મારી આરાધના સાંભળી લે

૧. હે દરિયા દિલ હે દયાળુ સાગર

ખોલીને દિલ તને કરું પોકાર

આવું યહોવા હું તારે દ્વારે

માથું નમાવીને તારે ચરણે

કાચી માટીનું હું છું એક ઠીકરું

મારી આરાધનાને સાંભળી લે તું

ઘોર અપરાધોને ક્ષમા કરી દે

મારી ભૂલચૂકને તું માફ કરી દે

૨. મારાં વ્હેતાં આંસુઓની નદી

રેડું છું હું આજે તારે ચરણે

તારા સિંહાસનમાંથી નીતરે છે

અમૃત પી લઉં તારી વાણીનું એ

દુનિયામાં તારા સિવાય કોણ મારું

તારે દ્વારે દિનરાત બેસી રહું

હર પલ મુજને અહીં મળી રહે

તારો મીઠો પ્રેમ જે નહિ ખૂટે

૩. મૂક તારો પ્રેમાળ હાથ મારે માથે

આશિષ આપ, પ્રીતિ આપ, આપ તું શક્તિ

દોરી શકું જેથી તારે ચરણે

દુઃખી ગરીબ લાચાર સૌ જનોને

કોઈ નિરાશ દિલ આવે તારે દ્વારે

તો તું મીઠો આપીશ આવકાર એને

ઓ મારા પ્રભુ ઓ મારા ખુદા

આ છે મારી પ્રાર્થના આ છે દુઆ