Yesu Shihilɛ Kɛ Esɔɔmɔ Nitsumɔ

Naagbee Sɔlemɔ Yɛ Ŋwɛitsu lɛ Nɔ

AKƐNI eyɔɔ suɔmɔ babaoo kɛha ebɔfoi lɛ hewɔ lɛ, Yesu miisaa amɛ kɛmiiha shimɔ ni eeeshi amɛ ni baa lɛ. Agbɛnɛ, yɛ be mli ni ewo amɛ ŋaa ni eshɛje amɛmii babaoo lɛ, ehole ehiŋmɛii anɔ kɛtee ŋwɛi ni ekpa e-Tsɛ Iɛ fai akɛ: “Wo obi lɛ hiɛ nyam, koni obi lɛ hu awo ohiɛ nyam; taakɛ bɔ ni oha Iɛ hegbɛ yɛ heloo fɛɛ nɔ, koni mɛi fɛɛ ni oŋɔha lɛ lɛ eha amɛ naanɔ wala Iɛ.”

Mɛɛ saneyitso ni kanyaa mɔ po Yesu jie Iɛ kpo nɛkɛ​—naanɔ wala! Akɛni aha lɛ “hegbɛ yɛ heloo fɛɛ nɔ” hewɔ lɛ, Yesu baanyɛ ni ekɛ ekpɔmɔ afɔleshaa lɛ mli sɛɛnamɔi Iɛ aha adesai fɛɛ ni gboiɔ Iɛ. Kɛlɛ, ekɛ “naanɔ wala” haa mɛi pɛ ni Tsɛ Iɛ kpɛlɛɔ amɛnɔ Iɛ. Yɛ be mli ni eyaa nɔ ewieɔ saneyitso ni kɔɔ naanɔ wala he nɛɛ he lɛ, Yesu tee nɔ yɛ esɔlemɔ lɛ mli akɛ:

“Enɛ ji naanɔ wala lɛ, akɛ amɛaana bo anɔkwa Nyɔŋmɔ kome lɛ, kɛ Yesu Kristo, mɔ ni otsu lɛ lɛ he nilee.” (NW) Hɛɛ, yiwalaheremɔ damɔ Nyɔŋmɔ kɛ e-Bi lɛ fɛɛ he nilee ni wɔɔna nɔ. Shi babaoo he miihia fe yitsoŋ nilee kɛkɛ.

Esa akɛ mɔ Iɛ ale amɛ diɛŋtsɛ yɛ teemɔŋ, esa akɛ mɔ Iɛ kɛ amɛ abɔ tamɔ nanemɛi ni nuɔ amɛhe shishi. Esa akɛ mɔ Iɛ anu saji ahe taakɛ bɔ ni amɛnuɔ he lɛ, ni amɛna nibii kɛtsɔ amɛhiŋmɛiiaŋ loo taakɛ bɔ ni amɛnaa lɛ lɛ. Nɔ ni fe fɛɛ lɛ, esa akɛ mɔ Iɛ abɔ mɔdɛŋ ni ekase amɛsui kpakpai ni nɔ bɛ yɛ bɔ ni amɛkɛ mɛi yeɔ haa Iɛ he.

Yɛ no sɛɛ lɛ, Yesu sɔle akɛ: “Mi lɛ miwo ohiɛ nyam yɛ shikpɔŋ lɛ nɔ akɛni nitsumɔ lɛ ni oŋɔha mi tsumɔ Iɛ migbe naa Iɛ.” Akɛni etsu enitsumɔ lɛ kɛbashi he ni eshɛ nɛɛ ni ele akɛ ewɔsɛɛ be baaye omanye hewɔ lɛ, ekpa fai akɛ: “Ataa, ŋɔɔ anunyam ni miyɔɔ yɛ oŋɔɔ dani je Iɛ yɔɔ lɛ owo mihiɛ nyam.” Hɛɛ, eebi agbɛnɛ koni aku sɛɛ akɛ Iɛ aya etsutsu ŋwɛi anunyam Iɛ mli kɛtsɔ gbohiiashitee nɔ.

Yɛ be mli ni emuaa eshikpɔŋ nɔ nitsumɔ titri lɛ naa lɛ, Yesu kɛɛ: “Mijie ogbɛi Iɛ ashi mitsɔɔ gbɔmɛi ni oŋɔ amɛ kɛjɛ je lɛ mli oha mi Iɛ. Onii ji amɛ, ni oŋɔ amɛ oha mi, ni amɛye owiemɔ lɛ nɔ.” Yesu kɛ Nyɔŋmɔ gbɛi, Yehowa, tsu nii yɛ esɔɔmɔ lɛ mli, ni efee bɔ ni atsɛɔ gbɛi nɛɛ ahaa ni egbɛɔ lɛ he nɔkwɛmɔ nɔ, shi efee fe nakai koni ekɛjie Nyɔŋmɔ gbɛi lɛ kpo etsɔɔ ebɔfoi Iɛ. Agbɛnɛ hu egbele amɛnilee kɛ hiɛsɔɔ ni amɛyɔɔ kɛha Yehowa, esu kɛ baŋ kɛ eyiŋtoi lɛ amli.

Yɛ be mli ni ekɛ yijiemɔ haa Yehowa akɛ Mɔ ni Kwɔ Fe lɛ, Mɔ shishi ni esɔmɔɔ yɛ lɛ, Yesu kɛ heshibaa kpɛlɛ nɔ akɛ: “Wiemɔi lɛ ni oŋɔha mi lɛ, miŋɔha amɛ; ni amɛhe, ni amɛna amɛle krɛdɛɛ akɛ oŋɔɔ mijɛ, ni amɛhe amɛye akɛ bo otsu mi.”

Yɛ be mli ni ekɛ sɔrɔtofeemɔ baa esɛɛnyiɛlɔi lɛ kɛ adesai ni eshwɛ Iɛ ateŋ lɛ, Yesu sɔle yɛ no sɛɛ akɛ: “Mi lɛ, amɛ mibiɔ maha; jeee je lɛ mibiɔ maha . . . Beni mikɛ amɛ yɔɔ je Iɛ mli Iɛ. . . . mibu amɛhe, ni amɛteŋ mɔ ko mɔ ko elajeko, ja laajemɔ bi lɛ,” ni ji Yuda Iskariot. Yɛ nɛkɛ be nɛɛ mli lɛ, no mli Iɛ Yuda etee koni eyatsu nitsumɔ gbonyo ni ekɛbaatsɔɔ Yesu sɛɛgbɛ Iɛ he nii. No hewɔ lɛ, Yuda miiha Ŋmalɛi lɛ miiba mli ni eleee.

Yesu tee nɔ esɔle akɛ: “Je lɛ miinyɛ amɛ, . . . Mibiii akɛ ojie amɛ kɛjɛ je Iɛ mli, shi moŋ akɛ obu amɛhe yɛ mɔ fɔŋ Iɛ mli. Amɛjɛɛɛ je Iɛ mli, taakɛ bɔ ni mi hu mijɛɛɛ je lɛ mli Iɛ.” Yesu sɛɛnyiɛlɔi lɛ yɛ je lɛ mli, adesai asafo ni ato amɛ gbɛjianɔ ni Satan yeɔ amɛnɔ lɛ ateŋ, shi esa akɛ amɛfee mɛi ni etse amɛhe kɛjɛ enɛ kɛ eyiwalɛ nifeemɔi Iɛ ahe ni amɛhi shi nakai yɛ be fɛɛ mli.

Yesu tee nɔ akɛ: “Feemɔ amɛ krɔŋkrɔŋ yɛ onɔkwale Iɛ mli; owiemɔ Iɛ anɔkwaleŋ.” Yesu miitsɛ Hebri Ŋmalɛi ni jɛ mumɔŋ ni etsɛɔ wiemɔi kɛjɛɔ mli lɛ yɛ biɛ akɛ “anɔkwale lɛ.” Shi nɔ ni etsɔɔ ekaselɔi Iɛ kɛ nɔ ni yɛ sɛɛ mli lɛ amɛŋma yɛ mumɔ Iɛ tsirɛmɔ naa akɛ Kristofoi a-Hela Ŋmalɛi Iɛ hu ji “anɔkwale Iɛ.” Nɛkɛ anɔkwale nɛɛ baanyɛ atsuu mɔ ko he, etsake esubaŋ kwraa ni efee Iɛ gbɔmɔ ni esoro Iɛ ni etsi ehe kɛjɛ je Iɛ he.

Agbɛnɛ Yesu sɔle akɛ, “Shi jeee mɛnɛɛmɛi ahewɔ kɛkɛ mibiɔ lɛ, shi mɛi ni baahe minɔ aye yɛ amɛwiemɔ naa Iɛ hu ahewɔ.” No hewɔ Iɛ Yesu sɔle eha mɛi ni baafee esɛɛnyiɛlɔi ni afɔ amɛ mu lɛ kɛ wɔsɛɛ be mli kaselɔi ni abaabua amɛnaa afee amɛ “kuu kome” lɛ hu. Mɛni ebiɔ kɛhaa mɛnɛɛmɛi fɛɛ? “Koni amɛ fɛɛ amɛfee ekome, taakɛ bɔ ni bo, Ataa, oyɔɔ mimli ni mi hu miyɔɔ omli lɛ, koni amɛ hu amɛfee ekome yɛ wɔmli.”

Yesu kɛ e-Tsɛ lɛ jeee heloo naa gbɔmɔ kome, shi moŋ amɛkpaa gbee yɛ nibii fɛɛ mli. Yesu sɔle koni esɛɛnyiɛlɔi Iɛ hu ana ekomefeemɔ nɛɛ nɔŋŋ mli ŋɔɔmɔ koni “je lɛ ale akɛ bo otsu mi ni osumɔɔ amɛ tamɔ bɔ ni osumɔɔ mi Iɛ.”

Agbɛnɛ Yesu bi eŋwɛi Tsɛ lɛ yɛ mɛi ni baafee esɛɛnyiɛlɔi ni afɔ amɛ mu lɛ ahe. Yɛ mɛni he? “Miisumɔ akɛ he ni miyɔɔ lɛ, amɛ hu amɛkɛ mi abahi jɛmɛ, koni amɛna minunyam ni oŋɔha mi lɛ, ejaakɛ osumɔɔ mi dani ato je Iɛ shishi,” ni ji akɛ, dani Adam kɛ Hawa aaaŋɔ amɛklɛŋklɛŋ seshi Iɛ hɔ lɛ. Mra mli dani enɛ aaaba lɛ, no mli Iɛ Nyɔŋmɔ sumɔɔ e-Bi koome ni batsɔ Yesu Kristo Iɛ.

Yɛ be mli ni ekɛ esɔlemɔ Iɛ baa naagbee lɛ, Yesu ma nɔ mi ekoŋŋ akɛ: “Mijie ogbɛi lɛ kpo mitsɔɔ amɛ, ni masaa majie Iɛ kpo matsɔɔ, koni suɔmɔ ni okɛsumɔɔ mi Iɛ ahi amɛmli, ni mi hu mahi amɛmli.” Kɛha bɔfoi lɛ, Nyɔŋmɔ gbɛi lɛ ni amɛkase Iɛ kɔɔ Nyɔŋmɔ suɔmɔ Iɛ diɛŋtsɛ ni amɛbale Iɛ he. Yohane 17:​1-26; 10:​16; Abɛi 8:​22, 30.

▪ Aha Yesu ena “hegbɛ yɛ heloo fɛɛ nɔ” yɛ mɛɛ gbɛ nɔ?

▪ Akɛ aaana Nyɔŋmɔ kɛ e-Bi Iɛ he nilee lɛ tsɔɔ mɛni?

▪ Yesu jie Nyɔŋmɔ gbɛi Iɛ kpo yɛ mɛɛ gbɛi anɔ?

▪ Mɛni ji “anɔkwale Iɛ,” ni efeɔ Kristofonyo Iɛ “krɔŋkrɔŋ” yɛ mɛɛ gbɛ nɔ?

▪ Nyɔŋmɔ, e-Bi Iɛ kɛ anɔkwa jalɔi fɛɛ lɛ ekomeŋ yɛ mɛɛ gbɛ nɔ?

▪ Mɛɛ be mli “ato je Iɛ shishi” Iɛ?