abaptisi amɛ lɛ bafee mɛi ni ájɛ mumɔ kɛ agbɛnɛ nu mli ‘afɔamɛ’ ni ámɛbafee mɛi ni he esa kɛha Nyɔŋmɔ ŋwɛi maŋtsɛyeli lɛ mlibotemɔ (Yoh. 3:⁠5) Mumɔ lɛ nitsumɔ yɛ biɛ nɛɛ tamɔ nɔni abɔ he amaniɛ yɛ sɛɛ mli yɛ Bɔfoi lɛ Asaji 10:​44-46 kɛ 11:​15-17 lɛ. Nohewɔ lɛ bɔfo Petro kɛ “ŋwɛi maŋtsɛyeli lɛ naa samfei” lɛ mli nɔni ji enyɔ lɛ tsu nii yɛ Samariabii ni heɔ yeɔ ni abaptisi amɛ lɛ ahe. Eji anɔkwale akɛ bɔfo Yohane fata Petro he yɛ jɛmɛ, shi, yɛ mra mli dani enɛ aaba lɛ, yɛ Pentekoste gbi lɛ nɔ lɛ, no mli lɛ bɔfoi krokomɛi 11 lɛ fata samfee-hiɛlɔ Petro he.​—Kwɛmɔ Mateo 18:​1, 18 hu.

27. Mɛɛ gbɛ Bɔfoi lɛ Asaji 8:​18-23 lɛ tsɔ nɔ etsɔɔ bɔni Petro tsɔ hiɛ ekɛ Simon ni tsutsu lɛ eji nkunyaayelɔ lɛ ye yɛ?

²⁷ Agbɛnɛ nɔni Bɔfoi lɛ Asaji 8:​18-23 lɛ kɛɔ kɛnyiɛɔ no sɛɛ lɛ yeɔ nɔni abuɔ no akɛ ehe hiaa waa lɛ he odase: “Shi beni Simon [nkunyaayelɔ lɛ] na akɛ bɔfoi lɛ aniji kɛ mɛi anɔ ŋmɛlɛmɔ lɛ haa anaa mumɔ krɔŋkrɔŋ lɛ ekɛ shika ba ebahaamɛ ekɛɛ: Nyɛhaa mi hu nɛkɛ hewalɛ nɛɛ koni mɔfɛɛmɔ ni mikɛ miniji aaaŋmɛ enɔ lɛ ana mumɔ krɔŋkrɔŋ lɛ. Shi Petro kɛɛ lɛ akɛ: Okɛ oshika lɛ fɛɛ hiɛ akpata, ejaakɛ osusuɔ akɛ, Nyɔŋmɔ nɔkeenɔ lɛ, shika akɛheɔ! Obɛ gbɛnaa loo gbɛfaŋnɔ ko yɛ nɛkɛ sane nɛɛ mli; ejaakɛ otsui ejaaa yɛ Nyɔŋmɔ hiɛ. Nohewɔ lɛ agbɛnɛ shwa ohe yɛ onɔsha nɛɛ hewɔ ni okpa Nyɔŋmɔ fai akɛ aleenɔ aaaŋɔ otsuiŋ jwɛŋmɔ lɛ afao lo. Ejaakɛ mina akɛ kɔlikɔ joomɔ lɛ kɛ nɔsha kpaa lɛ mli oka nɛɛ.” Ɛnɛ tsɔɔ akɛ Petro miinyiɛ amɛhiɛ akɛ Kristo najiaŋdamɔlɔ titri yɛ nɛkɛ be nɛɛ mli. Ewie, ákɛ mɔni akɛ Maŋtsɛyeli lɛ samfei lɛ ewo edɛŋ.

28. Namɛi hu Maŋtsɛyeli lɛ mlibotemɔ Iɛ hegbɛ baka shi kɛhaamɛ, nɛgbɛ Samariabii ni akɛ mumɔ éfɔamɛ lɛ je shishi amɛja yɛ?

²⁸ Kɛjɛ nakai be lɛ mli kɛyaa lɛ abaanyɛ akɛ nakai hegbɛ lɛ nɔŋŋ aha mɛikrokomɛi yɛ Samaria niiaŋ. Hewɔ lɛ Bɔfoi lɛ Asaji 8:25 kɛɔ akɛ: “Agbɛnɛ, beni [Petro kɛ Yohane] amɛye odase ni amɛwie Nuntsɔ lɛ wiemɔ lɛ amɛtsɔɔ amɛ ni amɛku amɛsɛɛ amɛbaa Yerusalem lɛ, amɛjaje sanekpakpa lɛ amɛtsɔɔ yɛ Samariabii akrowai pii amli.” Agbɛnɛ Samariabii ni abaptisi amɛ ni akɛ mumɔ efɔamɛ lɛ je shishi amɛja amɛ ŋwɛi Tsɛ, Yehowa, jeee yɛ Gerizim Gɔŋ lɛ nɔ aloo yɛ Yerusalem, shi moŋ, yɛ emumɔŋ sɔlemɔwe lɛ mli.​—Yoh. 4:​21.b

29. Mɛni ba asafo ni akɛ mumɔ efɔlɛ lɛ nɔ yɛ Yudea, Galilea kɛ Samaria yɛ be mli ni atsake Saulo kɛba Kristo jamɔ mli lɛ sɛɛ, ni nɛgbɛ ji heni Filipo yahi?

²⁹ Filipo kɛ Yudafoi krokomɛi ejo foi kɛtee Samaria yɛ yiwaa ni Farisinyo Saulo ni jɛ Tarso lɛ ha akɛba amɛ nɔ lɛ hewɔ. Shi yɛ sɛɛ mli beni atsake Saulo diɛŋtsɛ kɛba Kristo jamɔ mli lɛ nibii tsake kɛha asafo lɛ ni yɔɔ Palestina lɛ. Taakɛ Bɔfoi lɛ Asaji 9:31 tsɔɔ lɛ, “Agbɛnɛ asafo lɛ na hejɔlɛ yɛ Yudea kɛ Samaria fɛɛ, ni enane mɔ shi, ni enyiɛɔ yɛ Nuntsɔ lɛ gbeyeishemɔ mli, ni ekɛ mumɔ krɔŋkrɔŋ miishɛjemɔ lɛ shwereɔ.” Shi naagbee lɛ Filipo yahi Kaisarea ni ji lɛjiadamɔhe lɛ, heni Roma amralo ni yeɔ Yudea kpokpaa lɛ nɔ lɛ kɛfee emaŋtiase ni Italia asraafoi akuu ko hu yɔɔ jɛmɛ lɛ.​—Bɔf. 8:​40; 21:8; 10:1; 23:​23-35c

[Shishigbɛ niŋmai]