Nikasemɔi Ni Jɛ Ŋmalɛi Lɛ Amli: Nahum 1:1–3:⁠19

Yiwalaheremɔ Nyɛɔ Ebaa Kɛ Nyɔŋmɔ Tɔ Owele

“ESHWƐ fioo ni mɔ fɔŋ bɛ dɔŋŋ.” (Lala 37:10) Akɛ nɛkɛ wiemɔi nɛɛ baaba mli lɛ, atsɔɔ enɛ mli faŋŋ yɛ Biblia mli woji ni Nahum kɛ Habakuk ŋmala Iɛ amli.Nɛkɛ hii ni yɔɔ ekaa nɛɛ gbe amɛgbalɛi Iɛ aŋmalamɔ naa yɛ Yuda maŋtsɛyeli Iɛ mli yɛ afii ohai kpawo D.Ŋ.B. Iɛ naagbee fa Iɛ mli.

Klɛŋklɛŋ Iɛ, susumɔ Nyɔŋmɔ gbalɛ ni Nahum jaje Iɛ he. Mɛɛ nikasemɔi yɔɔ mli?

Nyɔŋmɔ Oweletɔɔ lɛ Baaba Mli Anɔkwale

Yehowa biɔ he ni atuɔ ahaa ekometoo.(2 Mose 20:⁠6) Nahum tsɔɔ akɛ abaatsu Nyɔŋmɔ oweletɔɔ he nii ashi ehenyɛlɔi ni kɛ hetuu-kɛ-hamɔ ni tamɔ nɛkɛ haaa Lɛ Iɛ yɛ sanejajemɔ ko ni ekɛshi Ashur maŋtiase, Ninive Iɛ mli. Ejaakɛ gɔji kɛ tɛsaai baasere yɛ ehiɛ, ni shikpɔŋ lɛ baafee hoo! Namɔ baanyɛ adamɔ emlifu ni naa wa Iɛ naa?​—1:​1-6.

Wɔbaanyɛ ni wɔkɛ wɔhe afɔ Yehowa nɔ akɛ abobaa he. Hɛɛ. Nyɔŋmɔ buɔ mɛi ni taoɔ abobaa he yɛ eŋɔɔ Iɛ ahe. Beni ekpata ehenyɛlɔi ahiɛ Iɛ, haomɔ eteŋ shi nɔ ni ji shii enyɔ. Toiŋjɔlɛ he sanekpakpa yɛ kɛha Yuda, ejaakɛ atsiŋ anɔkwale jamɔ naa dɔŋŋ.​—1:7–2:⁠2.

Gbɔmɛi ni ejaaa lɛ yeŋ omanye. Enɛ jeɔ kpo yɛ nɔ ni ba Ninive nɔ lɛ mli. Bɔ ni efeɔ nomii niseniianii Iɛ ha ebatsɔ “Iashishwiemɔ maŋ.” Etamɔ jatai abuu, ejaakɛ nɛkɛ maŋ ni yɔɔ gbogboi ni wa nɛɛ tamɔ nɔ ni eye ehe shweshweeshwe yɛ gbogboi Iɛ asɛɛ. Shi taakɛ Nyɔŋmɔ efa lɛ, nɔ ni Ninive fee Noamon, aloo Thebes ni yɔɔ Nilo Faa lɛ nɔ lɛ, no nɔŋŋ eko baaba enɔ. Ashur maŋtiase Iɛ baatsɔ koikoi yɛ ehe eshai ahewɔ. Nɛkɛ gbalɛ nɛɛ ba mli yɛ be mli ni Babilon maŋtsɛ Nabopolassar kɛ Cyaxares, Medianyo Iɛ asraafoi ni efee ekome lɛ ye Ninive nɔ kunim yɛ afi 632 D.Ŋ.B. lɛ.​—2:​3–3:⁠19.

Nikasemɔi ni jɛ Ŋmalɛi Iɛ Amli: Habakuk 1:1​—3:⁠19

HABAKUK kase akɛ yɛ Yehowa diɛŋtsɛ be mli lɛ ebaate shi eshi henyɛlɔi yiwalɔi lɛ. Shi ‘jalɔ hemɔkɛyeli nɔ eeetsɔ ni eyi aaana wala.’ (2:⁠4) Kɛlɛ, mɛɛ nikasemɔi krokomɛi wɔbaanyɛ wɔkase kɛjɛ nɛkɛ gbalɛ nɛɛ mli?

Yiwalaheremɔ yɛ Kɛha Mɛi ni Yɔɔ Hemɔkɛyeli

Yehowa boɔ etsuji afaikpamɔi atoi. Habakuk bi akɛ: “Yehowa, mɛɛ beyinɔ nɔŋŋ mabolɔ kɛyashi, ni oboŋ toi?” Hɛɛ. jalɛsaneyeli bɛ, ni mɔ fɔŋ ebɔle jalɔ he kɛkpe. Shi Nyɔŋmɔ bo toi, ni akɛ nɔ ni ekɛbaatsu nii ni ekɛgbala toi lɛ, etee ‘Kaldeabii lɛ ashi.’ Ni kɛlɛ te wɔɔfee tɛŋŋ ni wɔkɛ jeŋ hewalɛ ni Sumɔɔ tawuu atsu nii? Gbalɔ lɛ mɛ Nyɔŋmɔ hetoo, eekpa kamɔ gbɛ.​—1 :​1–2:⁠1.

Mɛi ni ja kɛ mɛi ni yɔɔ hemɔkɛyeli pɛ baaya nɔ ahi shi. Yehowa ma enɛ nɔ mi eha Habakuk. Eyɛ mli akɛ shishashaomɔ baaba moŋ shi kɛ Nyɔŋmɔ be ni eto Iɛ shɛ lɛ, gbalɛ ninaa Iɛ “baaba mli ni ekpeŋ sɛɛ.” Henyɛlɔ ni woɔ ehe nɔ ni ekpataa jeŋmaji lɛ ahiɛ lɛ shɛŋ oti ni etaoɔ lɛ he. Yɛ anɔkwale mli lɛ, Kaldeabii lɛ yeŋ amɛhe ni agbalaaa amɛtoi.​—2:​2-5.

Kpoo ha Yiwalɔi Lɛ!

Kwa ninamɔ ni ejaaa, awuiyeli, kɛ wɔŋjamɔ. Mɛni hewɔ? Ejaakɛ amanehulu baaba mɔ ni buaa nibii ni jeee lɛ diɛŋtsɛ enɔ lɛ naa, mɔ ni naa nii yɛ gbɛ fɔŋ nɔ Iɛ nɔ, mɔ ni tsɔɔ lashishwiemɔ nɔ ejwaa maŋ, ni etsɔɔ awuiyeli nɔ ehaa mɛi nuɔ hiɛgbele kpulu ni tsɔɔ amɛnɔ kunim ni aye, ni kɛ ehiɛ fɔɔ amagai ni wala bɛ mli lɛ anɔ lɛ. Nyɔŋmɔ baaha gbɔmɛi nɛɛ anitsumɔi lɛ afee efolo. Abaaha shikpɔŋ muu Iɛ fɛɛ ale Yehowa anunyam, ni Iɛ ji mɔ ni mɔ fɛɛ mɔ baadamɔ shi yɛ ehiɛ yɛ dioofeemɔ kɛ bulɛ mli.​—2:​6-20.

Too otsui shi ni omɛ Yehowa kɛha yiwalaheremɔ. Yɛ sɔlemɔ mli lɛ, Habakuk kaiɔ Nyɔŋmɔ hewalɛ ni ejie lɛ kpo yɛ tsutsu lɛ. Kɛfata ekrokomɛi ahe lɛ, Yehowa nyiɛ kɛtsɔ shikpɔŋ lɛ nɔ, enaanaa jeŋmaji Iɛ anɔ yɛ emlifu mli. Etee hu koni eyahere ewebii lɛ ayiwala. Bɔ ni enaa kpɛ ehe sɔŋŋ hewɔ lɛ, Habakuk etswa efai shi akɛ ‘ebaafee diŋŋ ni emɛ haomɔ be lɛ.’ Yɛ haomɔ be ni ekɛbaakpe lɛ fɛɛ sɛɛ lɛ, ebaanya yɛ Yehowa mli ni emli afili lɛ yɛ eyiwalaheremɔ Nyɔŋmɔ lɛ mli.​—3:​1-19.

[Akrabatsa ni yɔɔ baafa 24]

BIBLIA Mli ŊMALƐI Ni Atsɔɔ Mli

○ Nahum 1:4​—Bashan,Karmel, kɛ Lebanon ji shikpɔji ni yɔɔ fɛo, ni hi, ni baa nii babaoo hu. Kɛ amɛfite lɛ, no baatsɔɔ amanehulu kɛha mɛi ni hiɔ amɛnɔ lɛ. Enɛ maa bɔ ni Yehowa mlifu ni abaafɔse ashwie shi lɛ naa wa ha lɛ nɔ mi.

○ 1:10​—Ninive bu ehe akɛ he ko ni anyɛɛɛ agbu kɛtsɔ mli taakɛ ŋmeei ni alo, ni ahenɔwomɔ lɛ etɔ lɛ daa. Shi abaami lɛ yɛ gbɛ mlɛo nɔ tamɔ la shaa gbetselii kwraa lɛ. Yɛ nakai gbɛ nɔ nɔŋŋ lɛ. ŋmɛnɛŋmɛnɛ beaŋ Nyɔŋmɔ webii lɛ ehenyɛlɔi lɛ nyɛŋ adamɔ Yehowa kojomɔi ni shaa nii tamɔ la lɛ naa.

○ 2:6​—Akɛni nugbɔ miinɛ waa yɛ be mli ni ayatutua Ninive lɛ hewɔ lɛ. Tigri Faa Iɛ eyi waa yɛ nakai beaŋ. Enɛ ha nu yi maŋ lɛ afa ko ni ekumɔ gbogbo Iɛ afa ko eshwie shi. No hewɔ lɛ. ebafee mlɛo kɛha maŋ butulɔi Iɛ ni amɛnine shɛ Ashur maŋtiase lɛ nɔ.

○ 2:​11-13​—Ashurbii lɛ wo mɛi ahe gbeyei ni amɛye amɛ nɔ hu tamɔ kooloi awuiyelɔi. Etamɔ nɔ ni jata ji amɛmaŋ Iɛ okadi. Ana jatai amagai babaoo yɛ Ninive butumɔ mli.

○ 3:​3, 4​—Tamɔ yoo ajwamaŋ ko baafee lɛ. Ninive kɛ wiemɔi ni tsɔɔ akɛ eeshwe akɛ ekɛ amɛ abo naanyo ni eye ebua amɛ lɛ laka amɛ. Shi etsɛɛɛ ni mɛi ni alaka amɛ nɛkɛ Iɛ bɔi piŋmɔi ahe numɔ yɛ eyiwalɛ apa lɛ shishi. taakɛ atsɔɔ yɛ Yuda maŋtsɛ Ahaz sane lɛ mli lɛ.​—2 Kronika 28:​16, 20, 21.

[Akrabatsa ni yɔɔ baafa 25]

BIBLIA MLI ŊMALƐI Nl ATSƆƆ MLI

○ Habakuk 1:​2-4​—Hemɔkɛyeli ni Habakuk yɔɔ yɛ Yehowa mli akɛ Nyɔŋmɔ ni ekpɛlɛɛɛ efɔŋfeemɔ nɔ lɛ hɛle Iɛ shi ni ebi lɛ nɔ hewɔ ni yiwalɛ yaa nɔ lɛ. Eesumɔ ni ajaje ejwɛŋmɔ. (2:⁠1) Kɛ wɔsusu nɔ hewɔ ni aŋmɛ nibii komɛi agbɛ lɛ he lɛ, belɛ esa akɛ hekɛnɔfɔɔ ni wɔyɔɔ yɛ Yehowa jalɛnifeemɔ mli Iɛ hu aye abua wɔ ni wɔŋmɛ pɛpɛɛpɛ ni wɔmɛ lɛ.​—Lala 42:​6, 12

○ 2:5​—Babilonbii lɛ tamɔ nuu ko ni kɛ etawuu nibii tsu nii ni ekɛye jeŋmaji Iɛ anɔ. Etamɔ Sheol kɛ gbele ni efee klalo akɛ ebaami gbɔmɛi yɛ be fɛɛ mli, esumɔɔ ni eye kunim yɛ tawuu mli lolo. (Okɛto Abɛi 30:​15, 16) Etamɔ mɔ ni etɔ kɛ dãa ni wa, ni ekunimyeli Iɛ etsɔ eyiŋ. Shi ekunimyeli tai Iɛ ba naagbee beni Babilon gbee shi yɛ 539 D.Ŋ.B. lɛ.

○ 3:13​—Yɛ be babaoo mli lɛ, Nyɔŋmɔ webii ni ehala amɛ ni efɔ amɛ mu ni ji Israel maŋ lɛ naa Nyɔŋmɔ yiwalaheremɔ hewalɛ lɛ. (Lala 28:​8, 9) Yɛ be ni sa mli lɛ, efɔ Mesia lɛ, Nyɔŋmɔ ŋwɛi “yoo” lɛ “seshi” Iɛ. (1 Mose 3:15) Yehowa baahere nakai “seshi” lɛ mli mɛi ni eshwɛ ni ji Yesu kaselɔi ni akɛ mumɔ efɔ amɛ mu lɛ ateŋ shwɛɛnii Iɛ ayiwala kɛjɛ tutuamɔ ni Satan kɛ jeŋmaji lɛ kɛaaba amɛnɔ lɛ mli​—Kpojiemɔ 12:⁠17.

[Mfoniri ni yɔɔ baafa 24]

Nii ni shitsalɔ A. H. Layard tɛŋ ni tsɔɔ bɔ ni Ashur maŋtsɛwe Iɛ tamɔ

[He ni Sane lɛ Jɛ]

Courtesy of the Trustees of the British Museum, London