Yesu Shihilɛ kɛ Esɔɔmɔ Nitsumɔ

“Naa, Gbɔmɔ Lɛ!”

AKƐNI bɔ ni Yesu fee enii Iɛ sa Pilato hiɛ, ni ena akɛ eyeɔ bem hu hewɔ lɛ, etao gbɛ kroko ni eeetsɔ nɔ eŋmɛɛ ehe. Ekɛɛ gbɔmɛi asafo babaoo lɛ akɛ: “Shi nyɛyɛ gbɛnaa ko akɛ miŋmɛɛɔ mɔ kome he mihaa nyɛ yɛ Hehoo gbijurɔ lɛ nɔ.”

No mli lɛ, awo Baraba, ni ji ojotswalɔ ko ni ale Iɛ jogbaŋŋ Iɛ hu tsuŋ, no hewɔ lɛ Pilato bi akɛ: “Namɔ he nyɛsumɔɔ akɛ miŋmɛɛ miha nyɛ: Baraba, aloo Yesu ni atsɛɔ lɛ Kristo Iɛ?”

Akɛni osɔfonukpai lɛ ni eha amɛfeɔ basabasa lɛ tsirɛ amɛyisɛɛ hewɔ lɛ, gbɔmɛi lɛ bi ni aŋmɛɛ Baraba he, shi Yesu Iɛ amɛbi ni agbe Iɛ. Shi Pilato nijiaŋ ejeee wui, ni ehere nɔ, ni ebi amɛ ekoŋŋ akɛ: “Amɛyi enyɔ Iɛ ateŋ namɔ he nyɛsumɔɔ akɛ miŋmɛɛ miha nyɛ?”

Ni amɛbolɔ akɛ: “Baraba.”

Kɛkɛ ni Pilato bi kɛ hejɔ̃mɔ akɛ: “Belɛ mɛni mifee Yesu ni atsɛɔ lɛ Kristo Iɛ he mɔ?”

Ni amɛkɛ gbee kome bolɔ waa, ni amɛha Iɛ hetoo akɛ: “Ha ni asɛŋ lɛ!” “Sɛŋmɔ, sɛŋmɔ lɛ!”

Akɛni Pilato le akɛ amɛmiibi ni agbe mɔ ko ni yeee fɔ hewɔ Iɛ, ekpa amɛ fai akɛ: “Shi mɔ nɛ Iɛ, mɛɛ efɔŋ efee? Minako nɔ ko ni sa gbele yɛ emli; no hewɔ Iɛ mibaha ayi Iɛ ni maŋmɛɛ ehe.”

Yɛ emɔdɛŋbɔi nɛɛ fɛɛ sɛɛ Iɛ, nɛkɛ gbɔmɛi asafo babaoo ni feɔ hoo, ni amɛ jamɔ mli hiɛnyiɛlɔi Iɛ woɔ amɛ hewalɛ nɛɛ tee nɔ amɛbolɔ akɛ: “Ha ni asɛŋ lɛ!” Akɛni osɔfoi lɛ eha amɛna basabasa feemɔ Iɛ he miishɛɛ hewɔ lɛ, gbɔmɛi lɛ miitao ni ashwie la shi. Ni kɛ wɔɔsusu he lɛ, gbii enumɔ pɛ ni eho lɛ, ekolɛ amɛteŋ mɛi komɛi fata mɛi ni here Yesu atuu kɛba Yerusalem akɛ Maŋtsɛ lɛ ahe! Beni enɛɛmɛi fɛɛ yaa nɔ lɛ, kɛ Yesu kaselɔi lɛ yɛ jɛmɛ po Iɛ, no mli lɛ amɛfee dioo ni ayooo amɛ hu.

Beni Pilato na akɛ nɔ kpakpa jɛɛɛ efaikpamɔi lɛ amli baaa, shi moŋ basabasafeemɔ ko miihe aje shishi lɛ, kɛkɛ ni ewo nu ni efɔ edɛ yɛ asafo lɛ hiɛ, ni ekɛɛ: “Mi Iɛ miyeee jalɔ nɛɛ Ia yi sɔ̃: nyɛ nyɛkwɛɔ nɔ!” Kɛkɛ ni gbɔmɛi lɛ ha lɛ hetoo akɛ: “Ela aba wɔkɛ wɔbii anɔ!”

No hewɔ lɛ, yɛ nɔ ni amɛtaoɔ lɛ kɛ gbeekpamɔ naa​—ni akɛni eetao ni esa gbɔmɛi asafo babaoo lɛ hiɛ fe ni eeefee nɔ ni ele akɛ no ja lɛ hewɔ lɛ​—Pilato ŋmɛɛ Baraba he eha amɛ. Kɛkɛ ni eha amɔ Yesu ni agbala eha atadei Iɛ ni akɛ kplebi yi Iɛ. Jeee yii folo ko kɛkɛ nɛ. The Journal of the American Medical Association lɛ tsɔɔ bɔ ni Romabii yiɔ mɔ amɛhaa Iɛ mli akɛ:

“Nɔ ni akɛfɔɔ feemɔ ji kplebi kuku ko (flagrum loo flagellum) kɛ enaa kpaa loo kpai ni akɛ kooloi ahewolɔ fee ni esoro amɛkɛlɛmɔ, ni akɛ dadei koklobii aloo gwantɛŋ wui ni ajɔɔ naa waa efimɔ kpai lɛ ateaŋ. . . . Yɛ be mli ni Roma asraafoi lɛ yiɔ mɔ lɛ sɛɛ kɛ amɛhewalɛ fɛɛ lɛ, dadei koklobii Iɛ pilaa mɔ lɛ ni efũuɔ, ni kooloi ahewolɔ kpaai lɛ kɛ gwantɛŋ wui lɛ folɔɔ ehewolo nɔ kɛ ehewolo nɔ fai lɛ ekomɛi po. Kɛkɛ lɛ, beni yii lɛ yaa nɔ lolo lɛ, pilamɔi Iɛ mli woɔ wu kɛyashɛɔ fai ni yɔɔ ewui ahe Iɛ he tɔɔ ni ehaa eheloo Iɛ tserɛɔ ni ehoɔ la waa hu.”

Beni ayi Yesu yɛ nɛkɛ yiwaa gbɛ nɛɛ nɔ sɛɛ lɛ, amɛkɛ lɛ tee amralo lɛ shia lɛ, ni atsɛ asraafoi akuu Iɛ fɛɛ ni amɛbabua shi. Jɛmɛ kɛkɛ ni asraafoi Iɛ saa amɛye ehe fɛo ekoŋŋ kɛtsɔ ŋmeei akekre ko ni amɛfee ni amɛkɛfi eyitso lɛ nɔ. Ni amɛkɛ pamplo ha lɛ ehiɛ yɛ eninejurɔ, ni amɛkɛ atade tsuru yuu, nɔ ni maŋtsɛmɛi woɔ lɛ eko wo Iɛ. Kɛkɛ ni amɛye ehe fɛo ni amɛkɛɛ: “Oshwiee, Yudafoi a-Maŋtsɛ!” Agbɛnɛ hu, amɛtsɛ̃rɛ lajɔ̃ amɛshwie ehe ni amɛgbala ehiɛ mai. Kɛkɛ ni amɛhe pamplo lɛ yɛ edɛŋ, ni amɛkɛtswia eyiteŋ, ni amɛha “akekre” ni amɛkɛfi Iɛ ni amɛkɛshwieɔ ehiɛ shi lɛ mli ŋmeei ni naa ba Iɛ tsurɔ eyiteŋ.

Bulɛ ni sa kadimɔ waa kɛ hewalɛ ni Yesu kɛdamɔ nɛkɛ niseniianifeemɔ nɛɛ naa lɛ sa Pilato hiɛ aahu akɛ enɛ tsirɛ lɛ ni ebɔ mɔdɛŋ shikome ekoŋŋ akɛ eeeŋmɛɛ ehe. Kɛkɛ ni ekɛɛ asafo lɛ akɛ: “Naa, mikɛ Iɛ eje kpo kɛba nyɛŋɔɔ, koni nyɛna nyɛle akɛ minaaa fɔbuu sane ko yɛ ehe.” Ekolɛ esusu akɛ kɛji amɛna bɔ ni awa Yesu yi aha lɛ, no baaha amɛtsuii ahe ajɔ. Beni Yesu damɔ gbɔmɛi asafoi babaoo ni yi wa ni feɔ basabasa nɛɛ ahiɛ, ni efi ŋmeei akekre lɛ kɛ atade tsuru yuu ni ewo ni ehiɛ fɛɛ hoɔ la ni epiŋɔ hu lɛ, Pilato jaje akɛ: “Naa, gbɔmɔ lɛ!”

Eyɛ mli akɛ ayi lɛ ni apila Iɛ moŋ, shi naa nuu ni ehe gbɛi fe fɛɛ yɛ yinɔsane mli Iɛ ni edamɔ shi, lɛlɛŋ mɔ kpeteŋkpele fe mɛi fɛɛ ni ehi shi da! Hɛɛ, Yesu tsɔɔ bulɛ ko yɛ kpoofeemɔ mli ni tsɔɔ bɔ ni eji mɔ kpele eha ni esa akɛ Pilato po akpɛlɛ nɔ, ejaakɛ etamɔ nɔ ni ewiemɔi lɛ tsɔɔ bulɛ kɛ mɔbɔnalɛ fɛɛ ni efutu. Yohane 18:​39–19:5; Mateo 27:​15-17, 20-30; Marko 15:​6-19; Luka 23:​18-25.

◆ Mɛɛ gbɛ nɔ Pilato bɔ mɔdɛŋ akɛ eeeha aŋmɛɛ Yesu he yɛ?

◆ Mɛɛ gbɛ nɔ Pilato tsɔ eka akɛ eeejie ehe kɛjɛ sane lɛ mli yɛ?

◆ Mɛni baa yɛ be mli ni ayiɔ mɔ ko lɛ?

◆ Yɛ be mli ni ayi Yesu sɛɛ lɛ, mɛɛ gbɛ nɔ aye ehe fɛo yɛ?

◆ Mɛɛ gbɛ nɔ Pilato bɔ mɔdɛŋ ekoŋŋ akɛ eeeha aŋmɛɛ Yesu he yɛ?