૧૮ તેમણે તેઓને કહ્યું: “શું બીજાઓની જેમ તમે પણ નથી સમજતા? શું તમે નથી જાણતા કે બહારનું કંઈ પણ માણસની અંદર જાય છે એ તેને અશુદ્ધ કરતું નથી? ૧૯ એ તેના હૃદયમાં જતું નથી, પણ તેના પેટમાં જાય છે અને શરીરની બહાર નીકળી જાય છે.” આમ ઈસુએ સર્વ પ્રકારના ખોરાકને શુદ્ધ ઠરાવ્યો. ૨૦ તેમણે કહ્યું: “માણસની અંદરથી જે બહાર આવે છે એ તેને અશુદ્ધ કરે છે.+ ૨૧ માણસની અંદરથી, એટલે કે હૃદયમાંથી જ દુષ્ટ વિચારો બહાર નીકળે છે.+ જેમ કે, વ્યભિચાર,* ચોરી, હત્યા, ૨૨ લગ્‍ન બહાર જાતીય સંબંધ, લોભ, દુષ્ટ કામો, કપટ, બેશરમ કામો,* ઈર્ષાળુ આંખો, નિંદા, ઘમંડ અને મૂર્ખાઈ. ૨૩ આ બધી દુષ્ટ બાબતો માણસની અંદરથી બહાર નીકળે છે અને તેને અશુદ્ધ કરે છે.”