ચાલું તારી સંગે

૧. હે યહોવા તું મારો હકીમ છો

મારી રગેરગને તપાસીને તું જો

જો ખોટ દેખાય કંઈ મારા જીવનમાં

પી લઈશ તારે હાથે, તું દે દવા મને રે

૨. ન બેસું હું મહેફિલમાં જેઓના

દિલમાં હોય કપટ ને હોય બડાઈ વાતોમાં

પાપી હાથનો ન લઉં કદી સંગાથ

તું પકડ મારો હાથ અને આપ તારો સાથ રે

૩. હું દૂર નહિ જાઉં તારા મંદિરેથી

કેમ કે ત્યાં તું મારા સઘળાં પાપ ધુએ છે

ખસીશ નહિ હું તારા આંગણથી

તારું પવિત્ર નામ ત્યાં સતત વહે છે રે