યશાયા

 ૨ અંધકારમાં ચાલનારા લોકોએ

મોટો પ્રકાશ જોયો છે.

અંધકારના દેશમાં રહેનારા લોકો પર

પ્રકાશ ઝળહળી ઊઠ્યો છે.+

જેમ કાપણી વખતે લોકો ખુશી મનાવે

અને લૂંટ વહેંચતી વખતે રાજી થાય,

તેમ તમારી આગળ તેઓની ખુશીનો કોઈ પાર નથી.

 ૪ મિદ્યાનના દિવસોમાં કર્યું હતું તેમ,+

તમે તેઓની ભારે ઝૂંસરી,* તેઓના ખભા પરની લાઠી

અને તેઓના જુલમીઓની લાકડીના ટુકડે-ટુકડા કરી નાખ્યા છે.

 ૫ કૂચ કરીને ધરતી ધ્રુજાવતા લશ્કરી જોડા

અને લોહીથી લથપથ કપડાં

આગમાં ભસ્મ કરી નાખવામાં આવશે.

તેની સત્તા વધતી ને વધતી જશે,*

તેના રાજમાં સદા માટે અપાર શાંતિ હશે.+

એ રાજ્યને ઇન્સાફ+ અને સચ્ચાઈ+ દ્વારા

આજથી લઈને યુગોના યુગો સુધી

અડગ કરાશે+ અને ટકાવી રાખવામાં આવશે.

 ૮ યહોવાએ યાકૂબ વિરુદ્ધ સંદેશો મોકલ્યો છે,

તેમણે ઇઝરાયેલ વિરુદ્ધ એ જાહેર કર્યો છે.+

 ૯ બધા લોકો એ જાણશે,

અરે, એફ્રાઈમ અને સમરૂનના લોકો પણ એ જાણશે.

૧૦ “ઈંટો પડી ગઈ તો શું થયું,

ઘડેલા પથ્થરોથી અમે ઇમારતો ચણીશું.+

અંજીરનાં ઝાડ* કપાઈ ગયાં તો શું થયું,

એની જગ્યાએ અમે દેવદાર રોપીશું.”

૧૧ રસીન રાજા વિરુદ્ધ યહોવા દુશ્મનો ઊભા કરશે,

તેના દુશ્મનોને તે ઉશ્કેરશે.

૧૪ ઇઝરાયેલમાંથી યહોવા એક જ દિવસે

માથું અને પૂંછડી, અંકુર અને લાંબું ઘાસ* કાપી નાખશે.+

૧૫ વડીલ અને માનવંતા માણસ માથું છે,

ખોટું માર્ગદર્શન આપનાર પ્રબોધક પૂંછડી છે.+

૧૬ માર્ગદર્શન આપનારા તેઓને ખોટે રસ્તે ચઢાવે છે,

તેઓનું કહેવું માનનારા લોકો મૂંઝાઈ જાય છે.

૧૭ એટલે યહોવા તેઓના યુવાનોથી ખુશ થશે નહિ,

અનાથોને* અને વિધવાઓને તે જરાય દયા બતાવશે નહિ.

તેઓમાંનો એકેએક ઈશ્વર-વિરોધી* અને દુષ્ટ છે,+

દરેકનાં મોંમાંથી બકવાસ વાતો નીકળે છે.

૧૮ દુષ્ટતા આગની જેમ ભડકે બળે છે,

જે ઝાડી-ઝાંખરાં અને જંગલી છોડને ભસ્મ કરી નાખે છે.

જંગલની ગીચ ઝાડીને એ આગ લગાડે છે

અને ધુમાડાના ગોટેગોટા ઉપર ચઢે છે.

૧૯ સૈન્યોના ઈશ્વર યહોવાના કોપથી

આખો દેશ સળગી ઊઠ્યો છે.

૨૦ કોઈ પોતાની જમણી બાજુ કાપીને ખાશે,

તોપણ ભૂખ્યો રહેશે.

કોઈ પોતાની ડાબી બાજુ કાપીને ખાશે,

તોપણ ધરાશે નહિ.

૨૧ મનાશ્શા એફ્રાઈમને કોળિયો કરી જશે

અને એફ્રાઈમ મનાશ્શાને.