૩૭ હિઝકિયા રાજાએ એ સાંભળ્યું કે તરત પોતાનાં કપડાં ફાડ્યાં. તે કંતાન પહેરીને યહોવાના મંદિરમાં ગયો.+ ૨ તેણે મહેલના કારભારી એલ્યાકીમને, મંત્રી શેબ્નાને અને યાજકોના વડીલોને આમોઝના દીકરા યશાયા પ્રબોધક+ પાસે મોકલ્યા. તેઓ કંતાન પહેરીને તેની પાસે ગયા. ૩ તેઓએ યશાયાને કહ્યું: “હિઝકિયા કહે છે કે ‘આ દિવસ આફતનો, અપમાનનો* અને બદનામીનો દિવસ છે. અમારી હાલત એ સ્ત્રી જેવી છે, જે બાળકને જન્મ આપવાની તૈયારીમાં છે, પણ તેનામાં જન્મ આપવાની શક્તિ નથી.+ ૪ રાબશાકેહના શબ્દો યહોવા તમારા ઈશ્વર સાંભળે. તેના માલિક આશ્શૂરના રાજાએ જીવતા ઈશ્વરની મશ્કરી કરવા તેને મોકલ્યો છે.+ યહોવા તમારા ઈશ્વર તેનાં મહેણાં સાંભળીને તેની સામે બદલો વાળે. હવે દેશમાં બચી ગયેલા લોકો+ માટે તમે પ્રાર્થના કરો.’”+