Yesu Shihilɛ Kɛ Esɔɔmɔ Nitsmɔ

Yɛ Sanhedrin lɛ Hiɛ, No Sɛɛ lɛ Pilato Ŋɔɔ

JE miitsɛre. Petro ekwa Yesu nɔ ni ji shii etɛ nɔ, ni Sanhedrin Iɛ mlibii lɛ, egbe kojomɔ ni amɛkɛye ehe fɛo lɛ naa ni amɛgbala amɛmli. Shi kɛlɛ, amɛbua amɛhe naa ekoŋŋ yɛ Sohaa leebi beni je bɔi tsɛremɔ lɛ, shi yɛ enɛ mli lɛ amɛbua amɛhe naa yɛ amɛ Sanhedrin Asa lɛ nɔ. Ekolɛ yiŋtoo ni amɛkɛfee enɛ ji ni amɛha kojomɔ ni amɛkojo yɛ nyɔɔŋ lɛ mli Iɛ afee tamɔ nɔ ni mla fiɔ sɛɛ. Beni akɛ Yesu ba amɛhiɛ lɛ, amɛkɛɛ lɛ, taakɛ amɛkɛɛ yɛ nyɔɔŋ teŋ lɛ akɛ: “Kɛ bo ji Kristo lɛ, kɛɛmɔ wɔ.”

Yesu ha amɛ hetoo akɛ: “Kɛji mikɛɛ nyɛ lɛ, nyɛheŋ nyɛyeŋ; ni kɛ sane ko mibi hu, nyɛhaŋ mi hetoo.” Shi kɛlɛ, Yesu kɛ ekaa tsɔɔ mɔ ni eji, ni ekɛɛ: “Shi kɛjɛ be nɛɛ kɛyaa nɛɛ, gbɔmɔ Bi lɛ aaata Nyɔŋmɔ hewalɛ Iɛ ninejurɔ nɔ.”

No hewɔ lɛ amɛ fɛɛ amɛmiitao amɛle, ni amɛbi lɛ akɛ: “Belɛ bo ji Nyɔŋmɔ Bi lɛ.”

Ni Yesu ha amɛ hetoo akɛ: “Nyɛ diɛŋtsɛ nyɛmiikɛɛ akɛ mi ni.”

Nɛkɛ hetoo nɛɛ fa kɛha hii nɛɛ ni ekpɛ amɛyiŋ akɛ amɛaagbe gbɔmɔ Iɛ. Amɛbu enɛ akɛ musubɔɔ wiemɔ. Amɛbibii amɛhe akɛ: “Mɛni wɔsaa wɔtaoɔ odase wɔfee dɔŋŋ? Ejaakɛ wɔ diɛŋtsɛ wɔnu yɛ enaa.” No hewɔ Iɛ amɛfimɔ Yesu, ni amɛkpala lɛ kɛtee, ni amɛkɛ lɛ yaha Roma amralo Pontio Pilato.

Yuda, Yesu sɛɛgbɛtsɔɔlɔ lɛ miikwɛ nɔ ni yaa nɔ Iɛ tɛɛ. Beni ena akɛ abu Yesu fɔ lɛ, edɔ lɛ waa diɛŋtsɛ. No hewɔ lɛ etee osɔfonukpai lɛ kɛ maŋ onukpai lɛ aŋɔɔ koni ekɛ jwiɛtɛi kukuji 30 lɛ aku sɛɛ ayaha amɛ, ni etsɔɔ mli akɛ: “Mifee esha akɛ mitsɔɔ lá ni efɔŋ bɛ ehe Iɛ gbɛ.”

Shi amɛkɛ yitsoŋwalɛ here lɛ nɔ akɛ: “No jeee wɔhe sane ko; bo diɛŋtsɛ kwɛmɔ nɔ!” No hewɔ lɛ Yuda shɛrɛ jwiɛtɛi kukuji Iɛ eshwie sɔlemɔ we Iɛ ni eshi jɛmɛ etee akɛ eyaaka akɛ eeesɛŋ ehe. Shi, etamɔ nɔ ni tso nine ni Yuda kɛ kpaa lɛ fi Iɛ ku, ni etse ni ebatswa tɛsaai ni yɔɔ shishigbɛ Iɛ anɔ, ni emli gba enyɔ yɛ jɛmɛ.

Osɔfonukpai lɛ leee nɔ pɔtɛɛ ni amɛkɛ jwiɛtɛi kukuji lɛ baafee. Amɛmu naa akɛ: “Ejaaa akɛ aŋɔwoɔ sɔlemɔ we Iɛ nitoo he lɛ mli; ejaakɛ lá hemɔ nii ni.” No hewɔ lɛ, beni amɛtee ajina sɛɛ lɛ, amɛkɛ shika lɛ yahe gbɛshɔ̃lɔ lɛ abɔɔ lɛ, koni afu gbɔi yɛ jɛmɛ. No hewɔ lɛ abale nakai abɔɔ lɛ akɛ “La Abɔɔ.”

Eka he eji leebi maŋkpa lolo yɛ be mli ni akɛ Yesu tee amralo lɛ shia Iɛ. Shi Yudafoi ni fata ehe kɛtee lɛ kpoo akɛ amɛaabote shia lɛ mli ejaakɛ amɛheɔ amɛyeɔ akɛ kɛ amɛkɛ Jeŋmajiaŋbii bɔ gbagbalii nɛkɛ lɛ, eeebule amɛ. No hewɔ lɛ, Pilato je kpo eba amɛŋɔɔ koni efee bɔ ni amɛtaoɔ lɛ. Ebi amɛ akɛ: “Mɛɛ naafolɔmɔ nyɛkɛbaa yɛ nuu nɛɛ he.”

Ni amɛha lɛ hetoo akɛ: “Jeee efɔŋfeelɔ ji lɛ jikulɛ, wɔkɛ Iɛ ebahaaao.”

Akɛni Pilato miisumɔ ni ejie ehe kɛjɛ mli hewɔ lɛ, ehere amɛ nɔ akɛ: “Nyɛŋɔa lɛ, ni nyɛ diɛŋtsɛ nyɛyakojoa lɛ yɛ nyɛmla lɛ naa.”

Ni Yudafoi lɛ jie amɛyiŋtoo akɛ amɛbaagbe Iɛ lɛ kpo, ni amɛkɛɛ: “Wɔ Iɛ wɔbɛ hegbɛ akɛ wɔgbeɔ mɔ ko.” Yɛ anɔkwale mli lɛ, akɛni mɛi pii buɔ Yesu waa hewɔ lɛ, kɛji amɛgbe Yesu yɛ Hehoo Gbijurɔyeli be lɛ mli lɛ, ekolɛ eeewo maŋ lɛŋ hirihiri. Shi kɛji amɛaanyɛ amɛha Romabii lɛ agbe lɛ yɛ maŋkwramɔŋ naafolɔmɔ ko hewɔ lɛ, no lɛ enɛ baaha amɛye amɛhe yɛ ehe gbɛnaa nii ni aaaka amɛnɔ yɛ maŋbii lɛ ahiɛ lɛ mli.

No hewɔ lɛ agbɛnɛ jamɔ mli hiɛnyiɛlɔi Iɛ kɛ naafolɔmɔi heei kwraa shwie Yesu nɔ, ni amɛtsiii kojomɔ ni amɛkojo lɛ kɛtsɔ hiɛ ni amɛbu Iɛ fɔ akɛ ebɔ musu lɛ ta kwraa. Amɛfolɔ enaa sɔrɔtoi etɛ amɛkɛɛ: “Wɔna nuu nɛɛ [1] ni eewo maŋ lɛ yiŋ ni [2] eegu oniatsumɔ kɛ Kaisare hamɔ, ni [3] ekɛɔ akɛ lɛ diɛŋtsɛ ji Kristo, maŋtsɛ lɛ.”

Naafolɔmɔ ni amɛkɛfɔ enɔ akɛ Yesu kɛɔ akɛ maŋtsɛ ji Iɛ lɛ ji nɔ ni kɔɔ Pilato he. No hewɔ Iɛ, ebote eshia Iɛ ekoŋŋ, ni etsɛ Yesu kɛba, ni ebi lɛ akɛ: “Ani bo ji Yudafoi amaŋtsɛ Iɛ?” Yɛ wiemɔ kroko mli Iɛ, ani oku mla Iɛ mli kɛtsɔ tsɛmɔ ni otsɛɔ ohe akɛ maŋtsɛ lɛ nɔ ni okɛmiite shi oowo Kaisare?

Yesu miitao ni ele nibii ni Pilato etsɔ hiɛ enu momo yɛ ehe, no hewɔ Iɛ ebi lɛ akɛ: “Bo diɛŋtsɛ oyiŋ otoɔ owieɔ enɛ nɛɛ, aloo mɛi krokomɛi gbao nakai yɛ mihe?”

Ni Pilato tsɔɔ akɛ eleee nɔ ko nɔ ko yɛ ehe ni akɛ eeshwe ni ele anɔkwalei lɛ. Ehere Iɛ nɔ akɛ: “Ani Yudanyo ji mi? Bo diɛŋtsɛ omaŋbii kɛ osɔfonukpai Iɛ ŋɔo ha mi. Mɛni ofee?”

Yesu ebɔɔɔ mɔdɛŋ akɛ eeejo sane, ni kɔɔ maŋtsɛ ni eji lɛ he lɛ naa foi yɛ gbɛ ko gbɛ ko nɔ. Ŋwanejee ko kwraa bɛ he akɛ hetoo ni Yesu kɛha agbɛnɛ lɛ ha Pilato naa kpɛ ehe. Luka 22:​66–23:3; Mateo 27:​1-11; Marko 15:1; Yohane 18:​28-35; Bɔfoi lɛ Asaji 1:​16-20.

◆ Mɛɛ yiŋtoo hewɔ ni Sanhedrin lɛ naa bakpe shi ekoŋŋ yɛ leebi mli lɛ?

◆ Mɛɛ gbɛ nɔ Yuda tsɔ egbo, ni mɛni akɛ jwiɛtɛi kukuji 30 lɛ fee?

◆ Mɛni hewɔ ni Yudafoi Iɛ taoɔ ni Romabii Iɛ agbe Yesu, moŋ fe ni amɛ diɛŋtsɛ amɛaagbe lɛ taakɛ bɔ ni amɛka feemɔ yɛ bei komɛi ni eho lɛ amli lɛ?

◆ Mɛɛ naafolɔmɔi Yudafoi Iɛ kɛshi Yesu?