Naanyobɔɔ Ni Hi Fe Fɛɛ Lɛ Hiɔ Shi Yɛ Jeŋ Ni Sumɔɔɔ Mɔ Lɛ Mli
“Nyɛŋɔa kutumpɔo mamona lɛ eko nyɛfee shieŋtsɛmɛi nyɛhaa nyɛhe, koni, be ni nyɛbɛ nɔ ko dɔŋŋ lɛ, ni amɛherenyɛ yɛ naanɔ bui lɛ omli.”—LUKA 16:9.
1. Mɛni hewɔ Abɛi 14:20 kɔɔɔ Yesu Kristo he beni eyɔɔ shikpɔŋ nɔ lɛ?
1 “OHIAFO lɛ, enaanyo tete nyɛɔ lɛ; shi niiatsɛ lɛ, esuɔlɔi fa.” (Abɛi 14:20) Jeee Yesu Kristo mɔ ni da fe Salomo kɛ mɛi fɛɛ ni ehi shikpɔŋ nɔ lɛ he Israel Maŋtsɛ Salomo abɛ nɛɛ wieɔ lɛ. Jeee heloo gbɛfaŋ ninamɔ nɔ Yesu tsɔ egbala Israelbii lɛ kɛba emasɛi, ni asaŋ ebuu shikpɔŋ nɔ ninamɔ akɛ no nɔ adamɔɔ anaa anɔkwale naanyobɔɔ ni hiɔ shi daa.
2. Mɛɛ naanyobɔɔ Yesu kɛɛ ekaselɔi lɛ akɛ amɛtao, ni yɛ mɛni hewɔ?
2 Eji anɔkwale akɛ Yesu wie yɛ be ko akɛ: “Nyɛŋɔa kutumpɔo mamona lɛ eko nyɛfea nyɛshieŋtsɛmɛi nyɛhaa nyɛhe, koni beni nyɛbɛ nɔ ko dɔŋŋ lɛ, ni amɛherenyɛ yɛ naanɔ bui lɛ amli.” (Luka 16:9) “Shieŋtsɛmɛi” ni yɔɔ Yesu jwɛŋmɔ mli yɛ biɛ lɛ ji Yehowa Nyɔŋmɔ akɛ jwetri ni sa fɛɛ Jɛɛhe kɛ lɛ diɛŋtsɛ hu akɛ niiatsɛ ni fe fɛɛ lɛ Bi. Kɛ wɔnyiɛ nakai ŋaawoo lɛ sɛɛ ŋmɛnɛ lɛ, akɛwo baa naanyobɔɔ ni hi fe fɛɛ ni abaanyɛ ana mli ŋɔɔmɔ yɛ shikpɔŋ nɔ lɛ mli, nɔ ni ji Yehowa Nyɔŋmɔ kɛtsɔ e-Bi Yesu Kristo ni kɛ lɛ diɛŋtsɛ ehe sha afɔle lɛ nɔ̃ lɛ.
3. Mɛɛ “shihilɛ hei” nɛkɛ ŋwɛi Nanemɛi nɛɛ kɛwɔ baaya lɛ?
3 Yɛ amɛwala ni gbele bɛ mli lɛ hewɔ lɛ, nɛkɛ Mɛi ni yɔɔ ŋwɛi nɛɛ baaka he amɛfee wɔ Shieŋtsɛmɛi ni yɔɔ shiŋŋ ni baahere wɔ kɛya “naanɔ bui lɛ amli.” Nakai eji kɛji akɛ “naanɔ bui” nɛɛ baahi ŋwɛi yɛ he ni bɔfoi krɔŋkrɔŋi lɛ fɛɛ yɔɔ lɛ jio, aloo yɛ shikpɔŋ nɛɛ nɔ, yɛ Paradeiso ni abaasaa ama shi ekoŋŋ lɛ mli jio.—Luka. 23:43.
Bɔ Ni Aheɔ Mɛi Awoɔ Naanyobɔɔ Ni Hi Fe Fɛɛ Lɛ Mli
4. (a) Mɛni Biblia mli nɔkwɛmɔ nɔ tsɔɔ kɛji akɛ abaanyɛ akɛ shika ahe Nyɔŋmɔ naanyobɔɔ? (b) Mɛni ji gbɛ ni hi ni wɔbaanyɛ wɔtsɔ nɔ wɔkɛ jwetri ni wɔyɔɔ Iɛ atsu nii?
4 Anyɛŋ akɛ shika ahe naanyo ni akɛ Ŋwɛi Flooflo Nyɔŋmɔ lɛ kɛ esuɔmɔ Bi koome ni ji Yesu Kristo aaabɔ lɛ. Ama anɔkwale nɛɛ nɔ mi yɛ Anania kɛ Safira sane lɛ mli yɛ klɛŋklɛŋ afii oha lɛ mli yɛ Kristofoi asafo lɛ mli. Kɛ wɔtaooo gbɛi kɛ hiɛnyam lɛ, taakɛ amɛfee lɛ, wɔbaanyɛ wɔkɛ heloo gbɛfaŋ nibii ni wɔyɔɔ lɛ atsu nii yɛ gbɛ ni saa Yehowa Nyɔŋmɔ kɛ Yesu Kristo hiɛ lɛ nɔ. (Bɔfoi lɛ Asaji 5:1-11) Enɛ ji nɔ ni Yesu Kristo tsɔɔ be ni ekɛɛ: “Okɛ jeŋ ninamɔ atao nanemɛi oha ohe koni beni eho etee lɛ, akpeenyɛ kɛbote naanɔ shihilɛ hei lɛ.”—Luka 16:9, New International Version.
5. Mɛɛ gbɛ Zakeo tsɔ nɔ ni mɛni jɛ mli ba?
5 Beni Yesu wie nɛkɛ wiemɔi nɛɛ lɛ no mli lɛ etaooo ni esa toohelɔi ni yɔɔ Roma Nɔyeli lɛ mli lɛ kɛ nɔfɔŋfeelɔi krokomɛi lɛ ahiɛ. Etaooo heloo gbɛfaŋ ninamɔ ko kɛha lɛ diɛŋtsɛ ehe yɛ shikpɔŋ nɛɛ nɔ, ejaakɛ ekɛɛ ekaselɔi lɛ akɛ amɛbɔ jwetri amɛha amɛhe yɛ ŋwɛi. Zakeo ni ji Yudanyo toohelɔ kɛha Roma nɔyeli lɛ to eyiŋ akɛ ekɛ Mesia ni ji Yesu ŋaawoo nɛɛ baatsu nii ni ejaje eyiŋtoo nɛɛ etsɔɔ yɛ faŋŋ mli. Yɛ enifeemɔ ni fiɔ Maŋtsɛyeli lɛ he nibii asɛɛ nɛɛ hewɔ lɛ, Zakeo gbɔ lɛ ni ehe gbɛi fe mɔ fɛɛ mɔ lɛ jaje akɛ: “Ŋmɛnɛ walaheremɔ eba shia nɛɛ, akɛ nɔ ni lɛ hu Abraham bi ji lɛ ejaakɛ gbɔmɔ Bi lɛ ba nɔ ni elaaje lɛ taomɔ.”(Luka 19:1-10) Zakeo diɛŋtsɛ ni ji toohelɔ lɛ hu fata “nɔ ni elaaje lɛ” he.
6. Ahe Zakeo awo mɛni mli, shi namɛi agbɛ fɔŋ bafeɔ kɔkɔbɔɔ nɔ?
6 Ahe Zakeo awo je muu fɛɛ naanyobɔɔ ni hi fe fɛɛ lɛ mli, ni ji gbɔ krɛdɛɛ ni efeɔ lɛ ejurɔ lɛ Nyɔŋmɔ kɛ Tsɛ lɛ naanyobɔɔ lɛ mli. Kɛji akɛ Zakeo na Yesu yɛ E-shitee kɛmiijɛ gbohii ateŋ lɛ sɛɛ, ni efata kaselɔi 120 ni bua amɛhe naa yɛ ŋwɛi tsu ko nɔ yɛ Yerusalem yɛ Pentekoste 33 Ŋ.B. lɛ gbi wulu lɛ nɔ jio, no lɛ aŋmaaa yɛ Biblia lɛ mli, Ŋwanejee ko bɛ he akɛ ekolɛ Zakeo baafata kaselɔi 5,000 ni akɛ mumɔ efɔ amɛ ni afɔ amɛ mu ni atsi amɛta yɛ enɛ sɛɛ nɔŋŋ lɛ ahe. (Bɔfoi lɛ asaji yitsei 2 kɛ 4; 1 Korintobii 15:1-6) Shi wɔyɛ nɔ ni tamɔɔɔ enɛ yɛ Anania kɛ Safira ni atsɔ hiɛ atsi amɛta lɛ ahe! Mɛi enyɔ ni kɛ amɛhe bɔɔ Yerusalem asafo lɛ he lɛ tao ni amɛna gbɛi yɛ kaselɔi lɛ teŋ kɛtsɔ shika gbɛfaŋ yelikɛbuamɔ ni amɛkɛhaa lɛ ni amɛmale yɛ mli lɛ nɔ. Toigbalamɔ ni ba amɛnɔ yɛ anɔkwale ni amɛyeee hewɔ lɛ fite amɛ naanyobɔɔ ni hi fe fɛɛ lɛ, ni efeɔ kɔkɔbɔɔ nɔ kɛhaa Kristofoi fɛɛ ni yɔɔ ŋmɛnɛ.—Bɔfoi lɛ Asaji 4:34–5:11.
7. Yɛ suɔmɔ ni je nɛɛ bɛ kɛha wɔ lɛ fɛɛ sɛɛ lɛ, mɛni Yehowa Odasefoi naa mli ŋɔɔmɔ?
7 Yɛ bɔ ni afii ohai 20 je nɛɛ sumɔɔɔ mɔ ha lɛ fɛɛ sɛɛ lɛ, Yehowa Odasefoi yaa nɔ amɛnaa naanyobɔɔ ni hi fe fɛɛ yɛ shihilɛ mli lɛ mli ŋɔɔmɔ. Shi mɛni hewɔ esa akɛ amɛna nɔ ni anaaa nɛɛ, yɛ be mli ni jamɔ gbɛjianɔtoi ni fe akpe efeee nakai lɛ? Odaseyeli lɛ tsɔɔ akɛ, nɔ̃ hewɔ lɛ ji akɛ Yehowa Odasefoi etsu nitsumɔ krɛdɛɛ ko ni Kristendom jamɔi lɛ tsuko. Nɔ kome ji akɛ Odasefoi nɛɛ eje kpo kɛjɛ apasa jamɔ gbɛjianɔtoi nɛɛ amli, ejaakɛ amɛna akɛ amɛ amɛfeɔ jeŋ apasa jamɔ maŋtsɛyeli ni atsɛɔ lɛ yɛ Biblia lɛ mli akɛ Babilon Kpeteŋkpele lɛ. Shi apasa jamɔ ko mli ni mɔ aaajie ehe kɛaajɛ lɛ etsɔɔɔ akɛ mɔ lɛ ebote Yehowa gbɛjianɔtoo lɛ mli, ejaakɛ ebaanyɛ ekɛ ehe awo jeŋ apasa jamɔ maŋtsɛyeli lɛ jamɔ gbɛjianɔtoi krokomɛi lɛ eko mli.
8. Ŋamɛi kɔkɔ ni abɔɔ ŋmɛnɛ akɛ aje Babilon Kpeteŋkpele lɛ mli lɛ kɔɔ amɛhe diɛŋtsɛ?
8 Esa ni wɔkadi akɛ ŋwɛi famɔ akɛ aje Babilon Kpeteŋkpele lɛ mli lɛ ji nɔ ni akɛha “mimaŋ.” (Kpojiemɔ 18:4) Taakɛ bɔ ni Hebri Ŋmalɛi tsɔɔ lɛ, nɛkɛ ŋwɛi tsɛmɔ nɛɛ tamɔ famɔ ni Nyɔŋmɔ kɛha Israel nomi ni yɔɔ Babilon shikpɔŋ lɛ nɔ lɛ. (Yesaia 52:11) No hewɔ lɛ, akɛ wiemɔ krɛdɛɛ ni ji “mimaŋ” nɛɛ miitsɔɔ Yesu kaselɔi ni akɛ mumɔ efɔ amɛ ni afɔ amɛ mu ni yɔɔ shikpɔŋ nɔ lɛ ateŋ shwɛɛnii lɛ. Yɛ Jeŋ Ta 1 ni ba yɛ 1914-18 mli lɛ, no mli lɛ Babilon Kpeteŋkpele lɛ eŋɔ shwɛɛnii ni afɔ amɛ mu nɛɛ nom kɛtsɔ maŋkwramɔ, sraayeli kɛ saneyeli gbɛjianɔtoi ni yɔɔ je lɛŋ lɛ anɔ bɔni afee ni amɛha mumɔŋ shwɛɛnii lɛ akpa nitsumɔ. Shwɛɛnii lɛ ebaje nomŋɔɔ mli, yɛ okadifeemɔ mli, ni amɛbɛ Yehowa sɔɔmɔ nitsumɔ mli heyeli ko kwraa.
9. Esa ni Yehowa Odasefoi aje Babilon Kpeteŋkpele lɛ mli ni amɛtsi amɛhe kɛyashi nɛgbɛ?
9 Afee Babilon Kpeteŋkpele lɛ he mfoniri yɛ Kpojiemɔ yitso 17 akɛ yoo ajwamaŋ ko ni ta koŋloo ko ni hiɛ yɔɔ la ni hiɛ yitsei kpawo kɛ akoloŋtoi nyɔŋma nɔ. Nakai okadi gbɛ nɔ koŋloo ni hiɛ yɔɔ la lɛ ni kpeleke shi kɛtee bu kwɔŋkwɔŋ lɛ mli ni eku sɛɛ eje kpo ekoŋŋ lɛ feɔ ŋmɛnɛŋmɛnɛ beaŋ gbɛjianɔtoo kɛha jeŋ toiŋjɔlɛ ni ji Jeŋmaji Ekomefeemɔ ni baye Jeŋmaji Akpaŋmɔ lɛ ni kpeleke shi kɛtee bu kwɔŋkwɔŋ lɛ mli beni Jeŋ Ta II fɛ lɛ sɛɛ lɛ he mfoniri. No hewɔ lɛ, beni Yehowa webii ni etsɛ amɛ akɛ “mimaŋ” lɛ bo etsɛmɔ lɛ toi ni amɛje kpo kɛjɛ Babilon Kpeteŋkpele lɛ mli lɛ, mɛni amɛfee? Amɛjeee kpo kɛjɛɛɛ nakai jeŋ apasa jamɔ maŋtsɛyeli lɛ hewalɛ kɛ enɔyeli lɛ pɛ shishi shi moŋ, amɛshi emaŋkwramɔŋ nanemɛi lɛ, emaŋkwramɔŋ gbɛjianɔtoi ni hɔ Jeŋmaji Ekomefeemɔ lɛ shishi lɛ hu mli.
10. Mɛɛ majimaji ateŋ gbɛjianɔtoo yɔɔ ŋmɛnɛ ni Yehowa Odasefoi kɛ lɛ bɛ nɔ ko feemɔ kwraa, ni yɛ mɛni hewɔ?
10 Shwɛɛnii ni afɔ amɛ mu lɛ ehala shidaamɔ ko ni ji amɛhe ni amɛkɛwooo maŋkwramɔ kɛ sraayeli saji amli. (Yohane 15:19) Amɛdamɔɔ shi yɛ ekomefeemɔ mli amɛhaa Nyɔŋmɔ Maŋtsɛyeli kɛtsɔ Kristo nɔ lɛ, nɔ ni ato yɛ ŋwɛi yɛ Jeŋmaji Abei lɛ naagbee yɛ 1914 lɛ. Ato Jeŋmaji Akpaŋmɔ lɛ ni Babilon Kpeteŋkpele lɛ fi sɛɛ yɛ Jeŋ Ta I naagbee mli yɛ 1918 lɛ ama shi akɛ nɔ ni teɔ shi woɔ Maŋtsɛyeli lɛ. No hewɔ lɛ, nɛkɛ majimaji ateŋ gbɛjianɔtoo ni gbɔmɔ kɛ enine fee nɛɛ ji nibii nii kɛha Yehowa Nyɔŋmɔ kɛ mumɔŋ Israel shwɛɛnii anɔkwafoi ni yɔɔ shikpɔŋ nɔ lɛ hu. (Mateo 24:15, 16) Ni nakai nɔŋŋ eji kɛha ŋmɛnɛŋmɛnɛ beaŋ “asafo babaoo” lɛ ni sɔlemɔ we sɔɔlɔi lɛ kɛ “Salomo tsuji abii” lɛ feɔ amɛhe mfoniri lɛ hu.—Kpojiemɔ 7:9-17; Ezra 2:43-58.
11. (a) Mɛni hewɔ eji tɔmɔ kɛha Yesu kaselɔi lɛ akɛ amɛkɛ je lɛ aaabɔ naanyo? (b) Mɛni ji su ni je nɛɛ jieɔ lɛ kpo yɛ Yehowa Odasefoi ahe, shi amɛyaa nɔ amɛnaa mɛni mli ŋɔɔmɔ?
11 Be ni Yesu faa ewala he yɛ Roma amralo Pontio Pilato hiɛ lɛ, ekɛɛ: “Mimaŋtsɛyeli Iɛ jɛɛɛ je nɛŋ; mimaŋtsɛyeli lɛ jɛ je nɛɛ mli jikulɛ, misɔɔlɔi lɛ aaapele he, koni akaŋɔmi aha Yudafoi lɛ; shi enɛ lɛ, mimaŋtsɛyeli lɛ jɛɛɛ biɛ.” (Yohane 18:36) No hewɔ lɛ, ebafeŋ nɔ ni ja kwraa yɛ Yesu “sɔɔlɔi” aloo ekaselɔi lɛ agbɛfaŋ akɛ amɛkɛ je nɛɛ aaabɔ naanyo. Yesu ekɛɛ ‘esɔɔlɔi’ lɛ ateŋ klɛŋklɛŋ bii ni ji ebɔfoi anɔkwafoi 11 Iɛ yɛ mra mli akɛ ‘amɛjɛɛɛ je lɛ’ ni Satan Abonsam ji “nɔyelɔ” lɛ mli. (Yohane 14:30; 15:19; okɛto 2 Korintobii 4:4 he.) Enɛ hewɔ je lɛ nyɛɔ amɛ aloo esumɔɔɔ amɛ lɛ. Nakai nɔŋŋ Yesu kaselɔi ni yɔɔ afii ohai 20 nɛɛ mli lɛ naa amɛhe yɛ je ko ni sumɔɔɔ amɛ mli. Shi yɛ fɛɛ sɛɛ lɛ, amɛyaa nɔ amɛnaa je muu fɛɛ naanyobɔɔ ni hi fe fɛɛ lɛ mli ŋɔɔmɔ, ni ji jeŋ ni jalɛ hiɔ mli ni baa lɛ kɛ “ŋwɛi hee kɛ shikpɔŋ hee” lɛ Nyɔŋmɔ lɛ nɔ̃.—2 Petro 3:13.
12. Beni mɔ ko eje Babilon Kpeteŋkpele lɛ mli ni etsi ehe kɛjɛ efai ni yɔɔ je lɛ mli lɛ ahe lɛ, mɛni pɛ sɛɛ esa akɛ edamɔ, ni mɛni enɛ biɔ?
12 Kɛ mɔ ko je Babilon Kpeteŋkpele lɛ kɛ efai krokomɛi ni yɔɔ je lɛ mli ni ji Nitsumɔi Wuji kɛ Maŋkwramɔ kɛ Sraayeli mli lɛ, he kome too pɛ yɔɔ ni ebaanyɛ eya. Jɛmɛ ji Yehowa, Nyɔŋmɔ hiɛkalɔ anɔkwafo koome lɛ asafo ni yɔɔ jeŋ fɛɛ lɛ mli. Onyɛŋ oka teŋ. Enɛ biɔ ni mɔ lɛ afee ehe mɔ ni je nɛɛ sumɔɔɔ lɛ, nɔ ko ni baawa aha mɔ ko akɛ eeeto eyiŋ akɛ ebaakpoo Babilon Kpeteŋkpele lɛ kɛ je ni eji efa titri lɛ.
“Gbɛi Hee” Ko Ni Jɛ Naanyo Ni Hi Fe Fɛɛ Lɛ Ŋɔɔ
13. Yɛ klɛŋklɛŋ afii oha Ŋ.B. lɛ mli lɛ, mɛni ji gbɛi ni ajɛ ŋwɛi akɛtsɛ Yesu kaselɔi lɛ?
13 Bɔ ni wɔnyaa wɔkɛ Nyɔŋmɔ teŋ naanyobɔɔ lɛ he wɔhaa lɛ haa wɔnaa miishɛɛ akɛ aaatsɛ wɔ Yehowa Odasefoi. Eji anɔkwale akɛ Kristo kaselɔi ni hi shi yɛ klɛŋklɛŋ afii oha lɛ mli lɛ eŋɔɔɔ gbɛi, “Yehowa Odasefoi.” Shi ofainɛ susumɔ wekukpaa ni ka amɛ kɛ Shieŋtsɛ ni hi fe fɛɛ lɛ teŋ lɛ he okwɛ. Bɔfoi lɛ Asaji 11:26 bɔ amaniɛ akɛ: “Antiokia klɛŋklɛŋ ajɛ awo kaselɔi lɛ agbɛi akɛ Kristofoi yɛ.” Kadimɔ akɛ New World Translation of the Holy Scriptures lɛ tsɔɔ akɛ “ajɛ ŋwɛi awo kaselɔi lɛ agbɛi akɛ Kristofoi.” Hela wiemɔ ni atsɔɔ shishi yɛ biɛ nɛɛ akɛ ‘ajɛ ŋwɛi awo amɛ gbɛi’ lɛ shishinumɔ yaa shɔŋŋ fe gbɛi ko kɛkɛ ni akɛaatsɛ amɛ. Naanyo ni hi fe fɛɛ yɛ je muu lɛ fɛɛ lɛ kpɛlɛ nakai gbɛi “Kristofoi” lɛ nɔ.
14. Mɛni abaanyɛ awiɛ yɛ gbɛi “Kristendom” he, ni mɛɛ sanebimɔi abiɔ ni asusu he?
14 Wiemɔ “Kristofonyo” lɛ mli gbɛi Kristendom jɛ, gbɛi ni akɛtsɛɔ mɛi fɛɛ ni ekɔ gbɛi Kristofonyo lɛ amɛfɔ amɛnɔ ni jamɔŋ kui, asafoi kɛ jamɔŋ gbɛjianɔtoi sɔrɔtoi sɔrɔtoi babaoo fata he lɛ. No hewɔ lɛ, gbɛi “Kristendom” lɛ jeee ‘nɔ ni ajɛ ŋwɛi awo’ kɛtsɔ bɔfoi anɔ aloo ‘gbɛi ni awo’ yɛ Nyɔŋmɔ suɔmɔ naa. Yɛ enɛ hewɔ lɛ, shihilɛ ni yɔɔ ŋmɛnɛ lɛ yɛ sɔrɔto kwraa yɛ klɛŋklɛŋ afii oha lɛ mli nɔ̃ lɛ he. Anɔkwale Kristofoi pɛ ji mɛi ni baanyɛ ana naanyobɔɔ ni hi fe fɛɛ lɛ mli ŋɔɔmɔ yɛ je ni sumɔɔɔ mɔ nɛɛ mli. No hewɔ lɛ, sanebimɔ ni he hiaa jogbaŋŋ ŋmɛnɛ lɛ ji akɛ, Namɛi ji anɔkwale Kristofoi diɛŋtsɛ ni hiɔ shi yɛ Ŋmalɛi ni jɛ mumɔŋ lɛ anaa? Sanebimɔ kroko ni sa kadimɔ jogbaŋŋ hu ji akɛ, Ani Yehowa Odasefoi ji anɔkwale Kristofoi ni Yehowa Nyɔŋmɔ kɛ Yesu Kristo ji amɛ-Shieŋtsɛmɛi? Nyɔŋmɔ gbɛi ni lɛ diɛŋtsɛ ehala eha ehe ni ji Yehowa lɛ he eba sane yɛ enɛ gbɛfaŋ
15. Mɛɛ shihilɛi ahewɔ be eshɛ kɛha Yehowa akɛ efee gbɛi eha ehe lɛ, ni mɛɛ gbɛfaŋnɔ “gbɔmɛi ni ehala kɛha egbɛi” lɛ naa yɛ mli bianɛ?
15 Te Kristendom baafee tɛŋŋ ekɛ ejamɔi babaoo lɛ ana Yehowa kɛ naanyobɔɔ mli ŋɔɔmɔ lɛ? Kristendom ewo Yesu Kristo gbɛi lɛ nɔ gojoo kɛyashɛ he ni eehe eha eŋwɛi Tsɛ lɛ gbɛi Yehowa lɛ nɔ po. Shi, yɛ Biblia gbalɛi anaa lɛ, be eshɛ ni Yehowa baafee gbɛi eha lɛ diɛŋtsɛ ehe. No hewɔ lɛ, esa ni awo egbɛi lɛ nɔ gojoo. Yɛ enɛ hewɔ lɛ, ekɛ anɔkwa odasefoi, ni ji gbɔmɛi ni ehala kɛ mɛi ni naa enaanyobɔɔ lɛ mli ŋɔɔmɔ lɛ baatsu nii. Yɛ klɛŋklɛŋ afii oha lɛ mli kpee krɛdɛɛ ko ni bɔfoi lɛ kɛ Yesu Kristo kaselɔi hiɛnyiɛlɔi lɛ fee lɛ shishi lɛ, kaselɔ Yakobo kɛɛ: “Simeon egba bɔ ni Nyɔŋmɔ basara jeŋmaji lɛ tsutsu ko ni ehala amɛteŋ maŋ ko eha egbɛi lɛ.”—Bɔfoi lɛ Asaji 15:14.
16, 17. Mɛni afee yɛ Nyɔŋmɔ gbɛi lɛ he yɛ Kristendom Biblia shishitsɔɔmɔi lɛ amli, shi mɛni ji anɔkwale yɛ Jeŋ Hee Shishitsɔɔmɔ Biblia lɛ he yɛ enɛ gbɛfaŋ?
16 Abaakpa gbɛ akɛ, ‘gbɔmɛi ni Nyɔŋmɔ ehala kɛha egbɛi’ lɛ baafee eshieŋtsɛmɛi ni baawo egbɛi krɔŋkrɔŋ lɛ nɔ. Shi mɛni eba yɛ Kristendom? Akɛ sabala eto Yehowa gbɛi lɛ najiaŋ yɛ e-Biblia shishitsɔɔmɔi ni ehe gbɛi lɛ amli. Ejaakɛ anaa egbɛi nɛɛ shii ejwɛ pɛ yɛ Ŋleshi shishitsɔɔmɔ ni ehe gbɛi fe fɛɛ ŋmɛnɛ lɛ mli! (2 Mose 6:3; Lala 83:19; Yesaia 12:2; 26:4, King James Version) Asaŋ, yɛ Hebri Ŋmalɛi lɛ ni Yudafoi lɛ tsɔɔ shishi lɛ amli po lɛ, afee Nyɔŋmɔ gbɛi lɛ akɛ “Nuŋtsɔ lɛ.” Mɔdɛŋ ni abɔɔ yɛ nɛkɛ gbɛ nɔ bɔni afee ni anyɛ Yehowa gbɛi lɛ nɔ lɛ jeee eshieŋtsɛmɛi anɔkwafoi anitsumɔ.
17 Shi yɛ afi 1950 mli lɛ, New World Translation of the Holy Scriptures (Jeŋ Hee Shishitsɔɔmɔ Biblia) lɛ bɔi kpojee yɛ jamɔ mli ni ekɛ gbɛi krɔŋkrɔŋ nɛɛ baa yɛ he fɛɛ he ni ejeɔ kpo yɛ shishijee Hebri Biblia ŋmalɛ lɛ mli lɛ. New World Translation Biblia lɛ esaa gbɛi krɔŋkrɔŋ lɛ eto hei ni amɛjɛɔ kpo yɛ shishijee Kristofoi a-Hela Ŋmalɛi ni afɔɔ lɛ tsɛmɔ akɛ New Testament lɛ mli hu—hɛɛ, shii 237 sɔŋŋ. Yehowa shieŋtsɛmɛi lɛ anitsumɔ nɛ.
18. Yɛ Yesaia 62:2 mumɔ lɛ naa lɛ, mɛni Yehowa tsuji lɛ fee yɛ 1931, ni mɛɛ gbɛnaa nii amɛtsuɔ he nii?
18 Nɔ ni Yehowa shieŋtsɛmɛi lɛ nyaa he ji wiemɔ ni yɔɔ Yesaia 62:2 lɛ. Enɛ ji wiemɔ ko ni awie atsɔɔ Nyɔŋmɔ gbɛjianɔtoo ni anaa lɛ mlibii ni ejɔɔ amɛhe nɔ ni abaptisiamɛ ni ji Mesia lɛ kaselɔi ni ajɛ mumɔŋ afɔ amɛ lɛ, ekaneɔ akɛ: “ Ni jeŋmaji aaana ojalɛ lɛ, ni maŋtsɛmɛi fɛɛ aaana enunyam lɛ, ni akɛ ogbɛi hee ni Yehowa naabu aaawo bo aaatsɛo.” Nakai “gbɛi” lɛ kɔɔ jɔɔmɔ shihilɛ ko ni abaa ŋmɛnɛŋmɛnɛ be nɛɛ mli kaselɔi ni afɔ amɛ mu lɛ anaa awo mli lɛ ahe. Agbɛnɛ, bɔni afee ni amɛtsɔmɔ ‘gbɔmɛi kɛha Nyɔŋmɔ gbɛi lɛ,’ esa akɛ egbɛjianɔtoo ni anaa lɛ mlibii ni ji shwɛɛnii lɛ aha akɛ egbɛi atsɛamɛ, ni amɛhiɛ nakai gbɛi lɛ. Anɔkwale nɛɛ baje kpo yɛ be ni sa mli. No hewɔ lɛ, yɛ Yesaia 62:2 mumɔ lɛ naa lɛ, Nyɔŋmɔ gbɛjianɔtoo ni ajɛ mumɔŋ afɔ amɛ lɛ bua amɛhe naa yɛ kpee ko shishi yɛ Columbus, Ohio, yɛ afi 1931 ni amɛkɛ miishɛɛ kpɛlɛ gbɛi “Yehowa Odasefoi” lɛ nɔ. Yɛ nakai nɔkwɛmɔ nɔ Iɛ sɛɛnyiɛmɔ mli lɛ, Yehowa webii ni amɛjɔɔ amɛhe nɔ lɛ asafoi fɛɛ kpɛlɛ nakai gbɛi Iɛ nɔ. Gbɛi nɛɛ eka, yɛ gba ni agba yɛ je lɛŋ akɛ gbɛi nɛɛ baalaaje lɛ fɛɛ sɛɛ. Yesu Kristo ni awo ehiɛ nyam lɛ tsɛ ehe yɛ Kpojiemɔ 3:14 akɛ “odasefonyo anɔkwafo Iɛ kɛ anɔkwayeli lɛ.” Eja gbɛ mɔ akɛ kɛjɛ afi ni akaiɔ jogbaŋŋ ni ji 1931 nɔ kɛbaa nɛɛ, ekaselɔi asafoi ni yɔɔ shikpɔŋ nɔ lɛ efi nakai ŋwɛi gbɛi Iɛ sɛɛ. Kɛjɛ nakai bɛ lɛ mli kɛbaa nɛɛ, amɛbɔ mɔdɛŋ akɛ amɛaatsu sɔ ni ka amɛnɔ akɛ amɛaahi shi yɛ nakai gbɛi lɛ naa ni amɛha ale lɛ he nii. Yɛ enɛ hewɔ lɛ akɛ Yehowa gbɛi—amɛ-Naanyo ni hi fe fɛɛ lɛ gbɛi ni eko kɛ lɛ yeee egbɔ lɛ ebaye klɛŋklɛŋ gbɛhe yɛ shikpɔŋ muu lɛ fɛɛ nɔ. Asaŋ Yehowa kɛ odaseyeli krɛdɛɛ ko eha ni tsɔɔ akɛ ehiɛ ekɛ edasefoi anaanyobɔɔ lɛ mli kɛbashi naagbee be nɛɛ mli.
19. (a) Mɛni hewɔ Yehowa Odasefoi ni ejɔɔ amɛhe nɔ lɛ sheee suɔmɔ ni je Iɛ sumɔɔɔ amɛ lɛ gbeyei lɛ, ni mɛɛ hegbɛ akɛbaawo emuuyeli mli hiɛlɔi nyɔmɔ yɛ Harmagedon? (b) Esa akɛ wɔkɛ shidaa kɛ yijiemɔ fɛɛ aha Yehowa yɛ mɛni hewɔ?
19 Akɛni Yehowa Nyɔŋmɔ damɔ wɔ sɛɛ akɛ edasefoi ni ejɔɔ amɛhe nɔ hewɔ lɛ, namɔ baanyɛ ate shi awo wɔ ni eye omanyei (Romabii 8:31-34) No hewɔ lɛ, wɔsheee suɔmɔ ni wɔhenyɛlɔ ni ji je nɛɛ bɛ kɛha wɔ lɛ gbeyei. No hewɔ lɛ wɔtsuɔ nii akɛ Mesia Maŋtsɛyeli lɛ bɔfoi aloo enajiaŋdamɔlɔi ni wɔfɔɔ nine wɔtsɛɔ gbɔmɛi ni hiɛ gwaŋtɛŋ su lɛ akɛ amɛha wɔkpata amɛ kɛ Yehowa Nyɔŋmɔ teŋ kɛtsɔ Yesu Kristo ni ji odehe kɛ Osɔfonukpa lɛ nɔ. (2 Korintobii 5:20) Eyɛ mli akɛ yɛ enɛ hewɔ lɛ, hetsɛ̃ ni je lɛ yɔɔ kɛha shwɛɛnii ni afɔ amɛ mu lɛ kɛ amɛnanemɛi “asafo babaoo” lɛ mli ewo wu moŋ, shi naanyobɔɔ ni hi fe fɛɛ ye jeŋ muu fɛɛ, ni ji Yehowa Nyɔŋmɔ nɔ̃ lɛ kaa he ehiɔ shi yɛ anɔkwayeli mli. (Kpojiemɔ 7 :9) Akɛ mɛi ni hiɛɔ emuuyeli mli amɛhaa lɛ lɛ, afiteŋ naanyobɔɔ lɛ gbi ko gbi ko. Eji anɔkwale akɛ etsɛŋ kwraa, yɛ be nɛɛ mli nɔŋŋ, abaajie nakai naanyobɔɔ lɛ kpo atsɔɔ yɛ tai fɛɛ ateŋ ta lɛ mli yɛ “Nyɔŋmɔ Ofe lɛ gbi wulu lɛ nɔ ta” lɛ mli yɛ Harmagedon (Kpojiemɔ 16:14, 16) Jɛmɛ, ekɛ Satan Abonsam kɛ edaimonioi asafo lɛ kɛ oshikpɔŋ nɔ gbɛjianɔtoi fɛɛ ni anaa lɛ baakpe hiɛ kɛ hiɛ yɛ, ni Yehowa baafa E-jeŋ muu fɛɛ nɔyeli lɛ he kɛtsɔ E-kunimyeli ni fe fɛɛ yɛ yinɔi fɛɛ mli lɛ nɔ. Wɔ mɛi ni wɔnyɛ wɔhiɛ wɔkɛ lɛ teŋ naanyobɔɔ lɛ mli kɛbashi bianɛ lɛ, akɛ yiwalaheremɔ baaduro wɔ, kɛ hegbɛ ni wɔɔna akɛ wɔɔtsɔmɔ mɛi ni kɛ amɛhiŋmɛi baana Maŋtsɛ Yesu Kristo kunimyeli ni da fe fɛɛ lɛ. (Lala 110:1, 2; Yesaia 66:23, 24) Wɔmiijɛ tsui muu fɛɛ mli wɔkɛ shidaa kɛ yijiemɔ miiha Yehowa Nyɔŋmɔ yɛ enaanyobɔɔ ni hiɔ shi kɛyaa naanɔ lɛ hewɔ!—Lala 136:1-26.a
[Shishigbɛ niŋmaa]
a Ajie kɛjɛ May 15, 1985 Blɔfo Watchtower lɛ mli.
Te Obaaha Hetoo Oha Tɛŋŋ?
◻ Yesu wo ekaselɔi lɛ aŋaa akɛ amɛkɛ namɛi abɔ naanyo ni mɛɛ “shihilɛ hei” agbɛ enɛ gbeleɔ kɛhaa amɛ?
◻ Mɛni ji je lɛ su yɛ Yehowa Odasefoi ahe, shi mɛɛ naanyobɔɔ amɛyaa nɔ amɛnaa mli ŋɔɔmɔ?
◻ ‘Gbɔmɛi ni ahala kɛha Nyɔŋmɔ gbɛi’ Iɛ miitsu mɛɛ gbɛnaa nii he nii yɛ gbɛi lɛ he?
◻ Mɛni hewɔ Yehowa Odasefoi ni amɛjɔɔ amɛhe nɔ lɛ sheee suɔmɔ ni je lɛ bɛ kɛha amɛ lɛ gbeyei lɛ?
[Mfoniri ni yɔɔ baafa 15]
Ahe Zakeo awo naanyobɔɔ ni hi fe fɛɛ yɛ je muu fɛɛ lɛ mli. Ani bo hu nakai?
[Mfoniri ni yɔɔ baafa 24]
Akɛni Yehowa Odasefoi sumɔɔ ni amɛna Nyɔŋmɔ akɛ Naanyo ni hi fe fɛɛ hewɔ lɛ, amɛkpɛ amɛyiŋ yɛ 1931 akɛ akɛ egbɛi ni eko kɛ lɛ yeee egbɔ Iɛ atsɛ amɛ