Yesu Shihilɛ Kɛ Esɔɔmɔ Nitsumɔ

Nikasemɔ Yɛ Eshaifaa He

ETAMƆ nɔ ni eshwɛ Yesu kɛ ekaselɔi lɛ pɛ yɛ shia ko mli yɛ Kapernaum. Etsɔɔ amɛ bɔ ni asaa mɔ kɛ enyɛmi teŋ sane ahaa, no hewɔ Iɛ Petro bi Iɛ akɛ: “Nuŋtsɔ, shii enyiɛ minyɛmi atɔ minɔ ni miŋɔ-fa Iɛ?” Akɛni Yuda jamɔŋ hiɛnyiɛlɔi Iɛ tsɔɔ akɛ akɛ eshai afa kɛyashi shii etɛ Iɛ hewɔ Iɛ, Petro susu akɛ eji mlihilɛ akɛ eeebi akɛ: “Kɛyashi shii kpawo lo?”

Shi enɛ he akɔntaa ni abuɔ Iɛ he susumɔ ejaaa. Yesu jaje Petro jwɛŋmɔ akɛ: “Miikɛɛɛo akɛ kɛyashi shii kpawo; shi moŋ shii kpawo toi nyɔŋmai-kpawo.” Eetsɔɔ akɛ esaaa akɛ afoɔ tɛ ko afɔɔ shi atsɔɔ shii abɔ ni esa akɛ Petro kɛ enyɛmi Iɛ he shai afa lɛ.

Bɔni afee ni gbɛnaa nii ni ka ekaselɔi lɛ anɔ akɛ amɛkɛ eshai afa Iɛ aka amɛjwɛŋmɔ mli Iɛ, Yesu gba amɛ abɛbua ko. Etamɔ maŋtsɛ ko ni taoɔ ekɛ etsuji ababu akɔntaa. Akɛ etsulɔ kome badamɔ ehiɛ ni ehiɛ lɛ nyɔmɔ denario 60,000,000. (aaafee dɔlai 50,000,000) . Nɔ ko bɛ ni tsɔɔ akɛ ebaanyɛ ewo nyɔmɔ nɛɛ. No hewɔ lɛ, Yesu tsɔɔ akɛ, maŋtsɛ lɛ fa akɛ ahɔɔ lɛ kɛ eŋa kɛ ebii fɛɛ ni akɛwo nyɔmɔ ni ehiɛ lɛ.

Kɛkɛ ni tsulɔ lɛ ho kula shi ni ekpa lɛ fai ekɛɛ: “Nuŋtsɔ, to otsui shi ohami, ni mawoo nyɔmɔ Iɛ fɛɛ!”

Tsulɔ nɛɛ nuŋtsɔ Iɛ musuŋ tsɔlɛ ni eŋmɛɛ ehe, ni ekɛ nyɔmɔ babaoo Iɛ kɛ Iɛ. Yesu tee nɔ ekɛɛ akɛ, enɛ sɛɛ nɔŋŋ kɛkɛ ni tsulɔ lɛ yana enanemɛi tsuji Iɛ ateŋ mɔ kome ko ni hiɛ Iɛ nyɔmɔ denario 100 pɛ (aaafee dɔlai 90) . Nuu nɛɛ mɔ enaanyo tsulɔ Iɛ ni emia esɛ, ni ekɛɛ: “Womi nyɔmɔ ni ohiɛmi lɛ!”

Shi enaanyo tsulɔ Iɛ bɛ nɔ ko. Kɛkɛ ni enaanyo tsulɔ Iɛ ho kula shi ekpa Iɛ fai ekɛɛ: “To otsui shi ohami, ni mawoo nyɔmɔ Iɛ fɛɛ.” Shi tsulɔ nɛɛ tamɔɔɔ enuŋtsɔ Iɛ, ni ekpɛlɛɛɛ, shi moŋ eyawo Iɛ tsuŋ.

Ojogbaŋŋ, Yesu kɛɛ enanemɛi-tsuji krokomɛi Iɛ na nɔ ni efee Iɛ ni amɛtee amɛyabɔ amɛnuŋtsɔ Iɛ amaniɛ. Eha ayatsɛ tsulɔ lɛ kɛba ni ekɛɛ lɛ akɛ: “Tsulɔ fɔŋ! Akɛni okpami fai hewɔ Iɛ miŋɔ nɛkɛ nyɔmɔ nɛɛ fɛɛ mikeo; ani kulɛ jeee bo hu ogbɛnaa ji akɛ ona onaanyo tsulɔ Iɛ mɔbɔ, bɔ ni mi hu minao mɔbɔ Iɛ?” Enuŋtsɔ Iɛ mli fu, ni eha apii lɛ kɛyashi beyinɔ ni eeebawo Iɛ nyɔmɔ Iɛ fɛɛ.

Kɛkɛ ni Yesu kɛ esane Iɛ ba naagbee akɛ: “Nakai nɔŋŋ mitsɛ ni yɔɔ ŋwɛi Iɛ hu aaŋɔ-feenyɛ kɛji nyɛteŋ mɔ fɛɛ mɔ eŋɔɔɔ enyɛmi nɔtɔmɔ ekeee Iɛ kɛjɛɛɛ etsuiŋ Iɛ.”

Mɛɛ eshiaifaa he nikasemɔ fɛfɛo po ji enɛ! Kɛji akɛ wɔkɛ esha ni Nyɔŋmɔ kɛfa wɔ lɛ to wɔ nɔ lɛ he lɛ, eshai fɛɛ ni Kristofonyo ko feɔ eshiɔ wɔ lɛ ji nɔ ko bibioo ko kɛkɛ. Kɛfata he lɛ, Yehowa Nyɔŋmɔ kɛ wɔhe eshai faa wɔ shii akpei abɔ. Yɛ bei komɛi amli lɛ, wɔtɔɔ ni wɔleee po akɛ wɔtɔ enɔ. No hewɔ Iɛ, ani wɔnyɛŋ ni wɔkɛ wɔnyɛmimɛi anɔtɔmɔi ake amɛ kɛji wɔ sane lɛ ja po? Kaimɔ nɔ ni Yesu tsɔɔ yɛ e-Gɔŋ nɔ Shiɛmɔ Iɛ mli lɛ akɛ, Nyɔŋmɔ ‘kɛ wɔnyɔji Iɛ aaakewɔ, tamɔ bɔ ni wɔ hu wɔkɛkeɔ mɛi ni hiɛ wɔ nyɔji lɛ.’ Mateo 18:​21-35; 6:​12; Kolosebii 3:⁠13.

◆ Mɛni tsirɛ Petro ni ebi enyɛmi lɛ esha ni ekɛaafa lɛ he sane lɛ, ni mɛni hewɔ ekolɛ esusu nɔ ni ewie akɛ shii kpawo Iɛ he akɛ eji mlihilɛ lɛ?

◆ Bɔni maŋtsɛ lɛ kpɛlɛ etsulɔ Iɛ faikpamɔ Iɛ nɔ Iɛ yɛ sɔrɔto yɛ nɔ ni tsulɔ lɛ fee yɛ enaanyo tsulɔ lɛ faikpamɔ lɛ he yɛ mɛɛ gbɛ nɔ?

◆ Mɛni wɔkaseɔ kɛjɛɔ Yesu nɔkwɛmɔ nɔ nɛɛ mli?

[Baafa 31]June Daa Gbi Ŋmalɛ

(Kɛ́ ootao ona bɔ ni saji nɛɛ ji diɛŋtsɛ lɛ, no lɛ kwɛmɔ wolo lɛ mli)