9 “Tereho Saréptape, oĩva Sidónpe, ha epyta upépe. Amandáta peteĩ viúdape omeʼẽ hag̃ua ndéve ne rembiʼurã”.+ 10 Upémarõ Elías osẽ oho Saréptape. Ha og̃uahẽvo pe siuda entrádape ohecha peteĩ viúda ombyatýva hína jepeʼa. Upépe haʼe ohenói chupe ha heʼi: “Eguerumína chéve michĩmi y hayʼu hag̃ua”.+

20 Ha haʼe hatã oñemboʼe Jehovápe: “Che Jára Jehová,+ che ningo aju kuri apyta ko viúda rógape, ¿ha rembosufríta piko avei chupe rehejávo omano imemby?”. 21 Upéi Elías 3 vése oñeno pe mitã ári ha oañuã chupe, ha ojerure asy Jehovápe: “Che Jára Jehová, emoingovemi jeýna ko mitãme”. 22 Ha Jehová ohendu Elías ñemboʼe+ ha pe mitã oikove jey.+ 23 Elías ohupi pe mitã ha omboguejy chupe pe koty yvateguágui ha ogueraha pe óga ryepýpe, ha omeʼẽ isýpe. Upépe Elías heʼi chupe: “¡Emañami, ne memby oikove jey!”.+

8 Peteĩ díape Eliseo oho Sunémpe,+ upépe oĩ vaʼekue peteĩ kuñakarai iñimportánteva, ha upe kuñakarai heʼi jey jey chupe opyta hag̃ua okaru.+ Ha haʼe ohasa jave upérupi, opyta katuete okaru upépe.

13 Upéi Eliseo heʼi Guehazípe: “Ikatu piko eremi chupe: ‘Nde ningo heta mbaʼéma rejapo orerehehápe,+ ¿mbaʼépa ikatu ajapo nderehehápe?+ ¿Reipotápa añeʼẽ nde favórpe pe rréipe+ térã pe ehérsito ruvichápe?’”. Péro pe kuñakarai heʼi chupe: “Che ningo aiko trankílo porã koʼápe che puévlope”. 14 Upéi Eliseo heʼi Guehazípe: “Upéicharõ, ¿mbaʼépa ikatu ajapo hesehápe?”. Ha Guehazí heʼi chupe: “Haʼe ningo naimembýi+ ha iména katu itujáma”. 15 Upepete Eliseo heʼi: “Ehenói chupe”. Upémarõ Guehazí ohenói chupe, ha pe kuñakarai ou oñemboʼy pe okẽme. 16 Upémarõ Eliseo heʼi: “Koʼã tiémpope pe áño oúvape nde reguerekótama nde jyva ári peteĩ mitãʼi”.+ Péro pe kuñakarai heʼi chupe: “¡Che karai, nde ningo Ñandejára siérvo! Anína péicha ndejapu chéve”.

17 Upéi pe kuñakarai hyeguasu ha oreko peteĩ mitãʼi pe áño sigiénte, pe tiémpo Eliseo heʼi haguépe chupe.