યશાયા

મારા લોકોને તેઓના બંડ વિશે જણાવ,+

યાકૂબના વંશજોને તેઓનાં પાપ જાહેર કર.

 ૨ તેઓ જાણે સાચા માર્ગે ચાલનારી પ્રજા હોય

અને ઈશ્વરના નિયમો કદી તોડતા ન હોય,+

એમ દરરોજ મને શોધે છે

અને મારા માર્ગો જાણવાની તમન્‍ના બતાવે છે.

તેઓ જાણે ઈશ્વરની પાસે આવવા માંગતા હોય,+

એમ મારી પાસે સાચો ન્યાય માંગે છે.

મેં જવાબ આપ્યો કે તમે ઉપવાસ કરો છો એ દિવસે તમે પોતાનો લાભ શોધો છો,

તમે પોતાના મજૂરો પર જુલમ ગુજારો છો.+

 ૪ તમારા ઉપવાસના દિવસે તકરાર અને ઝઘડા થાય છે,

તમે મારામારી કરો છો.

 ૫ શું મને એવા ઉપવાસ ગમે છે,

જ્યારે કોઈ પોતાને દુઃખી કરે,

પોતાનું માથું લાંબા ઘાસની જેમ નમાવે,

કંતાન અને રાખમાં પોતાની પથારી કરે?

તમે દુષ્ટતાની બેડીઓ કાઢી નાખો,

ઝૂંસરીનાં બંધનો ખોલી નાખો,+

જુલમ સહેનારાઓને આઝાદ કરો+

અને દરેક ઝૂંસરી ભાંગીને બે ટુકડા કરો.

 ૭ તમારી રોટલી ભૂખ્યા સાથે વહેંચો,+

ગરીબ અને નિરાધારને તમારા ઘરમાં આશરો આપો,

કપડાં વગરનાને કપડાં આપો+

અને સગાં-વહાલાંને પીઠ ન બતાવો.

તમારી સચ્ચાઈ તમારી આગળ જશે

અને યહોવાનું ગૌરવ તમારી રક્ષા કરવા પાછળ આવશે.+

જો તમે જુલમ કરવાનું છોડી દો,*

આંગળી ચીંધવાનું બંધ કરો અને ખરાબ વાતો કરવાનું છોડી દો,+

૧૦ તમે પોતે જે ચાહો છો એ ભૂખ્યાને આપો+

અને દીન-દુખિયાની સંભાળ રાખો,

તો તમારો પ્રકાશ અંધારામાં પણ ઝળહળી ઊઠશે,

તમારું તેજ બપોરના પ્રકાશ જેવું થશે.+

૧૧ યહોવા તમને કાયમ માર્ગદર્શન આપશે,

સૂકી ભૂમિમાં પણ કશાની ખોટ પડવા નહિ દે.+

તમે સારી રીતે પાણી પાયેલા બગીચા જેવા,+

સતત વહેતા પાણીના ઝરા જેવા બનશો.

તમે તૂટેલી દીવાલો ઊભી કરનારા* કહેવાશો,+

રસ્તાઓ પાસેનાં ઘરો ફરીથી બાંધનારા કહેવાશો.

૧૩ જો તમે મારા પવિત્ર દિવસે, સાબ્બાથના દિવસે પોતાનો લાભ ન શોધો,+

જો સાબ્બાથનો દિવસ, યહોવાનો પવિત્ર દિવસ, માન-મહિમાને યોગ્ય દિવસ ઘણી ખુશીથી પાળો,+

જો પોતાનો ફાયદો જોવાને બદલે અને નકામી વાતો કરવાને બદલે એ દિવસ મોટો મનાવો,

૧૪ તો યહોવાને લીધે તમને પુષ્કળ આનંદ થશે.

પૃથ્વીની ઊંચી ઊંચી જગ્યાઓ હું તમારા હાથમાં સોંપી દઈશ+

અને તમારા પૂર્વજ યાકૂબના વારસાનો તમને આનંદ માણવા દઈશ,*+

કેમ કે યહોવા એવું બોલ્યા છે.”