Ani Nyɔŋmɔ Oweletɔɔ Gbi Lɛ Ebɛŋkɛ?
“Ejaakɛ Yehowa oweletɔɔ gbi ni.”—Yes. 34:8.
1. Ani Luka 21:25, 26 miiba mli ŋmɛnɛ?
1 YESU KRISTO gba akɛ nɔ ni baakadi be ni Nyɔŋmɔ kɛbaatɔ owele lɛ ji “jeŋmaji afimɔ . . . ni amɛaafee yeyeeye” yɛ haomɔi ni baa adesa weku lɛ nɔ lɛ hewɔ. Ekɛɛ akɛ “ni nɔ̃ aaanyɔnyɔ gbɔmɛi anɔ yɛ gbeyei kɛ nibii ni baa je lɛŋ lɛ agbɛkwɛmɔ hewɔ.” (Luka 21:25, 26) Ani wɔnaa shihilɛ ni tamɔ nɛkɛ yɛ heni wɔshɛ yɛ 1981 mli nɛɛ?
Hɛɛ Wɔmiina Enɛ!
2. (a) Mɛni tsɔɔ akɛ Kpojiemɔ 11:15, 18 mlibaa je shishi yɛ 1914? (b) Nɛkɛ nibii ni ba nɛɛ jeɔ mɛni shishi?
2 Ŋmɛnɛŋmɛnɛ jeŋ ni mli ewa waa nɛɛ jɛ haomɔi ni eku ebɔ he yɛ adesai ateŋ kɛjɛ klɛŋklɛŋ be mli ni jeŋmaji lɛ kɛ amɛhe wo jeŋ fɛɛ ta yɛ 1914 mli lɛ mli. Taakɛ bɔni gbalɛ ni yɔɔ Kpojiemɔ yitso 11 lɛ tsɔɔ lɛ, nakai afi lɛ ni “jeŋmaji lɛ amli efu”—1914—lɛ hu kadi be mli ni “je nɛŋ maŋtsɛyeli lɛ etsɔ wɔnuntsɔ [Yehowa] lɛ kɛ e-Kristo (mɔ ni efɔ lɛ mu) lɛ nɔ” yɛ gbɛ ni ja nɔ. (Kpoj. 11:15, 18) Maŋtsɛ ni awó Kristo kɛ nɔyeli hewalɛ ni akɛwo edɛŋ nɛɛ ji shishijee nii ni gbeleɔ gbɛ kɛhaa oweletɔɔ lɛ.
3. Mɛni ji Kristendom jamɔi lɛ ashidaamɔ yɛ Nyɔŋmɔ sane ni kɔɔ oweletɔɔ kɛ miishɛjemɔ he lɛ he?
3 Ŋmɛnɛ, ani Nyɔŋmɔ mumɔ lɛ kɛ nitsumɔ ewo mɔ ko dɛŋ akɛ ejaje Yehowa oweletɔɔ gbi lɛ ni eshɛje ŋkɔmɔyelɔi fɛɛ amii? Hɛɛ, shi jeee Kristendom sɔlemɔi lɛ ni. Amɛbɛ miishɛjemɔ sane diɛŋtsɛ ko; ni asaŋ amɛtaooo Yehowa akɛ amɛ-Nyɔŋmɔ.’ Jeee akɛ amɛkwaa Yehowa gbɛi lɛ kɛ nitsumɔ kɛkɛ, shi moŋ amɛwaa enɔkwa Kristofoi ni woɔ nakai gbɛi lɛ hiɛ nyam lɛ ayi .
4. Mɛni wɔyɔɔ ni no baaha wɔmii ashɛ wɔhe?
4 Shi kɛlɛ, Yehowa Odasefoi yɛ miishɛɛ akɛ amɛaatere Nyɔŋmɔ gbɛi lɛ ni da fe yɛ jeŋ muu fɛɛ lɛ! Eŋɔɔ amɛnaa akɛ aaatsɛ amɛ Yehowa Odasefoi. Eŋɔɔ amɛnaa tsɔ̃ fe nine akɛ kɛjɛ be mli ni ato Maŋtsɛyeli lɛ ama shi yɛ be ni sa kadimɔ jogbaŋŋ ni ji afi 1914 mli kɛbaa nɛɛ, ámɛna hegbɛ akɛ amɛaajaje Yehowa “oweletɔɔ gbi” lɛ yɛ shikpɔŋ muu lɛ fɛɛ nɔ. Yɛ anɔkwale mli lɛ, amɛtswa amɛfai shi, taakɛ Mika 4:5 wie lɛ, akɛ amɛaanyiɛ “yɛ Yehowa [amɛ] Nyɔŋmɔ lɛ gbɛi amli kɛaatee naanɔi anaanɔ”! Ni eŋɔɔ amɛnaa akɛ gbɔmɛi akpekpei babaoo ni yeɔ ŋkɔmɔ hu ebo amɛwiemɔ lɛ toi, ni amɛshɛje amɛmii, ni amɛfã yuu amɛbadamɔ Nyɔŋmɔ maŋtsɛyeli ni baa lɛ masɛi.
Nyɔŋmɔ Oweletoo—Ani Esa Nakai?
5. (a) Nɛkɛ “jaramɔ bei” nɛɛ ji mɛɛ naagbee yibii? (b) Yɛ Paulo gbalɛ ni kɔɔ “naagbee gbii” Iɛ he lɛ mlibaa Iɛ, mɛɛ shihilɛi ji nɔ ni wɔnaa agbɛnɛ yɛ Kristendom?
5 Shi kɛ̃lɛ, ani jeŋ ni yɔɔ ŋmɛnɛ lɛ ehiii kwraa nakai akɛ esa akɛ ekɛ Nyɔŋmɔ oweletɔɔ akpe? Bo bɔfo Paulo wiemɔi ni jɛ mumɔŋ lɛ toi. Ekɛɛ akɛ: “‘Shi ná enɛ ole akɛ naagbee gbii lɛ anɔ lɛ, jaramɔ bei baaba.” Nɛkɛ ja tamɔ bei nɛɛ ji naagbee yibii, nɔ ni ejɛ anɔkwale lɛ he shiɛmɔ Iɛ toi ni gbɔmɛi booo lɛ mli eba yɛ naagbee. (2 Tim. 2:23-26) Yɛ Kristendom teŋ po wɔnaa awuyeli ni yɔɔ gbeyei kɛ efɔŋfeemɔ ni efa, weku lɛ mligbalamɔ, mla ni abuuu kɛ jeŋba kpakpa ni laajeɔ. Nɔ ni ji enɛɛmɛi fɛɛ shishifa ji pɛsɛmkunya kɛ hiɛjoomɔ, anɔkwale suɔmɔ ni bɛ. Paulo tee nɔ ekɛɛ akɛ: “Ejaakɛ gbɔmɛi aaatsɔmɔ hesuɔlɔi, shikasuɔlɔi, . . . mɛi ni sumɔɔɔ ekpakpa, . . . mɛi ni sumɔɔ shwɛmɔ kɛ ŋɔɔmɔ fe Nyɔŋmɔ.” (2 Tim. 3:1-5) Ojogbaŋŋ, ani wɔmiina ni nɛkɛ gbalɛ nɛɛ miiba mli yɛ shikpɔŋ lɛ nɔ he fɛɛ he ŋmɛnɛ? Hɛɛ, eeba mli. Fɛɛ miiba mli pɛpɛɛpɛ.
6. Mɛɛ shihilɛ eba ni eha Mateo 24:12 eba mli?
6 Yɛ be mli ni Yesu diɛŋtsɛ gbaa “nibii agbɛjianɔtoo lɛ naagbee he okadi” Iɛ, ekɛɛ akɛ: “Ni nɔ ni mlakwamɔ baafa hewɔ lɛ, mɛi pii asuɔmɔ Iɛ he aaajɔ.” (Mat. 24:3, 12, NW) Kwɛ bɔni enɛ ji anɔkwale ha yɛ Kristendom teŋ po, kɛ agbɛnɛ yɛ jeŋ muu lɛ fɛɛ hu ŋmɛnɛ! Kɛ Blonya be shɛ pɛ kɛkɛ lɛ aawie suɔmɔ, toiŋjɔlɛ kɛ tsuijurɔ yɛ gbɔmɛi ateŋ he babaoo yɛ Kristendom, shi ani maji ni yɔɔ Kristendom lɛ baa amɛjeŋ yɛ nɛkɛ gbɛ nɔ? Nɔ ni sa kadimɔ jogbaŋŋ ji Britania maŋsɔɔlɔ nukpa lɛ wiemɔi ni ewie aaafee otsi dani Blonya shɛ yɛ 1979 mli lɛ. Yoo nɛɛ kɛɛ akɛ: “Wɔkɛ afii nyɔŋma hee ko miikpe—mitseɔ lɛ ‘afii nyɔŋma ni oshara yɔɔ mli’—nɔ̃ mli ni wɔ shweshweeshwe shihilɛ kɛ wɔshihilɛ gbɛ lɛ ahe saji ni wɔkɛkpeɔ lɛ, kɛ́ hoo kwraa lɛ, amɛaafee nɔ ni mli wa waa fe 1970 afii lɛ amli nɔ̃ lɛ.”
7, 8.(a) Mɛɛ shihilɛ ko ni tamɔ hiɛkpatamɔ gbi wɔnaa agbɛnɛ? (b) Mɛɛ hiɛnɔkamɔi Yehowa kɛhaa, ni enɛɛmɛi kɔɔ ‘“suɔmɔ kɛ “oweletɔɔ he yɛ mɛɛ gbɛ nɔ?
7 Te jeŋmaji lɛ tsuɔ nɛkɛ shihilɛ mli nibii ni amɛkɛ-kpeɔ nɛɛ ahe nii amɛhaa tɛɛŋ? Amɛ hesaamɔ kɛha tawuu lɛ mli woɔ wu moŋ. Bo lɛ susumɔ enɛ he! Nɛkɛ je ni bɛ suɔmɔ nɛɛ miifite aaafee Amerika shika dɔla akpeiakpe kome miniti kome yɛ tawuu nibii ahe, nɔ ni fe dɔla akpekpei akpei 500 daa afi! Enɛɛmɛi fɛɛ haa shihilɛ ko ni tamɔ hiɛkpatamɔ gbi ni je lɛ naŋ enaa tsofa ko kɔkɔɔkɔ lɛ mli woɔ wu. Taakɛ adafitswaa ko ni tsofafeelɔi, jeŋnilelɔi kɛ mɛi krokomɛi akuu ŋmala amɛha New York Times ni ji March 2, 1980 nɔ lɛ mli tsɔɔ lɛ, kɛji akɛ nuklea tawuu ko aaafɛ́ wɔ́ Iɛ, ebaanyɛ ekpata shikpɔŋ nɔ wala ni fa hiɛ yɛ ŋmlɛtswaa kome pɛ mli—gbɔmɛi akpekpei akpei abɔ. Shi kɛ̃lɛ jeŋmaji lɛ kɛ hekpokpomɔ miifee tawuu nii krokomɛi ni amɛnaa wa ni ehiii kwraa po fe nɔ ni amɛyɔɔ momo lɛ.
8 Agbɛnɛ, ani wɔ-Nyɔŋmɔ ni yɔɔ suɔmɔ, shikpɔŋ fɛfɛo nɛɛ Bɔlɔ lɛ aaaŋmɛ jeŋmaji yiwalɔi lɛ agbɛ ni amɛshã lɛ ni etsɔ tamɔ lamlu? Eŋmɛŋ gbɛ kɔkɔɔkɔ! Ekɛɔ faŋŋ yɛ e-Wiemɔ lɛ mli akɛ: “Bɔni Yehowa, mɔ ni bɔ ŋwɛi Iɛ, Nyɔŋmɔ, mɔ ni shɔ shikpɔŋ lɛ ni efee ni ekɛma shi, ni ebɔɔɔ lɛ efolo, shi eshɔ̃ lɛ ni ahi nɔ Iɛ kɛɛ nɛ: Miji Yehowa, ni mɔ ko bɛ sɛɛ dɔŋŋ!” Egbɛi Yehowa, ni anyɛɛɛ ana shishi jogbaŋŋ lɛ damɔ shi akɛ sɛɛfimɔ nɔ̃, akɛ, Lɛ, akɛ Jeŋ Nuu Fɛɛ Nuŋtsɔ kɛ Bɔlɔ lɛ, eŋmɛŋ gbɛ ni wɔ shikpɔŋ nɛɛ atsɔ amaŋfo. Ŋwɛi suɔmɔ biɔ ni Nyɔŋmɔ atɔ owele yɛ mɛi ni buleɔ wɔshikpɔŋ ni baakpata ebɔɔnii ni ji adesai ahiɛ yɛ nɔ lɛ anɔ.—Yes. 45:18; Yer. 10:10-12.
9. Akɛni jeŋmaji lɛ ekpɛlɛɛɛ nɔ akɛ amɛkɛ amɛtawuu nii aaashwie shi hewɔ lɛ, mɛni ji nɔ ni Yehowa eto eyiŋ akɛ ebaafee, ni mɛni hewɔ?
9 Kɛjɛ be mli ni klɛŋklɛŋ jeŋ ta lɛ fɛ́ yɛ 1914 kɛbaa nɛɛ, akɛ gbɔmɛi akpekpei nyɔŋmanyɔŋmai abɔ ni leee enɛ he sane ko Ia alá efɔ shikpɔŋ lɛ. Ejaakɛ Jeŋ Ta II pɛ kpata gbɔmɛi akpekpei 5.5 awala hiɛ! Agbɛnɛ nuklea tawuu gbɛkpamɔ lɛ yɛ gbeyei fe no. No hewɔ lɛ, akɛni jeŋmaji lɛ ekpɛlɛɛɛ nɔ akɛ amɛaaŋmɛɛ amɛ tawuu nii ahe amɛshwie shi hewɔ lɛ, wɔ suɔmɔ Nyɔŋmɔ lɛ hu ejaje akɛ etsɛŋ kwraa ni ebaahe amɛ tawuu nii lɛ yɛ amɛdɛ, yɛ lɛ diɛŋtsɛ egbɛ ni hi jogbaŋŋ ni baahi shi kɛya naanɔ lɛ nɔ. Ekɛɔ akɛ: “Nyɛbaa nyɛbakwɛa Yehowa nitsumɔi lɛ, nɔ̃ hiɛkpatamɔ ni eha eba shikpɔŋ lɛ nɔ lɛ! Ehaa tai asɛɛ foɔ kɛyaa shikpɔŋ lɛ naagbeehei lɛ.” (Lala 46:9, 10) Hɛɛ, eji Yehowa yiŋtoo ni suɔmɔ yɔɔ mli akɛ eeefee nɔ ni jeŋmaji lɛ efeŋ kɔkɔɔkɔ lɛ—ebaajwara amɛ tawuu nii lɛ fɛɛ dukuduku, ebaajie hewalɛ ni yɔɔ amɛ nuklea osramaŋi lɛ amli lɛ. Taakɛ Yehowa kɛɔ lɛ: “Minɔ ji oweletɔɔ, ni mato najiaŋ.” (Rom. 12:19; Zef. 3:8, 9) Ani shi ni wɔ-Nyɔŋmɔ ni yɔɔ suɔmɔ lɛ ewo akɛ ebaatɔ owele lɛ haaa wɔna miishɛɛ? Esa akɛ eha wɔna miishɛɛ.
Awerɛho Eku Ebɔ He Babaoo
10. Nɛkɛ afii oha nɛɛ mli tai Iɛ kɛ mɛni nibii ni yɔɔ gbeyei ni haa ŋmiŋmi mɔɔ mɔ eba?
10 Tai ni awu kɛjɛ 1914 lɛ kɛ nibii ni yɔɔ gbeyei enyiɛ amɛsɛɛ kɛba. Enɛɛmɛi lɛ ateŋ ekomɛi ji bɔlɛnamɔ ni akɛ he woɔ mli ni akuuu naa, ni nɔ ni ejɛ mli eba ji babaso tsɛŋemɔ helai sɔrɔtoi kɛ hɔ́ ni aŋɔɔ ni aasumɔɔɔ. Nɔ ni enyiɛ hɔ ni aŋɔɔ ni asumɔɔɔ nɛɛ sɛɛ kɛba ji musufitemɔ babaoo. Abuɔ naa akɛ amrɔ nɛɛ, yɛ je lɛŋ he fɛɛ he lɛ, fufoɔbii ni aŋɔɔ amɛ hɔ ni afiteɔ musu lɛ, ni agbeɔ amɛ daa afi lɛ ayifalɛ ji kɛjɛ akpekpei 30 kɛyashi 40! Enɛ ji mɛi ni leee efɔŋ ko lɛ agbee ni fa fe fɛɛ ni je lɛ ena pɛŋ, ni eha mɛi ni ágbe yɛ ta mli yɛ jeŋ yinɔsane mli lɛ efee bibioo, kɛ akɛ amɛ to amɛhe.
11. Gbɔmɛi fɔji anifeemɔi amli miiwo wu yɛ mɛɛ gbɛi sɔrɔtoi anɔ?
11 Agbɛnɛ wɔna yɛ nyɛsɛɛ nɛɛ ákɛ, akɛ tsofai miitsu nii (yɛ gbɛ fɔŋ nɔ waa, ni wɔna gbalafitemɔ, gbekɛbii fɔji asubaŋi kɛ mlakwamɔi sɔrɔtoi fɛɛ yɛ gbɛ ni yɔɔ gbeyei nɔ. Ŋmɛnɛ, hii kɛ hii kɛ yei kɛ yei ni kɛ amɛhe feɔ yakayakanii lɛ shwãa akɛ amɛna sɛɛnyiɛlɔi aaafee akpekpei 20 yɛ U.S. Amerika pɛ. Nyɛsɛɛ nɛɛ pɛ hii kɛ hii ni kɛ amɛhe feɔ yakayakanii nɛɛ ateŋ mɔ kome ha ŋmiŋmi mɔ je lɛ yɛ nɔ ni ekɛɛ akɛ egbe Oblahii 33 ni ekɛ amɛ efee yakayakanii lɛ hewɔ. Shi kɛlɛ hii kɛ hii kɛ yei kɛ yei ni kɛ amɛhe feɔ yakayakanii nɛɛ ji jeŋbashara ni yaa hiɛ ni atsuɔ he nii yɛ Kristendom kɛ je lɛŋ he fɛɛ he lɛ ateŋ ekome kɛkɛ. Etamɔ bɔ pɛ ni Timoteo Wolo ni ji Enyɔ yitso 3 lɛ kɛɔ yɛ nɛkɛ “naagbee gbii” nɛɛ ahe lɛ akɛ “gbɔmɛi fɔji kɛ shishiulɔi aaawo wu yɛ efɔŋ mli” lɛ.—Kuku 13.
12. Mɛni yɔɔ ni tsɔɔ akɛ nɛkɛ yiwalɛ je nɛɛ eshɛ enaagbee?
12 Kɛ́ wɔkwɛ je lɛ mli jeŋbashara ni ebɔle wɔhe kɛkpe lɛ, enyɛɔ wɔ nɔ ni wɔbo akɛ: Kwɛ bɔni etamɔ Noa gbii lɛ ha! Kwɛ bɔni etamɔ Sodom kɛ Gomora be lɛ! Kwɛ bɔni etamɔ Kanaanbii ni amɛjwɛŋmɔ efite lɛ kɛ Israelbii sɛɛsɛɛyalɔi lɛ! Yɛ be mli ni ŋmɛnɛŋmɛnɛ jeŋ nɛɛ boteɔ jeŋbashara ŋmɔtɔ lɛ mli vii lɛ, akaiɔ wɔ kɔkɔbɔɔ ni bɔfo Paulo kɛba lɛ hu akɛ “mɛi ni tsuɔ nakai nii lɛ sa gbele.” (Rom. 1:18, 26-32) Dabi, suɔmɔ Nyɔŋmɔ lɛ eŋmɛŋ gbɛ dɔŋŋ ni nibii agbɛjianɔtoo nɛɛ mli efɔŋfeemɔ ni yɔɔ gbeyei lɛ aya nɔ. Shi moŋ, ebaakpata mɛi ni woɔ eshikpɔŋ lɛ nɔ muji lɛ ahiɛ.—Kpoj. 11:18.
“Ajwamaŋ Ni Ehe Gbɛi” Lɛ Yoomɔ
13. Mɛni ji ‘mumɔŋ gbalafitemɔ’?
13 Shi kɛlɛ, Biblia lɛ wieɔ mumɔŋ ajwamaŋbɔɔ hu he. Ni mɛi ni kɛɔ akɛ amɛtsuɔ jamɔ krɔŋŋ he nii lɛ kɛ amɛhe woɔ enɛ mli, ni yɛ nakai beaŋ nɔŋŋ lɛ amɛkɛ amɛhe woɔ Satan je lɛ saji amli. Biblia lɛ kɛɔ akɛ: “Gbalafitelɔi! Nyɛleee akɛ je nɛɛ hedɔɔ lɛ Nyɔŋmɔ nyɛɛ ni lo? No hewɔ Iɛ mɔ fɛɛ mɔ ni sumɔɔ ekɛ etsɔ je nɛɛ hedɔlɔ lɛ, etsɔ Nyɔŋmɔ henyɛlɔ.” (Yak. 4:4) Nɛkɛ hedɔɔ nɛɛ—mumɔŋ ajwamaŋbɔɔ nɛɛ—kɛ yiŋtoo titri ko haa ni tsɔɔ nɔ hewɔ ni esa akɛ Yehowa atɔ owele yɛ mɛi ni kɛɔ akɛ amɛji Nyɔŋmɔ tsuji lɛ anɔ. Mɛni hewɔ wɔkɛɔ nakai?
14. Tsɔɔmɔ mɔ ni “ajwamaŋ ni ehe gbɛi” lɛ kɛ “ni babaoo” ni eta nɔ lɛ ji.
14 Ejɛ nɔ ni ewie yɛ Kpojiemɔ yitso 17 lɛ hewɔ. Wɔkaneɔ “ajwamaŋ kpeteŋkpele Iɛ ni ta nui babaoo lɛ anɔ” lɛ he sane yɛ jɛmɛ. Mɛni ji nɔ ni enɛ tsɔɔ? Atsɔɔ wɔ nɔ ni “nui babaoo” lɛ ji lɛ mli faŋŋ yɛ kuku 15 lɛ akɛ amɛji “maji kɛ asafoi kɛ jeŋmaji kɛ majianɔwiemɔi.” Shi namɔ ji nɛkɛ “ajwamaŋ kpeteŋkpele” ni yɔɔ hewalɛ yɛ gbɔmɛi lɛ anɔ lɛ? The Jerusalem Bible, ni ji Katolek shishitsɔɔmɔ ko lɛ wieɔ ehe akɛ “ajwamaŋ ni ehe gbɛi.” Mɛni efee ni no ha ehe gbɛi nɛkɛ? Kpojiemɔ 17:5 tsɔɔ wɔ nɔ ni ji, akɛ: “Ni aŋma gbɛi ko yɛ ehiɛnaa akɛ, teemɔŋsane: Babilon kpeteŋkpele lɛ, shikpɔŋ lɛ nɔ ajwamaŋi lɛ kɛ nihiinii lɛ anyɛ Iɛ.”
15. Mɛni ba Babilon nɔ, ni mɛɛ gboshinii eshi?
15 No hewɔ Iɛ, “ajwamaŋ ni ehe gbɛi” lɛ yɛ gbɛi ko, “Babilon Kpeteŋkpele.” Enɛ kɛ lɛ toɔ Babilon ni hi shi yɛ blema yinɔsane mli, yɛ Maŋtsɛ Nebukadnezar gbii Iɛ amli, ni yinɔsane jieɔ lɛ kpo akɛ emli eyi obɔ kɛ bɔlɛnamɔ jamɔ kɛ fitemɔ lɛ he. (Dan. 4:28-30) Ŋmɛnɛ, Nebukadnezar Babilon lɛ bɛ dɔŋŋ. Heni eyɔɔ yɛ ŋmɛnɛŋmɛnɛ beaŋ Iraq lɛ etsɔ amaŋfo, “tamɔ Sodom kɛ Gomora beni Nyɔŋmɔ butu amɛ lɛ.” (Yes. 13:19-22) Shi kɛlɛ, blema Babilon shi gboshinii ko eha adesai. Ni mɛni ji no? Ewɔŋjamɔ—ni ji ejamɔ lɛ!
16. (a) Te fee tɛɛŋ ni jeŋ epasa jamɔ maŋtsɛyeli je shishi hu? (b) Mɛɛ kojomɔ Nyɔŋmɔ kɛbaa Babilon Kpeteŋkpele Iɛ nɔ, ni mɛni hewɔ?
16 Kɛjɛ mra be mli tɔɔ yɛ Nu Afua lɛ sɛɛ akɛ apasa jamɔ yóo Babilon. Jɛmɛ ji heni gbɔmɛi tse Yehowa hiɛ atua ni amɛtswa maŋ ko ni hiɛ jamɔ mɔɔ yɛ eyiteŋ ni miikwɛ ŋwɛi gbɛ, ni beni Yehowa futu amɛwiemɔ lɛ, Babilon ji heni amɛjɛ amɛgbɛ amɛshwã shikpɔŋ muu lɛ fɛɛ nɔ, ni amɛŋɔ amɛ apasa jamɔ lɛ amɛfata amɛhe kɛtee. Yɛ afii ohai ejwɛ lɛ mli lɛ, Kristofoi ni amɛkwa hemɔkɛyeli lɛ kɛ Babilon tsɔɔmɔi lɛ kɛ kusum nifeemɔi futu amɛkɛfee jamɔ gbɛjianɔtoo ko ni yɔɔ kɛbashi ŋmɛnɛ taakɛ anaa yɛ Katolek kɛ Protestant jamɔi sɔrɔtoi lɛ amli lɛ. No hewɔ lɛ jeŋ apasa jamɔ maŋtsɛyeli, “Babilon Kpeteŋkpele,” ko te shi ni ŋɔɔ “Kristofoi” kɛ jamɔi ni jeee Kristofoi anɔ̃ fɛɛ ewoɔ emli. Akɛni “Babilon Kpeteŋkpele” lɛ kɛ ehe ewo yiwaa, awuyeli kɛ jeŋ yinɔsane mli tai amli hewɔ lɛ, Nyɔŋmɔ kojoɔ lɛ akɛ: “Emli anaa gbalɔi kɛ krɔŋkrɔŋbii kɛ mɛi fɛɛ ni agbe yɛ shikpɔŋ lɛ nɔ lɛ alá lɛ yɛ.”—Kpoj. 17:5, 6;18:24; 1 Mose 10:8-10; 11:1-9.
17. Mɛni ji “kooloo ko ni tsuɔ tamɔ muneele” lɛ, ni yɛ mɛɛ gbɛ nɔ eha gbalɛ eba mli?
17 Babilon Kpeteŋkpele lɛ ‘je nɛɛ hedɔɔ’ yɛ gbalafitemɔ mli lɛ yaa shɔŋŋ fe nakai. Ekɔɔ mfonirifeemɔ mli “kooloo” ko ni eyeɔ enɔ ni ekɛ lɛ yɔɔ wekukpaa mli lɛ hu he. Ejaakɛ atsɔɔ mli yɛ Kpojiemɔ 17:3 akɛ “eta kooloo ni tsuɔ tamɔ muneele ko nɔ ni ehe eyi obɔ kɛ musubɔɔ gbɛii.” Yɛ Biblia mli lɛ, akɛ “kooloi” tsuɔ nii yɛ be babaoo mli akɛfeɔ maŋkwramɔŋ maji lɛ ahe mfoniri. (Dan. 7:2-8; 8:5-8, 20, 21; Kpoj. 13:1-18) Shi gbalɛ lɛ wieɔ nɔ ko ni yɔɔ naakpɛɛ ni efutu he yɛ biɛ ni kɔɔ “kooloo” ko ni yɔɔ “yitsei kpawo” kɛ akoloŋtoi nyɔŋma” he. Ŋmɛnɛŋmɛnɛ beaŋ yinɔsane tsɔɔ akɛ nɛkɛ “kooloo” nɛɛ pue klɛŋklɛŋ yɛ afi 1920. Ebafee jeŋmaji ni amɛfee ekome—Jeŋmaji Akpaŋmɔ. Elaaje yɛ be fioo ko mli yɛ Jeŋ Ta II be lɛ mli. Shi—yɛ gbalɛ mlibaa naa lɛ—epue ekoŋŋ akɛ Jeŋmaji Ekomefeemɔ yɛ afi 1945. Etsɛŋ kwraa ni “eeeya hiɛkpatamɔ mli.”—Kpoj. 17:8-11.
18. Mɛɛ gbɛ nɔ yitsoŋ-sane ni Babilon Kpeteŋkpele Iɛ yeɔ yɛ Jamɔ kɛ maŋkwramɔ mli lɛ baatsɔ aba naagbee?
18 Apasa jamɔ, “Babilon Kpeteŋkpele” lɛ ebɔ mɔdɛŋ etsɔɔ Jeŋmaji Akpaŋmɔ lɛ kɛ Jeŋmaji Ekomefeemɔ lɛ gbɛ. Shi Nyɔŋmɔ Wiemɔ lɛ tsɔɔ akɛ etsɛŋ kwraa ni nɛkɛ jamɔŋ kɛ maŋkwramɔŋ yitsoŋ saneyeli ni paapamɛi kɛ jamɔ mli hiɛnyiɛlɔi nɛɛ tsuɔ he nii lɛ baaba naagbee. Yɛ be mli ni “ajwamaŋ ni ehe gbɛi” nɛɛ aaasusu akɛ eta shi jogbaŋŋ lɛ, Nyɔŋmɔ baaha Jeŋmaji Ekomefeemɔ “kooloo” lɛ “akoloŋtoi nyɔŋma” lɛ kɛ etawuu mli hewalɛ lɛ ate shi awo lɛ. Amɛbaashɛ lɛ kɛjɛ amɛsɛɛ amɛfɔ shikpɔŋ, ni amɛfite lɛ, ni amɛkpata ehiɛ kwraa tamɔ akɛ la shã lɛ.—Kpoj.17:16, 17.
“Nyɛjea Emli, Mimaŋ”
19. Mɛɛ gbɛ nɔ Nyɔŋmɔ tsɔɔ ejieɔ esuɔmɔ kpo etsɔɔ nyɔŋmɔi ajalɔi fɛɛ ni sumɔɔ enɔkwayeli?
19 Mɛɛ gbɛ nɔ Nyɔŋmɔ tsɔɔ ejieɔ esuɔmɔ lɛ kpo yɛ be mli ni nakai kojomɔ ŋmlɛtswaa lɛ bɛŋkɛɔ lɛ? Yɛ nɛkɛ gbɛ nɔ: Nyɔŋmɔ kpaa ninefɔɔ ni he hiaa ni aŋma afɔ shi yɛ Kpojiemɔ 18:4, 5 lɛ mli ehaa—gbɔmɛi fɛɛ ni yɔɔ apasa jamɔi amli ni sumɔɔ akɛ amɛaafee Nyɔŋmɔ webii—ni ji Katolekbii, Protestantbii, Budhabii, Hindubii ni yeɔ anɔkwale lɛ akɛ: “Nyɛjea [Babilon Kpeteŋkpele lɛ] emli, mimaŋ, koni nyɛkɛ lɛ akafee ekome yɛ ehe eshai lɛ amli, ni nyɛkaná ehaomɔi lɛ eko. Ejaakɛ ehe eshai lɛ eshɛ ŋwɛi tɔɔ ni Nyɔŋmɔ ekai enifɔjianii lɛ.’
20. Mɛni hewɔ be ni esa akɛ atsi he kɛjɛ Babilon Kpeteŋkpele lɛ he kɛya sɛɛ flɛŋŋ kwraa nɛ?
20 Ŋwanejee ko kwraa bɛ he akɛ Nyɔŋmɔ kojomɔ lɛ he nitsumɔ miibɛŋkɛ oyayaayai! Jeŋmaji ni teɔ shi woɔ jamɔ ena hewalɛ kpele yɛ Jeŋmaji Ekomefeemɔ lɛ mli. Jeŋmaji ni kɛ tawuu nii ewula amɛhe ni pɛtro he hɔmɔ miiye amɛ lɛ miiwo Islam je lɛ he gbeyei kɛ agbɛnɛ nakai jeŋmaji lɛ ni ajɛ jeeŋmɔ ayoo amɛ akɛ amɛ amɛfiɔ Kristendom jamɔi lɛ asɛɛ lɛ. Enɛ hewɔ ni eji be ni he hiaa kɛha mɛi fɛɛ ni sumɔɔ anɔkwale kɛ jalɛsaneyeli akɛ amɛaatsi amɛhe kwraa kɛjɛ nakai “ajwamaŋ ni ehe gbɛi” lɛ he, hɛɛ, ni amɛjo foi kɛya Nyɔŋmɔ maŋtsɛyeli lɛ masɛi lɛ.
21. Mɛni ji Harmagedon, ni mɛɛ be mli jeŋmaji Iɛ naa amɛhe yɛ jɛmɛ?
21 Mɛni baanyiɛ “Babilon Kpeteŋkpele” lɛ ni ji jeŋ apasa jamɔ maŋtsɛyeli lɛ hiɛkpatamɔ lɛ sɛɛ aba? Ŋmalɛi lɛ tsɔɔ akɛ “kooloo” lɛ “akoloŋtoi nyɔŋma” lɛ baatsɔ ehiɛ eha anɔkwa jamɔ, ni Yehowa Odasefoi damɔ shi kɛha no yɛ shikpɔŋ nɔ lɛ. Shi kɛji akɛ be shɛ kɛha enɛ lɛ, nakai jeŋmaji lɛ baana amɛhe akɛ amɛkɛ Nyɔŋmɔ miiwuu yɛ Harmagedon! Ni Harmagedon jeee shikpɔŋ lɛ fã bibioo ko yɛ Palestina. Shi moŋ, Harmagedon ji jeŋ fɛɛ shihilɛ ko ni biɔ oweletɔɔ yɛ “Nyɔŋmɔ Ofe Iɛ gbi wulu lɛ nɔ ta lɛ” mli. Tawuu ni fe fɛɛ yɛ yinɔsane mli!—Kpoj. 16:14, 16; 17:12-14,
22. Mɛɛ gbɛ nɔ Ŋmalɛi Iɛ tsɔɔ yɛ akɛ Harmagedon ji jalɛ ta?
22 Biblia lɛ kɛɔ akɛ Nyɔŋmɔ kɛ Kristo Yesu ni ŋwɛi tabilɔi lɛ nyiɛ esɛɛ lɛ tsuɔ nii koni ‘amɛkojo ni amɛwuu ta yɛ jalɛ naa.’ Hɛɛ, Harmagedon baafee jalɛ ta. Jalɛ lo? Yɛ mɛɛ gbɛ nɔ? No ji akɛ ekɛ oweletɔɔ ni sa baaba jeŋmaji kɛ shikpɔŋ lɛ nɔ gbɔmɛi ni amɛhala akɛ amɛsumɔŋ ni amɛaale Nyɔŋmɔ ni amɛteɔ shi amɛwoɔ hegbɛ ni eyɔɔ akɛ eeeye nɔ lɛ anɔ. Ebaahala mɛi amli yɛ ehiɛkpatamɔ lɛ mli. Ebaakpata efɔŋfeelɔi lɛ ahiɛ, shi taakɛ bɔfo Paulo kɛɛ lɛ, ekɛ yiwalaheremɔ baaba abaha mɛi fɛɛ ni “boɔ wɔ Nuŋtsɔ Yesu Kristo sanekpakpa lɛ toi” lɛ. No hewɔ lɛ, Harmagedon baaha Nyɔŋmɔ oweletɔɔ kɛ Nyɔŋmɔ suɔmɔ lɛ aŋmɛ pɛpɛɛpɛ.—2 Tes. 1:8; Lala 145:20; Kpoj. 19:11-21.
23. Mɛɛ Nyɔŋmɔ nɛkɛ Yehowa ji, taakɛ Lala 145:17-21 tsɔɔ lɛ? (b) Belɛ mɛni hewɔ ni nɛkɛ ‘suɔmɔ Nyɔŋmɔ’ nɛɛ kɛ oweletɔɔ baa lɛ? (d) Mɛni esa akɛ wɔfee yɛ “oweletɔɔ gbi” ni bɛŋkɛɔ lɛ he?
23 Ani wɔnaa nɔ hewɔ ni esa akɛ ‘suɔmɔ Nyɔŋmɔ’ lɛ afee Nyɔŋmɔ oweletɔlɔ lɛ? Fɛɛ ji akɛ esumɔɔ jalɛsaneyeli ni enyɛɔ efɔŋfeemɔ, ni nakai esa akɛ wɔhu wɔfee. (Lala 145:17-21) Belɛ kwɛ bɔni ehe hiaa akɛ aaabu Yehowa gbɛi kpeteŋkpele lɛ kɛ eyiŋtooi lɛ bem! Kwɛ bɔni ehe hiaa akɛ aaatsumɔ lá yi sɔyeli, fitemɔ kɛ jeŋbashara ni ewo Nyɔŋmɔ nibɔɔ fɛfɛo nɛɛ nɔ muji yɛ afii akpei abɔ ni eho lɛ amli lɛ! Nɛkɛ gbɛ nɔ pɛ shikpɔŋ lɛ baatsɔ afee jeŋ muu fɛɛ paradeiso ni Nyɔŋmɔ to yiŋ yɛ he kɛha adesai lɛ. No hewɔ lɛ, klɛŋklɛŋ lɛ, esa akɛ ‘suɔmɔ Nyɔŋmɔ’ lɛ ni mɔ ko kɛ lɛ yeee egbɔ lɛ asaa gbɛ lɛ nɔ kɛtsɔ oweletɔɔ ni ekɛaaha ehenyɛlɔi lɛ anɔ lɛ nɔ. Ani eŋɔɔɔ wɔnaa akɛ oweletɔɔ gbi lɛ ebɛŋkɛ? Belɛ nyɛhaa wɔfataa mɛi ni kpɛlɛɔ suɔmɔ mli ni Yehowa jɛɔ efɔɔ nine nɛɛ nɔ: “Nyɛ jeŋmaji, nyɛkɛ emaŋ lɛ anyãa ni ekɛ oweletɔɔ baaba ehenyɛlɔi lɛ anɔ.”—5 Mose 32:43a.
[Shishigbɛ niŋmai]
a (Ajie kɛje January 15, 1981 Blɔfo Buu-Mɔɔ Iɛ mli.)
[Akrabatsa ni yɔɔ baafa 10]
Bɔni Nibii Yɔɔ Ha Yɛ Je Lɛ Mli “Eehe Ekpe Hiɛ Kɛ Hiɛ:
Je Lɛ Shika ni afiteɔ yɛ tawuu mli lɛ miiya hiɛ waa yɛ gbɛ ni yɔɔ gbeyei nɔ . . . amrɔ nɛɛ . . . eku ebɔ bɔni eji lɛ he aaafee afii nyɔŋma ni eho nɛ. . . . Shika ni je lɛ fiteɔ ni ekɛ-wulaa asraafonyo kome yɛ afi 1966 mli lɛ ji nɔ ni afiteɔ akɛtsɔseɔ gbekɛ kome yɛ skul lɛ nɔ toi 60.”—“To the Point,” November 3,1978
“. . . . FRANSBII MIINA OSHARA Nl BAA. Haomɔ ni ebɔle wɔhe kɛ wɔsɛɛ be he gbeyeishemɔ lɛ ji nɔ ko ni yɔɔ diɛŋtsɛ. Mɛi komɛi eshɛ heni amɛmiiwie huhuuhu akɛ shika-helɛtemɔ he nitsumɔ ni baakumɔ ashwie shi aloo ta aloo enyɔ lɛ fɛɛ baaba kɛ̃, ni etamɔ nɔ ni yiŋsusumɔ akɛ amɛnyɛŋ amɛfee he nɔ ko lɛ ji nɔ ni ehe shi, no hewɔ lɛ amɛbaaŋmɛɛ amɛhe amɛha oshara ni baa lɛ kɛkɛ.”—New York “Times,” November 17, 1979 WEST GERMANBII SHEƆ HARMAGEDON GBEYEI. Tawuu he gbeyeishemɔ miihao West Germanbii yɛ be mli ni majimaji ateŋ shihilɛ lɛ tamɔ nɔ ni eeje gbɔmɛi adɛ ni amɛnyɛɛɛ amɛkudɔ saji lɛ. . . . Yɛ nyɛsɛɛ nibii amlipɛimɔ ni afee lɛ mli lɛ ana akɛ maŋ lɛ mlibii aaafee oha mlijaa 60 heɔ yeɔ akɛ kɛ́ hoo kwraa lɛ ta baanyɛ aba yɛ afii etɛ ni baa nɛɛ mli.”—“The Times,” London, April 23, 1980 .
Je lɛ fiteɔ Amerika shika dɔla akpekpei akpe 500 daa afi yɛ tawuu he nitsumɔi ahe, aloo Amerika shika dɔla akpeiakpe kome miniti kome fɛɛ miniti kome. Oookɛɛ nɛkɛ shika babaoo nɛɛ fɛɛ faaa haaa amɛ, no hewɔ lɛ etsɛŋ ni wɔbaana ni shika ni afiteɔ yɛ tawuu he nitsumɔ nɛɛ miiya hiɛ lolo.”—World Press Review,” August, 1980
[Akrabatsa ni yɔɔ baafa 13]
“NAAGBEE GBII” LƐ AMLI YIBII
“Los Angeles polisifoi anitsumɔhe lɛ bɔ amaniɛ akɛ gbekɛbiihii 25,000 ni amɛye afii 17 aloo mɛi ni shɛɛɛ nakai ni yɔɔ nakai maŋ lɛ pɛ mli lɛ batsɔmɔ mɛi ni áŋɔ amɛ awo hii kɛ hii ni kɛ amɛhe feɔ yakayakanii amli beni afee ni amɛshɛje onukpai ni hiɛ nɛkɛ su nɛɛ amii. Atsɔɔ mli akɛ gbekɛnuu ko ni eye afii 12 pɛ lɛ naa jara ni ji Amerika shika Dɔla 1,000 gbi kome akɛ ajwamaŋbɔlɔ.”—“Indianapolis Sunday Star,” June 17, 1979
“Amɔmɔ ajwamaŋbɔlɔi aaafee 1,000 yɛ Denver nyɛsɛɛ afi lɛ mli, amɛmli 400 ji hii. Nakai yibɔ lɛ baafa afi nɛɛ.
Ni klɛŋklɛŋ be mli nɛ ni hii ni ji ajwamaŋbɔlɔi ni aaamɔmɔ amɛ lɛ ayi baafa fe yei.”—“Rocky Mountain News,” July 8, 1979
“United Methodist Church gwabɔɔ kpee wulu lɛ kɛ mla ko eha akɛ hii kɛ hii ni kɛ amɛhe feɔ yakayakanii ni amɛkɛ amɛhe ewo su ni tamɔ nɛkɛ mli kwraa lɛ . . . baanyɛ afee Washington Square Church ni yɔɔ New York Maŋtiase lɛ mli lɛ osɔfoi.”—The New York “Times,” November 3, 1979
[Akrabatsa ni yɔɔ baafa 14]
Jeŋmaji Ekomefeemɔ Lɛ Aloo Nyɔŋmɔ Maŋtsɛyeli Lɛ—Te Nɔ Ni Ji?
Jamɔ miibɔ mɔdɛŋ lolo ni eto J.E. aloo Jeŋmaji Ekomefeemɔ lɛ nɔ ni eye asaji onɔ. Mɔdɛŋ ni abɔ nyɛsɛɛ nɛɛ ji nɔ ni ha Pope John Paul ll pue yɛ Jeŋmaji Ekomefeemɔ lɛ Gwabɔɔ Wulu lɛ hiɛ yɛ October 2, 1979 yɛ hoofeemɔ babaoo ni ekɛ pue yɛ jɛmɛ lɛ mli lɛ. Paapa lɛ jaje akɛ: “Yiŋtoo kome ni ha mikɛ mihe ba biɛ ni ŋwanejee ko kwraa bɛ he lɛ ji ekomefeemɔ krɛdɛɛ ni ka sɔlemɔ lɛ kɛ Jeŋmaji Ekomefeemɔ Gbɛjianɔtoo lɛ teŋ lɛ. . . . Miheɔ miyeɔ akɛ Jeŋmaji Ekomefeemɔ lɛ baaya nɔ afee heni ajɛɔ akpeɔ yɛ toiŋjɔlɛ kɛ jalɛsaneyeli he, gbɔmɛi kɛ aŋkroaŋkroi ni miisumɔ wɔsɛɛ be kpokpa lɛ heyeli sɛi.” Shi Paapa lɛ enaaa po akɛ ehe miihia ni etsĩ Nyɔŋmɔ dɛŋdade ni ebaatsɔ nɔ ekɛ toiŋjɔlɛ, jalɛsaneyeli kɛ heyeli aba—Maŋtsɛyeli ni Yesu sɔle eha e-Tsɛ lɛ yɛ he lɛ: “Ha omaŋtsɛyeli lɛ abo, ha afee osuɔmɔnaa nii yɛ shikpɔŋ nɔ, taakɛ afeɔ yɛ ŋwɛi hu lɛ” toi. (Mat. 6:10; Kpoj. 11:15, NW) Gbɛjianɔtooi ni teɔ shi woɔ jamɔ ni yɔɔ hewalɛ waa yɛ Jeŋmaji Ekomefeemɔ lɛ mli ni jeɔ kpo agbɛnɛ lɛ etsɔɔɔ nɔ̃ kpakpa kɛhaaa ‘jeŋ apasa jamɔ maŋtsɛyeli’ lɛ yɛ wɔsɛɛ be.—Kpoj.17:16, 17.
[Mfoniri ni yɔɔ baafa 12]
Beni afee ni aha gbɛ aba kɛha Gbɛjianɔtoo Hee lɛ, esani atsɛ̃mɔ emomo lɛ ashwie