Yesu Shihilɛ Kɛ Esɔɔmɔ Nitsumɔ

Shimɔ Be Mli Ŋaawoo ni Etee nɔ Ekɛha

YESU kɛ bɔfoi lɛ efee klalo ni amɛbaashi ŋwɛitsu Iɛ nɔ. Kɛkɛ ni etee nɔ akɛ: “Mikɛɛ nyɛ nii nɛɛ bɔni afee ni nyɛnaji akatɔ̃tɔ.” Kɛkɛ ni ekɛ kɔkɔbɔɔ ni sa hesusumɔ waa nɛɛ ha amɛ: “Amɛaashwie nyɛ kɛaajɛ kpeehei Iɛ. Ni be baaba tete, ni mɔ fɛɛ mɔ ni gbeɔ nyɛ lɛ aaasusu akɛ ekɛmiija Nyɔŋmɔ.”

Eka shi faŋŋ akɛ kɔkɔbɔɔ nɛɛ gba bɔfoi Iɛ anaa waa diɛŋtsɛ. Eyɛ mli akɛ Yesu etsɔ hiɛ ekɛɛ amɛ momo akɛ je lɛ baanyɛ amɛ moŋ, shi ekɛko akɛ abaagbe amɛ. Yesu tsɔɔ mli akɛ: “Shi kɛjɛ shishijee lɛ mikɛɛɛ nyɛ nii nɛɛ, ejaakɛ mikɛ nyɛ yɛ.” Shi kɛlɛ kwɛ bɔ ni ehi jogbaŋŋ ha akɛ eeetsɔ hiɛ ekɛ nɛkɛ wiemɔ nɛɛ awo amɛ hewalɛ dani eshi amɛ eya!

Yesu tee nɔ akɛ: “Shi agbɛnɛ lɛ, miiya mɔ ni tsu mi Iɛ ŋɔɔ, ni nyɛteŋ mɔ ko biii mi akɛ: ‘Nɛgbɛ oyaa?’” Mra mli yɛ nakai gbɛkɛ Iɛ, amɛbi lɛ he ni eyaa, shi amrɔ nɛɛ nɔ ni ekɛɛ amɛ lɛ ehoso amɛ aahu akɛ amɛbiii lɛ enɛ he saji babaoo dɔŋŋ. Taakɛ Yesu kɛɛ lɛ: “Shi ni mitsi nii nɛɛ atã mikɛɛ nyɛ hewɔ lɛ, ŋkɔmɔyeli eyimɔ nyɛtsuiiaŋ.” Jeee akɛ ni bɔfoi lɛ ena amɛle akɛ amɛbaana yiwaa ni mli wa mli amanehulu ni abaagbe amɛ Iɛ pɛ kɛkɛ hewɔ ni amɛyeɔ ŋkɔmɔ lɛ, shi moŋ akɛni amɛ-Nuŋtsɔ Iɛ miishi amɛ Iɛ hu hewɔŋ.

No hewɔ lɛ Yesu tsɔɔ mli akɛ: “Ehi ha nyɛ akɛ matee; ejaakɛ, kɛji miyaaa lɛ, hefatalɔ lɛ baŋ nyɛŋɔɔ; shi kɛji mitee lɛ, maha eba nyɛŋɔɔ.” Yesu baanyɛ ahi he kome yɛ be kome mli, shi kɛ eyɛ ŋwɛi lɛ, no lɛ ebaanyɛ etsu hefatalɔ, ni ji Nyɔŋmɔ mumɔ krɔŋkrɔŋ Iɛ kɛba esɛɛnyiɛlɔi lɛ aŋɔɔ yɛ he fɛɛ he ni amɛyɔɔ yɛ shikpɔŋ lɛ nɔ. No hewɔ Iɛ ya ni Yesu yaa lɛ he baaba sɛɛnamɔ.

Yesu kɛɛ akɛ, mumɔ krɔŋkrɔŋ lɛ, “eeekã je lɛ yɛ esha hewɔ kɛ jalɛ hewɔ kɛ kojomɔ hewɔ.” Abaakpa je lɛ esha, ni ji kpoomɔ ni ekpoo akɛ eeejie hemɔkɛyeli kpo yɛ Nyɔŋmɔ Bi lɛ mli lɛ he mama. Kɛfata he hu lɛ, abaafee Yesu jalɛ lɛ he mfoniri yɛ gbɛ ni tsɔɔ mɔ yiŋ nɔ kɛtsɔ Tsɛ lɛ ŋɔɔ ni eeekwɔ kɛaaya Iɛ nɔ. Ni bɔ ni Satan kɛ eyiwalɛ je Iɛ yeee omanye yɛ be mli ni amɛbɔɔ mɔdɛŋ ni amɛfite Yesu emuuyeli Iɛ ji odaseyeli ni tsɔɔ mɔ yiŋ akɛ akojo je nɛŋ lumɔ lɛ ni abu lɛ fɔ.

Yesu tee nɔ akɛ: “Miyɛ nii pii lolo ni makɛɛ nyɛ; shi nyɛnyɛŋ mli nyɛmɔ amrɔ nɛɛ.” No hewɔ lɛ Yesu wo shi akɛ kɛ efɔse mumɔ krɔŋkrɔŋ lɛ, ni ji Nyɔŋmɔ nitsumɔ hewalɛ lɛ eshwie shi lɛ, ebaakudɔ amɛ kɛya nibii nɛɛ ashishinumɔ mli yɛ bɔ ni amɛbaanyɛ amɛnu shishi lɛ kɛ gbeekpamɔ naa.

Nɔ ni bɔfoi Iɛ nyɛɛɛ anu shishi titri ji akɛ Yesu baagbo ni no sɛɛ lɛ ebaajie ehe kpo etsɔɔ amɛ yɛ be mli ni atee Iɛ shi kɛjɛ gbohii ateŋ lɛ sɛɛ. No hewɔ lɛ amɛbibii amɛhe akɛ: “Mɛni ji nɔ ni ekɛɔ wɔ nɛɛ: ‘Eshwɛ fioo ni nyɛnaŋ mi, ni asaŋ eshwɛ fioo, ni nyɛbaana mi, ni j asaŋ: miiya Tsɛ lɛ ŋɔɔ’?”

Yesu yoo akɛ amɛmiitao ni amɛbibii lɛ saji, no hewɔ lɛ etsɔɔ mli akɛ: “Lɛlɛŋ, lɛlɛŋ, miikɛɛ nyɛ akɛ: Nyɛ lɛ nyɛbaafo ni nyɛbaawo yara, shi je lɛ baanya; nyɛ lɛ nyɛbaaye ŋkɔmɔ, shi nyɛ ŋkɔmɔyeli lɛ aaatsɔ miishɛɛ.” No sɛɛ shwane, beni agbe Yesu lɛ, je lɛŋ jamɔ mli hiɛnyiɛlɔi Iɛ nya, shi kaselɔi lɛ ye ŋkɔmɔ. Shi kɛlɛ, amɛ ŋkɔmɔyeli Iɛ tsake ni ebatsɔ miishɛɛ yɛ be mli ni atee Yesu shi kɛjɛ gbohii ateŋ lɛ! Ni amɛmiishɛɛ lɛ tee nɔ yɛ be mli ni eha amɛ hewalɛ yɛ Pentekoste koni amɛfee edasefoi kɛtsɔ Nyɔŋmɔ mumɔ krɔŋkrɔŋ lɛ ni efɔse eshwie amɛnɔ lɛ nɔ Iɛ!

Ni Yesu kɛ shihilɛ ni bɔfoi lɛ yɔɔ mli Iɛ to yoo ni miikɔ̃mɔ ni ebaafɔ he ni ekɛɛ: “Kɛ yoo miikɔmɔ Iɛ, ehaoɔ, ejaakɛ eŋmɛlɛtswaa Iɛ eshɛ.” Shi taakɛ bɔ ni ehiɛ kpaa emanehulu lɛ nɔ yɛ be mli ni efɔ ebi lɛ sɛɛ Iɛ, nakai Yesu kɛɛ amɛ akɛ: “No hewɔ Iɛ nyɛ hu, agbɛnɛ nyɛmiiye ŋkɔmɔ moŋ; shi mibana nyɛ ekoŋŋ, [kɛ atee mi shi kɛjɛ gbohii ateŋ Iɛ sɛɛ] ni nyɛtsuii aaanyɔ nyɛmli, ni nyɛmiishɛɛ lɛ mɔ ko shɔŋ yɛ nyɛdɛŋ.”

Kɛbashi nɛkɛ be nɛɛ mli lɛ, no mli lɛ bɔfoi lɛ biko nɔ ko yɛ Yesu gbɛi amli dã. Shi agbɛnɛ ekɛɛ: “Nɔ fɛɛ nɔ he fai ni nyɛaakpa Tsɛ lɛ yɛ migbɛi anɔ Iɛ, eeeha nyɛ. . . . Ejaakɛ Tsɛ lɛ diɛŋtsɛ miisumɔ nyɛ, ejaakɛ nyɛ hu nyɛmiisumɔ mi, ni nyɛhe nyɛye akɛ Nyɔŋmɔ ŋɔɔ mijɛ. Tsɛ lɛ ŋɔɔ mijɛ miba je lɛ mli, asaŋ miijɛ je lɛŋ maya Tsɛ lɛ ŋɔɔ.”

Yesu wiemɔi lɛ ji hewalɛwoo kpele kɛha bɔfoi Iɛ. Amɛkɛɛ: “Enɛ wɔkɛheɔ wɔyeɔ, akɛ Nyɔŋmɔ ŋɔɔ ojɛ.”

Yesu bi amɛ akɛ: “Agbɛnɛ nyɛmiihe nyɛmiiye? Naa, ŋmɛlɛtswaa Iɛ miiba ni eshɛ po, ni nyɛbaagbɛ nyɛshwã ni mɔ fɛɛ mɔ aaakɔ egbɛ, ni nyɛaashi mikome.” Bɔ fɛɛ bɔ ni etamɔ nɔ ni anyɛŋ ahe aye ha lɛ, enɛ ba mli dani je tsɛre!

Ni Yesu mu naa akɛ: “Miikɛɛ nyɛ nii nɛɛ, koni nyɛwo nyɛtsuii yɛ mimli. Je lɛŋ Iɛ, hejaramɔ nyɛnaa, shi kɛlɛ nyɛtsuii anyɔa nyɛmli! Miye je lɛ nɔ kunim.” Yesu ye je lɛ nɔ kunim kɛtsɔ Nyɔŋmɔ suɔmɔnaa nii ni efee kɛgbe naa yɛ anɔkwayeli mli yɛ nɔ fɛɛ nɔ ni Satan kɛ eje lɛ bɔ mɔdɛŋ ni amɛfee koni amɛkɛfite emuuyeli mli ni Yesu hiɛ hewɔ lɛ nɔ. Yohane 16:​1-33; 13:⁠36.

▪ Mɛɛ kɔkɔbɔɔ ko ni Yesu kɛha haoɔ ebɔfoi Iɛ?

▪ Mɛni hewɔ ni bɔfoi lɛ biii Yesu sane ko kwraa yɛ he ni eyaa lɛ he lɛ?

▪ Mɛni titri bɔfoi lɛ nuuu shishi kwraa lɛ?

▪ Mɛɛ gbɛ nɔ Yesu fee he mfoniri yɛ akɛ bɔfoi Iɛ ashihilɛ lɛ baatsake kɛjɛ ŋkɔmɔyeli mli kɛya miishɛɛ mli?

▪ Mɛni Yesu kɛɛ akɛ etsɛŋ ni bɔfoi lɛ baafee?

▪ Mɛɛ gbɛ nɔ Yesu tsɔ eye je Iɛ nɔ kunim yɛ?