યશાયા

 ૫ યહોવાએ દુષ્ટોનો દંડો તોડી નાખ્યો છે,

શાસકોની લાકડી ભાંગી નાખી છે.+

 ૭ હવે આખી પૃથ્વી રાહતનો શ્વાસ લે છે, કોઈ ધાંધલ-ધમાલ નથી,

લોકો ખુશીથી પોકારી ઊઠે છે.+

 ૮ તારા હાલ જોઈને ગંધતરુનાં* વૃક્ષો

અને લબાનોનના દેવદાર પણ ખુશાલી મનાવે છે.

તેઓ કહે છે, ‘સારું થયું તું પડ્યો,

હવે કોઈ કઠિયારો અમને કાપવા આવતો નથી.’

 ૯ તું નીચે કબરમાં* આવે છે ત્યારે,

તને મળવા ત્યાં ખળભળાટ મચી જાય છે.

મરણની ઊંઘમાંથી ઉઠાડે છે,

બધા દેશોના રાજાઓને રાજગાદી પરથી ઊભા કરે છે.

૧૦ તેઓ બધા તને પૂછશે,

‘શું તું પણ અમારી જેમ કમજોર થઈ ગયો છે?

૧૧ તારું અભિમાન કબરમાં* ઉતારી દેવામાં આવ્યું છે,

તારાં તારવાળાં વાજિંત્રોનો અવાજ બંધ પડી ગયો છે.+

તારી પથારી કીડાઓથી ખદબદે છે

અને તને અળસિયાંની ચાદર ઓઢાડેલી છે.’

૧૨ ઓ ચમકતા તારા, પરોઢના દીકરા,

તું ઉપર આકાશમાંથી કેવો પડ્યો!

બીજા દેશોને ધૂળ ચાટતા કરનાર,

તું પોતે કેવો ધૂળ ચાટતો થયો!+

ઉત્તરના દૂરના ભાગમાં આવેલા+

સભાના પર્વત પર હું બેસીશ.

૧૫ પણ તને તો નીચે કબરમાં,*

સૌથી ઊંડા ખાડામાં નાખવામાં આવશે.

તેઓ તારો વિચાર કરતા કહેશે,

‘શું આ એ માણસ નથી, જેણે ધરતી ધ્રુજાવી હતી

અને રાજ્યો થરથર કંપાવ્યાં હતાં?+

૧૭ તેણે વસ્તીવાળી પૃથ્વીને વેરાન બનાવી દીધી હતી

અને એમાંનાં શહેરોને ઊથલાવી નાખ્યાં હતાં.+

૧૮ પ્રજાઓના સર્વ રાજાઓ

હા, તેઓ બધા પોતાની કબરમાં

પૂરા માનથી દફનાવાયા છે.

૧૯ પણ તને કબરમાં દફનાવવામાં નથી આવ્યો,

નકામી ડાળીની જેમ ફેંકી દેવામાં આવ્યો છે.

તું તલવારથી કતલ થયેલાં મડદાંથી ઢંકાયેલો છે,

જે મડદાં પથ્થરોના ખાડામાં ઊતરી જાય છે.

૨૦ તેઓની જેમ તને કબરમાં દફનાવવામાં નહિ આવે,

કેમ કે તેં તારા પોતાના વતનનો વિનાશ કર્યો છે,

તેં તારા પોતાના લોકોનો સંહાર કર્યો છે.

તેના દીકરાઓની કતલની તૈયારી કરો,

જેથી તેઓ પૃથ્વી પર રાજ કરવા ઊભા ન થાય

૨૫ હું આશ્શૂરને* મારા દેશમાં કચડી નાખીશ,

મારા પર્વતો પર તેને છૂંદી નાખીશ.+

મારા લોકો પરથી તેની ઝૂંસરી હટાવી લઈશ,

તેઓના ખભા પરથી તેનો બોજો ઉઠાવી લઈશ.”+

૨૬ આખી ધરતી વિરુદ્ધ આ નક્કી કરવામાં આવ્યું છે,

બધી પ્રજાઓ વિરુદ્ધ તેમનો હાથ ઉગામેલો છે.

૨૭ સૈન્યોના ઈશ્વર યહોવાએ જે નક્કી કર્યું છે,

એને પૂરું થતા કોણ રોકી શકે?+

તેમનો હાથ ઉગામેલો છે,

એને કોણ પાછો વાળી શકે?+

૨૯ “ઓ પલિસ્ત, તને મારનાર લાકડી ભાંગી નંખાઈ છે,

પણ તું બહુ ખુશ ન થા.

સાપના વંશમાંથી*+ ઝેરીલો સાપ નીકળશે,+

એનું સંતાન વીજળીની ઝડપે ઊડતા સાપ* જેવું થશે.

૩૦ લાચારનો પ્રથમ જન્મેલો* ધરાઈને ખાશે

અને ગરીબ સલામતીમાં ઊંઘી જશે.

પણ હું તારા લોકોને* દુકાળમાં ભૂખે મારીશ

અને તારામાંથી બચી ગયેલા લોકોનો સંહાર કરીશ.+

ઉત્તરમાંથી ધુમાડાની જેમ સૈનિકો ચઢી આવે છે,

તેઓમાંથી કોઈ પાછળ રહી જતો નથી.”