૩૫ “‘જો તમારી આસપાસ રહેતો કોઈ ઇઝરાયેલી ભાઈ ગરીબીમાં આવી પડે અને પોતાનું ગુજરાન ચલાવી ન શકે, તો તમે તેને મદદ કરો.+ જેમ તમે તમારી વચ્ચે રહેતા પરદેશીને અને પ્રવાસીને+ મદદ કરો છો, તેમ પોતાના ભાઈને પણ મદદ કરો, જેથી તે તમારી મધ્યે રહીને પોતાનું ગુજરાન ચલાવી શકે. ૩૬ તમે તેની પાસેથી કોઈ વ્યાજ કે નફો ન લો.+ તમે તમારા ઈશ્વરનો ડર રાખો,+ જેથી તમારો ભાઈ પોતાનું ગુજરાન ચલાવી શકે. 

૭ “જે દેશ યહોવા તમારા ઈશ્વર તમને આપે છે, એના કોઈ પણ શહેરમાં જો તમારો કોઈ ઇઝરાયેલી ભાઈ ગરીબ થઈ જાય, તો તમે તમારાં હૃદયો કઠણ ન કરો અથવા તમારા ગરીબ ભાઈને મદદ કરવા પોતાની મુઠ્ઠી બંધ ન કરો.+ ૮ તમે ઉદાર હાથે તેને મદદ કરો.+ તેને જે જોઈએ અને જેટલું જોઈએ, એટલું ઉછીનું આપો. 

૪૨ જો કોઈ તમારી પાસે કંઈ માંગે, તો તેને આપો. જો કોઈ તમારી પાસે ઉછીનું* લેવા આવે તો તેનાથી મોં ન ફેરવો.+