Yesu Shihilɛ kɛ Esɔɔmɔ Nitsumɔ

Niiatsɛ lɛ kɛ Lazaro

YESU kɛ ekaselɔi lɛ miiwie yɛ gbɛ ni esa akɛ amɛtsɔ nɔ ni amɛkɛ heloo gbɛfaŋ ninamɔ atsu nii yɛ gbɛ ni sa nɔ, ni etsɔɔ mli akɛ wɔnyɛŋ wɔfee tsuji wɔha enɛɛmɛi ni yɛ nakai beaŋ nɔŋŋ Iɛ wɔtsɔmɔ Nyɔŋmɔ tsuji. Farisifoi lɛ hu miibo toi, kɛkɛ ni amɛbɔi Yesu he fɛoyeli ejaakɛ amɛsumɔɔ shika. No hewɔ lɛ ekɛɛ amɛ akɛ: “Nyɛ ji mɛi ni nyɛbuɔ nyɛhe bem yɛ gbɔmɛi ahiɛ; shi Nyɔŋmɔ lɛ, ele nyɛtsuiiaŋ; ejaakɛ nɔ ni ji gojoo yɛ gbɔmɛi ateŋ lɛ, Nyɔŋmɔ miihi.”

Be eshɛ ni agbɛnɛ aaatsake shihilɛ mli ni gbɔmɛi ni yɔɔ nii babaoo yɛ je nɛŋ lɛ yɔɔ lɛ, maŋkwramɔŋ hewalɛ, kɛ jamɔŋ hewalɛ yɛ gbɔmɛi lɛ anɔ lɛ. Abaaba amɛ shi, ni abaahole mɛi ni eyɔse amɛ mumɔŋ hiamɔ nii Iɛ anɔ. Yesu kɛ enine tsɔɔ tsakemɔ ko ni tamɔ nɛkɛ beni etee nɔ ewie nɛkɛ etsɔɔ Farisifoi lɛ:

“Mla lɛ kɛ gbalɔi Iɛ gba kɛbashi Yohane [Baptisilɔ Iɛ] nɔ; kɛjɛ nakai be lɛ nɔ nɛɛ aashiɛ Nyɔŋmɔ maŋtsɛyeli Iɛ he sanekpakpa lɛ, ni mɔ fɛɛ mɔ boteɔ mli ekaa naa. Shi ejaraaa haaa ŋwɛi kɛ shikpɔŋ akɛ amɛaaho aya fe nɔ ni Mla lɛ mli kuli kome aaagbee shi.”

Woloŋmalɔi lɛ kɛ Farisifoi lɛ woɔ amɛhe nɔ yɛ Mose Mla lɛ he ni amɛkɛɛ amɛkɛ amɛhe kpɛtɛɔ lɛ hewɔ. Kaimɔ akɛ beni Yesu tsɔ naakpɛɛ gbɛ nɔ eha shwilafo ko na nii yɛ Yerusalem lɛ amɛshwã akɛ: “Mose kaselɔi ji wɔ. Wɔle akɛ Nyɔŋmɔ kɛ Mose wie.” Shi agbɛnɛ yiŋtoo hewɔ ni akɛ Mose Mla lɛ ha lɛ eba mli ni enyiɛ heshibalɔi Iɛ ahiɛ kɛtee Maŋtsɛ ni Nyɔŋmɔ ehala lɛ, Yesu Kristo ŋɔɔ. No hewɔ Iɛ kɛjɛ Yohane sɔɔmɔ nitsumɔ Iɛ shishijee kɛbaa nɛɛ, gbɔmɛi sɔrɔtoi fɛɛ titri lɛ heshibalɔi kɛ ohiafoi lɛ miimia amɛhiɛ koni amɛbatsɔmɔ Nyɔŋmɔ Maŋtsɛyeli Iɛ shishi bii.

Akɛni Mose Mla lɛ miiba mli agbɛnɛ hewɔ lɛ, abaajie gbɛnaa nii ni ka mɔ nɔ akɛ aye nɔ lɛ kɛya. Mla Iɛ ŋmɛɔ yooshwiemɔ gbɛ yɛ nibii sɔrɔtoi ahewɔ, shi Yesu miikɛɛ agbɛnɛ akɛ: “Mɔ fɛɛ mɔ ni jeee ajwamaŋbɔɔ hewɔ jɛ ni eeeshwie eŋa ni eyawɛ yoo kroko lɛ, efite gbala; ni mɔ fɛɛ mɔ ni wɛɔ yoo ni ashwie Iɛ Iɛ lɛ hu efite gbala.” Kwɛ bɔ ni nɛkɛ saji ni ajajeɔ nɛɛ baagba Farisifoi lɛ anaa aha, titri Iɛ akɛni amɛŋmɛɔ gbɛ ni ashwieɔ yoo yɛ nɔ fɛɛ nɔ hewɔ lɛ!

Yɛ be mli ni ewieɔ Farisifoi lɛ ahe lolo lɛ, Yesu tee nɔ efee nɔkwɛmɔ nɔ ko ni kɔɔ hii enyɔ ni amɛgbɛhe loo shihilɛ tsake trukaa Iɛ he. Ani obaanyɛ otsɔɔ mɛi ni hii enyɔ nɛɛ damɔ shi kɛha kɛ nɔ ni amɛ shihilɛi loo gbɛhei Iɛ tsakemɔ Iɛ tsɔɔ Iɛ shishi?

Yesu tsɔɔ mli akɛ: “Shi nuu niiatsɛ ko ni yɔɔ, ni ewoɔ atade tsuru kɛ klala fɛfɛo, ni enaa tsuijurɔ ni efeɔ fɛo nii daa nɛɛ. Ni ohiafo ko hu yɛ ni atsɛɔ lɛ Lazaro ni ka egbo lɛ naa kɛ ehe faji obɔ, ni eba etsine akɛ ena ŋmaa fufuji ni jɛɔ niiatsɛ lɛ okpɔlɔ lɛ nɔ shwieɔ shi Iɛ eye; shi gbeei tete baa amɛbalɛmɔɔ efaji lɛ anɔ.”

Yesu kɛ niiatsɛ lɛ miidamɔ shi aha Yudafoi ajamɔ mli hiɛnyiɛlɔi lɛ yɛ biɛ, ni jeee Farisifoi lɛ kɛ woloŋmalɔi lɛ pɛ, shi moŋ Sadukifoi Iɛ kɛ osɔfonukpai Iɛ hu. Amɛna nii yɛ mumɔŋ hegbɛi kɛ gbɛhei amli, amɛfeɔ amɛnii taakɛ nuu niiatsɛ lɛ feɔ lɛ. Odehei atade tsuji ni amɛwoɔ Iɛ damɔ shi kɛha gbɛhe ni kwɔ ni amɛyɔɔ Iɛ, ni klala fɛfɛo Iɛ damɔ shi kɛha jalɔi ni amɛbuɔ amɛhe lɛ.

Nɛkɛ niiatsɛ kuu nɛɛ buɔ ohiafoi lɛ, gbɔmɛi foji lɛ akɛ yakagbɔmɛi, amɛtsɛɔ amɛ ‘am ha’a‘rets aloo shikpɔŋ bii. No hewɔ Iɛ nibalɔ Lazaro hu damɔ shi kɛha nɛkɛ gbɔmɛi nɛɛ ni jamɔ mli hiɛnyiɛlɔi Iɛ haaa amɛna mumɔŋ niyenii kɛ hegbɛi ni sa lɛ. No hewɔ lɛ, taakɛ faji eyi Lazaro he obɔ Iɛ, abuuu gbɔmɛi foji Iɛ ejaakɛ abuɔ amɛ akɛ helatsɛmɛi ji amɛ yɛ mumɔŋ gbɛfaŋ, ni amɛkɛ amɛ toɔ gbeei ahe. Ni kɛlɛ, mumɔŋ niyenii ahe hɔmɔ kɛ kumai yeɔ Lazaro kuu Iɛ mli bii lɛ, no hewɔ lɛ amɛbadamɔ amɛ agboi lɛ anaa amɛmiimɛ ni amɛnine ashɛ mumɔŋ niyenii lɛ eko nɔ kɛ eji bibiibibii ni shwieɔ shi kɛjɛɔ niiatsɛ lɛ okpɔlɔ Iɛ nɔ lɛ eko po lɛ.

Kɛkɛ ni Yesu tee nɔ agbɛnɛ etsɔɔ shihilɛ niji tsakemɔ ni ba niiatsɛ Iɛ kɛ Lazaro teŋ lɛ mli. Mɛni ji nɛkɛ tsakemɔi nɛɛ, mɛni amɛdamɔ shi kɛha? Abaasusu nɛkɛ sanebimɔi nɛɛ ahe yɛ wolo tɛtrɛɛ nɛɛ ekroko ni baanyiɛ sɛɛ aba lɛ mli. Luka 16:​14-21; Yohane 9:​28, 29; Mateo 19:3-9; Galatabii 3:​24; Kolosebii 2:⁠14

◆ Mɛɛ tsakemɔ Yesu tsɔɔ akɛ etee nɔ yɛ sɔɔmɔ nitsumɔ Iɛ shishijee mli?

◆ Mɛni abaajie kɛya yɛ Yesu gbele mli, ni te enɛ baasa yooshwiemɔ he sane Iɛ he aha tɛŋŋ?

◆ Namɛi niiatsɛ Iɛ kɛ Lazaro damɔ shi kɛha amɛyɛ Yesu abɛbua Iɛ mli?

◆ Mɛɛ amaniɛbɔɔ loo saji wɔbaakpa gbɛ yɛ wolo tɛtrɛɛ ni baanyiɛ enɛ sɛɛ aba Iɛ mli?