૨૨ યહોવાની નજરમાં જે ખરાબ હતું, એ યહૂદાના લોકો કરતા હતા.+ તેઓએ પાપ કરીને ઈશ્વરને ભારે રોષ ચઢાવ્યો. અરે, એટલો તો તેઓના બાપદાદાઓએ પણ ચઢાવ્યો ન હતો.+ ૨૩ તેઓએ દરેક ઊંચી ટેકરી ઉપર+ અને દરેક ઘટાદાર વૃક્ષ નીચે+ પોતાના માટે ભક્તિ-સ્થળો બાંધ્યાં. ભક્તિ-સ્તંભો* અને ભક્તિ-થાંભલાઓ+ પણ ઊભા કર્યા. 

૧૩ ધિક્કારપાત્ર મૂર્તિઓને ખુશ કરવા જ્યાં જ્યાં તેઓ સુગંધી અર્પણો* ચઢાવતા હતા,+ ત્યાં ત્યાં તેઓનાં મડદાં રઝળશે. તેઓની મૂર્તિઓ આગળ, વેદીઓની આસપાસ,+ દરેક ઊંચા ડુંગર પર, પહાડોના દરેક શિખર પર, ઘટાદાર વૃક્ષો નીચે અને મોટાં મોટાં ઝાડની ડાળીઓ નીચે તેઓનાં મડદાં પડ્યાં રહેશે. તેઓએ સ્વીકારવું પડશે કે હું યહોવા છું.+