Yehowa jeee basabasafeemɔ Nyɔŋmɔ. (1 Korintobii 14:​33) No hewɔ lɛ, ekã shi faŋŋ akɛ, ato ewebii lɛ ahe gbɛjianɔ. Te ato Kristofoi asafo lɛ he gbɛjianɔ ahã tɛŋŋ? Mɛni wɔbaanyɛ wɔfee koni nɔ fɛɛ nɔ aya nɔ jogbaŋŋ yɛ asafo lɛ mli?

1. Namɔ ji asafo lɛ yitso?

‘Kristo ji asafo lɛ yitso.’ (Efesobii 5:​23) Ejɛɔ ŋwɛi ekwɛɔ nitsumɔi ni Yehowa webii ni yɔɔ jeŋ fɛɛ lɛ tsuɔ lɛ nɔ. Yesu hala “nyɔŋ anɔkwafo kɛ hiɛshikalɔ lɛ,” ni ji hii fioo komɛi ni yɔɔ niiashikpamɔ, ni atsɛɔ amɛ hu akɛ Gbɛtsɔɔmɔ Kuu lɛ. (Kanemɔ Mateo 24:​45-47.) Gbɛtsɔɔmɔ Kuu lɛ kɛ gbɛtsɔɔmɔ hãa asafo ni yɔɔ jeŋ fɛɛ lɛ, tamɔ Yesu bɔfoi lɛ kɛ onukpai lɛ ni hi Yerusalem lɛ fee lɛ nɔŋŋ. (Bɔfoi 15:2) Shi hii nɛɛ jeee asafo lɛ hiɛnyiɛlɔi. Amɛhãa Yehowa kɛ e-Wiemɔ lɛ tsɔɔ amɛ gbɛ, ni amɛboɔ Yesu toi akɛ asafo lɛ yitso loo hiɛnyiɛlɔ.

2. Namɛi ji asafoŋ onukpai lɛ, ni mɛni amɛtsuɔ?

Asafoŋ onukpai lɛ ji Kristofoi hii ni kɛ anɔkwayeli esɔmɔ afii pii, ni amɛjɛɔ Ŋmalɛ lɛ mli amɛtsɔɔ Yehowa webii lɛ nii, amɛwaa amɛ, ni amɛwoɔ amɛ hewalɛ hu. Awooo amɛ nyɔmɔ yɛ nitsumɔ ni amɛtsuɔ lɛ he. Shi moŋ ‘amɛjɛɔ amɛsuɔmɔ mli amɛfeɔ nakai yɛ Nyɔŋmɔ hiɛ; ni jeee yɛ sɛɛnamɔ gbonyo hewɔ hu, shi moŋ tsuijurɔ naa.’ (1 Petro 5:​1, 2) Hii komɛi sɔmɔɔ yɛ asafo lɛ mli akɛ asafoŋ sɔɔlɔi, ni amɛyeɔ amɛbuaa asafoŋ onukpai lɛ, ni sɛɛ mli kɛ́ amɛshɛ taomɔ nii kɛhã asafoŋ onukpai lɛ ahe lɛ, amɛ hu amɛbaanyɛ amɛsɔmɔ akɛ asafoŋ onukpai.

Gbɛtsɔɔmɔ Kuu lɛ halaa asafoŋ onukpai komɛi koni amɛsɔmɔ akɛ kpokpaa nɔkwɛlɔi. Amɛsaraa asafoi srɔtoi ni amɛkɛ gbɛtsɔɔmɔi hãa nyɛmimɛi lɛ ni amɛwoɔ amɛ hewalɛ. Amɛdamɔɔ taomɔ nii ni yɔɔ Ŋmalɛ lɛ mli lɛ nɔ amɛholeɔ asafoŋ onukpai kɛ asafoŋ sɔɔlɔi.​—1 Timoteo 3:​1-10, 12; Tito 1:​5-9.

3. Mɛɛ sɔ̃ kã Odasefonyo fɛɛ Odasefonyo nɔ?

Asafoŋbii lɛ fɛɛ kɛ amɛhe woɔ asafoŋ kpeei lɛ amli, ni amɛshiɛɔ bɔ ni amɛshihilɛ baaŋmɛ amɛ gbɛ; amɛfeɔ enɛɛmɛi fɛɛ ‘kɛjieɔ Yehowa gbɛ́i lɛ yi.’​—Kanemɔ Lala 148:​12, 13.

KASEMƆ PII OFATA HE

4. Yesu ji hiɛnyiɛlɔ ni mli hi

Yesu kɛ ninefɔɔ ko ni hãa mɔ náa miishɛɛ miihã wɔ. Nyɛkanea Mateo 11:​28-30 lɛ, ni nyɛsusua sanebimɔ nɛɛ he:

• Mɛɛ hiɛnyiɛlɔ nɛkɛ Yesu ji, ni te esumɔɔ ni wɔnu he wɔhã tɛŋŋ?

VIDIO: Asafoŋ Onukpai Lɛ Ye Amɛbua Yɛ Nepal Shikpɔŋhosomɔ Lɛ Sɛɛ (4:56)

Biblia lɛ hãa anaa bɔ ni esa akɛ asafoŋ onukpai atsu amɛnitsumɔ lɛ ahã lɛ faŋŋ.

Nyɛkanea Yesaia 32:2 kɛ 1 Petro 5:​1-3 lɛ, ni nyɛsusua sanebimɔi nɛɛ ahe:

• Asafoŋ onukpai lɛ bɔɔ mɔdɛŋ ni amɛjie mlihilɛ kpo tamɔ Yesu fee lɛ. Te enɛ hãa onuɔ he ohãa tɛŋŋ?

• Mɛɛ gbɛi krokomɛi anɔ asafoŋ onukpai lɛ kaseɔ Yesu?

5. Asafoŋ onukpai lɛ feɔ nɔkwɛmɔnɔ kpakpa

VIDIO: Asafoŋ Onukpai Nyiɛɔ Hiɛ! (7:39)

Yesu ji mɔ ni tsɔɔ mɛi ni nyiɛɔ hiɛ yɛ asafo lɛ mli lɛ bɔ ni amɛtsu amɛnitsumɔ lɛ ahã. Nyɛkanea Mateo 23:​8-12 lɛ, ni nyɛsusua sanebimɔ nɛɛ he:

• Mɛni onyaa he yɛ bɔ ni esoro bɔ ni asafoŋ onukpai lɛ feɔ amɛnii amɛhãa lɛ yɛ bɔ ni onukpai ni yɔɔ jamɔi krokomɛi lɛ amli lɛ feɔ amɛnii amɛhãa lɛ he?

1. A. Asafoŋ onukpai lɛ hãa wekukpãa ni yɔɔ amɛ kɛ Yehowa teŋ lɛ mli waa, ni amɛwaa amɛwekui lɛ amli bii lɛ hu ni amɛfee nakai

2. B. Asafoŋ onukpai lɛ susuɔ asafoŋbii lɛ fɛɛ ahe

3. D. Asafoŋ onukpai lɛ shiɛɔ daa

4. E. Asafoŋ onukpai lɛ tsɔɔ nii. Amɛwaa kɛsaa wɔjamɔhei lɛ, ni amɛtsuɔ nitsumɔi krokomɛi hu

6. Wɔbaanyɛ wɔfĩ asafoŋ onukpai lɛ asɛɛ

Biblia lɛ etsɔɔ wɔ yiŋtoo kpakpa hewɔ ni esa akɛ wɔfĩ asafoŋ onukpai lɛ asɛɛ. Nyɛkanea Hebribii 13:​17 lɛ, ni nyɛsusua sanebimɔi nɛɛ ahe:

• Mɛni hewɔ Biblia lɛ kɛɛ wɔjɛ wɔsuɔmɔ mli wɔbo mɛi ni nyiɛɔ hiɛ lɛ toi lɛ? Te onaa gbɛtsɔɔmɔ nɛɛ tɛŋŋ?

Nyɛkanea Luka 16:​10 lɛ, ni nyɛsusua sanebimɔ nɛɛ he:

• Mɛni hewɔ esa akɛ wɔbo asafoŋ onukpai lɛ toi be fɛɛ be, yɛ nibii ni wɔsusuɔ akɛ amɛhe ehiaaa tsɔ lɛ po amli?

EMLI OTI

Yesu ji asafo lɛ yitso. Asafoŋ onukpai lɛ sɔmɔɔ yɛ eshishi, ni wɔjɛɔ wɔsuɔmɔ mli wɔfĩɔ amɛsɛɛ, ejaakɛ amɛjieɔ mlihilɛ kpo amɛtsɔɔ wɔ, ni amɛfeɔ nɔkwɛmɔnɔ kpakpa amɛhãa wɔ.

Mɛni Okase?

• Namɔ ji asafo lɛ yitso?

• Mɛni asafoŋ onukpai lɛ feɔ kɛwaa asafo lɛ?

• Mɛɛ sɔ̃ kã Yehowa jálɔ fɛɛ Yehowa jálɔ nɔ?

EHE SAJI KROKOMƐI

Obaana nɔ ni tsɔɔ akɛ Gbɛtsɔɔmɔ Kuu lɛ kɛ asafoŋ onukpai krokomɛi ni yɔɔ ŋmɛnɛ lɛ susuɔ amɛnyɛmimɛi Kristofoi lɛ ahe waa.

Amɛwo Nyɛmimɛi Lɛ Hewalɛ Be Ni Atsĩ Shiɛmɔ Nitsumɔ Lɛ Naa Lɛ (4:22)

Obaana nitsumɔ ni kpokpaa nɔkwɛlɔi tsuɔ.

Bɔ Ni Kpokpaa Nɔkwɛlɔi Anitsumɔ Lɛ Ji Yɛ Akrowai Amli (4:51)

Obaana nibii ni he hiaa ni yei feɔ yɛ asafo lɛ mli.

“Ani Yehowa Odasefoi Yɛ Yei Ni Ji Sane Kpakpa Jajelɔi?” (Buu-Mɔɔ, September 1, 2012)

Obaana bɔ ni asafoŋ onukpai lɛ tsuɔ nii waa koni amɛwo amɛnyɛmimɛi Kristofoi lɛ hewalɛ.

“Asafoŋ Onukpai​—‘Amɛfata Wɔhe Kɛmiitsu Nii Kɛha Wɔmiishɛɛnamɔ’” (Buu-Mɔɔ, January 15, 2013)

1. Mɛɛ ŋaa Biblia lɛ woɔ wumɛi?

Yehowa ehala wu lɛ akɛ weku lɛ yitso. (Kanemɔ Efesobii 5:​23.) Yehowa kpaa gbɛ akɛ wu lɛ baakpɛ yiŋ ni weku lɛ baaná he sɛɛ. Biblia lɛ kɛɔ wumɛi akɛ: “Nyɛyaa nɔ nyɛsumɔa nyɛŋamɛi.” (Efesobii 5:​25) Mɛni enɛ tsɔɔ? Wu ni yɔɔ suɔmɔ lɛ kɛ eŋa yeɔ jogbaŋŋ, yɛ shia kɛ agbɛnɛ hu yɛ mɛi ateŋ. Ebɔɔ mɔdɛŋ ni ehã eŋa lɛ nibii ni he hiaa lɛ, ni efeɔ nibii ni baahã enu he akɛ esumɔɔ lɛ ni eyɛ shweshweeshwe. (1 Timoteo 5:8) Nɔ ni he hiaa fe fɛɛ lɛ, ewaa eŋa lɛ koni naanyobɔɔ ni yɔɔ eŋa lɛ kɛ Yehowa teŋ lɛ mli awa. (Mateo 4:4) Akɛ nɔkwɛmɔnɔ lɛ, ebaanyɛ ekɛ eŋa lɛ afee ekome kɛsɔle ni amɛkane Biblia lɛ hu. Kɛ́ nuu ko jɛ suɔmɔ mli ekwɛ eŋa lɛ, naanyobɔɔ ni yɔɔ ekɛ Yehowa teŋ lɛ fiteee.​—Kanemɔ 1 Petro 3:7.

Yesu ji Kristofoi asafo lɛ Yitso. (Efesobii 5:​23) Ŋmɛnɛ lɛ, Yesu ji Maŋtsɛ yɛ ŋwɛi moŋ, shi etsɔɔ “nyɔŋ anɔkwafo kɛ hiɛshikalɔ” lɛ nɔ etsɔɔ ewebii ni yɔɔ shikpɔŋ lɛ nɔ lɛ gbɛ. (Kanemɔ Mateo 24:​45.) Yesu diɛŋtsɛ ni kɛ nitsumɔ wo “nyɔŋ” lɛ dɛŋ, no hewɔ lɛ, nyɔŋ lɛ yɛ hegbɛi komɛi, shi loloolo lɛ, eji Kristo nyɔŋ ni esɔmɔɔ Kristo nyɛmimɛi lɛ. Namɔ ji nyɔŋ nɛɛ? Mɛɛ gbɛ nɔ nyɔŋ lɛ tsɔɔ ekwɛɔ wɔ?