Sɔɔmɔ Lɛ Hiɛnyamwoo

“Miwooɔ misɔɔmɔ lɛ hiɛ nyam.”​—Rom. 11:​13,NWa

1, 2. Taakɛ Zakaria 13:​4-6 tsɔɔ lɛ, ni amɛaawɔ amɛ sɔɔmɔ lɛ hiɛ nyam moŋ lɛ, mɛni ji nɔ ni epasa jamɔ sɔɔlɔi aaabɔ mɔdɛŋ ni amɛfee yɛ wɔsɛɛ be ko mli?

¹ BE LƐ miibɛŋkɛ ni mɛi ni amɛji apasa jamɔ mli sɔɔlɔi lɛ ahiɛ aaagboi. Amɛbaabɔ mɔdɛŋ ni amɛkɛ nɔ ni amɛnitsumɔ ji lɛ atee. Nakai ji bɔni Biblia gbalɛ tsɔɔ. Yɛ be mli ni ewieɔ amɛhe akɛ “gbalɔi” aloo ninalɔi lɛ, Zakaria 13:​4-6 kɛɔ akɛ:

² “Ni aaaba mli akɛ nakai gbi lɛ nɔ lɛ gbalɔi lɛ ateŋ mɔ fɛɛ mɔ hiɛ aaagbo yɛ eninaa lɛ hewɔ, kɛ eegba lɛ, ni asaŋ amɛwoŋ atade ni akɛ tsɔi lo ni amɛkɛ aaashishiu mɛi dɔŋŋ. Shi eeekɛɛ akɛ: Jeee gbalɔ ji mi, shikpɔŋ hulɔ ji mi; ejaakɛ mɔ ko he mi kɛjɛ migbekɛbiiashi. Ni kɛ mɔ ko bi lɛ akɛ: Mɛɛ faji yɔɔ oniji ateŋ nɛɛ? eeekɛɛ akɛ: Nii ni apila mi yɛ minanemɛi awe lɛ ni!”

 3. Abaapila nɛkɛ Kristendom osɔfoi nɛɛ kɛyashi nɛgbɛ?

³ Yɛ naagbee lɛ, nyɔŋmɔjamɔ mli osɔfoi nɛɛ atsutsu suɔlɔi lɛ baatsɔ amɛhiɛ amɛwo amɛ ni amɛtswia amɛ nii, ni amɛpila amɛ po kɛbote gbele mli, aloo kɛyashɛ heni amɛbaaŋmɛɛ amɛnitsumɔ yɛ jamɔ mli lɛ kɛ atadei ni amɛwoɔ lɛ hu he. Atsɔɔ bɔni jeŋ maŋkwralɔi lɛ baate shi awo nyɔŋmɔi ajalɔi lɛ yɛ Biblia mli naagbee wolo ni ji Kpojiemɔ lɛ mli yɛ mfonirifeemɔ ko ni mliwa mli. Yitso 17 lɛ fɛɛ feɔ jeŋ apasa jamɔ ni fa kpo kɛjɛ blema Babilon lɛ he mfoniri akɛ eji majimaji ateŋ ajwamaŋ ni atsɛɔ lɛ Babilon kpeteŋkpele

 4, 5. (a) Te afee jeŋ epasa jamɔ maŋtsɛyeli lɛ he mfoniri aha tɛɛŋ yɛ Kpojiemɔ yitso 17? (b) Yɛ naagbee lɛ, mɛni ji nɔ ni mfonirifeemɔ mli akoloŋtoi 10 lɛ kɛ kooloo ni tsuɔ tamɔ muneele Iɛ diɛŋtsɛ baafee mɔ ni ta enɔ lɛ, yɛ Nyɔŋmɔ gbɛŋmɛɛ naa?

⁴ Eta kooloo ko ni tsuɔ ni hiɛ yitsei kpawo kɛ akolontoi nyɔŋma nɔ yɛ mfonirifeemɔ mli. Kooloo lɛ kpelekeɔ shi kɛyaa bu kwɔŋkwɔŋ ko mli ní ebɛ dɔŋŋ, ni ejeɔ kpo ekoŋŋ, taakɛ eji yɛ Jeŋmaji Akpaŋmɔ lɛ kɛ nɔ ni baye esɛɛ ni ji Jeŋmaji Ekomefeemɔ lɛ gbɛfaŋ Babilon kpeteŋkpele lɛ tu eta majimaji ateŋ maŋkwramɔ “kooloo” ni je kpo yɛ afi 1946 Ŋ.B. lɛ nɔ ekoŋŋ. Kɛjɛ nakai be lɛ mli kɛbaa nɛɛ Babilon kpeteŋkpele lɛ eta “kooloo” ni wo odehei atade nɛɛ nɔ, nɔ ni fe afii 35. Be lɛ ebɛŋkɛ agbɛnɛ, kɛha be mli ni nyɔŋmɔi ajalɔi anaa baakpɛ amɛhe kɛ ŋmiŋmi, Okadi kooloo lɛ baatsɔ ehiɛ eha “yoo” lɛ ni eye maŋkwramɔ nɔ aahu kɛjɛ be mli ni jeŋ hewalɛi kpawo lɛ kɛhi shi lɛ fɛɛ mli lɛ. Kɛkɛ lɛ mɛni? Kpojiemɔ 17:​15-18 tsɔɔ nɔ ni baaba lɛ mli ehaa wɔ akɛ:

⁵ “Nui lɛ ni ona ni yoo ajwamaŋ lɛ ta nɔ lɛ ji maji kɛ asafoi kɛ jeŋmaji kɛ majianɔwiemɔi. Ni akolontoi nyɔŋma ni ona lɛ, kɛ kooloo lɛ, amɛaanyɛ ajwamaŋ lɛ, ni amɛaafee lɛ amaŋfo, ni amɛaaŋmɛ lɛ yayai, ni amɛaaye eheloo, ni amɛkɛ la aaasha lɛ. Ejaakɛ Nyɔŋmɔ kɛwo amɛtsuiiaŋ koni amɛfee eyiŋtoo nii lɛ, ni amɛhiɛ jwɛŋmɔ kome, ni amɛkɛ amɛmaŋtsɛyeli lɛ aha kooloo lɛ [jeŋ hewalɛ ni ji kpaanyɔ] kɛyashi beyinɔ ni aaagbe nii ni Nyɔŋmɔ ekɛɛ lɛ anaa. Ni yoo lɛ ni ona lɛ ji maŋ kpeteŋkpele [ŋmɛnɛŋmɛnɛ beaŋ Babilon kpeteŋkpele, jeŋ apasa jamɔ maŋtsɛyeli] lɛ ni yeɔ shikpɔŋ lɛ nɔ maŋtsɛmɛi lɛ anɔ lɛ.”​—Kadimɔ Kpojiemɔ 18:​21-24.

 6. Babilon kpeteŋkpele lɛ hiɛkpatamɔ lɛ baasa jamɔ he kɛyashi nɛgbɛ, ni mɛni ji yiŋtoo ni yɔɔ enɛ sɛɛ?

⁶ Ani Babilon kpeteŋkpele lɛ hiɛkpatamɔ ni Kristendom hu fata he lɛ ni baa lɛ tsɔɔ tsuumɔ ni aaatsumɔ jamɔ fɛɛ kɛjɛ shikpɔŋ lɛ nɔ kɛya? Yɛ bei abɔ ni anɔkwa Nyɔŋmɔ hiɛkalɔ kome yɔɔ lɛ, Jeee nakai etsɔɔ! Ejalɔi ni amɛjeee Kristendom aloo Babilon kpeteŋkpele lɛ fã lɛ baaje jeŋ muu fɛɛ hiɛkpatamɔ ni baa jamɔi fɛɛ nɔ lɛ mli. Amɛbaaná Nyɔŋmɔ, ni ji Yehowa, kɛ “nuntsɔmɛi a-Nuntsɔ kɛ maŋtsɛmɛi a-Maŋtsɛ” Yesu Kristo ni yeɔ nɔ lɛ hebuu. Yɛ no sɛɛ lɛ, amɛbaaye nɔyelɔi ni leee Nyɔŋmɔ ni amɛkɛ amɛhe wooo jamɔ ko mli ni ye shikpɔŋ muu lɛ fɛɛ nɔ lɛ ahiɛkpatamɔ lɛ he odase. “Nyɔŋmɔ jamɔ ni he tse ni ehe bɛ muji ko yɛ Nyɔŋmɔ kɛ tsɛ lɛ hiɛ” fiteŋ kɛjɛŋ shikpɔŋ nɛɛ ni ji “enaneshi maaŋoo” lɛ nɔ kɔkɔɔkɔ.​—Kpoj. 17:​12-14; Yak. 1:​27; Yes. 66:⁠1.

AMƐJEEE MAŊKWRAMƆ NƆYELII AMLI SƆƆLƆI LOO “MINISTERS”

 7. Yɛ Harmagedon ta lɛ mli lɛ, mɛni baaba maŋkwramɔŋ nɔyelii lɛ amli “ministers” loo sɔɔlɔi ni amɛte shi amɛwo Yehowa lɛ anɔ?

⁷ Abaakpata maŋkwramɔ maji lɛ amli maŋ “sɔɔlɔi” loo ministers ni amɛte shi amɛwo Nyɔŋmɔ Ofe lɛ kɛ amɛ shikpɔŋ nɔ nɔyelii lɛ fɛɛ ahiɛ yɛ “Nyɔŋmɔ Ofe lɛ gbi wulu lɛ nɔ ta” lɛ ni akɛtsɔɔ mɔ ni he wa lɛ mli yɛ Harmagedon. (Kpoj. 16:​13-16; 19:​11-21) Abaabaa Nyɔŋmɔ Ofe lɛ ni ji kunimyelɔ lɛ “sɔɔlɔi” loo ministers ni kɛ amɛhe wooo maŋkwramɔ saji amli lɛ ayi kɛtsɔ nakai tai amli ta ni abaatsɔ nɔ akɛ ŋmɛnɛŋmɛnɛ shikpɔŋ nɔ nɔyelii lɛ aba amɛ naagbee lɛ mli. Mɛɛ nyɔmɔwoo agbo enɛ aaaji ahaamɛ akɛni amɛtee nɔ amɛyɛ anɔkwale yɛ amɛ Kristofoi asɔɔmɔ ni amɛkɛha lɛ lɛ mli nɛkɛ! Abaate shi awo tsɛmɔ ni atsɛɔ amɛ “sɔɔlɔi” loo ministers lɛ yɛ shikpɔji pii anɔ, Komunist kɛ mɛi ni jeee Komunist shikpɔji anɔ. Ejaakɛ akɛ wiemɔ “sɔɔlɔ” loo minister lɛ damɔɔ shi kɛhaa Maŋ lɛ mli onukpai wuji yɛ nɛkɛ maji nɛɛ amli. Shi kɛlɛ, yɛ maŋ tamɔ U.S. Amerika ni wieɔ Ŋleshi wiemɔ lɛ, atsɛɔ maŋnɔkwɛlɔ lɛ bɛgwafoi lɛ akɛ woloŋmalɔi, tamɔ maŋ woloŋmalɔ, maŋ toiŋjɔlɛ he woloŋmalɔ kɛ ekrokomɛi, kɛ mlalelɔ nukpa.. Shi kɛlɛ, amɛjeŋ mli.

 8. Te atsɛɔ maŋnɔkwɛlɔ lɛ bɛgwafoi lɛ tɛɛŋ yɛ ŋmɛnɛŋmɛnɛ Hela wiemɔ mli, ni ashi wiemɔ “deacon” loo osɔfo-sɛɛmɔ lɛ aha namɛi?

⁸ Wiemɔ “sɔɔlɔ” loo minister lɛ ji Hela wiemɔ diakonos lɛ Shishitsɔɔmɔ yɛ Ŋmalɛ Krɔŋkrɔŋ ni ji Kristofoi a-Hela Ŋmalɛi lɛ amli, ni anuɔ shishi akɛ etsɔɔ “kɛtsɔ mlu mli” aloo sũ mli tamɔ mɔ ni atsũ lɛ loo átsɛ lɛ. Shi kɛlɛ, yɛ ŋmɛnɛŋmɛnɛ Hela wiemɔ mli lɛ atsɛɔ maŋnɔkwɛlɔ lɛ akɛ proedros ni eshishi ji “mɔ ni taa hiɛ.” Akɛ Hela wiemɔ diakonos (“sɔɔlɔ”) loo minister tsɛɛɛ ebɛgwafoi lɛ, shi moŋ akɛ sabala hypourgos ni eshishi diɛŋtsɛ ji “mɔ ni kaseɔ nii yɛ mɔ ko shishi.” Nɛkɛ wiemɔ nɛɛ jeɔ kpo yɛ Hela Septuagint Shishitsɔɔmɔ ni afee kɛjɛ Hebri Ŋmalɛi lɛ amli taakɛ Sinaitic kɛ Vatican No. 1209 Biblia shishitsɔɔmɔi ni akɛ niji ŋmala lɛ tsɔɔ lɛ. Yoshua 1:1 kaneɔ yɛ jɛmɛ akɛ: “Ni eba mli akɛ yɛ NUNTSƆ tsulɔ Mose gbele sɛɛ lɛ NUNTSƆ lɛ kɛɛ Yoshua, Nun bi ni ji Mose sɔɔlɔ [hypourgos] lɛ akɛ.” (The Jewish Publication Society of America kɛ Bagster’s) Shishitsɔɔmɔ ni Charles Thomson fee lɛ tsɛɔ Yoshua “Mose walɔ.” Nakai nɔŋŋ hu yɛ Hela Kwasafo Maŋ lɛ mli lɛ, maŋnɔkwɛlɔ (proedros) yɛ ewalɔi, tsuji, eyelikɛbualɔi aloo tsuji ni kaseɔ nii yɛ eshishi (hypourgos) , ni eshiɔ diakonos aloo “osɔfoi” lɛ kɛhaa nyɔŋmɔjamɔ gbɛjianɔtooi ni yɔɔ shikpɔŋ lɛ nɔ lɛ.

 9. Yɛ bɔni akɛ wiemɔ Jɛ tsuɔ nii yɛ”maŋkwramɔŋ lɛ tɛɛ sɛɛ lɛ ani Ŋmalɛ naa Nyɔŋmɔ “ministres” loo sɔɔlɔi yɛ, ni mɛni ji nɔ ni Buu-Mɔɔ ni ji blɔfo nɔ lɛ wie’ yɛ enɛ he yɛ 1882?

⁹ Wɔkpɛlɛ nɔ po akɛ shikpɔji komɛi yɛ ni ŋmɛnɛ amɛkɛ wiemɔ “sɔɔlɔ” loo minister tsuɔ nii yɛ maŋkwramɔ shishinumɔ mli pɛ. Shi kɛlɛ, enɛ etsɔɔɔ akɛ, taakɛ Biblia Iɛ tsɔɔ yɛ shishijee wiemɔi lɛ amli Iɛ, gbɔmɔ ni jɔɔ ehe nɔ kwraa ehaa Nyɔŋmɔ ni etuɔ ehe ehaa Yehowa Nyɔŋmɔ suɔmɔnaa nifeemɔ lɛ esaaa akɛ atsɛɔ lɛ Yehowa Nyɔŋmɔ “sɔɔlɔ,” loo minister aloo diakonos yɛ Yesu Kristo kasemɔ mli. Aaafee afii oha ni eho nɛ, yɛ edaa nyɔŋ nɔ nɔ̃ ni ekalaa ni ji June 1882 nɔ̃ lɛ mli (baafa 7) , ni wolo tɛtrɛɛ Zion’s Watch Tower and Herald of Christ’s Presence (Zion Buu-Mɔɔ kɛ Ba ni Kristo Eba lɛ he Adafistwaa) lɛ wie yɛ nyɔŋmɔjamɔ mli ministers loo sɔɔlɔi ahe akɛ:

Atsu kaselɔi lɛ ni amɛyashiɛ ni amɛtsɔɔ nii ni amɛbaptisi Yɛ be mli ni wɔheɔ wɔyeɔ akɛ Kristo gbɔmɔtso lɛ mli mɔ fɛɛ mɔ ni ejɔɔ ehe nɔ eha lɛ ji “minister” loo sɔɔlɔ yɛ shishinumɔ ko mli ni amɛfɛɛ lɛ “afɔ amɛ mu ni amɛshiɛ sanekpakpa lɛ,” kɛlɛ, emlibii sɔrɔtoi yɛ ni akɛ amɛ ewo nitsumɔ lɛ fai sɔrɔtoi amli, taakɛ bɔni gbɔmɔtso lɛ he nii yɔɔ sɔrɔto kɛ amɛnitsumɔi sɔrɔtoi, ni akɛtsuɔ nii yɛ Ŋmalɛ lɛ naa akɛtsɔɔ Kristo gbɔmɔtso​—sɔlemɔ lɛ mli lɛ.

10. Mɛni ji nɔ ni wolo tɛtrɛɛ lɛ ni akala yɛ January 1, 1892 lɛ wie yɛ shiɛlɔi ni kɛ amɛbe fɛɛ woɔ sɔɔmɔ lɛ mli ni ele amɛ akɛ gbɛgbalɔi lɛ ahe yɛ nɔ ni Kristendom sɔlemɔi Iɛ wieɔ yɛ mɛi ni kɛɔ akɛ amɛji Nyɔŋmɔ ministers loo sɔɔlɔi lɛ ahe lɛ hewɔ?

¹⁰ Yɛ sɛɛ mli nɔ ni akala ni ji January 1, 1892 nɔ̃ (baafa 9) lɛ mli, blɔfo Buu-Mɔɔ wolo tɛtrɛɛ lɛ wie yɛ yitso ni ji “Saji ni jɛ Mɔɔ lɛ Mli” lɛ shishi akɛ:

Mɛi fioo ko pɛ le nɛkɛ gbɛgbalɔi nɛɛ akɛ Nuntsɔ lɛ najiaŋdamɔlɔi diɛŋtsɛ, aloo amɛyooɔ agbojee ni Nuntsɔ lɛ naa ajɛ amɛheshibaa kɛ amɛhe ni amɛkɛ-sha afɔle lɛ mli lɛ. Maŋsɛɛ sanekpakpa shiɛlɔi ni? Jɛ lɛ kɛ sɔlemɔi lɛ kɛɔ akɛ, Dabi, wɔ mɛi lɛ ji sanekpakpa shiɛlɔi ni gaa mansɛɛ: Shi Nuntsɔ lɛ hu kɛɛ, Hɛɛ, mɛnɛɛmɛi ji mimaŋsɛɛ sanekpakpa shiɛlɔi, ni mikɛ nitsumɔ ni gɔɔ nyam ewo amɛdɛ​—. . .

“Ministers” loo sɔɔlɔi ni? Je lɛ kɛ sɔlemɔi lɛ kɛɔ akɛ, Dabi, wɔ mɛi lɛ pɛ ni woɔ “osɔfoi” atadei ni amɛshiɛɔ kɛjɛɔ shiɛmɔ adekai amli lɛ pɛ ji Nyɔŋmɔ “ministers” loo sɔɔlɔi. Shi Nuntsɔ lɛ hu kɛɛ, Hɛɛ, amɛji mitsuji, (ministers loo sɔɔlɔi) ejaakɛ amɛsɔmɔɔ mi, amɛsɔmɔɔ mi, amɛjara anɔkwalei ni yɔɔ bianɛ lɛ amɛhaa mishĩabii lɛ. Ni mi mitsu amɛ kɛ sane ni amɛhiɛ lɛ. Mɔ ni kpooɔ amɛ lɛ miikpoo mi, ni mɔ ni hereɔ amɛ yɛ naasɔɔmɔ nɔ̃ ni yɔɔ amɛ hiɛnaa ni mikɛtsu amɛ lɛ baale tsɔɔmɔ lɛ, ákɛ ejɛ mi. “Mitooi lɛ le migbee.” (Kwɛmɔ February 1, 1899 nɔ̃ lɛ hu mli yɛ kukuji 6 kɛ 7 yɛ yitso ni ji “Ani Shishinumɔ Bɛ Ŋmɛnɛŋmɛnɛ Beaŋ Anɔkwale lɛ Mli?” lɛ shishi).

11. Aná wiemɔi “minister” sɔɔlɔ kɛ “ministry” sɔɔmɔ lɛ kɛjɛ nɛgbɛ, ni te atsɔɔ mli akɛ amɛ shishinumɔ ji aha tɛɛŋ?

¹¹ Shi ani Buu-Mɔɔ wolo tɛtrɛɛ lɛ miiwo ehe aloo eewo ehe nɔ yɛ kɛɛmɔ ni ekɛɔ akɛ Yesu Kristo kaselɔ fɛɛ kaselɔ ni etu ehe loo ejɔɔ ehe nɔ eha lɛ lɛ ji “minister” aloo sɔɔlɔ lɛ? Dabi! Ŋleshi wiemɔi “minister” (sɔɔlɔ) kɛ “ministry” (sɔɔmɔ) kɛ wiemɔi ni tamɔ nakai nɔŋŋ ni jeɔ kpo yɛ Italia, Spania, Portuguese kɛ Franse wiemɔi amli lɛ ji nɔ ni ana kɛjɛ blema Latin wiemɔi minister kɛ ministerium mli, ni anaa wiemɔ nɛɛ hu yɛ Latin Vulgate Version Biblia lɛ mli. Atsɔɔ minister loo sɔɔlɔ shishi akɛ: “hefatalɔ,kwɛlɔ, tsulɔ aloo osɔfo hefatalɔ aloo walɔ; nakai nɔŋŋ hu ji onukpa-sɛɛmɔ, onukpa-sɛɛkwɛlɔ.” Atsɔɔ ministerium aloo sɔɔmɔ shishi akɛ minister loo sɔɔlɔ nitsumɔhe loo nitsumɔi, jaseŋnyo nitsumɔ, sɔɔmɔ, kɛ shishinumɔ ni hi loo nɔ ni ehiii; gbɛhe, nitsumɔ, deŋme nitsumɔ ni hi loo nɔ ni ehiii; gbɛhe, nitsumɔ, deŋme nitsumɔ, nɔkwɛmɔ he gbɛjianɔtoo kɛ ekrokomɛi.”​—New Latin Dictionary, ni Lewis kɛ Short fee, baafa 1146.

12. Te akɛ Biblia Shishitsɔɔmɔ ni klɛŋklɛŋ Iɛ wolo tɛtrɛɛ nɛɛ kɛtsu nii ni Buu-Mɔɔ lɛ woji krokomɛi hu kɛtsu nii kɛbashi ŋmɛnɛ lɛ etsu nii babaoo eha tɛɛŋ, ni ani maŋkwramɔ he ewieɔ yɛ sɔɔmɔ Iɛ he sane lɛ mli?

¹² No hewɔ lɛ esa akɛ wiemɔi “minister” (sɔɔlɔ) kɛ “ministry” (sɔɔmɔ) lɛ ana shishinumɔ ni lɛɛ. Esa akɛ wɔkai yɛ biɛ akɛ kɛjɛ shishijee beebe ni Buu-Mɔɔ wolo tɛtrɛɛ lɛ kɛ woji krokomɛi ni amɛkɛ tsuɔ nii lɛ kɛ Biblia shishitsɔɔmɔ ni ji Authorized Version aloo King James Version ni afee yɛ afi 1611 Ŋ.B. lɛ etsu nii. Akɛ Biblia ni ale jogbaŋŋ nɛɛ etsu nii yɛ ‘Ŋleshi Ablotsiri fɛɛ kɛ Commonwealth lɛ loo majimaji ni ná heyeli kɛjɛ Ŋleshi nɔyeli lɛ shishi lɛ ateŋ kɛ agbɛnɛ yɛ U.S. Amerika kɛbashi ŋmɛnɛ. No hewɔ lɛ kɛ wɔmiitsɛ wiemɔi kɛmiijɛ Biblia shishitsɔɔmɔ ni afɔɔ kɛ nitsumɔ nɛɛ mli lɛ, wɔkɛ wiemɔi titri “minister” (sɔɔlɔ) kɛ “ministry” (sɔɔmɔ) miitsu nii yɛ shishinumɔ ni ákɛha yɛ Kristofoi a-Hela Ŋmalɛ (Kpaŋmɔ Hee) lɛ mli lɛ naa, shi jeee yɛ bɔni anuɔ shishi ŋmɛnɛ yɛ maŋkwramɔŋ lɛ naa. Jeee maŋkwramɔ he wɔwieɔ lɛ.

BƆNI SHISHITSƆƆMƆI HEE NI ASUMƆƆ LƐ TSƆƆ WIEMƆI LƐ ASHISHI

13. Te Biblia shishitsɔɔlɔi babaoo sumɔɔ akɛ amɛaatsɔɔ wiemɔ ni naataamɔ yɔɔ he ni ji diakonia lɛ shishi kɛba Ŋleshi-Wiemɔ mli amɛha tɛɛŋ, ni mɛni ji nɔ ni Nyɔŋmɔ webii ni amɛjɔɔ amɛhe nɔ lɛ baafee yɛ gbɛnaa nii ni jɛɔ enɛ mli baa ni ka amɛnɔ lɛ hewɔ?

¹³ Atsɔɔ Kristofoi a-Hela Ŋmalɛi (Kpaŋmɔ Hee) lɛ shishi kɛba ŋmɛnɛŋmɛnɛ beaŋ Ŋleshi wiemɔ shishitsɔɔmɔi babaoo mli. Te ŋmɛnɛŋmɛnɛ beaŋ Ŋleshi shishitsɔɔmɔi nɛɛ sumɔɔ ni amɛkɛ Hela wiemɔ diakonia ni ajeɔ he ŋwane lɛ atsu nii aha amɛkanelɔi lɛ tɛɛŋ? Kɛ wiemɔ ni ji “ministry” loo sɔɔmɔ kɛ woo fɛɛ ni Ŋmalɛi Krɔŋkrɔŋ Biblia lɛ kɛhaa lɛ lɛ. No hewɔ lɛ Yehowa odasefoi ni amɛjɔɔ amɛhe nɔ ni abaptisi amɛ lɛ kɛ bɔni Biblia tsɔɔ nibii ashishi diɛŋtsɛ lɛ miitsu nii yɛ gbɛ ni ja nɔ bianɛ koni amɛkɛ wiemɔ ni sa ni ji “ministry” loo sɔɔmɔ lɛ ato amɛ Kristofoi asɔɔmɔ nitsumɔ lɛ he. Belɛ mɛni ji nɔ ni nɛkɛ “ministers” loo sɔɔlɔi nɛɛ kɛ amɛ “ministry” loo sɔɔmɔ lɛ baafee agbɛnɛ? Ani amɛbaahi shi yɛ gbɛnaa nii ni ka amɛnɔ lɛ anaa, aloo amɛbaakpoo enɛ yɛ shitee-kɛ-woo aloo nɔnyɛɛ ni akɛteɔ shi awoɔ amɛ lɛ hewɔ? Wɔleɔ nɔ ni maŋkwramɔŋ hewalɛi ni amɛtse amɛhe lɛ baafee Babilon Kpeteŋkpele ni ji jeŋ apasa jamɔ maŋtsɛyeli lɛ sɔɔlɔi loo ministers, osɔfonukpai, osɔfoi asɛɛyelɔi, osɔfoi kɛ asafoŋ onukpai lɛ kɛjɛɔ Biblia mli gbalɛ ni ajie lɛ kpo lɛ mli. Esaaa akɛ wɔŋamɔɔ wɔhiŋmɛii yɛ nɔ ni baa lɛ he.

14. Mɛni ji nɔ ni Okadi wiemɔ ni yɔɔ Kpojiemɔ, yitso 17 lɛ tsɔɔ akɛ abaafee Babilon kpeteŋkpele lɛ yɛ “amanehulu kpeteŋkpele” lɛ mli?

¹⁴ Taakɛ okadi wiemɔ ni yɔɔ Kpojiemɔ lɛ tsɔɔ lɛ, je lɛŋ maŋkramɔŋ hewalɛi lɛ baafo ekomefeemɔ ni ka Sɔlemɔ lɛ kɛ Maŋ lɛ teŋ lɛ mli. Amɛbaakpa bɔɔ ni amɛkɛ majimaji ateŋ jamɔŋ ajwamaŋ lɛ bɔɔ lɛ kwraa Amɛbaatsi lɛ kɛjɛ amɛsɛɛ amɛtswa shi, ni amɛshɔ̃ odehe ni okɛɔ akɛ eji lɛ kɛ afaseo diŋ kɛ muneele atade ni ewo lɛ yɛ ehe, ni amɛhé eshika, tɛi ni jara wa kɛ adiagbai babaoo ni ekɛwula ehe ni ekɛtsɔɔ lɛ fɛɛ. Amɛbaasha shika kpulu ni nihii nii kɛ muji nii eyi lɛ obɔ ni etsɔɔ no nɔ ehaa gbɔmɛi fɛɛ tɔrɔɔ dãa ni amɛluɔ lɛ kɛjɛ edɛ. Ejamɔ sɔlemɔtsui fɛfɛji ni ewula amɛ lɛ baatsɔ wamɔhei ni abule jɛmɛ, aloo po ebaashã fɛɛ yɛ be mli ni aha emli jwetrii ni yɔɔ mli ni etsɔ gbɛ fɔŋ nɔ ekɛbua naa lɛ. Kpoo ha Babilon kpeteŋkpele lɛ yɛ be mli ni akɛ lɛ aaataa saji anaa yɛ “amanehulu kpeteŋkpele” lɛ mli lɛ!​—Kpoj. 17:​1-18; 7:⁠14.

15. Mɛni, no baabi ni Yehowa odasefoi Kristofoi lɛ afee?

¹⁵ Mɛni ji nɔ ni nakai wɔsɛɛ be gbɛ ni maŋkwramɔŋ hewalɛi lɛ baatsɔ nɔ lɛ baaji aha Yehowa odasefoi Kristofoi lɛ? Enɛ: abaakpoo amɛ asɔɔmɔ ni amɛkɛ-haa yɛ Nyɔŋmɔ maŋtsɛyeli lɛ nibii ahe lɛ. Amɛshiɛŋ “Yehowa duromɔ afi” lɛ dɔŋŋ. Yɛ be mli ni akpata Babilon kpeteŋkpele lɛ hiɛ sɛɛ po lɛ, esa akɛ amɛya nɔ amɛjaje “wɔ-Nyɔŋmɔ lɛ oweletɔɔ gbi lɛ” ni nɔ ko nɔ ko ojeee amɛnijiaŋ wui.​—Yes 61:​1, 2; 59:​17, 18.

16. Taakɛ shishitsɔɔmɔi babaoo etsɔɔ yɛ Romabii 11:13 lɛ, te Yehowa Odasefoi baakase bɔfo Paulo aha tɛɛŋ?

¹⁶ Kɛyashi nakai be lɛ, mɛni ji nɔ ni Yehowa Odasefoi baafee yɛ amɛ “sɔɔmɔ” lɛ he? Akɛni amɛhaa nɔ ni baa taakɛ Biblia mli gbalɛ tsɔɔ lɛ hiɔ amɛjwɛŋmɔ mli hewɔ lɛ, amɛbaafee nɔ ni bɔfo Paulo fee he nɔkwɛmɔ nɔ fɛfɛo ekɛfɔ shi eha amɛ lɛ yɛ nilee mli. Yɛ Romabii 11:13 lɛ, ákɛ majimaji ateŋ bɔfo ni jɛ Yehowa Nyɔŋmɔ ŋɔɔ lɛ, bɔfo Paulo tsɔɔ nɔ ni ofee yɛ he lɛ mli, taakɛ ŋmɛnɛŋmɛnɛ beaŋ shishitsɔɔmɔi sɔrɔtoi tsɔɔ ewiemɔi lɛ amli lɛ: “Ejaakɛ miwieɔ mitsɔɔ nyɛ, ni ji jeŋmajiaŋbii lɛ, akɛni miji jeŋmaji abɔfo hewɔ; miwoɔ misɔɔmɔ lɛ hiɛ nyam.” (The International Hebrew/Greek English Bible; British Revised Version; The New World Translation; The New American Bible; Botherham) “Mikɛ woo haa misɔɔmɔ lɛ.” (Murdock; The Emphatic Diaglott; Roman Catholic Douay Version; The New English Bible) “Mifeɔ babaoo yɛ misɔɔmɔ lɛ he.” (The New International Version) “Mifeɔ babaoo bɔni manyɛ yɛ misɔɔmɔ lɛ he.” (Phillips’ Marcion English) “Mifeɔ pii yɛ misɔɔmɔ lɛ he.” (An American Translation) “Mipupuɔ mihe yɛ misɔɔmɔ lɛ mli.” (Weymonth) “Mihaa misɔɔmɔ lɛ jeɔ agbo.” (Revised Standard Version) “Mifeɔ babaoo yɛ minitsumɔ lɛ mli.” (The Bible ln living English) “Mimaa minitsumɔ lɛ nɔ mi babaoo.” (Moffatt) “Mihaa minitsumɔ lɛ jeɔ agbo.” (Authorized Version) Luther German Biblia shishitsɔɔmɔ lɛ kaneɔ akɛ: “Mabu minitsumɔ lɛ akɛ ejara wa [Amt, German].” William Tyndale tsɔɔ shishi akɛ: “Maha minitsumɔ lɛ aje agbo.”

17. Eyɛ mli akɛ etsu nii yɛ Jeŋmajiaŋbii wɔŋjalɔi lɛ ahe moŋ, shi ani bɔfo Paulo, akɛ Yudanyo lɛ, ekɛɛ akɛ eha enɛ shi kɛyashɛ nɔ ko ni tamɔ nitsumɔ ko kɛkɛ ni atsuɔ lɛ he?

¹⁷ Wɔkadiɔ kɛjɛɔ shishitsɔɔmɔi ni yɔɔ yiteŋgbɛ nɛɛ amli akɛ abaaa Paulo diakonia lɛ shi kɛyashɛɛɛ gbɛhe ko ni ji “sɔɔmɔ” ko kɛkɛ mli. Paulo kɛ Hela wiemɔ doxazo, shishifa wiemɔ kɛha Hela wiemɔ doxa,, ni eshishi ji “hiɛnyam” tsuɔ nii yɛ “esɔɔmɔ” lɛ he. Eka shi faŋŋ akɛ nɔ ko bɛ Paulo diakonia (sɔɔmɔ) lɛ he ni esa akɛ ehiɛ agbo yɛ he. Taakɛ Today’s English Version lɛ tsɔɔ Romabii 11:13 shishi lɛ: “Agbɛnɛ mikɛ nyɛ ni ji Jeŋmajiaŋbii lɛ miiwie: Bei abɔ ni miji bɔfo kɛha Jeŋmajiaŋbii nɛɛ, mapupuu mihe yɛ minitsumɔ lɛ mli.” The Jerusalem Bible lɛ kaneɔ akɛ: “Nyɛhaa makɛa nyɛ wɔŋjalɔi lɛ akɛ: Atsu mi kɛtee wɔŋjalɔi lɛ aŋɔɔ akɛ amɛ bɔfo, ni mawo mihe yɛ tsumɔ lɛ hewɔ.”b

18. Yɛ nɔ ni Yesu Kristo bɔfoi 12 lɛ ji yɛ fɔmɔ mli loo yɛ heloo gbɛfaŋ hewɔ lɛ, mɛni hewɔ ni esaaa akɛ osɔfoi lɛ ni hiɛ sabalai wuji ni amɛkase nii yɛ amɛ osɔfoi anikasemɔhe wuji Iɛ amli lɛ kuɔ amɛhiɛ amɛshwieɔ Yehowa Odasefoi anɔ ni amɛbuɔ amɛ akɛ mɛi ni jeee fɛi lɛ?

¹⁸ Shi kɛ̃lɛ, Kristofonyo “sɔɔmɔ” lɛ jeee nɔ ko ni esa akɛ eha mɔ ko yitso afũu yɛ enɔ. Shi moŋ, esa akɛ no aha wɔba wɔhe shi babaoo, ejaakɛ Nyɔŋmɔ eduro ejalɔi ni amɛjɔɔ amɛhe nɔ ni abaptisi amɛ lɛ babaoo kɛtsɔ sɔɔmɔ ni tamɔ nɛkɛ ni eŋɔ amɛ ewo mli yɛ Maŋtsɛ Yesu Kristo ni yeɔ nɔ bianɛ lɛ shishi lɛ hewɔ. Atsɛɔ Kristendom osɔfoi ni amɛkase nii amɛgbe naa yɛ osɔfoi anikasemɔhe wuji lɛ amli lɛ akɛ Reverend, Krɔŋkrɔŋ loo Mɔ ni Sa Jamɔ, Most Reverend loo Mɔ ni Sa Jamɔ Fe Fɛɛ, Most Right Reverend loo Mɔ ni Sa Jamɔ kɛ Hegbɛ Fe Fɛɛ, kɛ sabalai wuji krokomɛi, ni enɛ hewɔ lɛ amɛbaaku amɛhiɛ amɛshwie Yehowa Odasefoi ni amɛjɔɔ amɛhe nɔ ni abaptisi amɛ lɛ anɔ akɛ amɛjeee fɛi. Shi yɛ gbɛ kroko nɔ lɛ, Yesu bɔfoi Iɛ ateŋ mɛi ejwɛ ji wolɛi, mɔ kome lɛ toohelɔ ni, atsiii mɛi kpawo ni eshwɛ lɛ agbɛi ata akɛ amɛtee afii oha lɛ mli Rabi skul sɔrɔtoi lɛ eko. Shi kɛlɛ, atsi amɛta awo amɛhiɛ nyam babaoo yɛ Biblia mli naagbee wolo lɛ mli, yɛ heni atsɔɔ mli akɛ aŋmala amɛgbɛi yɛ Yerusalem Hee lɛ shishitoo tɛi 12 lɛ anɔ lɛ.​—Kpoj. 21:⁠14.

19. Ani Yehowa odasefoi ni amɛjɔɔ amɛhe nɔ ni abaptisi amɛ lɛ ji nɔyeli ko mli “ministers” loo sɔɔlɔi, ni ani amɛ sɔɔmɔ lɛ sɛɛ baatsɛ?

¹⁹ Yɛ nɔyeli ko mli ministers loo sɔɔlɔi ni amɛaaji lɛ gbɛfaŋ lɛ, nakai Yehowa Odasefoi ni amɛjɔɔ amɛhe nɔ ni abaptisi amɛ lɛ ji ministers loo sɔɔlɔi kɛha nɔyeli ni fe fɛɛ eko ni yɔɔ shihilɛ mli lɛ. Dabi, amɛtamɔɔɔ adesa nɔyeli ko tamɔ maŋtsɛyeli, nɔyeli loo kwasafo nɔyeli eko mli Bɛgwafoi, shi moŋ amɛji Jeŋ Muu Fɛɛ Maŋtsɛ, ŋwɛi kɛ shikpɔŋ Bɔlɔ lɛ ministers loo sɔɔlɔi. Yɛ Mateo 24:14 mlibaa lɛ, amɛ amɛji Maŋtsɛ, Yesu Kristo ni yeɔ nɔ bianɛ lɛ Mesia maŋtsɛyeli lɛ he adafitswalɔi ni ahaIa amɛ. Amɛ sɔɔmɔ lɛ baŋ naagbee kɛ nibii agbɛjianɔtoo momo nɛɛ hiɛkpatamɔ ni yɔɔ gbeyei ni baa naagbee yɛ “amanehulu kpeteŋkpele” ni ka wɔhiɛ ni baa lɛ mli lɛ.

20. Ani Paulo miiwie nitsumɔ ko kɛkɛ ni mɛi tsuɔ daa lɛ he yɛ eŋaawoo ni ekɛha yɛ Kolosebii 4:17 kɛ 2 Timoteo 4:6 Iɛ mli?

²⁰ Ebaawa akɛ bɔfo Paulo aaaná nitsumɔi ni je lɛŋ gbɔmɛi foji lɛ tsuɔ lɛ yɛ ejwɛŋmɔ mli, yɛ be mli ni eŋmaa enaanyo Kristofonyo ni atsɛɔ lɛ Arkipo lɛ: “Baamɔ sɔɔmɔ ni atu awo odɛŋ yɛ Nuntsɔ lɛ mli lɛ yi, koni ogbe naa kwraa.” (Kol. 4:17) Yɛ be mli ni awo Iɛ tsuŋ yɛ naagbee kwraa lɛ, Paulo ŋma Timoteo, enaanyo maŋsɛɛ sanekpakpa shiɛlɔ lɛ akɛ: “Tsu sanekpakpa-jajelɔ [ergon, Hela] nitsumɔ lɛ, gbee osɔɔmɔ lɛ naa kwraa!” (2 Tim. 4:⁠5) Nɛkɛ mumɔ naa famɔi ni akɛha ministers loo sɔɔlɔi anɔkwafoi ni hi shi yɛ klɛŋklɛŋ Kristofoi asafo lɛ mli lɛ ji ŋaawooi kpakpai ni nɔ bɛ kɛha Yehowa Odasefoi ni amɛjɔɔ amɛhe nɔ ni abaptisi amɛ lɛ fɛɛ ŋmɛnɛ, koni amɛkɛ amɛhe awo sɔɔmɔ lɛ mli yɛ nibii agbɛjianɔtoo momo ni abu lɛ fɔ nɛɛ “naagbee be” nɛɛ mli, kɛha Nyɔŋmɔ naanɔ hiɛnyamwoo.​—Dan. 12:⁠4.

[Shishigbɛ niŋmai]

Akɛ Latin tsu nii akɛ majimaji ateŋ wiemɔ yɛ maŋsaji amli yɛ Anaigbɛ je lɛ mli. Afi 1378, afi nɔ ni “Mligbɔlɔmɔ kpeteŋkpele ni Ba Anaigbɛ” ni kɔɔ Roma Paapa lɛ he lɛ ni John Wycliffe ŋma New Testament \Kristofoi a-Hela Ŋmalɛi lɛ) ni ji Kpaŋmɔ Hee lɛ, ni ji eshishitsɔɔmɔ lɛ eha. Wycliffe tsɔɔ shishi kɛjɛ Latin Vulgate lɛ mli diɛŋtsɛ, ejaakɛ ebuuu ehe akɛ ehe esa bɔni ekɛ Hebri kɛ Hela shishijee wiemɔi lɛ aaatsu nii. Etsɔɔ shishi yɛ ewiemɔ lɛ naa kɛkɛ, shi emli ka shi, ni emli wa, ni Latin wiemɔi babaoo yɛ mli; shi efaaa tsɔ tamɔ Wycliffe niŋmaai krokomɛi babaoo lɛ.” (M’Clintock and Strong’s Cyclopedia, Volume X, page.1043. column 1, yɛ “Wycliffe” shishi) No hewɔ lɛ yɛ afii ohai 14 lɛ mli tɔ̃ɔ lɛ, Wycliffe kɛ wiemɔ “minister” loo sɔɔlɔ miitsu nii. Ŋwanejee ko kwraa bɛ he akɛ no hewɔ ni William Tyndale “kɛtsu nii titri yɛ shishitsɔɔmɔ ni etee yɛ shishijee wiemɔi lɛ amli lɛ mli.” Wycliffe Shishitsɔɔmɔ,lɛ kaneɔ yɛ Romabii 13:4 akɛ: “Eji Nyɔŋmɔ mynystre (Ioo sɔɔlɔ) .” Yɛ Romabii 11:13 hu lɛ, “Mawo mi mynysterie (loo sɔɔmɔ) lɛ hiɛ nyam.”​—Oxford - Yɛ Clarendon Press.

[Akrabatsa ni yɔɔ baafa 6]

“Nuntsɔ Yehowa mumɔ lɛ yɛ minɔ, . . . ni mishiɛ Yehowa duromɔ afi kɛ wɔ-Nyɔŋmɔ lɛ oweletɔɔ gbi.”​—Yes. 61 :​1, 2.

[Akrabatsa ni yɔɔ baafa 7]

“Ni maŋsɛɛ bii aaadamɔ shi ni amɛaalɛ nyɛ tooi lɛ, . . . shi nyɛ lɛ, aaatsɛ nyɛ Yehowa osɔfoi . . . wɔ-Nyɔŋmɔ lɛ sɔɔlɔi ji nyɛ.”​—Yes. 65:​5, 6.