Ná Hesai Pii Yɛ Shiɛmɔ Nitsumɔ Lɛ Mli​—Ye Shwilafoi Odase

NƆ HEWƆ NI EHE HIAA: Shwilafoi pii yɛ ni amɛhe ejɔɔɔ amɛ kɛ́ amɛkɛ mɔ ko ni amɛleee miigba sane. Enɛ hewɔ lɛ, ebiɔ hiɛshikamɔ dani wɔbaanyɛ wɔyɛ amɛ odase. Shwilafoi lɛ asane kã Yehowa tsui nɔ waa. (3Mo 19:14) Kɛ́ wɔ tsutsu wɔfee nɔ ko kɛye wɔbua mɛi ni eshwila lɛ koni amɛbale Yehowa lɛ, belɛ wɔmiikase Yehowa.

BƆ NI OBAAFEE LƐ OHÃ:

• ‘Taomɔ’ shwilafoi lɛ. (Mat 10:11) Ani ole mɔ ko ni yɛ wekunyo ko ni eshwila? Ani skul, hei ni akwɛɔ mɛi ni egbɔlɔ yɛ, loo gbɛjianɔtoi krokomɛi yɛ oshikpɔŋkuku lɛ mli ni baasumɔ woji kɛ nibii ni afee ahã shwilafoi?

• Hã amɛna akɛ osusuɔ amɛhe. Kɛ́ otse ohiɛ ohã shwilafoi lɛ, ni ojɛ otsuiŋ ohã amɛna akɛ osusuɔ amɛhe lɛ, ebaahã amɛhe agbɛjɛ amɛ. Bɔɔ mɔdɛŋ ni okɛ amɛ agba sane ko ni akutso lɛ mli bii pii baanya he

• Hã amɛ nibii ni baawa amɛ ni amɛle Yehowa. Asafo lɛ efee woji kɛ nibii srɔtoi ni baaye abua shwilafoi kɛ mɛi ni enaaa nii jogbaŋŋ lɛ. Bi mɔ lɛ bɔ ni ebaasumɔ ni akɛ lɛ akase nii lɛ ahã. Esa akɛ shiɛmɔ nitsumɔ nɔkwɛlɔ lɛ akwɛ ni sɔɔlɔ ni kwɛɔ woji anɔ lɛ ashɛ woji kɛ nibii nɛɛ ateŋ nɔ ni shwilafo fɛɛ shwilafo sumɔɔ lɛ ehã lɛ.