Yesu Shihilɛ kɛ Esɔɔmɔ Nitsumɔ

Beni Atee Lazaro Shi Lɛ

AGBƐNƐ Yesu kɛ mɛi ni fata ehe Iɛ bashɛ Lazaro gbonyobu lɛ naa. Yɛ anɔkwale mli lɛ, eji tɛkplo ko ni akɛ tɛ etsi naa. Yesu kɛɛ: “Nyɛjiea tɛ Iɛ.”

Marta te shi wo nakai feemɔ, ejaakɛ enuuu nɔ ni Yesu taoɔ afee lɛ shishi. Ekɛɛ: “Nuŋtsɔ, be nɛɛ mli lɛ esha, ejaakɛ eye gbii ejwɛ.”

Yesu bi lɛ akɛ: “Ani mikɛɛɛo akɛ: Kɛji ohe oye lɛ, ooona Nyɔŋmɔ anunyam lɛ?”

No hewɔ lɛ ajie tɛ lɛ. Kɛkɛ ni Yesu wo ehiɛ nɔ ni esɔle: “Ataa, miidao shi akɛ obo mi toi lɛ. Shi mi lɛ, ‘mile akɛ daa oboɔ mi toi; shi asafo lɛ ni damɔ shi lɛ hewɔ mikɛɔ, koni amɛhe amɛye akɛ bo otsu mi.” Yesu sɔle yɛ faŋŋ mli bɔni afee ni gbɔmɛi lɛ ale nɔ ni ebaafee kɛtsɔ hewalɛ ni enine eshɛ nɔ kɛjɛ Nyɔŋmɔ ŋɔɔ lɛ nɔ. Kɛkɛ ni ekɛ gbee ni naa wa bo akɛ: “Lazaro eee, jee kpo!”

Kɛkɛ ni Lazaro je kpo. Akɛ fuu mama efimɔ eniji kɛ enaji ahe, ni akɛ mama efi ehiɛ hu. Yesu kɛɛ: “Nyɛfɛnea lɛ, ni nyɛnaa eyaa.”

Beni amɛna nɛkɛ naakpɛɛ nii nɛɛ lɛ, Yudafoi lɛ ateŋ mɛi pii ni amɛba koni amɛbashɛje Maria kɛ Marta mii lɛ he Yesu nɔ amɛye. Shi mɛi krokomɛi hu tee amɛyagba Farisifoi lɛ nɔ ni eba lɛ. Kɛkɛ ni amɛkɛ osɔfonukpai lɛ to gbɛjianɔ koni Yudafoi asaneyeli he wulu lɛ, ni ji Sanhedrin lɛ akpe.

Mɛi ni feɔ Sanhedrin lɛ ji Farisifoi kɛ Sadukifoi, kɛ osɔfonukpai, kɛ nakai be lɛ mli osɔfonukpa Kaiafa ni yɔɔ lɛ kɛ tsutsu osɔfonukpai lɛ. Amɛye ŋkɔmɔ akɛ: “Te wɔfeɔ tɛŋŋ? Shi nuu nɛɛ miifee okadii sɔrɔtoi pii. Kɛji wɔŋmɛ lɛ gbɛ nɛkɛ lɛ, mɛi fɛɛ aaahe enɔ aye; ni Romabii lɛ aaaba ni amɛaabashɔ wɔmaŋ kɛ wɔshikpɔŋ lɛ fɛɛ.”

Eyɛ mli akɛ jamɔ mli hiɛnyiɛlɔi lɛ kpɛlɛ nɔ akɛ Yesu ”miifee okadii pii” moŋ, shi nɔ ni amɛjwɛŋɔ he titri ji amɛ diɛŋtsɛ amɛ gbɛhe kɛ hewalɛ. Lazaro ni atee lɛ shi kɛjɛ gbohii ateŋ lɛ eye Sadukifoi lɛ awui titri, ejaakɛ amɛheee gbohiiashitee lɛ amɛyeee.

Kaiafa ni ekolɛ eji Sadukinyo lɛ wie agbɛnɛ, akɛ: “Nyɛ lɛ nyɛleee nɔ ko kwraa, ni nyɛsaa nyɛjwɛŋŋ hu akɛ ehi ha wɔ akɛ mɔ kome agbo yɛ maŋ lɛ najiaŋ, fe nɔ ni maŋbii lɛ fɛɛ hiɛ aaakpata lɛ.”

Nyɔŋmɔ tsirɛ Kaiafa koni ewie enɛ, ejaakɛ bɔfo Yohane ŋma yɛ sɛɛ mli akɛ: “Shi enɛ lɛ, jeee lɛ [Kaiafa] diɛŋtsɛ eto eyiŋ ewie.” Nɔ ni Kaiafa tsɔɔ diɛŋtsɛ ji akɛ esa akɛ Yesu agbo koni akɛtsi enaa koni ekaye amɛ gbɛhe kɛ hewalɛ lɛ awui dɔŋŋ. Ni kɛlɛ, taakɛ Yohane tsɔɔ lɛ, ‘Kaiafa gba akɛ esa akɛ Yesu agbo, jeee kɛha maŋ lɛ pɛ, shi moŋ bɔni afee ni abua Nyɔŋmɔ bii lɛ fɛɛ hu naa.’ Ni yɛ anɔkwale mli lɛ, eji Nyɔŋmɔ suɔmɔnaa nii akɛ ebi lɛ agbo akɛ kpɔmɔ nɔ kɛha mɛi fɛɛ.

Agbɛnɛ Kaiafa nyɛ etsɔ Sanhedrin lɛ ayiŋ koni amɛtsɔ ŋaa koni amɛgbe Yesu. Shi eka shi faŋŋ akɛ ekolɛ Yesu bale enɛ kɛtsɔ Nikodemo ni eji Sanhedrin lɛ mli nyo ni eji Yesu naanyo lɛ nɔ, no hewɔ lɛ eshi jɛmɛ. Yohane 11:​38-54.

◆ Mɛni hewɔ Yesu sɔle yɛ faŋŋ mli dani etee Lazaro shi lɛ?

◆ Mɛni ji nɔ ni mɛi ni na shitee nɛɛ fee yɛ he?

◆ Mɛni jieɔ bɔ ni Sanhedrin lɛ mli bii lɛ ayi wa ha lɛ kpo?

◆ Mɛni ji Kaiafa yiŋtoo, shi mɛni ji nɔ ni Nyɔŋmɔ kɛ lɛ tsu nii koni egba efɔ shi?