Ani Mishɛ?
Ani Mishɛ Mɔ Ni Baanyɛ Ekɛ Asafo Lɛ Afee Ekome Kɛshiɛ?
Obaanyɛ obatsɔ shiɛlɔ ni abaptisiko lɛ, kɛ́ . . .
Okaseɔ Biblia lɛ daa, ofɔɔ sɔlemɔ, ni oyaa asafoŋ kpeei daa.
Onyaa nɔ ni akɛ bo kaseɔ lɛ he, oheɔ oyeɔ, ni oosumɔ ni ogba mɛi.
Osumɔɔ Yehowa, ni ohalaa mɛi ni sumɔɔ lɛ lɛ akɛ onanemɛi.
Okɛ pɔlitis kui loo amale jamɔ kui, efo tako mli.
Oyeɔ Yehowa mlai kɛ ekitãi lɛ anɔ, ni oosumɔ ni otsɔ Yehowa Odasefonyo.
Kɛ́ onuɔ he akɛ obaanyɛ okɛ asafo lɛ afee ekome kɛshiɛ lɛ, no lɛ, mɔ ni kɛ bo kaseɔ nii lɛ baato gbɛjianɔ koni asafoŋ onukpai lɛ kɛ bo akpe kɛkwɛ kɛji oshɛɔ taomɔ nii lɛ ahe lo.
Ani Mishɛ Mɔ Ni Abaanyɛ Abaptisi Lɛ?
Abaanyɛ abaptisi bo, kɛ́ . . .
Oji shiɛlɔ ni abaptisiko lɛ.
Okɛ ohe woɔ shiɛmɔ nitsumɔ lɛ mli daa bɔ ni obaanyɛ.
Ofiɔ “nyɔŋ anɔkwafo kɛ hiɛshikalɔ lɛ” sɛɛ, ni okɛ gbɛtsɔɔmɔi ni amɛkɛhãa lɛ tsuɔ nii.—Mateo 24:45-47.
Osɔle kɛjɔɔ owala nɔ ohã Yehowa, ni oosumɔ ni osɔmɔ lɛ kɛya naanɔ.
Kɛ́ onuɔ he akɛ abaanyɛ abaptisi bo lɛ, no lɛ, mɔ ni kɛ bo kaseɔ nii lɛ baato gbɛjianɔ koni asafoŋ onukpai lɛ kɛ bo akpe kɛkwɛ kɛji oshɛɔ taomɔ nii lɛ ahe lo.